منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
poty poty
اميره رائعه
اميره رائعه
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه
01112010

default تارت البستافلورا الجامد

تقييم المساهمة: 100% (1)


ازيكم يا احلى اميرات عاملين ايه

ده اول موضوع ليا اشترك بيه في المنتدي الجميل ده ويارب يعجبكم
انا قولت اجيبلكم اكتر حاجه انا بحب اكلها واعملها في البيت وكل اللي اخواتي بيطلبوها مني على وهي البستا فلورا معرفش اذا كنتوا عارفينها ولا لاء بس اكيد في كتير منكم عارفها
معلش طولت عليكم

المقادير
3 كوب دقيق
اكوب سكر
اكوب سمن
3 بيضات كبار
فانيليا
3 ملعقه صغيره بيكنج باودر
مربى فراوله لتزين الوجه او اي نوع تاني بس انا عن نفسي بحبها اكتر بالفراوله كل واحده حسب نوع المربى اللي تفضله وانا على فكرة بجيب فراجللو اللي برطمان بلاستيك دي لانها بتبقى اسهل من فردها من فيتراك مش بتبقى قطع

الطريقه
اول حاجه نولع الفرن عشان يبقى ساخن وجاهز على ما نخلص التارت
نضرب السكر والسمنه مع بعض بالمضرب الكهربائي لحد ما يبقى الخليط ابيض وهش زي القشطه وبعد كده نضيف البيض بيضه بيضه ثم الفانيليا وبعد كده طبعا نكون ناخلين الدقيق والبيكنج باودر وخالطينهم على بعض نضيفهم شويه بشويه ونخلطهم بايدينا لغايه اما تبقى عجينه متماسكه زي عجينه البيتزا والتارت
تفرد العجينه بسمك 1ونص سم في صينيه مقاس 28 وبعد كده نحط مربى الفراوله على وش الصينيه بس نبعد عن الاطراف وطبعا هيتبفى جزء من العجينه وجزي كبير مش صغير على فكرة هنعمل ايه بقى هنشكله على شكل اصابع مبرومه في حجم مابين الباتون ساليه والبقسماط ونشكل الوش بالاصابع دي بوضعها على اطرالف الصينيه وبعد كده هنعمل بيها مربعات على الوش عن طريق رصها بالطول ثم بالعرض وبعدين نحطها في الفرن لمده نص ساعه في فرن متوسط او لغايه اما تستوي
وبعد كده طلعيها من الفرن وسيبيها تبرد وبعد كده قطعيها وقدميها مع الشاي او النسكافيه بجد بيبقى طعمها تحفه معاهم بجد ولعى فكرة طعمها وهي لسه طالعه من الفرن فظيع بس مش هتعرفي تقطيعها حلو وبالهنا والشفا
يارب تعجبكم كان نفسي يبقى ليها صور اوريهالكم بس وعد مني اول ما اعملها هوريكم شكلها
على فكرة دي طريقتي انا مش نقلتها من حته

مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
وطبعا بعد ما نضيف البيض واحدة واحدة والفانيليا هنضربهم بالمضرب الكهربا
والدقيق بس اللي هو اخر حاجة هنعجنو بايدينا
avatar
تسلم ايديك يا سكر ان شاء الله اجربها بس انا عايزه اعرف ازاى اكتب موضوع كده اشارككم فيه انا مش عارفه ممكن حد يساعدنى
ميرسي ليكي يا سمر يا جميله على مرورك بس انا هقولكك على حاجه في مربى دايت ممكن تجيبيها واعتقد ان المرب سعراتها اقل بكتير من الكريمه اللباني
وانتي بضيفي بيضه بيضه بتضربيهم بالمضرب الكهربا الدقيق بس اللي بتعجنيه بايدك عشان تعرفي العجينه اتعجنت كويس ولا لاء
frozenrose
تسلم ايديك يا سكر ان شاء الله اجربها بس انا عايزه اعرف ازاى اكتب موضوع كده اشارككم فيه انا مش عارفه ممكن حد يساعدنى

ميرسي ليكي انتي يا جميل وان شاء الله تعجبك ولما تعمليها قوليلنا ايه رايك فيها حتى لو معجبتكيش
avatar
في 14.11.10 20:03سمر محمد
ميرسي يا قمر على اهتمامك
انا بهزر
ريجيم ايه وكلام فارغ ايه
الاكل الجميل ما يتفوتش
بس انا مش بحب المربى غير بالقشطة واكلها بعيش لبناني او فينو
فهل الكاستر او الكريمة اللباني تنفع .؟
وطبعا الفاكهة
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى