وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 وصفتين هايلين لتفتيح الركب واليدين وعن تجربه خاصه والله

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4 ... 10, 11, 12  الصفحة التالية
كاتب الموضوعرسالة
20102010
مُساهمةوصفتين هايلين لتفتيح الركب واليدين وعن تجربه خاصه والله


السلام عليكم ورحمه الله
ازيكم يا احلى بنات وسيدات

انا جيبالكوا وصفتين حلووين اوى وفادونى جدا وعن تجربتى الخاصه والله
معلومه انا كانت ركبى سودا بمعنى الكلمه وكنت بتكسف منهم اوى وخشنين اوى اوى ده بسبب ليا قعده غلط بقعد زى اليابانيين ع ركبى ع الارض ههههههههه وكمان طبعا الصلاه فاما عملت الوصفتين دول والله ركبى بقت ناعمه اه لسه مش فتحت للدرجه الى انا عاوزاها بس بتجيب نتيجه مذهله بس مع الاستمرار اكيد هتوصلنى للى عوزاه المهم مطولش عليكوا زمانكوا قولتوا عليا رغايه Very Happy
اول وصفه وممكن يكون كتير منكم عارفينها لانى انا شوفتها على كذا منتدى وصحباتى قالولى عليها ووصفه الفازلين وزيت الزتون
مكوناتها
1_فازلين طبى
2_زيت زتون
3_ مبرد اقدام
والطريقه .. ندهن الركبيتين قبل النوم زيت الزتون وتانى يوم بقى نشطفها بميه دافيه وتدهن بفازلين ونحرك عليهم المبرد بحركه دائريه وكل ما الجلد يتشرب الفازلين ندهن تانى لمده ربع ساعه وبشويش يا بنات بالله عليكم مش تاخدكم الجلاله زيى وجرحت ركبى والتهبوا بشويييش اوى خليكوا فى المتوسط لا جامد اوى ولا ببطء لانه طبعا مش هيعمل حاجه
وبعد ما نخلص نشطف الركبتين بميه دافيه ونغسلهم بصابونه جلسرين او صابونه مرطبه زى دوف مثلا عشان الصابون العادى يببقى فيه صودا وبيجير الجلد وكده وبعدين ننشفها جدا وندهن فازلين بسيط كمرطب للركب او اى كريم مرطب تستخدميه ودى اهم حاجه لازم الترطيب بعد العمليه دى وهتشوفوا الفرق بعد كام ساعه كده بعد ما الجلد يهدى لان وقتها هتحسى انها اغمقت عن الاول كمان مكان احمرار الجلد وهيبان النتيجه من اول مره بالنسبه للى ركبها مش غامقه اوى لكن بالنسبه للى زيى هتبان من تانى مره او تالت
* ملحوظه * ( لو الركبه اتجرحت والتهبت ممكن تبطلى العمليه دى يومين لحد ما تخف عشان لو فضلتى مستمره الالتهاب هيزيد وتألمك وبالتالى الاسمرار هيزيد مكان الالتهابات )


تانى وصفه دى بقى من اختراعى وجابت نتيجه برده جدا ومكوناتها
1_ معلقه كبيره ماء ورد
2_ شويه سكر او ملح وده ( لتقشير الجلد )
3_معلقه كبيره خل
4_ لمونه
5_ اى كريم مرطب انا بفضل فازلين طبى لانه مرطب ومغدى فى نفس الوقت وطبيعى

الطريقه .. بنقلب كل المكونات على بعضها وندلك المكان الى عاوزين تفتيحه سواء الركبتين اليدين الكوعين بحركه دائريه لمده ربع ساعه وبعدها بتتشطف بميه دافيه بس
ويتنشف المكان كويس من الميه وتدهن المرطب وهكررها الترطيب بعد اى عمليه من دى مهم جداااااااااااااااااااااااااااااااا

بجد الوصفه دى كمان فوق الروعه هتحسى بمفعولها فى وقتها ويتنعم اوىىى
ممكن لو استخدمتوا اى وصفه من الاتنتين هتفيدكوا اوى بس انا طماعه بستخدم الاتنين وصفه يوم ووصفه اليوم الى بعدوا انهارده خامس يوم ليا مستمره وبجد لقيت فرق كبيييير اوى الحمدلله وانتوا جربوا ينفسكوا والله هتلاقوا نتيجه حلوه اوى
انا حبيت انقلكوا تجربتى الخاصه عن الوصفتين دول الى بجد فادونى وحبيت افيد اخواتى فى الله هنا وبالتوفيق ان شاء الله

ملحووووظه ( اى بنوته تجرب الوصفتين دول وتجيب نتيجه معاها ياريت تدعولى براحه البال والستر والهدايه والرضا والذريه الصالحه ) اوعوا تنسوا

I love you I love you I love you I love you I love you I love you I love you
كاتب الموضوع : hoba mohamed


عدل سابقا من قبل hoba mohamed في 21.10.10 2:39 عدل 1 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

وصفتين هايلين لتفتيح الركب واليدين وعن تجربه خاصه والله :: تعاليق

@Sandro كتب:
جميل يا قمراية حجرب واقولك
مرسى ع مرورك يا قمر وبالتوفيق ان شاء الله
انا بقا دعتلك من غير ما اجربهم
ربنا يكرمك يا قمر وطبعا ان شاء الله لما اجربهم هادعيلك اكتر
بس قوليلي اعمل بالمبرد بالناحيه الحديد ولا التانيه؟؟
@كليوباترا كتب:
تسلم ايديكى يا قمر شكلها جامده

الله يسلمك يا قمرايه نورتيييييييييينى بمرورك والله هى فعلا جامده جدا والله ويارب تفيدك وبالتوفيق يارب
@بسمه صلاح السعدي كتب:
انا بقا دعتلك من غير ما اجربهم
ربنا يكرمك يا قمر وطبعا ان شاء الله لما اجربهم هادعيلك اكتر
بس قوليلي اعمل بالمبرد بالناحيه الحديد ولا التانيه؟؟
اولا شرفتينى بمرورك الجميل ده ومرسى ع دعواتك ليا جزاكى الله كل خير
ويارب تفيديك باذن الله هما الوصفتين جمدين والله وجابوا معايا نتيجه
من ناحيه المبرد بقى انا عندى مبرد اورفليم ومفيهوش ناحيه حديد خالص هما النحيتين شكل السنفره كدا بس ناحيه خشنه وناحيه ناعمه انا بعمل فى الاول بالخشنه بس براحه عشان مجرحش ركبتى وبعدين اعمل بالناعمه .. فلو الناحيه التانيه عندك شكل السنفره اعملى بيها بلاش الحديد عشان ركبتك مش تتجرح وتلتهب الناحيه الحديد الى فى مبردك استخدميها لكعوب رجليكى فقط وبالتوفيق ان شاء الله
شكرا ليكي يا جميل على الوصفات الحلوة دي وان شاء الله هجربهم لان الموضوع ده مؤرقني جدا وبنام احلم انهم شكلهم حلو ولونهم ابيض زي الناس اللي بنشوفها في التليفزيون دي ههههههههههههههه
 

وصفتين هايلين لتفتيح الركب واليدين وعن تجربه خاصه والله

استعرض الموضوع السابق استعرض الموضوع التالي الرجوع الى أعلى الصفحة 

صفحة 3 من اصل 12انتقل الى الصفحة : الصفحة السابقة  1, 2, 3, 4 ... 10, 11, 12  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: