وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ازاى تنظمى بيتك وتخلصى شغله بدرى بدرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
23042013
مُساهمةازاى تنظمى بيتك وتخلصى شغله بدرى بدرى


ازاى تنظمى بيتك وتخلصى شغله بدرى بدرى



أولاً :- المطبخ
لو جوزك جابلك فراخ او لحمة متحطهاش فى الفريزر علطول لا نظفيها وتبليها وشيليها جاهزة
الخضار بردوا جهزيه واحفظيه فى أكياس فى الفريزر
أما بعصر مثلا طماطم او مبشور بصل او فرم توم او سلق بقول
حتى المحشى اسلقى الكرنبة واحفظيها والخلطة برده جهزيها من غير الرز طبعا وشيليها فى الفريزر لو كان عندك خضرة وخايفة عليها تدبل
حتى العجاين ممكن تعملى عجينة بيتزا كتير أستخدم جزء والباقى حطيه فى الفريزر عشان تستخدميه فى وقت تانى
عاوزة أقولكم مفيش حاجة طعمها بيغير وبجد بوفر وقت كبير جدا فى الطبخ
لو عندك شوربة زايده احفظيها فى اكياس وضعيها فى الفريزر
اول متصحى من نومك لو فى لحمة ولافراخ ركبى عليها وحضرى فطارك وافطرى
وطلعى خضارك والرز جهزيه
الحلل بقى والأطباق والملعقة اللى بتتوسخ بتتغسل علطول

بالنسبة بقى لشغل البيت
قومى سريعا يوميا بتلميع الموبيليا على السريع .........وامسحى السيراميك المكشوف علطول أول بأول بممسحه....السجاد متيسبهوش فترة من غير ما تكونى منظفاه بفرشة وبالمكنسة صدقونى الشغل ده مش بياخد اكتر من ساعة والبيت بيكون فلة
لو عندك بيبى قفلى ابواب البيت وحطيه فى مكان وحطيله لعبه يلعب بيها
والسجادة اللى بيلعب عليها حطى عليها ملاية قديمة او اى حاجة علشان متتبهدلش

لو عندك بنوتات صغيرين علميهم يرتبوا سرايرهم ويلموا لعبهم

فى بقى حاجات عاوزة أقولكو عليها
يا ريت نحاول نعمل اكتر من حاجة فى نفس الوقت يعنى مثلا لو واقفين جنب الأكل لحد ما يغلى نكون غسلنا كام كوباية على طبق كدة يعنى
نحط الاكل وعلى مايستوى نكون رتبنا البيت وزبطناه

قاعدين نلعب مع النونو بتاعنا وبنطوى الغسيل
نحاول أول بأول نشيل الكراكيب اللى فى البيت اللى ملهاش لزمة يعنى لو فاضيين شوية أفرزى الجزم فى يوم.... يوم تانى أفرزى الأدوية يعنى علشان ما يكونش ف كراكيب كتير فى الشقة ومنتعبش فى ترتيبها

الدولاب بقى لازم اول باول تخرجى كل الملابس اللى انتى مبتلبسهاش ومتقوليش ده ينفع لبنتى احنا مش عارفين بكرة فى ايه وكمان فى ناس كتير محتاجة
الطريقة دى هتخفف الركبة فى الدولاب
التسريحة بقى متروحيش ترصى عليها كل مكياجاتك وبرفاناتك لا حطى بس اللى بتستخدميه يوميا المشط المرطب البرفان الخاص بيكى الروج وقلم الكحل علشان يبقى سهل عليكى تلميعها وترتبيها
الغسيل لو عندك غسالة اتوماتيك اغسلى علطول ومتجمعيش غسيل عليكى
الشرابات والملابس الداخليه اغسليها اول باول

بالنسبة بقى للبوتجاز غطى الطاسة وأنتى بتقلى وأول بأول لو وقعت عليه بقعة نظفيها وغطى كمان الجزء المكشوف من البوتجاز بفوطة مبلله ومعصورة وأنتى بتقلى علشان البوتجاز ما يتبهدلش

عاوزة أقولكو أن أى طبق بتحطه فى التلاجة يتمسح من تحت علشان لو فيه أى أكل ميسوخش التلاجة
الحمام بقى بعد ما أى حد بيستحمى علطول نشفيه .. خلاط المية والسيراميك اللى حوالين البانيو عشان ميجيرش وميتعبكيش وأنتى بتنظفيه ونظفى التواليت والحوض على السريع

أما تيجى تنفضى ممكن تنفضى الغرفة على أكتر من يوم يوم تلمعى الموبيليا وأترتبى الأدراج والدولاب ..... يوم تانى أغسلى الشبابيك ..........يوم تالت نفضى البراقع ....وأخر يوم شيلى السجادة نفضهيا وأمسحى الاأرض
وحاولى تستفيدى وانتى شغالة فى البيت مثلا شغلى التليفزيون على البرامج الدعوية الهادفة او شغلى خطبة تستفيدى بيها
ياريت لو حد عنده افكار تانية يشاركنا برايه
كاتب الموضوع : asoma ahmed
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ازاى تنظمى بيتك وتخلصى شغله بدرى بدرى :: تعاليق

لا يوجد حالياً أي تعليق
 

ازاى تنظمى بيتك وتخلصى شغله بدرى بدرى

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الديكور والاثاث Decoration and Furnishing :: تدبير منزلى |تنظيم-تنظيف المنزل-تجارب -حلول-
انتقل الى: