وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 طريقك الي الانوثه الطاغيه يبدأ من هنا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5 ... 10, 11, 12  الصفحة التالية
كاتب الموضوعرسالة
27102010
مُساهمةطريقك الي الانوثه الطاغيه يبدأ من هنا


حبيباتي واخواتي الاعزاء ربنا عالم سعادتي وانا بكتب في القسم ده ازاي
بجد بكون متشوقه اتكلم معاكم وارغي كده اولا الموضوع ده انا قولت بدال الركوض
اللي حاصل في معامله الازواج والرجاله الطفشانه منا ليل ونهار واحنا شايفين
اننا بنعمل كل حاجه وهما مش راضيين لكن ممكن نكون بنعملها غلط ودي من وجهه
نظرهم في كتاب حلو اسمه المرأه من الزهره والرجال من المريخ علي ما اتذكر لكن كويس جدا
انا قولت نكتب موضوع دلع وتجربوا وتقولولي ايه النتايج وتشجعوني اكتب تاني
الموضوع ده هتساعدني فيه كتير جولي فاكرنها طبعا بس هي عاوزه دعوه
حلوه بالذريه الصالحه هي متجوزه من 5 سنين ومش في اطفال يالا عاوزه اسمع دعوات حلوه
وانا ادعولي بالنجاح يارب وانه يفرج همي لان بجد هو اللي عالم بحالي
اهم حاجه لازم اسم الدلع يعني مثلا قولي لجوزك لو اسمك ايه مثلا يوتا بتحبك
وحشت يوتا كتير اي حاجه فاهمين مش وحشتني وكده لأ بالطريقه دي افضل
وهتبين انوثتك وانتي مع نفسك عوديها علي دلع ليها خاص
نبدأ

بسم الله


تحضير الفطــــــــار

طبعاً معظمنا بيشرب الشاي ، ويكبر دماغه من موضوع الفطار ، لكن موضوع الفطار دة بتبقى حاجة حلوة قوووي ، خاصة لو جوزك مش متعود على كدة.

يعني اول ما تتجوزي حاولي تكوني مميزه مع جوزك يعني ما تكونيش صوره طبق الاصل من اهلة ، لازم تغيري النظام دة، عشان لما تبعدي عنه يوم ولا اتنين يحس بالفرق ، ويحس فيه حاجة نقصاه .


طبعاً الفطار لية نظام وحركات ودلع وانوثة ، مش يلا بسرعة حضري وارمي على السفرة اي حاجة ، وتقولي خلاص انا حضرت فطار ، لالالالالالالالالالالالالالالا



يوم الجمعة حاولي تصحي قبل جوزك بحاولي نص ساعة ، لا مش حاااااولي ، لا قوووووووووومي من غير تفكير

روحي حضري الفطار

وانا حاوريكم طريقة التقديم

اولاً فية مفارش بلاستيك بتتباع في السوبر ماركت ، بتتفرش على السفرة وقت الاكل ، عشان السفرة بتاعتك ما تبوظش وتحافظي عليها .

تتطلعي طقم الضيوف ياريت تعاملي جوزك كأنه ضيف ، مش يلا ارمي اي طباق والسلام ، ويا سلام لو كانت طباق بلاستيك ، يبقى احمدي ربنا ان جوزك ساكت عليكي وما اتكلمش .

العيش يتحط في سلة مخصوصة لية على السفرة ، وبلاش عشان خاطري الاكياس البلاستيك والكلام دة



طبعا حطلعي الطباق السيرفرز اللي عندك وتقدمي فيه الاكل ، زي الضيوف تمام ، لحد ما تشتري الاطباق الاتنين في واحد في اطباق جديده كده بتكون اتنين مع بعض وفيهم كاسه



Uploaded with ImageShack.us


شايفين السفرة دي ، عاوزكم تعملوا زيها بالضبط ، حاولي تعملي زيها ، اتصرفي الاطقم اللي عندك ، وبعد كدة ممكن تجمعي الحاجات دي من محلات اتنين ونص ، حتلاقيهم هناك



Uploaded with ImageShack.us




Uploaded with ImageShack.us




Uploaded with ImageShack.us




Uploaded with ImageShack.us





Uploaded with ImageShack.us


بعد ما تحضري الفطور ، خلي الشاي شوية عشان ما يبردش ، يعني جهزية وسيبية على النار بس ، والكوبايات طبعاً على السفرة


ادخلي اتشطفي واغسلي سنانك وسرحي شعرك ، والبسي بيجاما حلوة ، وطبعاً ما تنيسش البرفيوم ، بس يا ريت يبقى خفيف ، فيه برفانات مخصوص للصبح ، شوفيها وهاتيها.

وروحي بالراحة كدة ملسي على رأسة ، واديلة بوسة خفيفة على جبينة ، وقوليلة ، صباح الفل يا حبيبي ، (تخيلي نفسك ان جوزك جة يصحيكي بالطريقة دي ، حيبقى اية شعورك؟؟؟؟؟؟؟ عاوزة رد كل واحدة فيكم طبعا خيال علمي )
حتقوليلة يلا قوم اتوضا وصلي عشان نفطر ، حتكوني انتي فارشة سجادة الصلاة ومجهزاها لية ، ولما يطلع يروح الحمام ، فتحي الاوضة وهويها ، وروقي السرير، ورشي معطر.

اه صح وتكوني موضبة الحمام ، يعني الحمام طبعاً المفروض انه نضيف 24 ساعة ، بس انتي ممكن قبل ما تتشطفي تغسلي الحوض وتلمعي المراية وترشي معطر في الحمام ، وممكن الحاجة دي تعمليها من الليل ، ويا دوب بس الصبح ترشي المعطر ، عشان لما يدخل الحمام ، يحس ان الصباح حلو

في الاول انتي صحتية ووشك حلو ومبتسم ، وصحتيه بحنية وحب ودلع ، وثانياً حيدخل الحمام حيلاقية منور ونضيف وريحتة حلوة، وبعدين حيطلع حيلاقيك فارشة السجادة والاوضة متروقة وحلوة ، وبعدين حيلاقيك محضرة الفطور


دايماً خليكي مميزة مع جوزك ، يعني اية

يعني دايماً خلي شوية من كلامك مع جوزك ، ما حدش يفهموة غيركم

يعني حاولي مثلاً كلمة صباح الخير ، تقوليها بطريقة مختلفة ، يعني مثلاً ممكن تقوليها ، بون بون يا حبيبي

او كلمة بحبك ، ممكن تقوليها ، كاك كاك ، معناها بحبك بحبك ، الجملة دي كانت في فيلم لعماد حمدي وفاتن حمامة ، لما بتقوله تقريباً ان الطيور بتقول لبعض بحبك ، بتقول لبعضها كاك كاك ، فبقت تقولها لية طول الفيلم

كله للمتجوزين لأ طبعا والمخطوبين ليهم معانا تمارين


بس طبعاً المتجوزين مش حينفع جوزك كل يوم وهو راجع من الشغل يجيبك شوكلت ، بس لازم يعرف انك بتحبي الحاجة دي، وهو حتلاقية بيجيبلك الحاجة دي على فترات ، ويبقى عارف ان الحاجة دي بتبسطك ، وانتي لازم تبيني فرحتك انه افتكرك

عودي خطيبك وهو راجع او رايح عندك انه يتشريلك حاجة ، يعني اطلبي منه شوكليت او ايس كريم حاجه خفيفه مش غاليه وكده لأ حاجه بسيطه، او اي حاجة بتحبيها ، وقوليله ، ممكن تقولي اسم دلعك تطلب منك حاجه مثلا ممكن نونا تطلب منك حاجه ده بالنسبه ليا, يقولك اطلبي ، قوليله اسم دلعك عاوزة شوكليت , ولما يجيبها افرحي قوووي كأنك طفلة صغيرة ، او بصي علية بصة كسوف وقوليلة ميرسي ، ولو انتي متجوزة اديلة بوسة خفيفة على خده.

لازم تعودي جوزك ان ليكي طلبات ، مش كل ما يقولك عاوزة حاجة تقوليلة شكرا سلامتك ، واطلبي الحاجة منه بدلع ، مش تروحي تقوليلة هاتلي معاك و انت وجاي كذا وكذا

يعني مثلاً لما تكون عندك حاجة ناقصة في البيت ، اتصلي بية او ابعتيلة رسالة ، وقوليلة ممكن يا بيبي اطلب منك حاجة صغنونة ، ممكن تجيبلي معاك كيلو طماطم وانت جاي، ولما يقولك ماشي ، قوليلة ميرسي واديلة بوسة خفيفة في التليفون

الحاجات دي بتأثر في الرجالة قوووي ، وبتعجبهم

يارب تعجبكم عاوزه رأيكم
كاتب الموضوع : نور محمد عبد السلام
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقك الي الانوثه الطاغيه يبدأ من هنا :: تعاليق

@نور محمد عبد السلام كتب:
sera.mop و هوبا نورتوني لكن نور مش هتقول شرط لأ طلب ان اللي هتكتب مشاركه تكون بدلع يعني تدلع نفسها وكلامها عشان بس تتعودوا ويكون حاجه في شخصيتكم موافقين يا حبايبي
ههههههههههههههههههههههه حاضر من عيونى اكيد موافقه طبعا لااازم اتدلع واتعود من الوقت بس قوليلى اكتب مشاركه بدلع ازاى
ايه المواضيع العسل دى انتى مش ليكى حل يا نونا على ايديكى هنتعلم الدلع بس ظبطينا اكتر وكملى
يارب يرزق جولى بالذرية الصالحة يارب وكل البناتيت اللى اتجوزت ويارب نجحك يا نونا
اه صحيح مش هتجيبلنا احنا كمان عشان انا هتتخطب قريب ومحتاجة اعرف اعمل ايه ولا اتصرف ازاى مع خطيبى انا عايزة اعوده على الدلع من الخطوبة ههههههههههههه بس صحيح طيب انى اطلب منه حاجة شيوكليت ولا ايس كريم مش فيها حاجة اصل انا حاسة انه ممكن يكون فيها احراج ولا ايه
رد: طريقك الي الانوثه الطاغيه يبدأ من هنا
مُساهمة في 29.10.10 2:19 من طرف نور محمد عبد السلام
بوصوا يا دلوووعات ، طبعاً معظمكم مش بيصحى مع جوزه الصبح ، ودة اكبر غلط ، انك تسيبي جوزك ينزل الصبح من غير ما تقفي معاه وتفطري معاه وتشوفيه وهو نازل الصبح ولما يوصل تتصلي تتطمني علية

دايماً خلي جنبك بونبونيرة وحطي فيها شوية ملبس ولبان وشوكلت قطع صوغيرة، عشان لما حاتصحي مع جوزك الصبح مش حتلحقي تقومي تغسلي سنانك ، فلما تفتحي عينك ، خدي بونبوناية وحطيها في بوقك ، وبعدين صحي جوزك وصبحي علية ، وقوليلة (بون بون يا بيبي ) يعني صباح الخير يا حبيبي ، بس انتوا اختاروا مصطلحات خاصة بيكم ، لاني حاسة ان حلاقي مصر كلها بتقول بون بون ههههههههه

وهو هيقوم يروح الحمام وانتي اغسلي وشك على خفيف وروحي حضري الفطار، واعملي ساندوتشات خفيفة للفطار ، يعني كفاية ساندوتش جبنة خفيف، او بقسماط او قطعة كيك .

وبعدين اقفي معاه وهو بيلبس ، وظبطي اللبس معاه .

(اه نسيت ، انتي حتكوني موضبه لبس الشغل من الليل وادواته زي الموبايل والمفاتيح وفطاره اللي حياخده الشغل ) انا اتكلمت عن الحاجات دي في الموضووع التاني

توصلية لحد باب الشقة وتديلة بوسة خفيفة وتقوليلة مع السلامة ( اختاري مصطلح للسلام) وتكوني مبتسمة ووشك حلو ، وبعد نص ساعة اتصلي بية ، وقوليلة (نونا حبت تطمن عليك انك وصلت ، وبس ، ما تقعديش ترغي كتير)

بالنسبة للمخطوبات : انتي عودية لما يصحى الصبح يديكي رنة ، وقوليلة لما تصحى الصبح صبح علية (يعني رن علية)
انتي ممكن تكلمية وتقوليلة حبيت اصبح عليك ، وممكن ما ترديش ولما تصحي انتي من النوم يبقى رني او اتصلي صبحي علية

وعودية انه برضة لما يرجع من الشغل يديكي رنة ، لازم تخلية يفكر فيكي طول الوقت ، مش سايباه كدة ، وقت ما يكلمك يكلمك ، وقت ما يرنلك يرنلك ، لالالا، لازم تكون في ثوابت ، وبعد كدة لو فيه حاجة زيادة يبقى خير وبركة

ولما يجي ينام قوليلة مسي علية قبل ما تنام ، يعني قبل ما يدخل ينام يتصل بيكي يقولك تصبح على خير ، وانتي اذا كنتي حتنامي قبلة ، اتصلي انتي ومسي علية



لما تستقبلي جوزك ، لازم استقبالك لية يكون مختلف

يعني حاولي على قد ما تقدري ، تخلصي الاكل وترويق الشقة قبل ما يجي ، وعودية وهو نازل من الشغل يكلمك يقولك انا نازل ، عشان تلحقي تخلصي وتأخدي شاور .

التمرين المرة دي ، انك تستقبلي جوزك بحاجة يأكلها ..... ازاي

يعني اول ما تسمعي باب الشقة بيفتح ، تكوني مجهزة اي حاجة تدويقيها لجوزك ، طبعاً انا مش حاوصيكيم على التجديد في الاكل ، على الاقل مرة في الاسبوع ، تعملي اكلة جديدة ، كنوع من التغيير

اول مايفتح الباب ، تروحي تدوقية حتة بفيتك او بانية ، معلقة رز ، وتقوليلة حمدلله على السلامة ، وتديلة بوسة خفيفة

خلية يتعود انه اول ما يفتح الباب يلاقيكي واقفة مستنياه ، وتدوقية حاجة من الاكل .

صدقيني مع الوقت حيتعود ، وحتلاقية هو راجع من الشغل وطالع العمارة ، عمال يفكر فيكي وانك حتكوني مستيناه تدوقيه حاجة


بصوا انا بديكم دروس خفيفة ، عشان تتطبقوها وما تنسوهاش، وعشان في نفس الوقت ما تتغيريش مرة واحدة ، عشان لو اتغيرتي مرة واحدة حتكوني مش طبيعية ، ومش حتباني على طبيعتك ، وجوزك حيحس انك بتتصنعي الدلع ، وان دي مش طبيعتك ، عشان كدة حاولوا ما تزودوش الجرعة ، عشان تباني على طبيعتك


نكمل بكره انا تعبت
الله الله الله عليكى دايما جامدة يا نونا
بس تفتكرى هما هيقدرو وهيضمر فيهم الكلام ده ولا هنتعب نفسنا ع الفاضى

ربنا يقويكى ويقوينا عليهم يارب ويجعلنا زوجات صالحات ويرزقنا الذرية الصالحة

قولوا معايا آميييييييييييييييييييييين
 

طريقك الي الانوثه الطاغيه يبدأ من هنا

استعرض الموضوع السابق استعرض الموضوع التالي الرجوع الى أعلى الصفحة 

صفحة 4 من اصل 12انتقل الى الصفحة : الصفحة السابقة  1, 2, 3, 4, 5 ... 10, 11, 12  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: