تارت البستافلورا الجامد

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

poty poty
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه

مُساهمةpoty poty



ازيكم يا احلى اميرات عاملين ايه

ده اول موضوع ليا اشترك بيه في المنتدي الجميل ده ويارب يعجبكم
انا قولت اجيبلكم اكتر حاجه انا بحب اكلها واعملها في البيت وكل اللي اخواتي بيطلبوها مني على وهي البستا فلورا معرفش اذا كنتوا عارفينها ولا لاء بس اكيد في كتير منكم عارفها
معلش طولت عليكم

المقادير
3 كوب دقيق
اكوب سكر
اكوب سمن
3 بيضات كبار
فانيليا
3 ملعقه صغيره بيكنج باودر
مربى فراوله لتزين الوجه او اي نوع تاني بس انا عن نفسي بحبها اكتر بالفراوله كل واحده حسب نوع المربى اللي تفضله وانا على فكرة بجيب فراجللو اللي برطمان بلاستيك دي لانها بتبقى اسهل من فردها من فيتراك مش بتبقى قطع

الطريقه
اول حاجه نولع الفرن عشان يبقى ساخن وجاهز على ما نخلص التارت
نضرب السكر والسمنه مع بعض بالمضرب الكهربائي لحد ما يبقى الخليط ابيض وهش زي القشطه وبعد كده نضيف البيض بيضه بيضه ثم الفانيليا وبعد كده طبعا نكون ناخلين الدقيق والبيكنج باودر وخالطينهم على بعض نضيفهم شويه بشويه ونخلطهم بايدينا لغايه اما تبقى عجينه متماسكه زي عجينه البيتزا والتارت
تفرد العجينه بسمك 1ونص سم في صينيه مقاس 28 وبعد كده نحط مربى الفراوله على وش الصينيه بس نبعد عن الاطراف وطبعا هيتبفى جزء من العجينه وجزي كبير مش صغير على فكرة هنعمل ايه بقى هنشكله على شكل اصابع مبرومه في حجم مابين الباتون ساليه والبقسماط ونشكل الوش بالاصابع دي بوضعها على اطرالف الصينيه وبعد كده هنعمل بيها مربعات على الوش عن طريق رصها بالطول ثم بالعرض وبعدين نحطها في الفرن لمده نص ساعه في فرن متوسط او لغايه اما تستوي
وبعد كده طلعيها من الفرن وسيبيها تبرد وبعد كده قطعيها وقدميها مع الشاي او النسكافيه بجد بيبقى طعمها تحفه معاهم بجد ولعى فكرة طعمها وهي لسه طالعه من الفرن فظيع بس مش هتعرفي تقطيعها حلو وبالهنا والشفا
يارب تعجبكم كان نفسي يبقى ليها صور اوريهالكم بس وعد مني اول ما اعملها هوريكم شكلها
على فكرة دي طريقتي انا مش نقلتها من حته

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تارت البستافلورا الجامد :: تعاليق
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 01.11.10 21:31 من طرف روان

بصي يا قمره انا عدلتلك الموضوع وحطيتلك الصوره اللي انتي كنتي عاوزاها
بصراحه انا بحبها اوي برده
سلمت يداك
وتم التقييم
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 72651
الاوسمه :
العمل/الترفيه : طبيبه اسنان

مُساهمة في 01.11.10 22:37 من طرف كليوباترا

تسلم ايديكى بجد رائع وطبعا رورو ربنا يحميها بصراحه تمام تسلم ايديها بجد قسم رائع ربنا يكرمها ويكرمكم يا بوتى يا حبيبتى تسلم ايديكم يا احلي اميرات
poty poty
اميره رائعه
اميره رائعه
رقم عضويتك : 4419
عدد المساهمات : 372
الاوسمه :
العمل/الترفيه : باحثه في مشروع توثيق وتنميه الماثورات الشعبيه

مُساهمة في 01.11.10 23:40 من طرف poty poty

ميرسي ليكي يا روان يا عسل على الصورة بس انا كنت عاوزة اوريكم شكل اللي انا بعملها بس هي برضه شبهها بص الصينيه بتكون اكبر شويه وكمان ببقى عامله مقدارين مش مقدار واحد عشان خاطر تكفي اخواتي وولادهم

ميرسي ليكي انتي يا كوكي يا قمر يا احلى ملكه
avatar
سمر محمد
اميره رائعه
اميره رائعه
رقم عضويتك : 2993
عدد المساهمات : 453
الاوسمه :
العمل/الترفيه : تجارة

مُساهمة في 02.11.10 0:36 من طرف سمر محمد

ميرسي سا قمر على الوصفة الجميييييييلة دي
تسلم ايدك
بس قوليلي
ينفع اغير الحشو
يعني بدل المربى
كريمة لباني وفاكهة وكدة
كاستر وفاكهة
قوليلي ينوب فيكي ثواب
هتبوظيلي الريجيم

صفحة 1 من اصل 4 1, 2, 3, 4  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى