وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 9 خطوات للتخلص من رائحة الفم الكريهة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
04082013
مُساهمة9 خطوات للتخلص من رائحة الفم الكريهة



9 خطوات للتخلص من رائحة الفم الكريهة

المرة دي كلامنا هيكون عن مشكلة بيعاني منها ناس كتير لدرجة إن المشكلة دي ممكن إنها تسبب لهم إحراج شديد في بعض الأوقات وهي مشكلة رائحة الفم الكريهة...
علشان كده هنعرف إيه هي الخطوات اللي ممكن نمشي عليها علشان نتخلص من المشكلة دي...

الخطوة الأولى
نغسل أسناننا كويس

المرة دي كلامنا هيكون عن مشكلة بيعاني منها ناس كتير

لازم نغسل أسناننا كويس بالفرشاة والمعجون بعد كل وجبة... لكن لو كانت ظروف عملنا بتتطلب إننا نقعد طول النهار بره البيت ومش هنقدر إننا نغسل أسناننا بعد كل وجبة يبقى في الوقت ده نمضمض أسناننا كويس بالمية بعد الأكل... ولازم نهتم كويس قوي إننا نغسل أسناننا الصبح وبالليل بالفرشاة والمعجون.

الخطوة الثانية
نستخدم خيط الأسنان

لدرجة إن المشكلة دي ممكن إنها تسبب لهم إحراج شديد

يا ريت إننا يكون عندنا في البيت خيط أسنان "الخيط السني" علشان كل يوم بالليل بعد ما نتعشى ونغسل أسناننا بالفرشاة والمعجون -زي ما اتفقنا- نستخدمه؛ لأن الخيط ده هيساعدنا على التخلص من بقايا الطعام اللي ممكن الفرشاة ماتقدرش إنها توصل لها وبكده نبقى ضمنّا نظافة كاملة..
ولازم ناخد بالنا إن خيط الأسنان ده يكون متوسط في الليونة علشان مايوذيش اللثة.

الخطوة الثالثة
نزور دكتور الأسنان بشكل دوري

في بعض الأوقات وهي مشكلة رائحة الفم الكريهة... علشان كده

أنا دايما بافضل إننا نعمل فحص دوري على أسناننا ونروح لدكتور الأسنان مرة كل 6 أشهر على الأقل علشان نقوم بعملية تنظيف كاملة للفم والأسنان وإزالة الجير والتسوس والبكتيريا اللي ممكن إنهم يسببوا رائحة كريهة للفم.


الخطوة الرابعة
ناكل خضروات كتير

هنعرف إيه هي الخطوات اللي ممكن نمشي عليها علشان نتخلص

نحاول أن أكلنا يكون فيه نسبة كبيرة من الخضروات؛ وده لأن تناول البروتينات "اللحوم" أكثر من الخضروات بيساعد على تنشيط جراثيم الفم اللي بتسبب رائحة كريهة للفم.

الخطوة الخامسة
نشرب سوائل كتير

من المشكلة دي... الخطوة الأولى نغسل أسناننا كويس لازم نغسل

من ضمن الأسباب اللي بتسبب ظهور رائحة للفم هو الجفاف اللي ممكن إنه يصيب الفم علشان كده يا ريت إننا نحرص دائما على إن فمنا ما يكونش جافّ... وده عن طريق إننا نكتر من شرب الماء والسوائل؛ وده لأن المية بتساعد على ترطيب الفم وبتجعل اللعاب أقل كثافة في الفم؛ وده لأن اللعاب الكثيف بيكون مصدر غذاء غني للبكتيريا اللي بتسبب حدوث رائحة كريهة للفم..


الخطوة السادسة
ناكل لبان بعد الوجبات

أسناننا كويس بالفرشاة والمعجون بعد كل وجبة... لكن لو كانت

يا ريت إننا ناكل لبان بعد الوجبات خاصة أنواع اللبان الخالية من السكر أو اللي بنكهة القرفة؛ لأن اللبان اللي بنكهة القرفة بيساعد على تنظيف الفم من بقايا الطعام وبيساعد على تخلص الفم من 50 % من البكتيريا اللي بتسبب رائحة كريهة للفم ده بالإضافة إلى أن القرفة بتحتوي على زيت طيار بيساعد على قتل البكتيريا الموجودة في الفم.

الخطوة السابعة
نغيّر فرشاة الأسنان بصفة دورية

ظروف عملنا بتتطلب إننا نقعد طول النهار بره البيت ومش

لازم نستبدل فرشاة الأسنان القديمة بفرشاة جديدة كل شهرين أو ثلاثة.


الخطوة الثامنة
الإقلاع عن التدخين

هنقدر إننا نغسل أسناننا بعد كل وجبة يبقى في الوقت

التدخين من الأسباب الأساسية اللي بتسبب حدوث رائحة للفم وعلشان كده يا ريت أي حد بيدخن يحاول إنه يقلع عن التدخين لأن مش بيسبب رائحة كريهة للفم وبس ده كمان بيسبب اصفرار الأسنان.


الخطوة التاسعة
نخلي دايما قرنفل معانا

ده نمضمض أسناننا كويس بالمية بعد الأكل... ولازم نهتم كويس

فيه حاجات زي "البصل" أو "الثوم" بتترك بعد أكلها رائحة غير مستحبة علشان كده يا ريت إننا بعد ما ناكل أي أكل فيه "ثوم" أو "بصل" إننا نغسل أسناننا كويس وبعد كده نمصّ قرن قرنفل؛ لأن القرنفل مطهر جيد للفم.

كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

9 خطوات للتخلص من رائحة الفم الكريهة :: تعاليق

لا يوجد حالياً أي تعليق
 

9 خطوات للتخلص من رائحة الفم الكريهة

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: