وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ملف كامل لحل مشكله مظهر جلد الوزة و احتباس الشعر تحت الجلد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
26102013
مُساهمةملف كامل لحل مشكله مظهر جلد الوزة و احتباس الشعر تحت الجلد


ملف كامل لحل مشكله مظهر جلد الوزة و احتباس الشعر تحت الجلد
جلد الوزة و احتباس الشعر تحت الجلد





مرض جلد الإوزة أو الدجاجة: Goose skin مرض وراثى شائع يتميز بظهور حبيبات حمراء أو رمادية خشنة على بعض سطوح الجلد مثل أعلى الذراعين والظهر والأفخاذ والساقين مما يكسب الجلد فى هذه المناطق خشونة ويصبح أشبه بجلد الأوزة بعد إزالة الريش ،وتؤدي إلى انتصاب الشعر وحدوث القشعريرة وتنتج تلك الحالة من اضطراب فى عملية التقرن وتراكم الخلايا القرنية داخل مسام الجلد وفوهات الجريبات الشعرية والسبب نقص فيتامين أأ أ وذلك بسبب الإنفعال أو البرد أو الخوف ويرى الخبراء أن طبيعة عمل الشخص تؤثر على قوة المرض، فالعمل تحت ضغط كبير يجعل ظهور المرض أسهل، ويظهر المرض عادة فى سن الطفولة ويزداد شدة خلال فترة المراهقة ثم يصل إلى التحسن مع اطراد العمر وتعالج تلك الحالات بمراهم تحتوي على حامض السلسليك الذى يساعد على إذابة التجمعات القرنية ويضفي نعومة على الجلد ويمكن أيضا استخدام كريمات تحتوى على 10% يوريا وحديثا أثبت مركب التربتوفين وهو حامض فيتامين أ فعالية فى علاج مرض جلد الأوزة ويمكن استخدام مرهم Retin-A. ويقول الدكتور أندرو "هذا المرض لا يمكن تجنبه أو علاجه بشكل كامل". ولكن تساعد بعض الأدوية على التقليل من حجم هذا المرض وخاصة شكله الظاهري. ويقول الدكتور نيك لوي مستشار الأمراض الجلدية وأحد صانعي أدوية الأمراض الجلدية المشهورة وواسعة النجاح "هذا المرض منتشر بصورة كبيرة، هناك بعض المواد التي تساعد على تقليل إفراز الكيراتين، لكن لا يوجد حل نهائي للمرض، ". ولكن خبيرة التجميل ديبي توماس لها رأي آخر، فداخل صالون تجميل دانيال هيرشسون، فهي ترفض استخدام الأدوية في العلاج، وتستبدله بجلسات التدليك والعلاج تحت الأشعة الحمراء، والعلاج بالموجات اللاسلكية.ديبي تقول إن جلسة واحدة كافية لتشعر بتحسن كبير في حالة الجلد، فالتدليك والعلاج بالأشعة الحمراء يزيل الجلد الميت وينعش الجلد الجاف، وباستخدام بعض المستحضرات الطبية البسيطة مثل زيت اللوز فإن الجلد يتحسن شكله من أول جلسة، ولا يحتاج المريض في رأي ديبي إلى أكثر من أربع جلسات حتى يستطيع أن يمشي على الطريق مرتدياً ما يحلو له دون أن يخاف من شكل جلده المصاب.

لمعالجة الشعر اللى تحت الجلد


الشعر اللي تحت الجلد ده هو مرض جلدي اسمه بالانجليزي (Keratosis Pilaris) أو اختصاره ال KPs

طب إيه هو المدعوء ال KP ده؟
أنا اقولك يا ستي, ده المعروف بمظهر جلد الوزة أو الفرخة عشان بتظهر حبوب خشنة على سطح جلدك, و بيبقى عبارة عن تكوين الجسم لبروتين المسمى بالكرياتين بشكل زايد على الجلد حوالين بوصيلة الشعر, و غالبا بيظهر في الرجل والايد والمؤخرة (سوري يعني) وممكن يظهر في أي حتة تانية في الجسم تقريبا ماعدا كف الايد والأقدام, وهو مش مرض معدي ولا مؤذي, بس بيبقى ليه تأثير نفسي سلبي على المريض عشان الشكل اللي بيسببو.

طيب يا ترى ممكن اخف من المرض ده؟
هقولكم حاجة, بس ماتتخضوش بقى, اسمعوني للآخر. المرض ده مش بيتشفي منه بس ليه علاج و بيتعالج.

يعني ايه بقى, وهو إيه الفرق بين الشفاء والمعالجة؟
الشفاء يعني حالة مرضية تعالجيها وتخفي منها خالص وماترجعلكيش تاني بمجرد انتهائك من العلاج لكن المعالجة هو إنك تعالجيها وتتحسني بالعلاج بنسبة كبيرة جدا, لكن ممكن تضطري تستمري عليه حتى لو بجرعة اقل عشان ماترجعلكيش الحالة تاني.

طيب هو إيه شكله و أعرف إزاي إذا كان عندي أو لأ؟
هو له كذا شكل ومنظر, فيه منه اللي بتبقى حبوب ملتهبة وحمراء, و في منها حبوب مش ملتهبة وبيبقى محبوس تحتيها الشعرة, عموما أنا هوريكي صور ليه, على فكرة هي من على النت بس شبه اللي كانت عندي وكل واحدة أدرى باللي عندها


بس أنا عندي شعر تحت الجلد لكن شكله مش كده, هو كده أنا ما عنديش ال KP؟
لا يا ستي براءة, معندكيش, و اللي عندك ده ممكن يروح عادي بالتقشير والحمام المغربي وشوية ترطيب.

إيه ده بقى, أنا عندي الKP . معنى كده الحمام المغربي والتقشير و الترطيب ميعملوش حاجة؟
لا طبعا يساعد و بنسبة كبيرة كمان, ولازم ترطيب عشان الحالة دي بتسوء جدا في حالات الجلد الجاف أو شديد الجفاف. ومش هقولك الحمام المغربي مرتين في الشهر مهم إزاي, لو متقدريش تعملي حمام مغربي كل أسبوعين لكل جسمك , عالاقل لرجلك أو الحتت المصابة بس, المهم تشيلي الجلد الميت باستمرار. بس كلمة في ودنك بقى, ده مش كافي عشان تعالجي الحالة دي.

وإيه ممكن اعمله تاني غير التقشير والترطيب عشان اقلل الحالة دي؟
أولا: طريقة ازالة الشعر, يعني عليكي وعلى يا سويت يا شمع, فكك بقى من السيلكابيل والموس بالله عليكي.
ثانيا: فيتاميناتك بقى في ايدك ومايتك تحت باطك, هتبقي لوز إن شاء الله, يعني تاخدي فيتامين Eو A وتشربي مش اقل من 8 كوباية مية في اليوم
ثالثا: بلاش تستخدمي الصابون العادي في الحموم, يعني لو دوف أو شاور جل بجد يبقى أحسن بكتير, طبعا ده ماعدا الأيام اللي هتعملي فيها تكييس.
رابعا: : تاخدي تان... أنا عارفة قبل ماتشتموا لمعالجة الشعر اللى ده مش متوفر لمعظمنا وبيبقى حتى في أيام الصيف بس, لكن أنا بقولك بيساعد بنسبة كبيرة في حل المشكلة “مؤقتا” فـإن عرفتي يبقى خير وبركة.

أنا عايزة أعرف إيه أنواع الكريمات اللي ممكن تعالجه؟
جينا بقى للكلام المهم و ايه الكريمات الموضوعية اللي ممكن تتحط عشان إن شاء الله نحل المشكلة دي.
الاول أنا هقولك على المواد الكيميائية اللي بتساعد في تقشير الطبقة الخارجية للجلد وبتدوب طبقة الكرياتين دي و بعدين هقولك بتبقى متوفرة في انهو كريمات

المواد الكيميائية

حمض اللاكتيك: أو الحمض اللبني, وده اللي بنلاقي في اللبن طبعا, ممكن نعمل ماسكات داخل فيها لبن بودرة وممكن نستخدم الكريمات اللي هقولكم عليها بعدين.
الترتينوين: المادة دي بقى يعرفوها اللي عندهم حب شباب واتعالجو بكريمات داخل فيها المادة دي أو الحبوب زي رواكتان أو ايزوترتينوين, دي بتخلي الطبقة الخارجية للجلد بتنموا بسرعة وبتقلل نسبة الكرياتين وبالتالي الطبقة الخارجية بتبقى ارفع وسهل تتقشر و نسبة المسام المسدودة بتقل.
يوريا: المادة دي طبعا بتبقى مصنعة, عشان ماحدش يقلق من الاسم وإنه ليه علاقة بالبول, دي بتدوب طبقة الكيرياتين وبيبقى مرطب قوي جدا.
حمض الساليسيليك: الكريمات اللي فيها المادة دي بيبقى ليها تأثير مرطب قوي جدا على الجلد وبتساعد على تقليل شكل الحبوب دي.

الكريمات

الكرباميد: ايون, بتاع الرجلين والقشف ده, مستغربة ليه؟ الكرباميد فيه نسبة يوريا 10 جم لكل انبوبة 100 جم, ولو فتحتي النشرة بتاعتها وقريتيها, هتلاقيه بيقولك بيشيل الكرياتين الزائد عن الجلد الجاف وزيادة الكرياتين عموما. وانا شخصيا بحبه جدا جدا, على الاقل فعال وصباح الرخص بتاعه, يعني في الميزانية.




اكرتين 0.05%: ده فيه مادة الترتينوين, وبيستعمل في علاج حب الشباب, بس اثبت فاعلية في علاج الحالة بتاعتنا ودكاترة كتير بيوصفوة, إنتي بس هتستحملي التقشير اللي هيعملهولك ويا ريت ماتسيبيش الترطيب وانتي بتستخدميه, سعره رخيص برضه وفي الميزانية.



ده فيه مادة الترتينوين, وبيستعمل في علاج حب الشباب, بس اثبت فاعلية في علاج الحالة بتاعتنا ودكاترة كتير بيوصفوة, إنتي بس هتستحملي التقشير اللي هيعملهولك ويا ريت ماتسيبيش الترطيب وانتي بتستخدميه, سعره رخيص برضه وفي الميزانية, بس خلي بالك بقى لو إنتي حامل أو بترضعي أو عندك اكزيما بلاش تستخدميه خالص, و استخدمي كريم تاني بداله.

أفين اكيرات: ده بقى فيه توليفة من المواد اللي قلنا عليها ماعدا الترتينوين ومزودين شوية محبة من عندهم كمان, هو مستورد وفرنساوي, بس عيبه إنه غالي, يعني العلبة ال200 مل تعملها 120 جنيه, وأنا ملقتهوش غير في صيدلية مصر بس هو قوي جدا وترطيبة عالي.





طيب خلاص أنا عرفت هستخدم انهو كريم, أعمل إيه بقى دلوقتي؟؟
ولا حاجة, إنتي هتروحي تشتري الكريم زي الشاطرة وتعملي زي ماهقولك دلوقتي كل يوم قبل ماتنامي

أولا: يا ريت بجد تحاولي تاخدي دش دافي عالسريع كده قبل معاد نومك وقبل مانحط الكريم, مش هتقدري تاخدي دش دافي؟ يبقى أقفي في البانيو أو الدش واغسلي رجلك أو الحتت المصابة بمية دافية وصابون دوف أو شاور جل عالسريع. عارفين ليه بقولكم شاور دافي؟ عشان مسامك تبقى مفتوحة وجسمك يتشرب الكريم بسهولة ونتيجه تبقى أحسن إن شاء الله.
ثانيا: نشفتي نفسك وخرجتي من الحمام؟ جمييل جدا, يلا ندهن الكريم حلو قوي, وتدعكي كويس لحد ماجلدك يتشربو.
ثالثا: لفي رجلك بكيس سلوفان اللي بيتلف فيه الجبنة والحاجات دي, لو مفيش, يبقى كيس بلاستيك عادي, والبسي بنطلون ستريتش عليه أو لجينجس, اللي عندك, ونامي بقى و ابقي فكيه الصبحية, وعلى فكرة الحركة دي بتخلي الجسم يستفيد من الكريم لأقصى درجة.

لو فضلت أعمل ده كل يوم, هخف امتى؟
على حسب الحالة اللي عندك, بس اديها من شهر ل 4 شهور إن شاء الله و تبقي زي الفل
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ملف كامل لحل مشكله مظهر جلد الوزة و احتباس الشعر تحت الجلد :: تعاليق

لا يوجد حالياً أي تعليق
 

ملف كامل لحل مشكله مظهر جلد الوزة و احتباس الشعر تحت الجلد

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: