منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
شاطر | 
 

 العناية بالشعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
27052013
مُساهمةالعناية بالشعر

أنا طبيعة شعري خفيف ناعم بس بيهيش بسهولة بني وبيطول بطلوع الروح وفيه قشرة مستعصية

1_أول حاجة جربتها هنا كانت طريقة للحنة رائعة أنا بقالي سنين بعمل حنة بهدف الفايدة وكمان بحب لونها على شعري بس كنت بعجنها بمية ودم غزال ليلة والصبح احط عليها زبادي واحطها 6 ساعات واغسلها

الطريقة دي بقى ربنا يكرمها صاحبتها إنها بتجيب مجموعة أعشاب وتطحنهم وتخلطهم مع بعض وكانت مسمياهم المشاط الخاص وكانت بتاخد معلقتين من الخلطة دي وتحط عليهم ميه مغليه لمدة نص ساعة وبعدين تعجن بيهم الحنة وتحط كمان معلقتين زيت زيتون او اى زيت عندك عشان مش تنشف الشعر وتسيبها تخمر يوم يومين تلاتة عادي وقبل ما تحطها على شعرها بتحط موزتين مهروسين ومعلقة زبادي ومعلقة مايونيز وتحطها 6 ساعات او تنام بيها طول الليل

تطبيقي أنا للموضوع أولا كدا طريقة تحففففففففففففففففة ربنا يكرمها صاحبة الموضوع أنا جمعت الأعشاب وطحنتها من كل نوع تقريبا 1/8 كيلو عملي كمية كبيرة جدا تكفيني سنة او اكتر استعلمت معاهم معلقة صغيرة دم غزال لأني بحب الحنة الحمرا على شعري وضيفت شوية خل بسيطة خالص وأول مرة جربت وحطيت معاها زيت بس مش ارتحتله فا مش كررته تانى وعجنت الصبح بالزبادي والمايونيز والموز الوصفة يا بنات بتفرد الشعر بشكل خيالي بس هي بتخليه ينشف شوية سواء بزيت او من غير زيت ودي لاقيتلها حل جاي كمان شوية
وعلى فكرة مش لازم دايما بالموز أوقات مكنش عندي وزودت الزبادي والمايونيز شوية وكانت رهيبة
صاحبة الموضوع كانت قالت انها بتعملها مرتين في الأسبوع بس انا مقدرتش على القصة دي فخليتها مرة واحدة وهي يوم الجمعة وفي نص الأسبوع بعمل حمام زيت عشان يطري شعري
وكمان كانت قالت توفيرا للوقت ممكن تعجني كمية وتستخدميها على كذا مرة ووقت الإستخدام تبقي تضيفي الزبادي والمايونيز ومش شرط تتحط في التلاجة... وقد حدث وعملت كدا ومش حطيتها في التلاجة وبعد يومين لقيتها عفننننننننت لأن الجو حر... ومن وقتها بغطيها كويس واشيلها في التلاجة اضمن


2-بالنسبة للشامبو كنت دايما بستخدم صانسيلك الأسود وأخففه بشوية ميه وخلاص.. كنت سمعت عن صابونة الغار مرة وجبتها غسلت بيها شعري مباشرة وشعري نشف جدا وقولت خلاص دي وحشه
وبعدين من فترة قريبة لقيت موضوع فتوكة هنا كتباه عن الشامبوهات المنزلية(برضو ناسية الاسم اعذروني)
وكان بصابون نابلسي شاهين مبشور وعليه زيت عطري وزيت سمسم ونص لتر ماء مغلي ومنقوع فيه معلقتين روز ماري ومعلقتين ورد مجفف

تطبيقي أنا ملقتش صابون نابلسي جبت صابونة غار وبشرت ربعها وحطيت بالظبط معلقتين مية سخنه عشان اذوبها وبعدين ضيفت معقلتين زيت زيتون ومعلقتين زيت لافندر وفي الوقت دا كنت ناقعة الروز ماري والورد في ربع لتر ميه وخلطتهم مع بعض وسبتهم تاني يوم لقيت خليط تقيل إلى حد ما مش سايب زي ما عملته اول مرة... لما استعملته
*أولا شعري مش نشف زي ما بيعمل مع الشامبو
*ثانيا ريحته تحفة
*ثالثا بيرغي كويس جدا
*رابعا بقى ودي المفاجأة القشرة اللى كانت عندي اختفت وبعد ما تبعت واستخدمت جميع انواع الشامبوهات الطبية وشعري نشف واتبهدل بسببهم ..القشرة اختفت بالطريقة البسيطة دي الحمدلله


3_نيجي لحمام الزيت أنا زمان كنت دايما اسمع حمام الزيت مفيد ولازم نعلمه باستمرار وبيطري الشعر وزيت الزيتون تحفة واللي تقول لأ زيت السمسم واللى تقول الخروع واللى تقول الذرة عشان خفيف وجربت كل دول على حدة او مخلوطين وكانت دايما النتيجة واحدة وهي ان نص شعري بيقع وانا بغسله من حمام الزيت دا غير ان شعري كان بيهيش بعدها بطريقة غريبة
الزيت الوحيد اللى مش جربته لأني كنت اسمع انه صعب الاقي الأصلي منه هو زيت النارجيل او زيت جوز الهند ومن وقت شفت موضوع عن فوايدة وأهميته قولت لما اجرب وجبته فعلا من عند العطار وكان سايب عشان الحر جريت على التلاجة وحطيته شوية لقيته جمد قولت يبقى كويس واتوكلت على الله ودفيت شويه على حمام ميه وحطيته على فروة راسي وعلى كل شعري ولفيته كويس وقعدت ساعتين وبعدين غسلته بصابون الغار اللى فوق بجد بجد انصعقت.. ما شاء الله نعومه من هنا للسنه الجايةومفيش تساقط وانا بغسله ولا هيشان بعد ما شعري نشف بجد ضيعت فلوسي كتير على الزيوت اللى قبله والغريبة ان سعره ارخص منهم كلهم

4_آخر حاجة بقى واللى كانت مديقاني هوا كريم التصفيف أنا بقالي فترة طويلة كنت بستخدم دابر فاتيكا وكان كويس وبعدين شفت موضوع هنا الوحيد اللي فاكرة اسمه(مش كل الغالي حلو ولا كل الرخيص وحش) وكانت كاتبه عن كريم مينك بالبلسم والنخاع النباتي وكريم جي كازانوفا وشكرت فيهم جدا فأنا جريت وجبت الاتنين جي كازانوفا حسيته تقيل على شعري أوي أما كريم مينك بالنخاع والبلسم كان رهيييييب وقعدت سنة بستخدمه ولسه خلصان امبارح المشكلة بقى انه معدش بينزل وبقى تنزل انواع جديدة من مينك جربت اللي بالبلسم والعسل كان خفيف جدا ومعجبنيش جربت دابر أملا البنفسجي بتاع التكثيف برضو خفيف جدااااااا فقولت شكل شعري مش بيجي على الغالي فالنهاردة اشتريت عبوة صغيرة من كريم تبع مينك أول مرة اشوفه اسمه مينك هير فود وعلبة تانية اسمها مينك هير كريم بالبلسم وزيت المينك والبانثينول عجبني جدا كثافتهم مش تقيل زي كازانوفا ولا خفيف زي دابر أملا وجربت منهم مينك هير فود جميييييييييييييييل جدا وريحته تجنن كأنها ريحة ياسمين أو فل بجد رهيب
كاتب الموضوع : ام يوسف
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

العناية بالشعر :: تعاليق

لا يوجد حالياً أي تعليق
 

العناية بالشعر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى وصفات كليوباترا  :: العنايه الكامله بالجسم والبشره والشعر :: العنايه بالشعر hair care-
انتقل الى:  


جميع الحقوق محفوطة لمنتديات
وصفات كليوباترا

وصفات طبيعيه

اسم القسم

اسم القسم

اسم القسم