وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ملف كامل لوصفات طبيعيه للبشره الجافه لمواجهه شتاء 2013

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
12122012
مُساهمةملف كامل لوصفات طبيعيه للبشره الجافه لمواجهه شتاء 2013



ماسك للبشرة الجافة



وعلى فكرة الماسك ده مش بيساعد على التخلص من جفاف البشرة وبس، لا ده كمان بيساعد على تغذية البشرة وده لأنه بيحتوي على مجموعة هايلة من العناصر الطبيعية المغذية للبشرة...

ومكوناته هي:

ملعقة كبيرة من بشر الليمون..
ملعقة كبيرة من بشر البرتقال..
ملعقة كبيرة من (الدقيق)..
نقطتان من عصير الليمون..
نقطتان من عصير البرتقال..
ثلاث نقاط من زيت اللوز..

وعشان تحضريه..

اخلطي بشر الليمون مع بشر البرتقال ثم أضيفي الدقيق وعصير الليمون والبرتقال وأخيراً الزيت.. افركي وجهك بهذا المزيج بعد وضع رغوة الصابون ولإزالته اشطفيه بالماء الفاتر..
خلّي بالك...

إذا كان فيه تراكم ملحوظ للخلايا الميتة على سطح الجلد.. بعد عملية الفرك افردي طبقة من القشطة على وجهك لمدة ثلاث دقائق...

جربي الماسك ده مرة كل أسبوع

ماسك إنما إيه



أما الماسك ده فهو ماسك هايل جدا لأنه بيساعدك على تنعيم البشرة وإمدادها بالدهون اللي بتكون البشرة محتاجة ليها، وده لأنه بيجمع بين العسل وزيت الزيتون..

ومكوناته هي:

ملعقة كبيرة من الخميرة المذابة في مقدار ملعقتي طعام من الماء الفاتر.
ملعقة صغيرة من العسل.
نصف ملعقة كبيرة من زيت الزيتون.
ملعقة صغيرة من خل التفاح.
قليل من (الدقيق).

وعشان تحضريه..

امزجي المكونات مع بعضها البعض وأضيفي الدقيق بشكل تدريجي حتى يتماسك المزيج.

ضعي الماسك على وجهك لمدة سبع دقائق..

كرري الماسك ده مرتين في الأسبوع..

ماسك للبشرة الجافة زيادة عن اللزوم



وعلشان البنات اللي بيعانوا من مشكلة جفاف البشرة زيادة عن اللزوم... ده ماسك غني بالزيوت الطبيعية المفيدة للبشرة واللي بتساعد على حمايتها من الجفاف...

ومكوناته هي:

ملعقة كبيرة من زيت الزيتون.
ملعقة كبيرة من الفازلين Vaseline .
ملعقة كبيرة من الخميرة المذابة بمقدار ملعقتين من الحليب الفاتر.

وعشان تحضريه..

امزجي الفازلين مع الزيت ثم أضيفي الخميرة مع مواصلة التحريك وأخيراً أضيفي قليلا من الدقيق حتى يتماسك المزيج.

ضعي الماسك على وجهك واتركيه لمدة 10 دقائق ثم اغسليه..

كرري الماسك ده يومين في الأسبوع وإنتِ تشوفي الفرق بنفسك..

ماسك للبشرة الجافة اللي بتتشقق وبتحمر



أما لو كنتِ من الناس اللي بشرتها من شدة الجفاف ممكن إنها تشقق وتحمر وبتلاقي نفسك مش عارفة تعملي إيه؟؟؟

ولا يهمك من حاجة خالص لأن الماسك ده هيحل لك المشكلة دي نهائي..

ومكوناته هي:

ملعقة كبيرة من (الدقيق).
ملعقة كبيرة من الفازلين.
ملعقة صغيرة من العسل.
ملعقة كبيرة من الأرز الناعم.
3 ملاعق كبيرة من الحليب السائل.

وعشان تحضريه..

امزجي المكونات حتى تتماسك.. ضعي الماسك على وجهك واتركيه لمدة 7 دقائق ثم اغسليه..

كرري الماسك ده مرتين في الأسبوع لمدة شهر وإن شاء الله تلاقي نتيجة هايلة..

ماسك لمحاربة التجاعيد



كتير من أصحاب البشرة الجافة نتيجة لتعرض بشرتهم بصفة مستمرة للجفاف والتشقق ممكن إنهم يصابوا بتجاعيد مبكرة وهم لسه في سن صغير علشان كده لازم يهتموا ببشرتهم عن طريق عمل ماسكات لمكافحة ظهور التجاعيد المبكرة..

وده ماسك من الماسكات اللي ممكن إنك تجربيها لو لقيتِ التجاعيد ظهرت في وشك وإنتِ لسه صغيرة..

والماسك ده مكوناته هي:

ملعقة كبيرة من الخميرة.
قليل من الحليب لتذويب الخميرة.
ملعقة صغيرة من العسل.
ملعقة كبيرة من الزبادي.

وعشان تحضريه..

اخلطي المكونات جيداً حتى يتماسك المزيج.. ضعي الماسك على وجهك واتركيه لمدة 7 دقائق..

كرري الماسك ده مرة كل أسبوع...

ماسك لتفتيخ البشرة وترطيبها



كلنا بنهتم جدا بتفتيح بشرتنا وبنحاول طول الوقت ندور على كريمات للتفتيح وده مع الوقت خطر عشان كده هنقول لكم على ماسك طبيعي بيفتح البشرة وينعمها ويرطبها بطريقة لطيفة وآمنة مافيش فيها أي أضرار..

ومكوناته هي:

ملعقة صغيرة من العسل.
نقطتان من زيت الزيتون.
4 ملاعق كبيرة من عصير الخيار.
زلال بيضة واحدة.
ملعقة كبيرة من الدقيق.
ملعقة صغيرة من الزبادي.
ملعقتان كبيرتان من ماء الأرز المسلوق والمهروس.

وعشان تحضريه..

اخفقي المكونات جيداً بالخلاط وأضيفي عصير ليمونة وعصير برتقال حتى يتماسك المزيج..

ضعي الماسك على وجهك واتركيه لمدة 5 دقائق..

كرري الماسك ده مرتين في الأسبوع...

ماسك لإضفاء النضارة على البشرة قبل المكياج والمناسبات



ساعات كتير تبصي لنفسك في المرايا تحسي إن بشرتك لونها شاحب أو أصفر شوية.. والمشكلة الأكبر بقى لو كان عندك سهرة وعايزة تحطي مكياج وحاسّة إنك لو حطيتِ مكياج فالمكياج هيخلي بشرتك تبان أكثر شحوبا..

أكيد كلنا اتعرضنا للموقف ده، بس ولا يهمك ده ماسك ممكن إنك تحطيه قبل المكياج وعلى فكرة الماسك ده غني بفيتامين C.

ومكوناته هي:

صفار بيضه طازجة.
نقطتان من زيت اللوز.
نقطتان من عصير الليمون.
نقطتان من عصير البرتقال.
½ ملعقة صغيرة من ماء الورد.
½ ملعقة صغيرة من ماء الزهر.
ملعقة صغيرة عسل.
بشر قشرة ليمونة.
قطعة من الزبدة أو مقدار ملعقة كبيرة من القشطة.
ملعقة كبيرة من (الدقيق).
حليب سائل.

وعشان تحضريه..

يتم تحضير الماسك على مرحلتين:

في المرحلة الأولي: يخفق صفار البيض مع الزيت وعصير الليمون وعصير البرتقال ثم يضاف إلى المزيج ماء الورد وماء الزهر وأخيراً العسل وبشر الليمون.

في المرحلة الثانية: تذوب قطعة صغيرة من الزبدة أو يوضع مقدار ملعقة كبيرة من القشطة على النار ويضاف إليها مقدار ملعقة كبيرة من الدقيق ويحرك المزيج على طريقة الصلصة البيضاء وأخيراً يضاف قدر من الحليب السائل حتى يصبح المزيج لزجاً مثل لبن الزبادي.

يخلط المزيج اللي حضرناه في المرحلة الأولى مع مزيج المرحلة الثانية كويس حتى يتماسك ويصبح جاهزاً للاستعمال، ويمكن تقسيم المزيج النهائي إلى عدة أقسام تحفظ داخل أكياس نايلون في الثلاجة بحيث يكفي كل قسم لتشكيل ماسك الوجه.. ضعي الماسك على وجهك واتركيه لمدة 15 دقيقة.

ماسك لإعادة الحيوية للبشرة



كلنا عارفين إن السهر والإرهاق هما أعداء البشرة وده لأن البشرة بسببهم ممكن تفقد حيويتها ونضارتها.. وعلى فكرة الماسك غني بالزيوت الطبيعية..

ومكوناته هي:

ملعقة صغيرة من الجليسرين.
ملعقة صغيرة من العسل.
ملعقة كبيرة من ماء الورد.
ملعقة كبيرة من (الدقيق) أو النخالة.
ملعقة كبيرة من ماء الزهر.
ملعقة كبيرة من عصير الخيار.
ملعقة كبيرة من القشطة.

وعشان تحضريه..

امزجي جميع المكونات وأضيفي قليلاً من الحليب إذا كان المزيج جامداً أو قليلاً من الدقيق إذا كان "طري".. ضعي الماسك على وجهك لمدة 15 دقيقة..

كرري الماسك ده مرتين في الأسبوع وهتشوفي الفرق بنفسك.. جمال إيه ونضارة إيه..

ماسك للبشرة فاقدة الرطوبة



حاسّة إن بشرتك جافة وكل ما تشوفي إعلان في التليفزيون عن كريم مرطب تجيبيه وتجربيه وبرضه مافيش فايدة... ولا يهمك.. ده ماسك هيساعدك على ترطيب بشرتك...

ومكوناته هي:

ملعقتان كبيرتان من عصير الخيار.
ملعقتان كبيرتان من ماء الورد.
قليل من زيت الزيتون (ربع ملعقة صغيرة).
ملعقة كبيرة من بودرة الحليب.

وعشان تحضريه..

اخلطي المكونات جيداً حتى يتماسك المزيج.. ضعي الماسك على وجهك لمدة عشر دقائق ثم اغسليه بالماء البارد جدا..

كرري الماسك ده مرة كل أسبوع...

ماسك لإضفاء المرونة على البشرة الجافة



ده بقى ماسك كمان لترطيب البشرة المرهقة جدا...

ومكوناته:

بيضة كاملة (يفضل البيض البلدي).
ملعقة صغيرة من زيت الزيتون.
ملعقتان من العسل.
قليل من عصير الليمون ممزوج مع رشة ملح.
ثلاث ملاعق من الدقيق.

وعشان تحضريه..

اخفقي جميع المكونات بالخلاط ومدي الماسك على كامل وجهك ورقبتك 7 دقائق ثم اغسليه بالماء والصابون.

ماسك لإضفاء الدموية على البشرة الجافة الشاحبة



نفسك وشك يكون مورد وخدودك حمراء طبيعي زي الأجانب يبقى مافيش قدامك غير إنك تجربي الماسك ده...

مكوناته هي:

عصير ثلاث جزرات.
بشر جزرتين.
ملعقتان صغيرتان من العسل.
ملعقة صغيرة من زيت الزيتون.
ملعقتان كبيرتان من القشطة.
زلال بيضة واحدة.
عصير ربع حبة طماطم.
ملعقتان كبيرتان من الدقيق.

وعشان تحضريه..

اخفقي زلال البيضة ثم أضيفي بقية المكونات إذا كان المزيج "طري" أضيفي قليلا من الدقيق.. ضعي الماسك على وجهك واتركيه لمدة 10 دقائق..

كرري الماسك ده مرة كل أسبوع


كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ملف كامل لوصفات طبيعيه للبشره الجافه لمواجهه شتاء 2013 :: تعاليق

لا يوجد حالياً أي تعليق
 

ملف كامل لوصفات طبيعيه للبشره الجافه لمواجهه شتاء 2013

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: