اعرفي عريسك بدري بدري.. من طريقة أكله ....؟؟؟؟

avatar
asoma ahmed
اميره برونزيه
عدد المساهمات : 2119
الاوسمه :
العمل/الترفيه : محاميه استئناف وربة منزل حاليا

مُساهمةasoma ahmed

اعرفي عريسك بدري بدري.. من طريقة أكله ....؟؟؟؟


1- إذا كان عادي يعني لا بياكل بسرعة ولا ببطء ولا دايمًا شبعان ولا

مفجوع على طول.. يبقى شخص معتدل في عواطفه وقراراته ويبقى ده آخر

الرجال المحترمين.. كلبشي.. واستعجلي الزفاف والحياة هتبقى بمبي




2- إذا كان بيحب الأكل زي عينيه.. وأول ما يدخل من الباب وقبل ما يقول

لك ازيك يقول لك ريحة التقلية تجنن ياروحي إنتوا عاملين ملوخية على

أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان

طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟



3- أما إذا كان مش مهتم بالمرة.. لايقولك ده حلو ولا ده عادب ولا مالح

ولا مستوي ولا لسه ني ولا بيعلق أي تعليق.. وعمره مايقولك جعان أو

شبعان يبقى إنسان مالوش لزمه.. وزي قلته.. وأنصحك بدل ما تتجوزيه

إتبنيه.. وهاتعيشي إنتي الراجل والست فى وقت واحد واعملي حسابك

هاتركبيه

وتدلدلي رجلييكي.




4- أما إذا كان بياكل زى مايكون حد بيجري ورااااه وساعة الأكل بيجيله

حالة صرع معوي.. ويقوم من ع الأكل قبل أي حد تاني يبقى متسرع.. ومتهور

في اتخاذ قراراته وممكن بعد الجواااز يكتشف إنك لست ملهمته..ولست فتاة

>أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن

لكرامتك.




5- أما إذا كان بياكل على مهله.. ويمزمز.. فى كل صنف لوحده.. ويسأل عن

كل صنف إيه مقاديره ومعمول إزاااي ويقعد يستطعم ف الأكل من العصر

>للمغرب حاسبي منه يا اختي ده النوع اللي له مخ.. وبيوزن الأمور بطريقه

تفقع المرارة.. ولو في يوم طلبتي منه يقولك كلمة حلوة هايقولك مش عامل

حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي

إيه؟؟ نظااااام شلل رعاش بدري.... بدري.... إخلعي يا أمي

...



>6- أما إذا كان بيقعد يقطع فى الأكل زي مايكون فى خناقة ويخبط فى الطبق

من الغل.. ويقطع حتة اللحمة زي ما يكون

بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده

شخص عصبي جدًاااا.. ومع أول خناقة هايروح مناولك بالكرسي فى راسك أو

بالسكينة فى عينك يعمل لك عاهة مستديمة وبعدين.. يهدى.. ويقول لك:

"سوووري ياروحي هي جت فيكي.. معلش"

""معلش برَّه يا حبيبي وخد الباب ف أيدك""


7-

أما إذا كان دايمًا قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة..

ياساتر.. دا محشي ولاصوابع مووووز.. أووووف.. الرز محصويل.. يامَّه

المكرونة معجنة.. إذا كان كده توكلي على الله وهاتي أحمى ساطووووور

عندك وأنا أعرف لك واحد محامي

هايطلعك منها زي الشعرة من العجيييين

والأحسن من ده كله..... مالها القعدة فى بيت

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
اعرفي عريسك بدري بدري.. من طريقة أكله ....؟؟؟؟ :: تعاليق
avatar
فتاة الاحزان
مشرفه قسم الشعر
مشرفه قسم الشعر
رقم عضويتك : 2801
عدد المساهمات : 6876
الاوسمه :
العمل/الترفيه : خريجه كلية الحقوق

مُساهمة في 22.04.13 20:58 من طرف فتاة الاحزان

كدا يبقا لازم نراقب طريقتو ف الاكل ههههههههههه
تسلم ايديكى ياقمر
avatar
queen hend
اميره جديده
اميره جديده
عدد المساهمات : 1
الاوسمه :

مُساهمة في 11.08.13 13:38 من طرف queen hend

تسلم ايديكى ياقمر

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى