منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المواضيع الأخيرة

فصل الشتاء والمشكلات اللي بيسبّبها للبشرة والشعر والجسم وعلاجعها

استعرض الموضوع السابق استعرض الموضوع التالي اذهب الى الأسفل

avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمةsara love mido



هنتكلِّم عن فصل الشتاء والمشكلات اللي بيسبّبها للبشرة والشعر والجسم، من جفاف وتشققات وشعر باهت...

لوشن لترطيب الجسم
اللوشن ده هنعمله من نوعين من الزيوت بيعتبروا من أحب الزيوت للبشرة؛ وهما: زيت الورد وزيت اللوز الحلو...

وعايزة أقول لكم إننا لما نيجي نشتري زيوت، علشان نتأكّد إنها كويسة لازم نشتريها من عند عطار كويس ومضمون، ونشم رائحته كويس؛ لأن رائحة الزيت بتدل على صلاحيته وجودته، وكمان لونه؛ فمثلاً زيت اللوز الحلو بيكون لونه أصفر، وزيت الورد بيكون لونه أبيض شفاف، وريحة الورد ظاهرة جداً فيه..

وطريقة تحضير اللوشن بتكون كالتالي:
بنجيب زجاجة، وبنملأها لغاية الربع بزيت الورد، ونكمّل عليه بزيت اللوز الحلو، وبعد كده نرج الزجاجة كويس جداً.

واللوشن ده بنستخدمه بعد الحمام، بعد ما تكون البشرة اتعرّضت لكمية كبيرة من البخار، وبعد كده نبدأ ندهن جسمنا باللوشن، ويُفضّل إننا ما نجففش الجسم أوي قبل ما ندهن اللوشن، وكمان لازم نرج اللوشن كويس أوي قبل الاستخدام.

وبنعمل مساج رقيق للجسم بأطراف الإيد من تحت لفوق في اتجاه القلب، واللوشن ده بندهنه بالليل، قبل ما ننام.

ومع المداومة على اللوشن ده هنحصل على بشرة نضرة طرية وريحتها حلوة؛ بسبب زيت الورد، وكمان بيقضي على الشقوق والقشور والحبوب البسيطة اللي بتكون موجودة على بشرة الجسم.

ونصيحتي كمان علشان نحافظ على صحة وجمال بشرتنا، إننا نهتم بالنظافة الشخصية، وبنظافة الفوطة اللي بنستخدمها لتجفيف بشرتنا، ويُفضّل إننا نغسل الفوطة الخاصة بنا يومياً.

كريم اللانولين للبشرة شديدة الجفاف
معظمنا بيعاني جفاف في الإيدين والكعبين، وفي بشرة الجسم ككل في فترة الخريف والشتاء، وخاصة الستات اللي بيتعاملوا مع الصابون السايل في غسيل الأطباق، وبنبقى مش عارفين نستعمل كريم إيه، وإيه الأفضل؟!!

إزاي نعمل كريم ترطيب بنفسنا في البيت؛ علشان نكون واثقين من كل مكوّناته، ونستخدمه وإحنا متطمنين...

والكريم ده مكوّناته بسيطة جداً؛ وهي عبارة عن:
• قطعة لانولين في حجم عين الجمل "هتلاقيه عند أي عطار"
• ملعقة زيت زيتون
• ملعقة زيت لوز حلو
• ملعقة زيت جنين القمح
• ملعقة زيت جوجوبا
• ملعقة زيت ليمون
• ملعقة زيت مشمش

طريقة التحضير:
بنسيّح قطعة اللانولين في حمام مائي ساخن على النار، وأوّل لما يسيح هنبدأ نضيف مجموعة الزيوت اللي قلنا عليها بالترتيب، ونقلّبهم مع بعض لمدة دقيقة أو دقيقتين، علشان يندمجوا مع بعض.

وبعد كده نرفع الكريم اللي عملناه من على النار، ونحطّه في علبة زجاج أو أركوبال لها غطاء، ونسيبه يبرد شوية، وبعد كده نحطّه في الثلاجة لمدة ليلة كاملة، ولما نيجي نطلعه من الثلاجة هنلاقيه زي الكريم، ولكن لو سبناه بره هيبقى عامل زي الزيت اللزج، ويُفضّل إننا نحفظه في الثلاجة، ونطلعه بالليل علشان نستخدمه، وبعد كده نرجعه تاني.

والكريم ده بيدي نعومة للجسم والإيدين والركبتين والكعبين، بالإضافة إلى ريحته الجميلة اللي بيسيبها على الجسم.
وبالتوفيق للجميع :flower:

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

فصل الشتاء والمشكلات اللي بيسبّبها للبشرة والشعر والجسم وعلاجعها :: تعاليق

ام يوسف
اميره ماسيه
اميره  ماسيه
رقم عضويتك : 50
عدد المساهمات : 10294
الاوسمه :

مُساهمة في 12.11.10 14:48 من طرف ام يوسف

شكرا ليكي
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71021
الاوسمه :
العمل/الترفيه : طبيبه اسنان

مُساهمة في 11.11.11 1:13 من طرف كليوباترا

رااااااااااااااااااااائع يا ساره ربنا يكرمك يارب
avatar
sara love mido
اميره خياليه
اميره خياليه
رقم عضويتك : 10825
عدد المساهمات : 687
الاوسمه :
العمل/الترفيه : بحب كل الناس

مُساهمة في 13.11.11 12:21 من طرف sara love mido

ربنا يخاليكي يا كوكي بس الموضوع ده قديم كنت منزلها من الشتا اللي فات Smile

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى