وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 مستحضرات العنايه واتحدي اي منتدي اخر

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
01102010
مُساهمةمستحضرات العنايه واتحدي اي منتدي اخر


السلام عليكم ورحمه الله وبركاته

ازيكم يا بنات انا عجبني القسم دا اوي لانه بيجعل منتدانا متميز عن غيره

انا جيبالكم مستحضرات عنايه بالبشره واتحدي اي منتدي

من دكتوره وانا اللي جبتها شخصيا يعني مش هتلاقوها في منتديات تانيه ابدا

يعني من الاخر جربوها وانتوا مطمنين من نتائجها وصحتها

ندخل في المفيد

الدكتوره قالت حاجات يوميه لازمه للبشره

اولها الغسول وقالت انه مهم جدا للبشره وبيستخدم بشكل يومي
ودا عباره عن معلقتين شوفان مطحون - ملعقتين لبن بودره - ملعقتين ورد مجفف مطحون دول للبشره العاديه والجافه اما لو للبشره الدهنيه نشيل اللبن
الطريقه بقا نضع منه القليل علي الوجه وندلكه ونغسله


الخطوه التانيه بعد الغسول هو اننا ننظف بالتونيك وقالت انه مهم للتنظيف اليومي يعني غسول وبعدها تونيك كل يوم ودا عباره عن 90 جرام ماء ورد - 30 جرام زيت لوز - 15 جرام جلسرين دا للبشره العاديه اما للبشره الدهنيه نحط لخه ريحه او زيت ورد ودا بيتحط في علبه برفان قديمه من بتوع التركيب دول او اي حاجه ببخاخ علشان التونيك يتوزع صح وبالقطن الخاص بالوجه وننظف وميغسلش يتساب علي البشره لانه مفيد



ثالث حاجه كريم الشمس او الواقي ودا بنحطه قبل الميكب وهو عباره عن 4 معالق فازلين ومعلقتين زيت زيتون وعصير خياره مضروبه في الخلاط ومصفاه وقبل ما نحضر الكريم نعمل حمام مائي للفازلين يعني نحطه في كوبايه وحواليها ماء ساخن علشان نسخنه من غير نار

رابع حاجه هي كريم العين او بتاع الهالات السوداء ودا قالت بينصح بيه عند 18 سنه وهو عباره عن معلقتين فازلين ومعلقتين زيت جنين القمح ومعلقتين زيت لوز والطريقه يتم خلطهم مع بعض حتي الاندماج


خامسا كريم الليل ودا اللي بنضعه قبل النوم وهو عباره عن نصف كوب شمع عسل ومعلقتين زيت جنين القمح ومعلقتين زيت جوجوبا

خامسا ماسك تفتيح قالت اسهل حاجه للتفتيح هي معلقه خميره ومعلقتين لبن وماء ويتحط علي الوجه لحد ما ينشف

ودا مستحضر للرموش معلومات كدا في السريع الرموش دي من ماده الكيراتين زي الشعر والاظافر وكل جفن فيه 300 رمش بيتجددوا كل ست شهور وعلشان نحافظ عليها لازم ناكل غذاء سليم واللي عايزه اطاله للرموش تستخدم زيت الخروع واللي عايزه كثافه تستخدم زيت الزيتون مره مساءا كل يوم واللي عايزه الاتنين تخلطهم مع بعض وبالنسبه للعنين لازم ننظفهم كويس ونعملهم حمام ماء باننا نملي ادينا ماء وننظف بيها العين وهي طريقه مثلي لتنقيه العيون من الشوائب



كدا انا خلصت التحضير بقالي شويه تعليمات بصوا يا بنات هي قالت زيت جنين القمح وزيت الجوجوبا ضروري من الصيدليه بلاش من العطارات

تاني حاجه قالت ان المستحضرات الكيماويه الناس بتلجأ ليها لان سرعه النتيجه بتبقي سريعه لكن لها اثار سلبيه مستقبلا والقليل بيلجا للوصفات والمستحضرات الطبيعيه علشان نتايجها مش سريعه زي الكيماويه بس هي الاضمن وليس لها اي خطوره سواء في الاجل القريب ام البعيد بس تحتاج حاجتين الصبر والمواظبه يعني من الاخر قالت الصحه والجمال في وقت واحد

انا كان عندي الحاجات دي من زمان بس كنت خايفه تضيع وسط الموضوعات العاديه ولما فتح القسم دا حبيت اكتبها ليكم علشان تستفيدو وبجد كل الحاجات دي تجنن جربوها وعلي ضمانتي بالتوفيق باذن الله

حصـــري مع وصفـــــــــات كليوبــــــــــــاترا
كاتب الموضوع : روان


عدل سابقا من قبل روان في 26.11.10 18:05 عدل 2 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

مستحضرات العنايه واتحدي اي منتدي اخر :: تعاليق

بالحق تقيم الموضوع يا بنات متنسوش من علامه + اللي فوق وتدعولي ياريت بالهدايه وراحه البال وشاكره ليكم
رد: مستحضرات العنايه واتحدي اي منتدي اخر
مُساهمة في 01.10.10 4:14 من طرف كليوباترا
طبعا قيمته ورررررررررررائع بلا جدال حلو اوى ياروان يا قمر بجد كان لازم نعمله من زمان لان ده اللي هيميزنا عايزين نبقي احلي اميرات ومش مقلدين حد فنتميز بجد يارب بيكم ويوفقنا باذن الله ونبقي كلنا حاسين بالنجاح لانه منتدانا كلنا يارب يارورو

تسلم ايديكى الله تحفه
بجد القسم دا كان مفاجاه رجوعي بعد الغيبه بجد احلي مفاجاه عملتيهالي يا كوكي
حبيبه قلبي روني
مُساهمة في 01.10.10 6:49 من طرف نور محمد عبد السلام
بجد والله مش مجامله تحفه وانا بحب اي حاجه طبيعيه
وفعلا اول مره اسمع عن الحاجات الجميله دي وشجعتيني
اني اعملهم يا قلبي مجهود رائع والتقييم طبعا+
ولو في اكتر والله مش كتير بحبك جدا
 

مستحضرات العنايه واتحدي اي منتدي اخر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: