منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 69815
الاوسمه :
العمل/الترفيه : طبيبه اسنان
15122013
معلومات مفيده لكل ست بيت شاطره
1-لو بتحبي تطحني بنفسك بعض البهارات في البيت زي الكمون و الكسبرة الناشفة وغيره .. قبل الطحن ... حمصيهم على خفيف على النار في طاسة . من غير زيت ولا اي حاجة طبعا .. هيفرقوا كتير اوي في النكهة و الريحة بعد ما تطحنيهم .

2 . لو مستعجلة على تتبيلة لحمة او فراخ او بفتيك .. ومش هتقدري تستني 5 ولا 6 ساعات .. تبليهم و حطيهم في كيس بلاستيك واقفلى عليها .. كده مفعول التتبيله هيبقي اسرع و هتشرب نكهة التتبيلة بسهوله .. وساعة ولا حاجة و ممكن تبدئي التحمير او الشوي

3 . لو بتغسلى الفراخ بالطريقة المعتادة الي هي تدعكيها بدقيق و خل و ملح و تشطفى ولقيتي لسه فية ريحة زفارة .. هاتي طمطماية طرية كده وادعكي بيها الفرخة كويس اوي و سيبيها عشر دقايق و الطماطم المهروسة عليها . و بعدين اشطفيها كويس هتلاقي مفيش اي اثر لريحة الزفارة

4 . من اسرار نجاح الرز ( للمبتدئات في موضوع الطبيخ ) انك تستني الاول على الماية الي هتحطي فيها الرز لحـــد ما تغلى .. و تكوني حاطة فيها مكعب ماجي و ملح وفلفل على خفيف و 4 فصوص حبهان .. غليت المايه خلاص .. حطي بقي الرز المغسول .. و هاتى الشياطة .. ووطي النار على الاخر .. وسيبي الرز يعيش اللحظة على نار هادية .. متسيبيهوش يغلى غلوتين و بعدين توطي .. اول ما تحطيه في الماية .. وطي على طول .. هتفرق كتير في طعمه لما بيتعمل على نار هادية.

5 . لو عاوزة مكعبات تلج نقيه .. شفافة .. شكلها فعلا جميل .. قبل ما تحطي الماية في القوالب المخصصة ليها .. ادي الماية غلوة عالسريع وبعدين صبيها و حطيها في الفريزر و هتشوفى الفرق


6 . لو عندك مشروم في التلاجة وشاكة في صلاحيته للاستخدام .. هتجيبي قطعة منه و ترشي عليها شوية ملح .. لو القطعة دي اسودت . سليم وزي الفل .. اتحولت للون الاصفر . باظ و متستخدميهوش ..

7 . لو عندك ابواب او دورف بتزيأأأ .. ادهني المفصلات بتاعتها بفازلين .. الصوت هيختفى تماما

8 . لو عندك سجادة او موكيت اتدلق عليهم حبر .. هتروحي تجيبي ملح و تغطي بيه مكان البقعة و تستني دقايق و بعدين بمعلقة صغيره هتلمي الملح الي هتلاقيه شرب شوية من الحبر . كرري الحكاية دي كام مرة لحد لما تبقي البقعة خفيفة .. وبعدين هاتي
فوطة طرفها مبلول بعصير ليمون .. وادعكي بالراحة المكان الي فيه البقعة هتلاقيها نضفت
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق

لا يوجد حالياً أي تعليق

استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى