وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 جدول للعنايه لكي تكوني اجمل من نجمات السينما

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
01092010
مُساهمةجدول للعنايه لكي تكوني اجمل من نجمات السينما


بسم الله الرحمن الرحيم
بنات كفاية كفاية بقى
احنا مهملين فى نفسنا ليه كده

البرنامج الجديد
وانا معتمدة فيه على وصفات كتيييييييييييييير سهلة ومن اخصاءيات تجميل وعالم تجميل ومن المنتديات الاخرى وهذا المنتدى
اتريدى خلال شهر تبقى زى القشطة شعرك يبقى زى الحرير وناعم وقوى ويهبل ووجهك قمر 14 وجسمك ناعم ورشيق ومتناسق وقلبك ماليان بالايمان واظافرك قوية و........
يعنى باختصار تبقى احلى من نجمات السينيما من غير عمليات تجميل
تعالى معايا نبتدى اشجعك وتشجعينى ونشوف اخر الشهر مين اللى مشت على النظام وبقت نجمة سينيما
اولا : العلاقة مع الرب
تقدرى تقولولى الى اى حد وصلت علاقتك بربك؟؟؟؟؟؟
طيب ماتزعليش انا هقولك تعملى ايه
نصحى قبل الفجر بنصف ساعة ونصلى قيام الليل وندعى بقل ما نريد بس لازم تكونى على يقين ان ربنا هيقبل دعائك بعدين نقرا قران لحد ما الفجر ياذن ونصلى الفجر ونختم الصلاة ونحفظ فى نصف ساعة اية او اتنين اظن مش كتير شوفى احنا بنضيع قد ايه قدام النت والتليفزيون وسماع الاغانى
وننام ونصحى الساعة 9 او 10 عشان احنا فى الاجازة بعدين نصلى الضحى وبكده تكونى زكيتى عن كل ضلع فى جسمك وطبعا باقى اليوم تصلى باقى الفروض فى اوقاتها وتصلى السنن 12 ركعة عشان تبقى حبيبة الرسول وباليل قبل ماتنامى صلى ركعة واحدة "الوتر"واقراى صفحة واحدة من القران اظن مش كتيييير وهكذا كل يوم
ثانيا: الرياضة
طبعا اتفاجئتى لما سمعتى كلمة رياضة وكانك سمعتى كلمة الموت لكن انا زيك مش بلعب رياضة ابدا غير المشي لكن فى سبيل انى ابقى حلوة وجميلة وكل البنات تبص على جمالى ورشاقتى لازم استحمل
صدقينى الموضوع فى الاول هيبقى صعب لكن بعد كده هيبقى روتين يومى مش هتقدرى تستغنى عنة وجسمك هيبقى رشيق ومتناسق لكن حذارى كثرة الرياضة لانها ممكن تبقى زى الادمان وكفاية نصف ساعة كل يوم
ونط الحبل كمان ربع او نصف ساعة ..... اتفقنا
ثالثا: الرجيم
لاصحاب السمنة المفرطة انصحكو الذهاب اللى متخصصين ولا تتبعى اى ريجيم تشوفيه او تسمعيه من اى حد ولو جاب نتيجة معاها لان كل جسم وله ريجيم خاص به فممكن الريجيم ده يجيب نتيجة مع واحدة ويبقى نقمة على واحدة تانية
اما اللى زايدين عن وزنهم شوية 10,20,30 كيلو فممكن انها تعمل ريجيم لنفسها بس هو مش ريجيم اوى يعنى تقلل من الاكل شوية يعنى مثلا بدل ماهى بتاكل طبق رز ماليان خليهم 2,او 3 ملاعق رز وكترى من الخضار اوى وكفاية قطعتين لحمة صغيرتين مرة كل اسبوع وربع فرخة فى الاسبوع وكترى من السمك والخصوصا المشوى وقللى من المقليا ت والمسبكات والنشويات انا بقولك قللى مش تحرمى نفسك يعنى كلى كل اللى نفسك فيه لكن باعتدال وبين الوجبات لو جعتى اشربى مياه لننا ساعات بنحس اننا جعانين لكن بنكون فى الحقيقة عطشانين ولو جعتى تانى كلى خضراوات وكفاية حبة فاكهة واحدة فى اليوم وكلى كل يوم طبق سلطة عليه ملعقة خل تفاح وملعقة زيت زيتون وابعدى عن كثرة تناول الحلويات وكترى من المياة والسوائل يعنى لازم تشربى 2لتر مياه يوميا لان المياة لو نقصت من الجسم بتضر بالبشرة والشعر يتساقط والتركيز بيقل والمجهود بيقل وياريت تشربى كل يوم كوب لبن وتاكلى الجبن الابيض وقللى اوى من الجبن المطبوخ وكلى زبادى وابعدى عن المشروبات الغازية لان ليها اضرار كتير وما تسمعيش كلام اللى بيقولو انها بتهضم لانهابتعمل عصر هضم وبتنفخ البطن وبتعمل غازات ولو البطن انتفخت فذلك يوثر على الوجه وبطلع تجاعيد فيه وهالات سوداء وليها اضرار كتيييييييييير جدا جدا فالاحسن تبعدى عنها وبالنسبة لوجبة الفطار هامة جدا جدا جدا وكلى فيها حاجات مسكرة يعنى عسل او مربى لكن ماتكتريش والجبن الابيض والفول مهم جدا جدا فى الصباح واللبن والبيض البلدى واهتمى جدا جدا بوجبة الفطار والعشاء لازم تتعشى حاجات خفيفة اوى وتتعشى قبل النوم بساعتين على الاقل وماتاكليش اى حاجة قبل ماتنامى ب2 ساعة حتى لا يكون لكى كرش او بطن وصدقينى لو عملتى كده ولعبتى رياضة مش هتحتاجى لريجيم وتتحرمى من اكل كتير بالاضافة اللى مصاريف طائلة
اه لازم تشربى لما تصحى قبل الفجر بنصف ساعة زى ما اتفقنا 2كوب ماء كبير وبعد ما تصلى الفجر اشربى برده 2 كوب ماء كبير عشان تغسلى الكلة والمعدة بالضافة الى 2لتر ماء كل يوم
ثالثا:الجسم:
الشعر الجاف:يغسل مرة او 2 فى الاسبوع فقط وكترى من حمامات الزيت واحسن حاجة زيت الزيتون 2 فى الاسبوع سخنى الزيت ( ضعى قدر به ماء مغلى وفيه انا اخر فيه الزيت وقلبيه اللى ان يدفى )يعنى ماتسخنيش الزيت مباشرة على النار وبعدين حطى فيه 8 فصوص توم كبار ومهروسين وسيبيه 36 ساعة بعدين عبيه فى زجاجة بعد ماتصفيه واستخدميه دافى على الشعر والفروة ودلكى الفروة بالزيت ربع ساعة او نصف وبعدين حطى فوطة على اناء به ماء وسخنيه وجيبى المنشفة اللى بيها البخار وحطيه على شعرك والزيت عليه وبعدين لما البخار يخلص حطى الفوطة فى ماء بارد جدا وحطيه على الفروة وكررى هكذا نصف ساعة وبكده تكونى عملتى كمادات على شعرك عشان الفروة تشرب الزيت وتجرى الدورة الدموية فى الفروة وممكن بدل من زيت الزيتون تستخدمى زيت اللوز او الخروع بنفس الطريقة وكمان تاكلى جرجير كتير وبعد كده تسيبى الزيت لمدة ساعة اخرى وبعدين اغسلى شعرك بالشامبو المناسب وبعدين هاتى كوب ماء فيه القليل من الخل الابيض واشطفى بيه شعرك عشان تشيلى اى مواد كيماوية يتركها الشامبو على شعرك وعشان يلمع
ممكن تعملى ماسك مرة فى الشهر للشعر مثل :
ضعى 2 ملعقة من العسل الطبيعى ومثلها زيت زيتون نصف ساعة على الشعر
اما الشعر الدهنى فيغسل مرتين او تلاتة فى الاسبوع بالشامبو الناسب وتعملى برده المياه والخل بعد الغسيل
الشعر العادى ممكن تعملى حمام زيت بنفس الطريقة السابفة مرة فى الاسبوع او كل 10 ايام
الاظافر تدهن مرة فى الاسبوع بزيت الزيتون اويوميا بزيت الخروع قبل النوم وكمان الليمون واللبن والخل مفيد جدا
لجمال العنق :ماسك العسل بالزبادى وكمان عصير التفاح مفيدين جدا يوم بعد يوم اى واحد فيهم
لجمال وبياض الاسنان : حطى نقطتين عسل على المعجون مرة فى اليوم لمدة اسبوع بعد كده يبقة 3 ايام فى الاسبوع كمان حطى عصير ربع ليمونة على المعجون 2 فى اليوم كل يوم
يعنى الصبح الليمون والظهر العسل وبالليل الليمون لمدة اسبوع بعد كده يبقى العسل مرة فى اليوم يوم بعد يوم والليمون باقى المرات
لجمال الصدر ادهنيه يوميا بزيت الزيتون وادعكيه او خل التفاح ربع ساعة وادعكيه ثم الوقوف تحت المياه الدافئة وفيها ماء ورد
لقدم كالحرير:باليل ادهنيهم بالفازلين والبسى كيس بلاستيك وفوقه جورب ونامى والصبح قومى بتحضير حوض به ماء ساخن فيه ماء ورد او نعناع وبعدين حطى رجليك فى المياه 10دقائق وبعدين اخرجى رجل واحدة وادعكيها بالحجر ثم نشفيها وخدى قليل من الصنفرة وادعكى بيها رجلك كل رجلك وادهنيها بكريم
لشفايف وردية: هاتى طبقة فازلين وحطيها على شفتيك 10دقائق بعدين هاتى فرشاة الاسنان وادعكيها برفق بعدين حطى عسل ادهنيه علي شفايفك زي زبده الكاكاو لمدة ساعة بعدين هاتى طبقة من مسحوق الورد مش ماؤ الورد وادعكيها بالعسل او بماء ورد وحطيها على شفتيك من الليل حتى الصباح كل يوم
ليدين ناعمتين:عصير ثمرة طماطم ناضجة ,ملعقة صغيرة جلسرين ,ملعقة صفيرة ليمون حامض تخلط المكونات وتوضع فى زجاجة فى الثلاجة وتستخدم كل يوم لكن مش نفس الخليط لان الخليط يستخدم لمدة 3 ايام فقط بعدين اعملى خليط تانى
لتخسيس البطن اشربى كوب ماء بة عصير ليمونة لما تصحى الساعة 9 زى ماتفقنا
لبياض الجسم : اعصرى بطاطس وليمن الكمية اللى انت عايزاها وادهنى بيها كل جسمك وركزى على المناطق السوداء كل يوم مرة لمدة اسبوعان وكل يوم تعملى بطاطس عشان البطاطس لو سيبتيها هتسود
واعملى مرتين فى الاسبوع تقشير لجسمك قبل ما تستحمى (مسحوق شوفان مطحون ,فنجان عصير ليمون 3 ملاعق كبيرة عسل فنجان لبن كامل الدسم يخلط المقادير وتوضع على الجسم ربع ساعة وبعدين تفركيه دائريا بيدك واغسليه
او هاتى ملعقة ونصف ملح خشن ونصف ليمونة و2 ملعقة زيت زيتون وضعيهم على جسمك 10دقائق وادعكيهم فى كل جسمك وممكن تكترى المقادير على حسب احتياجك
و ماسك تانى لتقشير وتبييض الجسم 3ملاعق كبيرة حليب ,4 ملاعق طحينة بيضاء ليمونة 4 ملاعق سنفرة للجسم ماء حسب العجن اخلطيهم وضعيهم على جسمك نصف ساعة او اكتر وهى للجسم فقط لانها قوية جدا جدا على الوجة 0
لتطويل الرموش : ادهنيهم يوميا قبل النوم بزيت الخروع
لتساقط الشعر: ادعكيه بزيت الزيتون والفروة لمدة 10 ايام قبل ماتنامى والصبح اغسليه0
لقشرة الشعر :نقطة واحدة من الزيوت دى نعناع , زعتر, قرنفل, ليمون, ورق الشجر الاخضر , 4 ملاعق كبيرة زيت الزيتون مرتين فى الاسبوع
لليد الحساسة: 2 ملعقة كبيرة دقيق الذرة , 2 ملعقة كبيرة جلسرين نسخن الجلسرين على نار هادئة الى ان يسيل ويضاف له الدقيق مع التقليب لبضع دقائق ثم يرفع الاناء من على النار ويستمر التقليب حتى تتكوم عجينة متجانسة ثم يضاف اليها ماء ورد تدريجيا مع التقليب للحصول على كريم متماسك
لضياع رائحة العرق:شبة مطحونة,فانيليا,اى كريم
يخلط ويدهن بها تحت الابط واحذرى من مزيلات العرق لانها ممكن تجيب سرطان "كفانا الله الشر"

اما البشرة :
فمشاكلها كتيييييييييير
وانصحك حبيبتى ان تقفى امام المراه وجيبى ورقة وقلم واكتبى فيها مشاكل بشرتك
وابتدى بحل مشكلة مشكلة
بس لازم تصبرى عشان تحصلى على النتائج المرغوب فيها وما تقوليش احل كل مشاكل بشرتى مرة واحدة لان كثرة الماسكات هتضرك مش هتنفعك
فانتى اسمعى كلامى وابدئى بمشكلة مشكلة
لكن فيه روتين يومى لازم تستمرى عليه كل يوم
الصبح:اغسلى وجهك بالغسول المناسب لنوع بشرتك وبعدين ادهنيه بلبن البقدونس وهوانك تجيبى كمية كبيرة من البقدونس واغسليها كويس وغليها مع اللبن وبعدين اطفى النار عن اللبن وسيبى اللبن والبقدونس منقوع فيه لمدة 4ساعات بعدين عبيه فى زجاجة وحطيه فى الثلاجة واستعمليه كل يوم الصبح وبالليل قبل ماتنامى وبعد ما تغسلى وشك بيه ادهنى وشك بليمون الى ان يجف اى تشربة بشرتك وبعدين اغسليه :لو كانت لبشرتك دهنية ولو كانت جافة او عادية لا تستعملى الليمون"اما قبل ماتنامى اغسلة وشك بالغسول وادهنى وشك بلبن البقدونس وبعدين امسحية بماء الورد
وتعملى فى الاسبوع مرة ماسك عسل بزبادى ومرة ماسك زبادى بمبشور الخيار
وانتى نايمة امسحى وشك قبل ماتنامى بماء الخيار وضعى قشر الخيار على كل وجهك وركزى على المناطق المحيطة بالعين والجبهة والوجنتين لمدة اسبوع من كل شهر تعملى الخيار
ممكن تعملى الاسبوع التانى ماسك التفتيح بدل من العسل بالزبادى والخيار بالزبادى وهو تجيبى خوخ وتقشريه وتخلطى الخوخ بعد ما تقشر وتخلطيه فى الخلاط مع ترمس مطحون وزبادى مخمر وضعيه على وجهك 2 فى اليوم لمدة اسبوع كل مرة ثلث ساعة وبعد ما يعدى الاسبوع نرجع تانى اللزبادى والخيار مرة فى الاسبوع ومرة الزبادى بالعسل
نشوف بقة مشاكل البشرة
للحبوب:ملعقة كبيرة عصير خيار ,ملعقة كبيرة شوفان مطحون يخلط ويوضع على الوجة ربع ساعة 3 مرات فى الاسبوع لتتضييق المسام بالنسبة للبشرة الدهنية 4 ملاعق ماء ,ملعقة نشا ,ماء ورد مع التقليب ويوضع على الوجة حتى يجف 2 فى الاسبوع
للبشرة العادية 3 ملاعق دقيق ذرة نقى مع كمية من اللبن الطازج وملعقة اكسجين صغيرة وعصير ليمونة 20 دقيقة 2 فى الاسبوع
للتنظيف العميق للبشرة ملعقة صغيرة ليمون ومثلها برتقال وكوب زبادى صغير وتخلط وتوضع على الوجة 7 دقائق
لترطيب البشرة ملعقة زبادى مع ربع ملعقة زيت الورد ويخلط مع بعض نقاط الليمون وتوضع على الوجة والعنق
لعلاج مختلف عيوب البشرة بضع اوراق من النعناع وملعقة صغيرة ماء الورد تفرم النعناع وعجن مع ماء الورد وتوضع على الوجة 2 ساعة
ماسك للتغذية :2 ملعقة شوفان , كوب كبير حليب يغلى الحليب ويعجن مع الشوفان المطحون وتوضع ملعقة صغيرة ماء الورد لازالة الرائحة يوميا او يوم بعد يوم نصف ساعة
لجمال ونضارة البشرة : 2 ملعقة عسل ,بيضة كاملة ويخلط كل صباح يوضع على الوجة لمدة اسبوع
لعلاج الكلف :طبعا الصنفرة ايضا ملعقة خميرة وملعقة زبادى وملعقة خل ابيض فى الاسبوع مرة
ماسك الزبادى بالليمون لعلاج الحبوب والكلف
ماسك لتقشير البشرة وضياع الرؤوس السوداء ملعقة شوفان وربع ماء ورد وثلث ملعقة خميرة مذابة فى ماء الورد والليمون وربع ليمونة 3 مرات فى الاسبوع
لازالة الخلايا الميتة الغير مرئية امزجى فنجان ماء ورد مع نصف فنجان كحول ابيض وتدهن به الوجة
للهالات السوداء :
1 شرب ماء وسوائل كتيير
2 البعد عن شرب القهوة والشاى والتدخين
3 البعد عن السهر والاستيقاظ مبكرا
4 ملعقة صغيرة زيت اللوز وماعقة زيت النعناع
زيت النعناع هو" تفرم النعناع جيدا ويخلط مع زيت اللوز ويوضع على العين ربع ساعة 2 فى اليوم كل يوم وبعد ما تحطيه على عينيكى ضعى كيس شاى ساخن عليها

او اغلى كاموميل ويكون مركز واعملى منه كمادات على عينيكى 20 دقيقة كل يوم
لعلاج النمش والكلف قطع خيار منقوع فى لبن وتترك خمس ساعات ثم يوضع على الوجة من المساء الى الصباح كل يوم الى ان تزول

للعين المرهقة : ملعقة عسل مع ملعقة حليب 3 دقائق ثم يزال ويوضع كمادات ماء الورد 5 دقائق

للتجاعيد تدهن يوميا بعنب
اتجاعيد العين تدهن يوميا بزيت اللوز
لشد الوجة وضيلع الحبوب : نصف حبة خيار مع 3 ملاعق لبن فى الخلاط واتركيه 4 ساعات وضعيه على الوجة نصف ساعة مرة فى الاسبوع او 2
لسواد المرفق والركبة اعصرى ليمونة مع شوفان مطحون وافركى بيهم الركبة والمرفق عدة مرات فى اليوم كل يوم الى ان تزول وطبعا ادهنيهم كل يكوم وكل شوية بكريم مرطب
للوجة الجاف قطنة بزيت اللوز يوميا
لانتفاخات العيون شرائح البطاطس 10 دقائق
ماسك للوجه الجاف:ملعقة عسل 2ملعقة خميرة مذابة فى ماء دافىء نصف ساعة على الوجة ما عدا العين
للبشرة الحساسة نصف حبة جزر متوسطة الحجم وربع ملعقة عسل يعصر الجزر ويضاف الى العسل ويوضع على الوجة ربع ساعة
للبشرة العادية 2 ملعقة حليب ملعقة عسل ملعقة نشا
ملاحظات :
1 اى ماسك فيه بيض لا يستخدم للشعر وده كلام دكتور عالمى لان البيض مضر بالشعر لكنة مفيد للبشرة الدهنية
2هناك بعض الاشياء اخذتها من هذا المنتدى والبعض الاخر من منتديات اخرى ومن اخصائيات تجميل
لو عجبكم هذا النظام فانا مش عايزة حاجة غير انكم تدعولى بالزوج والذرية الصالحين وبنعيم الجنة
كاتب الموضوع : نور محمد عبد السلام
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

جدول للعنايه لكي تكوني اجمل من نجمات السينما :: تعاليق

ملف حلو اوى يا نور كعادتك بالمواضيع المميزه بجد تسلم ايديكى
رائع يانور الله عليكى ربنا يحميكى :lol: I love you
ماشاء الله عليكي يا نور ربنا يوفقك و يرزقك الزوج الصالح والزريه الصالحه انتي وكل بنات المنتدي...
ربنا يرزقك بالزوج الصالح الذى يعينك على طاعه الله عزوجل
ويرزقك بالذرية الصالحة التى تكون ذخرا للأسلام والمسلمين
 

جدول للعنايه لكي تكوني اجمل من نجمات السينما

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: