وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 كيف تسرق امراه اخرى زوجك الاسرار والخطوات ؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
18092010
مُساهمةكيف تسرق امراه اخرى زوجك الاسرار والخطوات ؟؟؟؟؟؟؟؟؟؟؟؟؟


الترجمه للموضوع ده بس برؤيه منى مش حرفيه http://www.wasafatcleopatra.com/montada-f34/topic-t3729.htm

Learn what the other women are doing to steal your man

الموضوع غير مصرح بنقله الا بذكر المصدر وربنا شاهد علي الجميع
الموضوع انا مترجماه من موقع اجنبي وهو ازاى الستات بتجذب الراجل وتوقعه ولقيتهها ممكن تنطبق علي حياتنا الاسريه وستات كتير بتسال هي اللي شدته احلي منى في ايه وعملتله ايه كتير شوفتها بجد وطبعا الدين فوق كل حاجه الالتزام بدينه هيخليه يقدر يقف امام اي ااغراءات بس بردوا علشان نبقي عارفين ايه اللي بيحصل ونعمل اللي علينا يا احلي اميرات وصفات كليوباترا


كيف تسرق امراه اخري زوجك ؟كل الاسرارلاميرات وصفات كليوباترا ؟
طبعا انتم عارفين يا احلي بنات ان ساعات بتظهر في حياتنا ناس ممكن تهدم الحياه كلها وخاصه ظهور ست من النوع اللعوب او عينها علي جوزك فلازم تعرفي بتفكر ازاى وايه حركاتها وتصرفاتها علشان تواجهى المشكله
اول حاجه بتعملها هو جذبه عن طريق الحركات (لغه الجسد ) وبجد ديه اقوى من كل اللغات


هنا هقولك على الخمس خطوات هما اكيد عندك بس عايزين تكتشفيهم وهنكشفهم سوي:

الاغراء :لها حضور خاص تجذب به الفريسه لاميرات وصفات كليوباترا


هتلاقيها دايما بتقعد في مكان تكون شايفه كل الرجاله ومنهم جوزك طبعا وفي نفس الوقت بتبقي حريصه انها تكون في مكان كلهم شايفنها الاول بتبقي منظمه جدا في التفكير وتبدا بحركات جسمها تتاكد مين اللي بيبقي شايفها من الرجاله الموجوده ولا مش شايفنها

الخطوه الاولي في الاغراء ولفت الانظار


حركاتها بتكون هاديه وسلسه وبرشاقه وبانوثه وخفه ببطء وبنفس الوقت بثقه وطبعا بتبقي خلاص عرفت انها محط الانظار وان الكل بيشوفها هتلاقيها مظبطه هدومها جدا مش مبهدله ومشدوده وبتحرك شعرها بخفه بدلع
كل حركاتها عايزه توصل منها انها تنعم بالانوثه والحيويه وانها حسه بنفسها وبتفخر بانوثتها وطبعا الرساله هتوصل هوا للرجاله ومنهم جوزك وقاعد جنبك عادي جدا بس هي استغلت لغه الجسد اللي وضحتهالك وطبعا الرجاله متتوصاش ههههههههه هياخدوا بالهم ويفهموا
لاميرات وصفات كليوباترا
والرجاله قناصين بطبيعتهم بيحب انه يفوز بفريسه سهله وكمان انوثتها بتحرك جواهم الاحساس بالفوز اكتر نتيجه لهرمونات الذكوره طبعا زى بالظبط لما يفوز بجايزه او لعبه بيلعبها
وطبعا في ثوانى المخ عندهم بيشتغل انه بيبقي عايز يعملها احسن حاجه او يتعرف عليها وده بجد نتيجه لبحوث اثبتت ان الراجل بصري وحسي واول ما بيشوف أي نوع من الدلع او الانوثه الهرمونات الذكوريه بتحرك مخه حتى لو صوره وطبعا علشان كده تلاقي رجاله كتير ربنا يحفظ بيوتنا بيشوفوا افلام خارجه ومناظر مش حلوه وعنيهم بتتلوح علي أي بنت بشويه انوثه ودلع وطبعا اللي بتحب تسرق بقي فاهمه كده كوي ساوى فلغه جسدها ربنا يهديها بتبقي اهم حاجه وبتبعت بيها ستين الف رساله بتقول انا حلوه وطعمه علي راي الاغانى هههههههههههههه وطبعا لو اقنعتى اللي قدامك ووصلتيلي انك حلوه حتى لو مش جميله اوي هيقتنع من حركاتك وتصرفاتك الزوجات عندهم نفس الامكانيات وفرصتهم اقوىى بس اصلا مش مركزين فهي بتيجي وتلعب علي االحس البصري للرجاله طبعا ايه هي بقي اكتر حركات الانوثه هتلاقيها بتلعب في شعرها والميل ولنعومه والضحكه الموجهه بهدوء ونعومه مقولكيش راسها مرفوعه لفوق ومشدوده جدا ومشيه رقيقه وايديها تمرجحها مع الابتسامه والصدر مشدود ومرفوع مش متنيه وتحسي ان عندها ميت سنه هتلاقي مراته جنبه بجد لو بصيتى هتلاقيها مشيه منكمشه وكشه ومنحنيه زى ما يكون عندها ميت سنه خلي عندك ثقه في نفسك

طبعا بتحاو ل تظهر المجوهرات اللي لبساهه رقبتها بحركات خفيفه وجلدها بيبقي قمه الاهتمام والنظافه وعلي الناحيه التانيه هتلاقي القناص اللي مستنى ومش بيختار اى واحده علشان كده مش اهم حاجه جميله كتير ستات بتخطف جوز ست تانيه بتبقي اوحش كتير بس بحركات الانوثه وبلغه الجسد والاغراء عرفت ازاى تاثر عليه وهو عمره ما بيختار الا واحده معينه قرى من خلالها القبول بالحركات ديه لاه هيخاف بطبيعه الرجاله من الصد يعنى زى اشاره اديتهاله فياريت اي زوجه اى كان مشوارها مع جوزها تبقي انيقه ليدى مهتمه باناقتها تمشي مشدوده وبحيويه مش مبهدله لانها ممكن تصادفى النوع ده في اي مكان ويبقي المقارنه مش في صالحك ولو قررت بقي تخطفوا يبقي العوض عند ربنا



تانى خطوه النظرات بالعيون فى الاغراء لاميرات وصفات كليوباترا

طبعا بتركز علي اللي اختارته وبنظرات اطول من الرجاله الباقيه وابتسامه هاديه
بتبقي موصله الرساله علطول وطبعا بيقي فاهم جدا وملاحظ هتبدا تنزل عنيها عنه لمده صغيره علشان المفروض انه هيتحرك بقي ويكلمها ده لو لوحده طبعا لو ماخدش الخطوه وخاف هترجع ترمي نظرات من جديد وكانها بتقولوا ليه مجتش تتعرف عليه ولو عنده جراهه ووصلتله الرساله هيروح لو مرلحش ممكن ترفع حواجبها بسيط وتميل راسها خفيف بابتسامه ونظره متصله علشان زياده في التشجيع ولو بقي مجاش وحسته معندوش شجاعه بتدخل في الخطوه التانيه

the second step to stop stealing your husband by another woman

هنكمل علشان نشوف بتفكر ازاى وتعمل ايه اللي عايزه تخطف زوج ؟؟؟
continue to see their steps
هى كده فتحت السكه وادت ليه الاشاره وجذبته هتشوفوا هتكمل ازاى بعد الاغراء المرحله الجي في توطيد العلاقه وازاى هيتعلق بيها وايه تفاصيل الحوار اللي هي بتقوله هترجملكم الباقي بس تعبت هترجم بكره ان شاء الله الباقي

يارب يعجيكم
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

كيف تسرق امراه اخرى زوجك الاسرار والخطوات ؟؟؟؟؟؟؟؟؟؟؟؟؟ :: تعاليق

حلوة اوى جزاكى الله خير
هنكمل الترجمه يا بنات
طبعا هوه خايف انه يقرب بردوا منها بس هي هتككمل اجتذابه ولما هتحس انه هيبدا يتكلم او يقرب منها يتعرف عليها هتبتدي تعمل نظره كمسح شامل ليه يعنى من فوق لتحت بعنايه وفي نفس الوقت تحسسه انه تحت الاختبار يعنى فحص هيعجبها ولا لا وهي فاهمه طبعا انها كده بتحسسه هي اد ايه مركزه معاه هيخاف شويه لتكون هترفضه فابتسامتها هتكسر حدت الخوف عنده
An 'opening line' is the first comment a guy makes to the woman he approaches.
طبعا هو اديها الخط المفتوح او فتتحلها السكه بمتابعته ليها وتركيزه معاهه وهي طبعا عرفت تستغل ضعفه وانجذابه ليها طبعا اول ما ياخد الخطوه بيبقوا عدت بيه اصعب مرحله وجت رجله زي ما بيقولوا وطبعا اول ما هيتعرف عليها هتحسسه بقي باهتمام فزيع واحتمال هي اللي تساله علي اسمه عادي وتعيدي وتكرره كل شويه علشان تحسسه انها مش ناسياه بتعلقه زياده فيها طبعا هينبسط وخاصه احتمال يكون مش بيسمع مراته بتناديه باسمه اصلا زي يابابا اللي بسمعها كتير بتنرفزنى ليه ما تقولى حبيبي فلان اظرف وتعوديه يسمعها منك فلما يتعود مش هيقدر ميسمعهاش منك وتبقي علقتيه بيكى انتى احسن ما يخرج بري هههههههههههههه

وطبعا لو بدا بالسلام هتسلم عليه عادي بالايد ولو مبداش هتبدا هي عندها روح الاقدام وهتعرفه من سلامه اد ايه هوه ابتدي يتعلق بيها


Letting him into your space and life
هتبدا تدخله في حيااتها علشان تعلقه اكتر


هتبدا في جمع المعلومات عنه بيحب ايه ويكره ايه وهى بتيقي ذكيه جدا وبتخطط مش زى الزوجه المسكينه مشغوله مع ولادها ومش مركزه معاه ديه فضياله بمعنى اصح


Step 3 - Start building the relationship.
"I see you and hear you."
"See me and hear me
الخطوه الثالثه بناء علاقه وهي اللي بتحسسه فيها انها شايفاه وسامعاه وحسه بيه وديه مشكله كبيره لان في الجواز بعد مرور وقت بتلاقي ستات كتير بتنسي انها تحاول تقرب من جوزها وتعرف مضايق من ايه او مبسوط من ايه ولا بتعلق علي لبسه ولا تهتمى بيه ولا انتى شيك انهرده انتى وسيم انت كذا وطبعا ممكن يكون نتيجه لاحباطاته ده لا شك بس بردوا لازم متخلوش العلاقه توصل لكده اكيد احذروا لانها هتبقي ذكيه جدا وتنتهز الفرصه ديه كويس اوي الله كرافت تحفه تيشرت شيك وذقنك محلوقه تعليقات هبله بس هتاكل بيها دماغه
بصوا النظارات والاسلوب موجود في الحقيقه علي فكره لو عايزين صور تصور نظرات الاغراء اكتر انزلكم بتبقي ازاى هما بيعملوها

طبعا هتخلي احساسا الصداقه كمان ينمو وتحكيله عن حياتها ال ايه مرتحاله جدا وتخليه يسمعها كانها شهرذاد بتحكى له حدزته وسط حياته الممله علي حد احساسه والقصه تشد قصه وبنفس الووقت مواضيعه الهيفه بتكون واو اهم قصه سمعتها في حياتها بيحكى كانه بقي ملك بتسمعه وايه نظرات الهيام والسعاده كانه بيقول اهم كلام سمعته في حياتها وهي من جواهه بتقول الهبل ده بس ايه التمثيل وطبعا هوه بيعيش في الوهم ويصدق نفسه انه اهم راجل في العالم لو اتكلم عن شغله يبقي بطل من الاحلام حاجه مضايقاه يبقي الله يكون في عونه حتى لو حاجه هيفه

طبعا في البيت بيتكلم تقوله ايه يعنى ما كل الرجاله بتعمل كده هههههههههه وبتشتغل ايه المشكله وكمان انت مش حاسس باللي انا فيه علشان نقعد نتكلم في التفاهات ده الولاد كذا وكذا وهى عماله تضحي وغلبانه وفهمه انه هيقدر طبعا هو بيفكر في نفسه وبس ميهموش تضحياتها وطبعا بيقول مش مريحاه للهانم التانيه وانها مش بتسمعه ولا حسه بيه ههههههههههههه

طبعا لو موجوده هى في محيط الزوجه في علامات بتبان لازم دايما يقعدوا في مواجهه بعض وكمان لو حد فيهم اضطر يتغير مكانه التانى بيغيره علشان يبقوا بصين لبعض "mirroring زي المرايه والعينين دايما مركزين مهتم بادق تفاصيلها ومبهور طبعا

اهتمام اهتمام بيه وطبعا هتستغل علاقته بمراته السيئه وهتعيش كانها صديقه ونفسها تقرب منهم وكان المفروض ومش عارفه ازاى معاها ملاك وبتعمل كده ههههههههههههههههه
لحد ما يوصل بيه انه لازم يشوفها كل يوم طبعا ومكالمات بتعوده علي التعلق بيها هتلاقيها بترن في ميعاد معين مثلا بيه او قبل ما تنام مثلا او كل يوم الصبح حاجات كده تربطه بيها لان كل الرجاله بتتعود جوزك علي اللي تعوديه وكده وقعنا في الهاويه للاسف مادام اتعود عليها صعب جدا نرجع بعد المرحله ديه اللي هو مش بيفوق بقي اللي لما يتجوزها ويتصدم ان ده كان جر رجل او تمثيل علشان توصل لهدف معين بس ساعتها انكسر جوه الزوجه حاجه لا يمكن ترجع

احذروا بجد من اهمال ازواجكم في المشاعر والصداقه مهمه مهمه جدا لان الصداقه بين الزوجين كتير مفقوده وبيدور عليها بري

كبعا ده مش معناه ان كل راجل عمل كده ان مراته السبب بس بنحاول نقرب من فكر الرجاله وطريقه الستات اللي بتخطف ههههههههههه نتعلم احنا كمان ازاى نخطفهم نكسب الدنيا والاخر لازم يكون ليكى بصمه في حياه جوزك والمرح والجمال اساسي
مكخليش حد يسرق سعادتك الحقيها لازم الرومانسيه طبعا والنظرات تستمر علشان ميفقدش الاحساس

يارب يا بنات اقدر اكون وصلتلكم حاجه كويسه

موضوع نور ده هيفيدكم كتير جوه البيت مع ازواجكم ربنا يكرمها يارب
http://www.wasafatcleopatra.com/montada-f5/topic-t2996.htm
موضوع مهم جدا جدا ياكليوباترا بارك الله فيكى ربنا يجعله فى ميزان حسناتك ان شاء الله
ميرسي يا قمر علي مرورك هحاول اترجملكم حاجات عن الطبيعه البشريه والنفسيه وتفسير الناس كتير ربنا يسهل ويقدرنى
نورتى الموضوع ونوةرتينى بمرورك
 

كيف تسرق امراه اخرى زوجك الاسرار والخطوات ؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: