تارت البستافلورا الجامد

صفحة 4 من اصل 4 الصفحة السابقة  1, 2, 3, 4

استعرض الموضوع السابق استعرض الموضوع التالي اذهب الى الأسفل

poty poty
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه

مُساهمةpoty poty



ازيكم يا احلى اميرات عاملين ايه

ده اول موضوع ليا اشترك بيه في المنتدي الجميل ده ويارب يعجبكم
انا قولت اجيبلكم اكتر حاجه انا بحب اكلها واعملها في البيت وكل اللي اخواتي بيطلبوها مني على وهي البستا فلورا معرفش اذا كنتوا عارفينها ولا لاء بس اكيد في كتير منكم عارفها
معلش طولت عليكم

المقادير
3 كوب دقيق
اكوب سكر
اكوب سمن
3 بيضات كبار
فانيليا
3 ملعقه صغيره بيكنج باودر
مربى فراوله لتزين الوجه او اي نوع تاني بس انا عن نفسي بحبها اكتر بالفراوله كل واحده حسب نوع المربى اللي تفضله وانا على فكرة بجيب فراجللو اللي برطمان بلاستيك دي لانها بتبقى اسهل من فردها من فيتراك مش بتبقى قطع

الطريقه
اول حاجه نولع الفرن عشان يبقى ساخن وجاهز على ما نخلص التارت
نضرب السكر والسمنه مع بعض بالمضرب الكهربائي لحد ما يبقى الخليط ابيض وهش زي القشطه وبعد كده نضيف البيض بيضه بيضه ثم الفانيليا وبعد كده طبعا نكون ناخلين الدقيق والبيكنج باودر وخالطينهم على بعض نضيفهم شويه بشويه ونخلطهم بايدينا لغايه اما تبقى عجينه متماسكه زي عجينه البيتزا والتارت
تفرد العجينه بسمك 1ونص سم في صينيه مقاس 28 وبعد كده نحط مربى الفراوله على وش الصينيه بس نبعد عن الاطراف وطبعا هيتبفى جزء من العجينه وجزي كبير مش صغير على فكرة هنعمل ايه بقى هنشكله على شكل اصابع مبرومه في حجم مابين الباتون ساليه والبقسماط ونشكل الوش بالاصابع دي بوضعها على اطرالف الصينيه وبعد كده هنعمل بيها مربعات على الوش عن طريق رصها بالطول ثم بالعرض وبعدين نحطها في الفرن لمده نص ساعه في فرن متوسط او لغايه اما تستوي
وبعد كده طلعيها من الفرن وسيبيها تبرد وبعد كده قطعيها وقدميها مع الشاي او النسكافيه بجد بيبقى طعمها تحفه معاهم بجد ولعى فكرة طعمها وهي لسه طالعه من الفرن فظيع بس مش هتعرفي تقطيعها حلو وبالهنا والشفا
يارب تعجبكم كان نفسي يبقى ليها صور اوريهالكم بس وعد مني اول ما اعملها هوريكم شكلها
على فكرة دي طريقتي انا مش نقلتها من حته

صفحة 4 من اصل 4 الصفحة السابقة  1, 2, 3, 4

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تارت البستافلورا الجامد :: تعاليق
poty poty
اميره رائعه
اميره رائعه
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه

مُساهمة في 08.12.10 1:32 من طرف poty poty

maha salah كتب:ميرسي ليكي علي الوصفة الحلوة دي انا عايزة اجربها بس عندي سؤال هوا الاصابع الطوليه اللي هيا حول الاطراف احنا بنحطها حول التارت والباقي علي شكل مربعات علي الوش ياريت بس توضحيلي الجزء ده علشان لما شفت الصورة مفهمتش الاطراف بقي شكلها كده ازاي
مشكورة حبيبتي علي المجهود الرائع Very Happy
ايوة يا جميل بنحطها حوالين التارت ولما تجربيها ابقى قةليلنا على النتيجه وطلعت ازاي
avatar
داليا احمد
اميره رائعه
اميره رائعه
رقم عضويتك : 7
عدد المساهمات : 411
الاوسمه :
العمل/الترفيه : ليسانس حقوق

مُساهمة في 08.12.10 3:24 من طرف داليا احمد

انا بحبها قوى تسلم ايدك حجرب اعملها وابقى اقولك على النتيجة
poty poty
اميره رائعه
اميره رائعه
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه

مُساهمة في 08.12.10 3:28 من طرف poty poty

داليا احمد كتب:انا بحبها قوى تسلم ايدك حجرب اعملها وابقى اقولك على النتيجة

تسلمي يا قمر على مرورك وابقى عرفينا ايه النتيجه بعد ما تعمليها

صفحة 4 من اصل 4 الصفحة السابقة  1, 2, 3, 4

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى