وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ملف هام العنايه بالبشره وكل اجزاء الجسم في فصل الشتاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
15102010
مُساهمةملف هام العنايه بالبشره وكل اجزاء الجسم في فصل الشتاء




طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..

علشان كده هقول لك دلوقت على شوية نصائح هتساعدك على العناية ببشرتك في فصل الشتاء...




يلا نشوف النصائح دي مع بعض..



النصيحة الأولى
بلاش صابون


شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..

علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.






النصيحة التانية
لا للمياه الساخنة

طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن

شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.


النصيحة الثالثة
نشفي بشرتك بفوطة ناعمة


أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.







النصيحة الرابعة
ماتكتريش من الماكياج



دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..


النصحية الخامسة
اشربي سوائل على قد ما تقدري

كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.













المشكله الاولى
هى جفاف جلد الجسم



أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.






المشكلة التانية
جفاف جلد الوجه



برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..


ماسك الزبدة لعلاج جفاف البشرة



المكونات :

• معلقة صغيرة زبدة
• معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك ده مرتين في الأسبوع وهتشوفي الفرق بنفسك.

ماسك العسل بالليمون

والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها..

المكونات :


ملعقة كبيرة عسل نحل
• ملعقة كبيرة عصير ليمون
• ملعقة كبيرة خميرة بيرة
• ملعقة مياه دافئة

الطريقة:
أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.




المشكلة الثالثة
شحوب البشرة



من ضمن المشاكل اللي ممكن تتعرضي لها في الشتاء إنك بتحسي إن بشرتك لونها شاحب شوية والحل إنك تجربي الماسك ده..



ماسك البرتقال


المكونات:


• عصير نصف برتقالة
• 3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار وسيبيه شوية لغاية ما تلاقيه برد، وبعد كده حطيه على وشك لمدة ربع ساعة وبعدين امسحي وشك بقطنة مبلولة بالماءالفاترة وكرري الماسك ده مرتين في الأسبوع وهتلاقي وشك بقى حاجة تانية خالص.




المشكلة الرابعة
خشونة جلد اليدين وتشققه


دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده.


ماسك عصير الليمون

كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالماء الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير.


المشكلة الخامسة
خشونة كعب القدمين وتشققه

دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..


حمام المياه والفازلين


ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب وسيبيه لمدة نص ساعة أو نامي به وقومي الصبح وهتلاقي الفرق بنفسك.




المشكلة السادسة تشقق الشافايف

فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.





المشكله السابعه تشقق جلد الكوعيين



من ضمن المشاكل اللي ممكن تتعرضي ليها في الشتاء مشكلة تشقق جلد الكوعين


ودي حلها ماسك زيت القرفة


المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها، وبعد كده ادهني الأماكن المصابة بالجفاف والتشقق وبعد مرور نص ساعة اغسليها بالماء الفاتر وكرري الماسك ده مرة كل أسبوع.



جفاف البشرة في الشتاء
عند قدوم فصل الشتاء تعاني بعض السيدات من جفاف في البشرة بالرغم من المحاولات الكثيرة التي تبذلها النساء لتجنب حدوث هذه المشكلة، هذه الظاهرة مشتركة بين كل نساء العالم حيث أن الجو الخارجي البارد والدخول إلى الأجواء الداخلية الدافئة تؤثر على البشرة بشكل مباشر، والحلول قد تكون ابسط مما تتصورين حيث أن المطلوب هو تغيير طريقة غسل وجهك
نقدم لك بعض النصائح للتخلص من هذه الظاهرة المزعجة

اغسلي وجهك مرة واحدة في اليوم فقط وذلك في فترة المساء لإزالة الماكياج والشوائب التي علقت بوجهك خلال النهار، حيث أن الوجه لا يتسخ خلال الليل ولذلك ليس هناك حاجة حقيقية لتنظيفه في الصباح لذلك اكتفي باستخدام الماء الفاتر لغسل وجهك في الصباح ووفري استخدام المنظف إلى المساء
عند استخدام المنظف يفضل استخدام الماء الدافئ ولكن عند غسل الوجه بعد ذلك استخدمي الماء البارد حيث تقوم هذه العملية بتنشيط الأوردة الدقيقة الموجودة في الوجه كما أن استخدام الماء البارد لغسل المنظف لا يؤدي إلى زوال المواد المغذية التي يضيفها المنظف إلى وجهك
إن استخدام الماء لتنظيف الوجه يخل بتوازن البشرة ويؤدي إلى جفاف البشرة لذلك لا ينصح بالبقاء طويلا تحت الماء عند الاستحمام واستخدمي مرطب البشرة مباشرة بعد خروجك من الحمام لتجنب جفاف البشرة
إذا بقيت تعانين من الجفاف بعد هذه النصائح فعليك أن تغييري نوع المنظف الذي تستخدمينه لبشرتك
وتعتبر برودة الشتاء قاسية على البشرة الناعمة وقد تجف ويظهر عليها بعض علامات القشرة وعدم الليونة وتكون النتيجة جفافا وخشونة في الجلد، وعلاج هذه الحالة الموسمية يتم من خلال استخدام الكريمات والزيوت المغذية للبشرة لتضمن ليونة الجلد ونعومته وحمايته من التقشر ومن المناسب، كما ينصح الخبراء استخدام زيوت الزيتون واللوز والخروع النقي
وقد حذرت دراسة علمية جديدة من أن الاحتفاظ بالدفء في الأجواء الباردة والممطرة، قد يؤثر على الجلد ويسبب جفافه وتهيجه ويثير الحكة، وقال أخصائيو الجلد في كلية الطب بجامعة مينيسوتا الأمريكية، إن الهواء الساخن داخل المنزل أو المكتب خلال فصل الشتاء يؤذي الجلد ويسبب تضرره أكثر من الهواء البارد في الخارج، ففي فصل الشتاء تتعرض البشرة لبعض المشكلات من أهمها الجفاف ولكن كيف يحدث الجفاف للبشرة في الشتاء بما في ذلك البشرة الدهنية؟!
إن الحياة داخل المنزل في مكان مغلق مع أجهزة تكييف ساخنة تضر ببشرتك ضررا بالغا فلا بد من تجديد هواء الغرف دائما، لأن البشرة في حاجة دائمة إلى الأوكسجين لكي تحتفظ بجمالها ونضارتها، ووجود زهور أو زرع أخضر في البيت مفيد للغاية خلال النهار فهو يجدد الأوكسجين ولكنه قد يكون ضارا ليلا
كذلك من أسباب الجفاف الأخرى لبشرتك ولشعرك التعرض لمدة طويلة لمصادر حارة مثل الوقوف أمام موقد الغاز أو المدفأة لمدة طويلة فحاولي قدر الإمكان الإقلال من وقوفك أمام أي مصدر للحرارة مدة طويلة واحرصي على تهوية مطبخك جيدا كل يوم
ولعلاج هذا الجفاف، لا بد من استعمال الكريم المرطب بانتظام، فعدم العناية بترطيب البشرة يؤدي إلى ظهور التجاعيد مبكرا وهذا تحذير إلى كل سيدة فوق الثلاثين
وإياك أن تضيفي الكريم المرطب إلا على بشرة نظيفة تماما وذلك بعد أن تزيلي الماكياج تماما بحليب التنظيف وتغسلي وجهك بصابون ملائم لنوع بشرتك ثم تضعي هذا الكريم المرطب
ومع تغير الفصول بشكل عام فان البشرة تحتاج للمزيد من العناية وقد تكون معرضة أكثر للجفاف بسبب تغير الطقس وينصح بالعودة إلى الطبيعة باستخدام المواد الطبيعية الموجودة في الأعشاب والنباتات واستخدام الورود وغيرها للعناية الصحية


نصائح للعناية باليدين فى فصل الشتاء
- ارتدي قفازات مطاطية عندما تؤدين الأعمال المنزلية لحماية يديك وأظافرك
- عند الإستحمام جففي جسمك جيدا بمنشفة وتحاشي التعرض للهواء الساخن الناشف جدا حتى لاتعاني من التشقق والجفاف
- رطبي يديك مباشرة بعد الإستحمام حيث تكون البشرة أكثر تقبلا للمرطب
- اهتمي بتدليك يديك بالكريم بحركة دائرية صغيرة لتنشيط حركة الدورة الدموية ولتخفيف التوتر والتصلب فيهما مرتين في اليوم على الأقل
- استخدمي مقشر وماسك خاص لهما بشكل دوري كي تتخلصي من الجلد الميت
- استخدمي كريمات تحتوي على حماية من الشمس في فصل الصيف وكريم مرطب في فصل الشتاء مع ارتداء قفازات للعناية بهما فى البرد
- مارسي تمارين خاصة باليدين وذلك لإزالة التوتر والتصلب عنها

مجمع ومنقول لاحلي اميرات علشات الشتا
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ملف هام العنايه بالبشره وكل اجزاء الجسم في فصل الشتاء :: تعاليق

ملف هايل لان الشتا بدا يظهر واثاره تبان علينا هههه
 

ملف هام العنايه بالبشره وكل اجزاء الجسم في فصل الشتاء

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: