منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 24 عُضو متصل حالياً :: 0 عضو مُسجل, 0 عُضو مُختفي و 24 زائر :: 2 عناكب الفهرسة في محركات البحث

لا أحد

شاطر
استعرض الموضوع السابقاستعرض الموضوع التالي
poty poty
اميره رائعه
اميره رائعه
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه
01112010

default تارت البستافلورا الجامد

تقييم المساهمة: 100% (1)


ازيكم يا احلى اميرات عاملين ايه

ده اول موضوع ليا اشترك بيه في المنتدي الجميل ده ويارب يعجبكم
انا قولت اجيبلكم اكتر حاجه انا بحب اكلها واعملها في البيت وكل اللي اخواتي بيطلبوها مني على وهي البستا فلورا معرفش اذا كنتوا عارفينها ولا لاء بس اكيد في كتير منكم عارفها
معلش طولت عليكم

المقادير
3 كوب دقيق
اكوب سكر
اكوب سمن
3 بيضات كبار
فانيليا
3 ملعقه صغيره بيكنج باودر
مربى فراوله لتزين الوجه او اي نوع تاني بس انا عن نفسي بحبها اكتر بالفراوله كل واحده حسب نوع المربى اللي تفضله وانا على فكرة بجيب فراجللو اللي برطمان بلاستيك دي لانها بتبقى اسهل من فردها من فيتراك مش بتبقى قطع

الطريقه
اول حاجه نولع الفرن عشان يبقى ساخن وجاهز على ما نخلص التارت
نضرب السكر والسمنه مع بعض بالمضرب الكهربائي لحد ما يبقى الخليط ابيض وهش زي القشطه وبعد كده نضيف البيض بيضه بيضه ثم الفانيليا وبعد كده طبعا نكون ناخلين الدقيق والبيكنج باودر وخالطينهم على بعض نضيفهم شويه بشويه ونخلطهم بايدينا لغايه اما تبقى عجينه متماسكه زي عجينه البيتزا والتارت
تفرد العجينه بسمك 1ونص سم في صينيه مقاس 28 وبعد كده نحط مربى الفراوله على وش الصينيه بس نبعد عن الاطراف وطبعا هيتبفى جزء من العجينه وجزي كبير مش صغير على فكرة هنعمل ايه بقى هنشكله على شكل اصابع مبرومه في حجم مابين الباتون ساليه والبقسماط ونشكل الوش بالاصابع دي بوضعها على اطرالف الصينيه وبعد كده هنعمل بيها مربعات على الوش عن طريق رصها بالطول ثم بالعرض وبعدين نحطها في الفرن لمده نص ساعه في فرن متوسط او لغايه اما تستوي
وبعد كده طلعيها من الفرن وسيبيها تبرد وبعد كده قطعيها وقدميها مع الشاي او النسكافيه بجد بيبقى طعمها تحفه معاهم بجد ولعى فكرة طعمها وهي لسه طالعه من الفرن فظيع بس مش هتعرفي تقطيعها حلو وبالهنا والشفا
يارب تعجبكم كان نفسي يبقى ليها صور اوريهالكم بس وعد مني اول ما اعملها هوريكم شكلها
على فكرة دي طريقتي انا مش نقلتها من حته

مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

في 14.11.10 20:50بسمه صلاح السعدي
انا بحب الباستا فلورا اويييييي بس للاسف عملتها مره قبل كده وكانت فاشله جدااااااااااااااا وطبعا اكلتها وحدي والباقي اترما Sad :roll:
اجرب اعملها تاني واقولك بقا النتيجه ...ربنا يسترررررر
في 14.11.10 20:56بسمه صلاح السعدي
بس قوليلي انا طلعت معايا مش عاليه زي اللي فى الصورة....هيا المفروض تطلع كده ولا هيا عشان باظت؟
@سمر محمد كتب:ميرسي يا قمر على اهتمامك
انا بهزر
ريجيم ايه وكلام فارغ ايه
الاكل الجميل ما يتفوتش
بس انا مش بحب المربى غير بالقشطة واكلها بعيش لبناني او فينو
فهل الكاستر او الكريمة اللباني تنفع .؟
وطبعا الفاكهة
بصي يا جميل اصل الباستافلورا هو ان حشوها يكون بالمربى لكن لو عملتي الحشو حاجه تانيه ده يبقى تارت تاني
@بسمه صلاح السعدي كتب:بس قوليلي انا طلعت معايا مش عاليه زي اللي فى الصورة....هيا المفروض تطلع كده ولا هيا عشان باظت؟
ان شاء الله يا جميل تطلع حلوة بس لازم تقوليلنا النتيجه بعد ما تجربيها
بصي هي بتبقى بارتفاع حوالي 3 سم بعد ما تستوي
ميرسي ليكي علي الوصفة الحلوة دي انا عايزة اجربها بس عندي سؤال هوا الاصابع الطوليه اللي هيا حول الاطراف احنا بنحطها حول التارت والباقي علي شكل مربعات علي الوش ياريت بس توضحيلي الجزء ده علشان لما شفت الصورة مفهمتش الاطراف بقي شكلها كده ازاي
مشكورة حبيبتي علي المجهود الرائع Very Happy
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى