منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
hoba mohamed
اميره خياليه
اميره خياليه
رقم عضويتك : 8504
عدد المساهمات : 822
الاوسمه :
العمل/الترفيه : النت/التطريز/الطبخ/القراءه
04112010


السلام عليكم ورحمه الله وبركاته

ازيكوا يا احلى بنات

انا جايبلكوا فكره يارب تعجبكوا ويبقى فيها تفاعل لان اهم حاجه فى الموضوع ده التفاعل

احنا طبعا فى اكلات كتير بتاعه زمان الى ماما وستو بيعملوها وللاسف الايام دى راحت عليها وبننساها وحل مكانها غالبا الاكلات السريعه +هيبقى فى موسوعه لاشهر طرق طهى السمك المصرى
انا بقى هاخد رايكوا فى حاجتين هيمشى ع اساسها الموضوع
1/لو مثلا اى اميره تدخل تطلب اكله معينه ومش عارفه ايه طريقه عمايلها ( اكله طبعا من بتوع زمان البلدى )
2/ لو عاوزينى انا الى انزل الاكلات كلها من غير ما حد يطلب فانا مش عارفه ايه اكتر حاجه يريحكوا
انا عاوزاكوا تردوا عليا سواء عجبتكوا الفكره او لا وتقوليلى رايكوا انهو حل من الاتنين الى هيبقى كويس
اتمنى الاهتمام والرد يا بنوتات

I love you I love you I love you I love you I love you I love you :
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

تسلم ايديكي يا هوبا على كل الاكلات دي ومنتظرين منك المزيد
avatar
الله يسلمك يا قمر نورتينى بجد ومرسى ع تشجيعك I love you
avatar
طريقه عمل الشكشوووووووووكه

انا حاسه ان طبعا فى بنات كتير هتقول ايه هى الشكشوكه دى وممكن فى بنات تعرفها هى اكله حلوه اوى وسهله جدا ومش بتاخد اى وقت ومش مكلفه كمان ممكن تتعمل فى الفطار او الغدا لو عاوزه تطبخى حاجه بسرعه وممكن فى العشا يعنى اكله ثلاثيه الابعاد هههههههه

المقادير


4 بيضات

عدد 2 طماطم ( مقطعه مكعبات صغيره )

عدد 1 او 2 فلفل رومى اخضر ( مقطعه مكعبات صغيره )

ملح/فلفل اسمر /زيت


طريقه العمل


نقدح الزيت ونحمر فيه البصل لحد ما يدبل ونحط فوقه الفلفل الاخضر ياخد تشويحه مع البصل وبعد ما نلاحظ ان البصل بقى لونه اصفر نحط مكعبات الطماطم ونسيبها اما تتسبك شويه
نرب بقى البيض بالملح بتاعنا والفلفل الاسمر ونحطه فوق التسبيكه ونفضل نقلب عشان مش تلزق ولحد ما نحس انها نشفت من اى ميه فيها ونشيلها من ع النار ( انا بسيبها لحد ما تلدع شويه بتعطى طعم حلو اوى فيها تلدع مش تتحرق هههههههه انا بحبها كده انتوا ممكن تسيبوها لحد تنشف من اى ميه بس )

وتتقدم بقى مع عيش ومخلل وبطاطس محمره وبتنجان مقلى
وبالهنا والشفا I love you ;)
موضوع رائع ومفيد جدا وواضح ان انتى استاذة وست بيت هايلة ربنا يكرمك على مجهودك الرائع ومنتظرين الجديد
ازيك يا هوبا اخبارك اايه عاوزة اسالك على طريقه عمل مكرونه تكون جديده وطعمها حلو وفي نفس الوقت تكون خفيفه ومتخنش
اصل احنا عندنا كرتونه مكرونه قلم ومش عارفين نعمل بيها ايه وزهقت من المكرونه بالبشاميل والله يخليكي ابعديني عن السي فود عشان مش بحبه
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى