منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 29 عُضو متصل حالياً :: 0 عضو مُسجل, 0 عُضو مُختفي و 29 زائر :: 1 روبوت الفهرسة في محركات البحث

لا أحد

شاطر
استعرض الموضوع السابقاستعرض الموضوع التالي
avatar
hoba mohamed
اميره خياليه
اميره خياليه
رقم عضويتك : 8504
عدد المساهمات : 822
الاوسمه :
العمل/الترفيه : النت/التطريز/الطبخ/القراءه
04112010


السلام عليكم ورحمه الله وبركاته

ازيكوا يا احلى بنات

انا جايبلكوا فكره يارب تعجبكوا ويبقى فيها تفاعل لان اهم حاجه فى الموضوع ده التفاعل

احنا طبعا فى اكلات كتير بتاعه زمان الى ماما وستو بيعملوها وللاسف الايام دى راحت عليها وبننساها وحل مكانها غالبا الاكلات السريعه +هيبقى فى موسوعه لاشهر طرق طهى السمك المصرى
انا بقى هاخد رايكوا فى حاجتين هيمشى ع اساسها الموضوع
1/لو مثلا اى اميره تدخل تطلب اكله معينه ومش عارفه ايه طريقه عمايلها ( اكله طبعا من بتوع زمان البلدى )
2/ لو عاوزينى انا الى انزل الاكلات كلها من غير ما حد يطلب فانا مش عارفه ايه اكتر حاجه يريحكوا
انا عاوزاكوا تردوا عليا سواء عجبتكوا الفكره او لا وتقوليلى رايكوا انهو حل من الاتنين الى هيبقى كويس
اتمنى الاهتمام والرد يا بنوتات

I love you I love you I love you I love you I love you I love you :
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
avatar
طبعا احنا داخلين ع الشتا فانا جبت اكله شتويه تماااااااام وبتعمل مفعول خيالى كانك قاعد فى فرن ههههههههههههههه طبعا عارفينها وهى
العدس الشووووربه المعتبر Very Happy

طريقه عمل العدس الشوربه

المقادير

1/ ربع ك عدس اصفر

2/ جزره متوسطه الحجم

3/ بصله متوسطه الحجم

4/بطاطسايه صغيره / حسب الرغبه

5/ عدد 2 او3 فصوص توم كبيره

6/شعريه شعر والكميه حسب الرغبه (ويفضل كميه الشعريه متبقاش كتير اوى عشان مش تلظلظ اما تستوى Very Happy:D
7/ شطه وملح

8/ طماطمايه واحده متوسطه الحجم

9/كميه قليله زيت وسمنه

10/ للتقليه 2 فص توم مدقوق وبصله صغيره مبشوره
الطريقه

نجيب حله ونحط فيها العدس بعد تنضيفه وغسله والجزر متقطع شرايح رقيقه عشان يستوى كويس والبطاطسايه مقطعه مكعبات والبصله تتقطع اربعه والطماطمايه مقطعه اربعه والتوم ونحط كميه ميه كافيه لسلقه ونحط الحله ع النار وبعد ما يستوى العدس كويس نسيب الخليط يبرد شويه ونضربه فى الخلاط
نحط الزيت والسمنه فى حله ونسخنه ونحمر الشعريه لغايه ما تبقى وردى نحط الخليط فوقه ونقلب كويس عشان الشعريه مش تلزق فى ارضيه الحله لحد ما الشعريه تستوى ونحط الملح والشطه حسب الرغبه
نحمر البصله فى شويه زيت صغيرين لحد ما تصفر نحط التوم عليه لحد ما ياخدوا الاتنين لون وردى ونحطهم ع وش الحله ونغطيها
نقدمه فى طبق ونزينه بورق بقدونس
وبالهنا والشفا ;)

عدل سابقا من قبل hoba mohamed في 06.11.10 11:55 عدل 1 مرات
avatar
يالا يا بنات بقى عاوزه رايكوا فى الاكلات الى نزلت شجعوووووووووووووونى Very Happy
حلوة يا هبهوبة وبتاعة سد الحنك دى حلوة :lol:
avatar
بارك الله فيك يا ايمى منورانى والله وانا عارفه ان سد الحنك جايه ع هواكى تموتى انتى فى الحاجات الحلوه ;) وايه رايك فى العدس اكلتنا المفضله هههههههههه ;)
avatar
يا جامد موضوع تحفه بجد تم التقييييم طبعا
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى