منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 32 عُضو متصل حالياً :: 0 عضو مُسجل, 0 عُضو مُختفي و 32 زائر :: 2 عناكب الفهرسة في محركات البحث

لا أحد

شاطر
استعرض الموضوع السابقاستعرض الموضوع التالي
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 70338
الاوسمه :
العمل/الترفيه : طبيبه اسنان
05102010
لو متجوزه او عروسه شاركى معانا والموضوع ده هيبقي حلو اوى لكل العرايس بجد يعنى كل بنوته تدخل تحط التفاصيل لفرحها الصور
ادخلى معانا ونزلى تصورك ليوم فرحك وشوفى رد فعل باقي الاميرات ومحتاج يتعدل ايه فيه
الفستان
الطرحه
المكياج اللي بتحلمى بيه
خاتم الخطوبه او الجواز
المسكه للورد او الجيرب
كارت الدعوه
رسمه الحنه اللي هتعمليها
الكوشه والقاعه
لبس الصباحيه ولبس الدخله
الحذاء او الصندل
التورته
البيت ان شاء الله اللي بتحلم بيه
العربيه اللي متزوقه نوعها ايه





يالا مستنيه اتفرج العرايس معانا بيحلموا بايه ولو متجوزه عيدي ذكرياتك وحمسي العرايس
اى بنوته تحب تنصح العروسه ناقصك كذا او احلي كذا عايزين نساعد بعض
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
في 06.10.10 6:38روان
الفستان
بحلم بجد بفستان سيمبل جدا يعني يوم لما يبقي اوفر اوي في التطريز حزام علي الوسط ولا اكثر شوفو كدا معايا اللوك دا وقولولي رايكم

[ندعوك للتسجيل في المنتدى أو التعريف بنفسك لمعاينة هذه الصورة]

الطرحه
طبعا سيمبل جدا زي الفستان لانها لو بقت غير كدا مش هتبقي لايقه خالص وعموما انا شايفه ان الفورما بتاع الشعر بتبقي كفايه بس لو الطرحه كانت شيك عليها هحطها غير كدا لو حسيت ببهرجه هشيلها اكيد شوفو كدا وقولو رايكم

[ندعوك للتسجيل في المنتدى أو التعريف بنفسك لمعاينة هذه الصورة]

المكياج اللي بتحلمى بيه
انا بحب الميكب الخفيف بجد بس دا ميمنعش اني بكره الميكب التقيل لكن الصراحه مش بيليق عليا نهائي وبيبقي وشي كاني حاطه جبس ههههههههه فبلاش منه اصل العريس يتسرع ليله الفرح اكتر لون بيليق عليا هو الاخضر الزيتوني والفيروزي والروج فاتح برده يعني ممكن بينك غامق او ما شابه ذلك وطبعا البلاشر حبيب قلبي يبقي فوشيا او بينك خطيبي اصلا بيقلي لما بتحطيه بيبقي وشك حلو اوي شبه الفراوله هههههههههههههه
شوفوا معايا كدا الميكب دا مش عارفه اوصل لصوره مطابقه للي في دماغي بس عموما ميكب خفيف مع فورما بسيطه زي اللي انتوا شايفينها دي

[ندعوك للتسجيل في المنتدى أو التعريف بنفسك لمعاينة هذه الصورة]

خاتم الخطوبه او الجواز
برده بحب الحاجات البسيطه ويكون فيها فصوص صغيره وبتلمع اوي بحب النوعيه دي جدا واساسا الدبل اليومين دول بقت بجد تجنن الموضه بتاعتها بجد بجد يعني هي دي الدبله اللي انا بحلم بيها فعلا نفس الشكل دا

[ندعوك للتسجيل في المنتدى أو التعريف بنفسك لمعاينة هذه الصورة]

مسكه للورد
عايزه طبعا لون ابيض بيبقي شيك اوي شوفو معايا كدا

[ندعوك للتسجيل في المنتدى أو التعريف بنفسك لمعاينة هذه الصورة]

كارت الدعوه
طبعا كارت الدعوه بيدل علي ذوق العريس والعروسه في نفس الوقت انا نفسي في كارت ملفوف بحسه شيك جدا شوفو كدا الفكره بس مش هو دا طبعا في اشيك من كدا بكتير

[ندعوك للتسجيل في المنتدى أو التعريف بنفسك لمعاينة هذه الصورة]

رسمه الحنه اللي هتعمليها
الصراحه علشان ماكونش كدابه مش هعمل حنه لاني مش بحبها علي الجلد بحبها علي الشعر بس لكن هعمل تاتو رقيق فراشه او زهره او نجمه اي حاجه رقيقه عموما شوفو كدا معايا

[ندعوك للتسجيل في المنتدى أو التعريف بنفسك لمعاينة هذه الصورة]

الكوشه والقاعه
هو احتمال يعني اعمل الفرح في قاعه صغيره لاني بفكر ناخد الفلوس بتاع الفرح ونقضي شهر العسل في ماليزيا او باريس بس عموما لو الفكره دي لم يوافق عليها خطيبي ههههههههه هعمله في قاعه تكون منظمه منظمه اهم حاجه بجد مش بحب شغل الطاولات العشوائي دا بصوا علي تنظيم القاعه دي انما الكوشه وحشه
[ندعوك للتسجيل في المنتدى أو التعريف بنفسك لمعاينة هذه الصورة]
والشزلونج دا بس برده مش هو اللي في دماغي بس يكون سيمبل برده
[ندعوك للتسجيل في المنتدى أو التعريف بنفسك لمعاينة هذه الصورة]
والقاعه يكون لونها ابيض في لون هادي اما دهبي او احمر غامق بيسموه نبيتي باين

لبس الصباحيه ولبس الدخله
ايه بس الكسوف دا هههههههههه :oops: :oops:
هلبس بيجامه زي دي يوم الصباحيه طبعا للعريس فقط هههههههههه

[ندعوك للتسجيل في المنتدى أو التعريف بنفسك لمعاينة هذه الصورة]
لكن لما الناس تيجي هبقي البس عبايات استقبال المعروفه دي
ولبس ليله الدخله اكيد هلبس لانجيري اسود بحب اللانجري اوي اساسا حاجه نفس الاستايل دا بس لونه اسود

[ندعوك للتسجيل في المنتدى أو التعريف بنفسك لمعاينة هذه الصورة]

الصندل او الحذاء
الوقتي اللي طالع موضه الصنادل اكتر وانا بقا عايزه صندل برج القاهره علشان اعوض فرق الطول بيني وبين خطيبي ههههههه والله انا مش قصيره انا عاديه بس هو اللي طويل اوفر المهم دا ممكن ينفع شكله شيك ورقيق بخلاف لون الاكسسوارات اللي فيه المفروض تبقي فضي علي الفستان

[ندعوك للتسجيل في المنتدى أو التعريف بنفسك لمعاينة هذه الصورة]

التورته
حلوه التورته دي ايه رايكم هههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

العربيه اللي متزوقه نوعها ايه
بصوا هو انا عندي فكره انا مش عايزه زفه مع ان خطيبي مش موافق بيقلي دي اسمها الزفه الدمياطي يعني اساسي في دمياط كان نفسي ااجر مكان الزفه عربيه ليموزين بس هو مرضاش وقالي هنجيب عربيه مرسيدس ابيض سقف مكشوف لان اللي معاه هوندا سيفك وحاسه انها هيبقي دمها تقيل علي الفرح


البيت ان شاء الله اللي بتحلم بيه
اهم حاجه مش يكون زحمه ومليان موبليا ملهاش لزمه يكون منظم وبيجمع بين الاثاث المودرن والكلاسيك

يا رب يكون زوقي عجبكم واي حد له اي استفسار يا ريت يشاركني الرأي علشان انا بحلم بس مش عندي خبرات


وادعولي يا رب يجمعني انا وحبيبي علي الخير ان شاء الله ويرزقنا بالذريه الصالحه
روااااااان
ايه يا جماعه ذوقي مش عجبكم ولا ايه مش شايفه ردود يعني ؟؟؟؟؟؟؟؟؟؟؟؟؟؟؟؟؟؟
avatar
لا حلو كتير يا روان
بس انا لسه بقي مش بفكر في الحجات ديه بلا قلة ادب هههههههههههههههههههههههه
لا ان شاء الله لما يبقي يجي ابن الحلال ابقي افكر
avatar
لا لا بجد واااااااااااااااو ذوقك حلو اوى يا رورو ورقيق لسه شايفاه حالا بجد جامد يا بخته يا ستى ويارب يكتبلك الخير الله فرحك ان شاء الله هيبقي تحفه لانك رقيقه اوي في ذوقك ومفيش كسوف بقي خلاص ده بعد الجواز حلوه البجامه موووووووووووت والفستان والقاعه يهبلو يارب يتمم ليكى علي خير يارب
avatar
ذوقك بجد تحفه يارورو يابخت حبيبك بيكى يارورو ياقمر
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى