وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 دوره كامله عن مصروف البيت وطرق تنظيم الصرف مشكله كل البيوت ؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9
كاتب الموضوعرسالة
27102010
مُساهمةدوره كامله عن مصروف البيت وطرق تنظيم الصرف مشكله كل البيوت ؟؟




اولا
قبل كل حاجه لازم لما تاخدى المرتب تحطيه بين ايديكى وتضعى او جوزك

اللهم بارك لنا فيما رزقتنا وقنا عذاب النار علشان البركه ادعي ربنا يبارك لكم لان البركه اهم من الكتره

ثانيا ورقه او نوته حلوه احسن تكون مكتوب فيها شهريا التقسيمه الرئيسيه يعنى المياه والكهربا وهكذا بنزين وكمان لو فاتوره تليفون بتبقي عارفه المبلغ اللي بيجي تقريبا يفضل تتقسم علي 3 شهور علشان متجييش في شهر واحد وتبقي ضغط علي الميزانيه وهكذا لو قسط او اى حاجه بتدفع كل 3 شهور مثلا خليكى مرتبه


ثالثا

الست الشاطره اوعى تنزلى السوبر ماركت من غير ورقه اوعى هتلاقي اي حاجه هتعجبك لا حددي مشترواتك ومتتغريييش بالعروض اللي محتاجاهه يبقي افضل لكن علشان عرض تحفه ومش محتاجاه هياثر علي حاجه تانيه مهم خدوا بالكم من موضوع مقلب العروض ده بيخليكى تشتري وفجاه تلاقي نفسك المهم لسه مجبتيهوش اكتبي كل حاجه في الورقه بالترتيب والعدد يا ريت وحاولى تدورى الاحلى جوده والارخص سعرا وده هنعمله ونسال بعض احسن نوع مكرونه وارخص نوع وكده هكذا كل حاجه كله يشارك ويكتب علشان اى عروسه تبقي عارفه تعمل ايه

رابعا
ياريت لو عجبكم الموضوع تفولولى اكمل وننزل كمان قائمه المشتروات ونقسم الفلوس ازاى وتطلعي لنفسك تروشي نفسك كمان من الفلوس بحق التوفير اللي هتوفريه باذن الززوج طبعاااااااا علشان ربنا يبارك يا بنات

مستنيه تفاعلكم لو عجبكم نكمل وندي مقترحات حلوه باذن الله
كاتب الموضوع : كليوباترا


عدل سابقا من قبل كليوباترا في 25.03.12 15:25 عدل 3 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

دوره كامله عن مصروف البيت وطرق تنظيم الصرف مشكله كل البيوت ؟؟ :: تعاليق

تسلموا ليه يارب يكون مفيد لبيوتنا جميعا ويرزقنا ربنا ويوسع في رزقنا بالحلال يارب نورتونى ;)
السلام hi

كمان هقولكم نعمل ايه في نوته وخطوات ونصايح حلوه






1- اكتبى الاساسيات اللى هحتجها الشهر الحالي واعملى ثوابت لكل الشهور عندك الثوابت وبيبقي رينجها معروف زي الكهربا والغاز والتليفون قسميه علي ال 3 شهور علشان متتزنقيش بالمبلغ كله في شهر واحد وبيبقي رينج معروف لكل بيت والنت كمان يا شهري لو مش شهري قسميه علي الشهور
وفي حاجات متغيره حسب الحاجه زي
2- الحاجات المتغيره

لحوم (فراخ كاملة وبانيه ولحوم وسمك)

وخزين البيت(الرز والمكرونة و لسان عصفور شعريه والدقيق والسكر والزيت وخلااافه)

حاجة التلاجة ومنتجات الالبان ( اللبن والجبن بانواعها والزبادى والبيض وخلافه)

حاجة البيت ( ادوات التنظيف والمناديل والبامبرز والمسحوق وخلافة)

الخضار والفاكهة

3- بعدين نوته او اجنده بعد تاييد الاساسيات في اجندات بالشهور هيه ديه يتكتب فيها اللى اتصرف يوميا يتعمل جدول وممكن تتبعي الجدول علي الكمبيوتر وتدبسيه باسماء الشهور والايام وتتحط في دوسيه هتبقي روعه

متقسم كل الاتى
اليوم بايام الشهر
الوارد لو جالك فلوس زياده علي المرتب في اليوم ده زوديها حوافز او غيره
البند المشتري اسم اللي اشترتيه مثلا حذاء او اي حاجه لبن او غيره
المنصرف سعر اللي اتصرف فيه الي اشتريتيه

ملاحظات
طبعا هيبان من الطريقه ديه بتصرفوا ايه بالظبط وكل حاجه وايه جبناه مهم وايه جبناه غالي وهكذا وممكن تعملي ميزانيه مستقله ليكي انتى كمان لفلوسك تعرفي منها مصاريفك ايه علشان تعرفي وتحددي انتى ماشيه ازاى مش للبيت بس وتعمل لجوزك لو لجوزك مصروف شخصي يعرف بيصرف ايه ويظبط نفسه
4- تكتبي جدول للاكل يومي ليكي علشان تعرفي متطلباتك للطبخ بدون مرمته لجوزك مش كل يوم عايزين خضار لا ملح وتجيبيهم بالاسبوع مره واحده او كل اسبوعين حسب استعمالك



5- طب لو عايزه تحوشي عمر ما الفلوس حتى لو فاضت بنحوشها طيب نعمل ايه

واحد تجيبى حصالة وتلمى اى جينيهات معدن تبقى موجودة معاكى او مع جوزك ( ويفضل كل فترة تفتحيها وتطلعيها لله كصدقة... عشان ربنا يباركلكم فى فلوسكم)

اثنين تعملى جمعية مع حد دى حتجبرك انك تحوشي وتقللي من المصاريف اللي مش مهمه




ثلاثه لو لقيتى في حساباتك جزء زايد في المرتب وده بيبقي نادر silent

شيليه علي جنب للشديد القوي ولو فاض يا ريت تعملي دفتر صغير او حساب في البنك تضيفي فيه الزياده اول باول ان شاء الله 100 جنيه


اربعه تشيلى كل يوم 5 جنيه مثلا( او حسب مقدرتك) وتحطيها فى حصالة كانك جبتى بيهم شيكولاتة او عصير او حاجة ساقعة ....مش حتحسى بيها ان شااااااااء الله


خمسه ولادك وعدياتهم ومصروفهم عوضيهم الادخار مش البخل بس علي الهادي علشان يحسوا بقيمه الفلوس هدايا عيد ميلادهم او العيديه اعملي ليهم حساب في البنك او دفتى في البريد وحطي ليهم اول باول لما يكبروا هيحتاجوا الفتافيت ديه هتعملهم مبلغ يساعدهم في الجواز وغيره

يارب اكون فيدتكم وهنزلكم جدول يتصور باذن الله باي
أفكار موفره لست البيت

كل واحدة مننا ربنا انعم عليها بنعم كتير تعالو نحافظ على النعم دى وده بطريقتين اول حاجة اول ما نفتح عنينا الصبح نشكر ربنا على كل حاجة عندنا
تانى حاجة نستغل كل الموارد الموجودة عندنا فى البيت وما نرميش حاجة ابدا
ودى الطريقه::
1 -الاكياس الى بنشترى فيها الحاجات من السوبر ماركت استخدمها للقماة
2-بواقى العيش انشفها واطحنها واستخدمها للبانيه
3-وش البن استخدمه فى عمل الكيك والارز بالبن
4- بواقى الصابون اجففهها واضعها فى دولاب الملابس للتعطير
5-بواقى الاكل اضعها فى علب فى الفريزر واطلعها فى يوم اكون تعبانة مثلا
6-اكياس الشاى المستعملة اضعها فى اوانى الزرع لانها تفيد النبات
7-الملابس القديمة اقطعها قطع صغيرة واستخدمها فى تلميع الاثاث
8-بواقى الاقمشة استخدمها لعمل مساكات للمطبخ او شورتات للاولد فى الصيف
9-بواقى الخيوط الصوفية استخدمها لعمل طواقى للاولد او التطريز على بلوفراتهم لاكسابها لوك جديد
10-البرطمانات الفاضية استخدمها لحفظ الصوصات والمربى المصنوعة فى البيت
11-زجاجات البارفان الفاضية استخدمها كاكسسوار للحمام


يتبع
العلاقة بين واجبات المنزل والمصروف الشخصي

احيانا مايحاول الاباء تعليم ابنائهم ادارة حياتهم المادية تحديدا منذ الصغر فمنهم من يربط ذلك مثلا بالعلاقة بين المصروف والواجبات المدرسية او الواجبات المنزلية فتتعدد الاساليب والغرض واحدا لذلك لابد من اتباع عدة اساليب سوف نقوم بسردها فى هذا الموضوع .

هناك بعض الاساليب منها اعطاء الطفل مصروفا فى سن 3 سنوات ولكن كلما يكبر الطفل يستطيع ادراة المال بطؤيقة صحيحة ففى سن عشر سنوات من الممكن اعطائه مصروف اسبوعى ليتعلم كيفية المحافظة على مستوى الانفاق وعند بلوغ المراهقة من الممكن ان ياخذ راتب شهرى فى سن 16 عاما ليتعلم كيفية تدبير المال .

هناك سؤال من الممكن ترديده وهو كم ياخذ من المال كمصروف وهو ماتجيب عنه بعض الاسئلة حيث يختلف الاسر بينها وبين بعضها البعض فكم ياخذفى المواصلات الى جانب الماكل والمشرب وايضا مصاريف الهاتف المحمول وكم ياخذ من فى سنه من الاقارب ومصاريف الذهاب الى رحلات مدرسية كل ذلك يؤثر فى اتخاذ القرارات المالية للطفل .

هناك ايضا ملاحظة ان هناك اختلاف بين الاسر وبعضها فى ربط المصروف بالاعمال المنزلية فمنهم من يرى ان الاعمال المنزلية واجب على كل فرد فى الاسرة ومنهم من يرى انها اختيارية فمن يقوم بعملها يكافىء بالمصروف كنوع من التحفيز الى جانب ربط العمل بالمال .

على الاباء تحديد اشياء هامة عند ربط الاعمال المنزلية بالمصروف فمثلا يقومون بتوضيح العواقب اذا لم يتم تنفيذ مايطلب من الابناء الى جانب ذلك مراعاة الاعمال الاخرؤى واوقاتها كالتمارين ومواعيد الدراسة حتى لايشعر الابناء بالحمل او العبء الثقيل عليهم .

لابد من تحديد الاعمال داخل الاسرة وتحديد النفقات ايضا فمثلا نفقات الملابس تكون على الاسرة اما الخروج مع الاصدقاء على الابن كذلك الاعمال المنزلية كغسل السيارة ورعاية الاخ الاصغر .

لابد من عمل مكافات مالية للقيام بتنفيذ الاعمال الملوبة حتى ينمو الشعور بالمسئولية عند الابناء وايضا وجود عواقب رادعة على عد م تنفيذ ذلك ولابد من ان يخطىء الابن بالطبع فنحاول معالجة الخطا وتعليمه كيفية تفاديه اذا مر عليه مرة اخرى

يجب ان يعرف كيفية الانفاق وعلى ماذا يجب ان ينفق والعكس فيجب ان يعرفا انه ممنوع ان ينفق على الدخان و الأشيآء الضارة بصحته .

لابد من معرفة الاعمال التى تناسب سن الابناء مثل تنظيف الملابس والغسيل وغيرها من افعال تناسبهم ولابد من التفرقة بين المنع من المصروف وفعل اشياء ليس لها علاقة به واستخدامه كعقاب .
 

دوره كامله عن مصروف البيت وطرق تنظيم الصرف مشكله كل البيوت ؟؟

استعرض الموضوع السابق استعرض الموضوع التالي الرجوع الى أعلى الصفحة 

صفحة 9 من اصل 9انتقل الى الصفحة : الصفحة السابقة  1, 2, 3, 4, 5, 6, 7, 8, 9

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الديكور والاثاث Decoration and Furnishing :: تدبير منزلى |تنظيم-تنظيف المنزل-تجارب -حلول-
انتقل الى: