وصفتين هايلين لتفتيح الركب واليدين وعن تجربه خاصه والله

صفحة 11 من اصل 12 الصفحة السابقة  1, 2, 3 ... , 10, 11, 12  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
hoba mohamed
رقم عضويتك : 8504
عدد المساهمات : 822
الاوسمه :
العمل/الترفيه : النت/التطريز/الطبخ/القراءه

مُساهمةhoba mohamed

السلام عليكم ورحمه الله
ازيكم يا احلى بنات وسيدات

انا جيبالكوا وصفتين حلووين اوى وفادونى جدا وعن تجربتى الخاصه والله
معلومه انا كانت ركبى سودا بمعنى الكلمه وكنت بتكسف منهم اوى وخشنين اوى اوى ده بسبب ليا قعده غلط بقعد زى اليابانيين ع ركبى ع الارض ههههههههه وكمان طبعا الصلاه فاما عملت الوصفتين دول والله ركبى بقت ناعمه اه لسه مش فتحت للدرجه الى انا عاوزاها بس بتجيب نتيجه مذهله بس مع الاستمرار اكيد هتوصلنى للى عوزاه المهم مطولش عليكوا زمانكوا قولتوا عليا رغايه Very Happy
اول وصفه وممكن يكون كتير منكم عارفينها لانى انا شوفتها على كذا منتدى وصحباتى قالولى عليها ووصفه الفازلين وزيت الزتون
مكوناتها
1_فازلين طبى
2_زيت زتون
3_ مبرد اقدام
والطريقه .. ندهن الركبيتين قبل النوم زيت الزتون وتانى يوم بقى نشطفها بميه دافيه وتدهن بفازلين ونحرك عليهم المبرد بحركه دائريه وكل ما الجلد يتشرب الفازلين ندهن تانى لمده ربع ساعه وبشويش يا بنات بالله عليكم مش تاخدكم الجلاله زيى وجرحت ركبى والتهبوا بشويييش اوى خليكوا فى المتوسط لا جامد اوى ولا ببطء لانه طبعا مش هيعمل حاجه
وبعد ما نخلص نشطف الركبتين بميه دافيه ونغسلهم بصابونه جلسرين او صابونه مرطبه زى دوف مثلا عشان الصابون العادى يببقى فيه صودا وبيجير الجلد وكده وبعدين ننشفها جدا وندهن فازلين بسيط كمرطب للركب او اى كريم مرطب تستخدميه ودى اهم حاجه لازم الترطيب بعد العمليه دى وهتشوفوا الفرق بعد كام ساعه كده بعد ما الجلد يهدى لان وقتها هتحسى انها اغمقت عن الاول كمان مكان احمرار الجلد وهيبان النتيجه من اول مره بالنسبه للى ركبها مش غامقه اوى لكن بالنسبه للى زيى هتبان من تانى مره او تالت
* ملحوظه * ( لو الركبه اتجرحت والتهبت ممكن تبطلى العمليه دى يومين لحد ما تخف عشان لو فضلتى مستمره الالتهاب هيزيد وتألمك وبالتالى الاسمرار هيزيد مكان الالتهابات )


تانى وصفه دى بقى من اختراعى وجابت نتيجه برده جدا ومكوناتها
1_ معلقه كبيره ماء ورد
2_ شويه سكر او ملح وده ( لتقشير الجلد )
3_معلقه كبيره خل
4_ لمونه
5_ اى كريم مرطب انا بفضل فازلين طبى لانه مرطب ومغدى فى نفس الوقت وطبيعى

الطريقه .. بنقلب كل المكونات على بعضها وندلك المكان الى عاوزين تفتيحه سواء الركبتين اليدين الكوعين بحركه دائريه لمده ربع ساعه وبعدها بتتشطف بميه دافيه بس
ويتنشف المكان كويس من الميه وتدهن المرطب وهكررها الترطيب بعد اى عمليه من دى مهم جداااااااااااااااااااااااااااااااا

بجد الوصفه دى كمان فوق الروعه هتحسى بمفعولها فى وقتها ويتنعم اوىىى
ممكن لو استخدمتوا اى وصفه من الاتنتين هتفيدكوا اوى بس انا طماعه بستخدم الاتنين وصفه يوم ووصفه اليوم الى بعدوا انهارده خامس يوم ليا مستمره وبجد لقيت فرق كبيييير اوى الحمدلله وانتوا جربوا ينفسكوا والله هتلاقوا نتيجه حلوه اوى
انا حبيت انقلكوا تجربتى الخاصه عن الوصفتين دول الى بجد فادونى وحبيت افيد اخواتى فى الله هنا وبالتوفيق ان شاء الله

ملحووووظه ( اى بنوته تجرب الوصفتين دول وتجيب نتيجه معاها ياريت تدعولى براحه البال والستر والهدايه والرضا والذريه الصالحه ) اوعوا تنسوا

I love you I love you I love you I love you I love you I love you I love you


عدل سابقا من قبل hoba mohamed في 21.10.10 2:39 عدل 1 مرات

صفحة 11 من اصل 12 الصفحة السابقة  1, 2, 3 ... , 10, 11, 12  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
وصفتين هايلين لتفتيح الركب واليدين وعن تجربه خاصه والله :: تعاليق
nimomona
اميره نشيطه
اميره نشيطه
عدد المساهمات : 206
الاوسمه :

مُساهمة في 05.04.11 15:47 من طرف nimomona

تسلمي يا قمر
انا اكيد هاجربهم ان شاء الله
واذا جابوا نتيجه هادعيلك
طيب ولو بعد الشر مجبوش نتيجه اعمل ايه انا بقي
هاقعد اعيط وتبقي انتي السبب
بس قوليلي هم ينفعوا لتفتيح اي اماكن تانيه ولا لاء
smsma_tito26
اميره جديده
اميره جديده
عدد المساهمات : 18
الاوسمه :

مُساهمة في 28.06.11 19:49 من طرف smsma_tito26

تسلمى يا جميل وربنا يرزقك بالذرية الصالحة باذن الله
rana muhammad
اميره جديده
اميره جديده
عدد المساهمات : 21
الاوسمه :

مُساهمة في 13.08.11 17:35 من طرف rana muhammad

شكرا ليكى انا جربت فعلا الاولى دى بس جرحت ركبتى شوية بسبب المبرد بس مش كررتها تانى
انا هكررها واشوف وهجرب التانية برضه
fatemaalhusen
اميره رائعه
اميره رائعه
عدد المساهمات : 437
الاوسمه :
العمل/الترفيه : ربة منزل-بكالوريوس علوم زراعيه

مُساهمة في 14.08.11 0:21 من طرف fatemaalhusen

:سلمت يداكى: كمان زيت الجلسرين ونص لمونه مفيد جدا
Reem swidan
اميره جديده
اميره جديده
رقم عضويتك : 20517
عدد المساهمات : 9
الاوسمه :

مُساهمة في 24.09.11 12:59 من طرف Reem swidan

يارب تعمل نتيجة

صفحة 11 من اصل 12 الصفحة السابقة  1, 2, 3 ... , 10, 11, 12  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى