وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 أسهل طريقه لعمل الحمام المغربي فى البيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
27102012
مُساهمةأسهل طريقه لعمل الحمام المغربي فى البيت


أسهل طريقه لعمل الحمام المغربي فى البيت


طريقه سهله لعمل الحمام المغربي فى البيت







الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامة باستمرار بيفتح البشرة ويوحد لونها بصورة رهيبة واهل المغرب بيداموا على الحمام دة كل اسبوع ولكن عندنا فى مصر بيتعمل فى مراكز التجميل واغلب اللى بيعملوة العرايس علشان اسعارة بتكون غالية وانا النهاردة هقولكم على طريقة الحمام المغربى باسهل الطرق واسهل المواد المستخدمة وهنستخدم اكتر من بديل للمنتجات المستخدمة اللى بتجيب نفس النتيجة ويمكن احسن كمان وبلاش نجرى وراء اعلانات مراكز التجميل اللى هدفها الربح فقط يعنى لما يقولوا مينفعش تستخدمى غير الصابونة المغربية السودة اللى تمنها فوق 100 جنية يبقى ازاى يعنى اى حاجة تانى متنفعش ... هو دة كلام المراكز التجميلية اللى مش عايزة غير الربح المادى بس المهم هنعمل اكتر من طريقة والله لافرق حتى اسالوا مجرب ونشوف المكونات اللى عايزينها للحمام المغربى


المكونات



ليفة مغربى بتتباع فى الصيدليات على شكل جوانتى ب 21 جنية وفى نوع ب 33 مفيش فرق بينهم وفى فى الدول الخليجية نوع من بودى شوب برضة جوانتى او قفاز برضة نفس النتيجة والناس اللى معندهاش فى طريقة رخيصة ونفس النتيجة وممكن تكون احسن كمان العطار اللى هتشترى منة المكونات قوليلة عايزة قطعة خيش من اللى بيحطوا فية العطارة عارفينة الخيش البنى المهم تجبيها وتخيطيها على شكل مربع مزدوج علشان تدخلى ايديكى جوا





الصابون المغربى السايل بيتباع عند بعض العطارين المشهورين زى حراز هو اسمة صابون مغربى سايل حبايبى ملقتوش مش مشكلة كل مراكز التجميل معندهاش وشوفوا بيستخدموا اية هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين وسعرهم مبيعديش 10 جنية وفى ب5 جنية المهم ابشروها فى المبشرة اليدوية عارفينها بتاعة البصل بتاعة زمان المهم بعد البشر هاتى الصابون وحطية فى حلة وعلية نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقية زى الكريم بالضبط


حنة ورق برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولى للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكى طلبك من غير غش بس الاول اطلبى الحنة الورق الناشفة


موجودة عند العطارين الكبار زى حراز والشمس فى الحسين


عصير اربع لمونات واى حمام كريم لشعرك زيت طبيعى بيو بوينت اى نوع بتستريحيلة بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر


اى مرطب للجسم انا بفضل كريم جليسوليد الاحمر الاصلى هو جلسريين مجمد العلبة الصغيرة ب6 والكبيرة ب11 جنية واعصر عليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم


حجر للقدم بيتباع عند العطارين او فى طبى فى الصيدليات اللى يريحكم يا بنات استخدموة


طريقة الحمام المغربى بالتفصيل


اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرى حتى يملؤة البخار اعملى حمام الزيت او الكريم لشعرك والبسى البونية وخدى بالك متخليش زيت حمام الشعر ينزل على جسمك وانتظرى 10 دقايق فى البخار علشان المسام تفتح واملى البانيو بالماء الساخن وانزلى فية ربع ساعة لو معندكيش بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة فى الفترة دى اعملى ماسك للوجة اى ماسك كويس بتستريحيلة وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاة القلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلى الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقة ولزيادة سرعة الاكسجين فى الجسم وبعدين ادخلى تانى تحت الماء الساخن واغسلى جسمك مرة تانى ونشفية كويس وبعدين ادهنى جسمك كلة بالكريم الجليسوليد المضاف الية عصير الليمون او الجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك كويس وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلى جسمك وشعرك وشوفى النتيجة ولو استمرتى كل 15 يوم على الحمام دة هتشوفى فرق كبييييييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهو بينزل معاكى فى الليفة ........



يحظى الحمام المغربي بأهمية كبيرة لدى العروس، فالحمام المغربي له صفات ومميزات تمنح العروس جمالا خاصاً في يوم حفل الزفاف، نقدم لكِ في البداية فوئد الحمام المغربي للعروس في حفل الزفاف؟


أهم فوائد الحمام المغربي في:


- منح البشرة نعومة ورائحة جذابة بالإضافة الى الصفاء التام.
- يعمل على حفظ حيوية و نضارة الجسم.
- يساعد على تأخر ظهور التجاعيد على البشرة.
- يسهم في إنقاص الوزن، وخروج المياه الزائدة من الجسم، كما يساعد على إذابة الشحوم المترسبة على المفاصل.
- ينشط الدورة الدموية ويزيل الإرهاق العضلي والعصبي.


طريقة عمل الحمام المغربي بالبيت:
الأدوات المطلوبة:







خطوات عمل الحمام المغربي في البيت للعروس:


• ملئ البانيو بالماء الساخن مع إغلاق جميع منافذ الهواء (الباب والنوافذ)، فالمهم هو أن يملأ البخار الحمام حتى التعرق، ومع تصاعد البخار ستتخلص البشرة من الشوائب العالقة بها كما سيتم التخلص من الحبوب الصغيرة والكبيرة بالبشرة.


• الاستلقاء داخل البانيو المليء بالماء الساخن (حسب قدرة تحمل البشرة) لمدة 10 دقائق وفى حالة عدم وجود بانيو يمكن غسل الجسم بالماء الساخن.


• الجلوس على كرسي (وتعتبر هذه هي المرحلة التالية بعد الخروج من البانيو) وفي هذا الوقت يتم عمل حمام كريم يناسب الشعر مع تغطية الرأس بقناع الرأس(البونيه) حتى لا يصل البخار لفروة الرأس.


• خلط الصابون المغربي مع الحناء وعصير الليمون الحامض، ثم وضع الخليط على الجسم والوجه، مع التركيز على المناطق الدهنية في البشرة


• إبقاء الصابون على الجسم حوالي 10 دقائق. أما بالنسبة للوجه فينظف في الحال لكي لا يؤذي العينين.


• تنظيف الجسم بالماء الساخن جيداً ثم فركه باللوفة المغربية (من الأسفل إلى الأعلى باتجاه القلب لتنشيط الدورة الدموية)، من خلال البدء بالوجه ثم العنق فالصدر والبطن ثم اليدين والقدمين، وكذلك الوضع بالنسبة للظهر.


• التركيز على المناطق الخشنة في الجسم مثل الكوعين والركبتين، وسيلاحظ حينها سقوط الخلايا الميتة على شكل شرائط بلون رمادي.


• إزالة الرؤوس السوداء من الوجه حيث تكون البشرة في هذه الأثناء متفتحة المسام فيسهل إزالتها، وحينها يلف ورق المحارم(المناديل) على سبابة كل يد ثم يتم بها عصر الحبوب؛ لإخراج ما بداخلها مع التركيز على الأنف والوجه وجوانبه والذقن.


• خلط غسول الوجه بماء الورد وعصير الليمون على كامل الجسم والوجه.


• فرك القدمين بالحجر الخفاف حيث تكون رطبة وتسهل عملية إزالة الخلايا الميتة.


• تنظيف وشطف الجسم من الغسول وكذلك الشعر، وبعد ذلك يغسل الجسم بصابون العسل.


• تجفيف الجسم بتمرير قطنة مبللة بماء الورد للحصول على مزيد من الانتعاش وغلق مسام الجلد مرة أخرى.
مجمع و منقول
كاتب الموضوع : نفرتيتي
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

أسهل طريقه لعمل الحمام المغربي فى البيت :: تعاليق

موضوع ممتاز

بارك الله فيك

farao
 

أسهل طريقه لعمل الحمام المغربي فى البيت

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: