وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 الطفل من اول الجماع الي لحظة الولادة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
27092012
مُساهمةالطفل من اول الجماع الي لحظة الولادة


طبعا واضح من العنوان انا هتكلم عن ايه
الموضوع ده لا تجميع ولا منقول
ده تبسيط من اللي بدرسه
هنا هقدم مادة علمية مبسطة يسهل فهمها علي كل الاميرات
الطفل من اول الجماع الي لحظة الولادة
مقرونة ب صور ان سمحت لي رندا و رغدة ب كده
قبل ما انزل اي كلمة
اعرف الاول
هل من مشجعين؟
و حدودي لحد فين؟
و وعد
هتلاقوا معايا المعلومة الصح و باسلوبي الكوميدي كمان
هيكون ملف كامل
هيساعد كل واحدة فينا سواء متجوزة او حامل او حتي انسة انها تفهم هي جت ازاي و بتتحسب ازاي و حاجات كتيييييييييييير اوي
اعرفها بيكو و معاكو
يلا لو لقيت تشجيع هنزل اول حاجة ان شاء الله بكرة
كاتب الموضوع : sarsora shabaan
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الطفل من اول الجماع الي لحظة الولادة :: تعاليق

رد: الطفل من اول الجماع الي لحظة الولادة
مُساهمة في 28.09.12 5:36 من طرف sarsora shabaan
البيضة جت الاول ولا الفرخة ؟!!! قلقانه
طبعا ايه علاقة ده بموضوعي
اقولكم
علاقته اني ابدأ من اول الحمل و مشاكله و اطلع منه علي الاطفال و كده
ولا ابدأ بالاطفال و لما يكبروا يبقوا حوامل اتطرق لموضوع الحوامل

ف انا قررت ابدأ بالفرخة
يوه قصدي بالحمل Very Happy
قبل الحمل بيحصل اييييييييييييييييييه

الجماع pale مكسوفه

طبعا انا ماليش دعوة ياختي انتي و هي الجماع تم ازاي
دي مش قضيتي غمزه
انا ليا الخلاصة
اخرة الجماع انه الحيوان المنوي يوصل للبويضة الجاهزة للتلقيح
و ده بيكون فاليوم 12-14 من بداية الدورة السابقة
والفيديو ده هيبين الحيوان المنوي وصل ازاي للبويضة



خلاص البويضة اتلقحت
تفضل اول اسبوع تنقسم انقسامات زوجية
يعني 2 , 4 , 16 , 32 , 64 ---
فالوقت ده بقي ايه هي اعراض الحمل؟
سبيك ياختي انتي و هي من المسلسلات و الافلام اللي غرقانين فيها دي
البطل يشخط فالبطلة
البطلة : اه دماغي و تقوم مغمي عليها
البطل يجيب الدكتور
البطلة حامل
الكلام ده مابيحصلش خاااااااااااااااااااالص
لا اول اسبوع ولا نيلة
اصلا الست مابتبقاش عارفة انها حامل فالوقت ده
طب تعرف امتي؟
والله لو لسه متجوزة جديد و مظبطة يوم فرحها علي يوم تبويضها اللي هو 12- 14 من اول يوم فالدورة السابقة و دورتها منتظمة يبقي مبروك يا حلوة انتي حامل بنسبة 70 % لو عدي اسبوع كمان و مجاتلكيش الدورة
ايه ده 70 % بس؟!!!!! Question
اه ياختي 70 %
ليه بقي ان شاء الله و مش 100 % ليه بقي No
عشان في حاجة اسمها توتر ما بعد الدخلة و ممكن يأخرها اسبوع اسبوعين
فهمتي يا حلوة
اه فهمت Very Happy

نكمل بقي
طب بعدنا عن الافلام نعرف منين انها حامل لو سيادتها بقالها كتير متجوزة؟؟
بصي بقي
و اليكي الحقيقة العلمية كاااااااااااااااملة
25 عرض هيعدوا عليكي ف فترة الحمل و المفاجأة بقي
مش كلهم دليل قااااااااااااطع علي الحمل
3 منهم بس اللي دليل قاطع
و الباقي؟!!!!!!! قلقانه
الباقي بين مؤكد بنسبة 60 % و مؤكد بنسبة 80 %
انما ال 100 % دي هما 3 بس
والباقي ان ظهر منهم 4 او 5 مجتمعين يبقي روحي اكشفي علي ال 3 المؤكدين
و ان شاء الله حامل و هاتيلي الحلاوة بقي
و ماتنسيش السبوع و الموغات Smile SmileSmileSmileSmile

طب نيجي فال 60 %
1- مافيش دورة
اييييييييييييييه ده مش كانت 70 % ايه اللي جرا ---> هيهيهيهيهي مذاكرتش كويس هههههههه
هو مش انا قلت دي احتمالات للست اللي متجوزة بقالها فترة يعني مش عروسة جديدة
ماتفتحي مخك معايا بقي

2- مجرد حاسة بالحمل
اه مجرد حاسة بالحمل دي احنا هنستعبط ولا ايه؟ ---> يا بنت الناس ده احساس غريزي كده عند كل المتجوزين , انتي متجوزة ؟ ---> لا زعلانه ---> يبقي تتوكسي و تركني علي جنب , المتجوزين عارفين الاحساس ده

3- غثيان و قئ
و ده بقي ايه اللي خلاه 60 % ان شاء الله بقي ؟ ---> لان سيادت ممكن يكون عندك برد ولا حاجة او علي الاقل عندك مرض من 5000 مرض بدايتهم غثيان و قئ

4- تصلب الثدي
و هقول اهو قبل ماتسألي يعني ايه مانا عارفاكي لمضة و هتجننيني يعني تحسي ان صدرك متحجر شوية و ده بفعل الهرمونات

5- تضخم الثدي
اظن واضحة يعني

6- زيادة فالتبول
و ايييييييييه علاقتها بالحمل يا ذكية , دي بتاعت اللي عندهم سكر ---> لا يا فالحة والحمل كمان بس مش ف اوله ممكن ف التلت التاني منه و يا فالحة هانم انا قلت اعراض الحمل هو انتي حامل اول 3 شهور بس ولا ايه , الاعراض دي كلها بتاعت ال 9 شهور جاتك 9 شهور لما يخبطوكي ف راسك

7- وهن و ضعف
و دي زي الغثيان والقئ يعني ليها 5000 مسبب غير الحمل

8- زيادة فاللعاب

9- montgomery`s tubercles
يعني بروز بثور ف المنطقة الغامقة حول الحلمة

10-stretch marks








11- spider viens







12- حركة الجنين
ايه ده حركة الجنين من ال 60 % ؟!!!!!!!!!!! اه ياختي لانها ممكن تكون حركة الامعاء وانتي هبلة او غازات و انتفاخات

13- chadwick`s sign
و ده بيبقي بقع زرقا علي جدارالداخلي للمهبل والرحم

14- colostrum from breast
يعني نزول ما يشبه اللبن من الثدي

كل ال 14 نقطة اللي فاتو مش اعراض اول 3 شهور من الحمل
لااااااااااااااااااااااااا
دول واللي جايين كمان اعراض ال 9 شهور كلهم
يعني كل دول و اي واحدة فيهم اول ماتشوفيها مش تجري علي طول عالدكتور لا انما دي اعراض مصاحبة للحمل
لا كفاية عليكو الحبة دول
اما اشوف بقي ايه رايكم و اشوف التشجيع والتقييم هكمل
ها ايه رايكم
رد: الطفل من اول الجماع الي لحظة الولادة
مُساهمة في 29.09.12 23:36 من طرف sarsora shabaan
ايه مافيش ولا تعليق ولا ايه؟
رد: الطفل من اول الجماع الي لحظة الولادة
مُساهمة في 01.10.12 12:45 من طرف sarsora shabaan
بما انه مافيش ولا تعليق ولا تشجيع ف يالله مش مشكلة
نكمل برضو
اللي جايين دول اللي بيأكدو الحمل بنسبة 70 % بس مش الواحدة لوحدها اللي تأكد
قلنا ان لازم يتوافر 4 او 5 صفات من دول مع بعض عشان نقول ان الست دي حامل
ال 70 %
1-تضخم فالبطن
قلنا دي لوحدها مش اكيدة لانه ممكن يكون ورم فالبطن

2-اختبار حمل ايجابي
و ده ممكن مايكونش علامة علي الحمل ف حالة وجود ورم فالغدة النخامية اللي بتفرز هرمونات الحمل لان شغلانة اختبار الحمل سواء البول او الدم انه يدور علي الهرمونات

3-تغير في شكل الرحم
و ده ممكن اورام صغيرة تغير من شكله غير الحمل
او ورم ليفي فالرحم

4-جدار المهبل يبقي املس
و ده اللي هتحس بيه الزوجات مش حديثي الزواج لا اللي بقالهم كتير متجوزين

5- تضخم فالرحم
و ده بيظهر بالسونار او ان الزوجة تحس ان الجزء الاسفل من بطنها اسفل السرة اكبر من المعتاد

6- braxton hicks contractions
يعني انقباضات للرحم شبيهة بالطلق بس بدون الم او انفراج لعنق الرحم

7-حركة الجنين
و مش عاوزة واحدة تقولي ازاي يبقي 70 % عشان هقول انها ممكن تكون غازات و انتفاخ و حركة الامعاء الدودية

8- ballottement
و ده اختبار طبي بعمله الدكتور للتفريق بين حمل حقيقي و حمل كاذب قبل مايستخدم السونار
و ده عن طريق انه يحط صباعه فالمهبل و ضغط ضغطة بسيطة ان حس انه خبط ف حاجة مرتين يبقي حمل حقيقي
ازااااي هقولكم يعني هو بيستخدم فكرة ان الجنين عايم ف سائل و اداله زقة يقوم الجنين يتحرك بالاتجاة الاخر و يرجع تاني

اللي جايين بقي دول ال 100 % حامل و واحدة منهم بس كفاية للتأكيد
1- نبض قلب الجنين
2- السونار
3- اشعة اكس

رد: الطفل من اول الجماع الي لحظة الولادة
مُساهمة في 01.10.12 12:58 من طرف sarsora shabaan





اي ست حامل فالدنيا ممكن تحدد لنفسها امتي هتولد
ازاااااااااااي
لو دورتها بتيجي كل 28 يوم و لو مش 28 يوم تحسب بالظبط كل قد ايه لان التبويض بيحصل بعد نص المدة يعني لو 28 يوم بقي التبويض كل 14 و هكذا
في طريقتين
الاولي : تحسب اول يوم ف اخر دورة و تضيف عليه 280 يوم و دي هتطلع هتولد امتي بالتقريب
الثانية : تحسب اخر يوم ف اخر دورة و تضيف عليه 7 ايام و تزود سنة و تطرح 3 شهور هتعرف بالظبط هتولد امتي
يعني التانية اخر يوم ف اخر دورة + 7 ايام - 3 شهور + سنة = يوم الولادة

او ممكن الدكتور بتاعها يحسبها عن طريق ما يسمي ب اطار الحمل



رد: الطفل من اول الجماع الي لحظة الولادة
مُساهمة في 01.10.12 13:14 من طرف sarsora shabaan
تغيرات بتحصل لكل ست حامل
الحمل بمنتهي الوضوح بيشقلب حال الجسم
بيشقلبه ازااااااااااااي
هو ده اللي هقوله

هحاول ابسط ليكو التفاصيل عشان تفهموها اسرع

1- القلب والاوعية الدموية

الجهد القلبي او ضربات القلب بتزيد من 30 الي 50 % بداية من الاسبوع السادس و بتوصل للذروة بين الاسبوع 16 و ال 28 من الحمل
و بتفضل قريبة من الذروة لحد الاسبوع ال 30

ضربات القلب بتكون حساسة جدا لموضعية الجسم
وضعية الاضطجاع بتكبر حجم الرحم او بتسمحله بالتمدد اكتر يقوم يقفل علي الوريد الاجوف و يخلي ضربات القلب تقل و ده بيحسس الام بالاختناق و مابتقدرش تتحمل الوضعية دي كتير و بتفضل انها تنام علي الجنب اليمين افضل عشان يبقي الوريد الاجوف مفتوح مساره و الام ماتتخنقش

ضربات القلب بتقل شوية من الاسبوع ال 30 لحد الولادة
وقت الولادة ضربات القلب بتزيد 30 %
بعد الوضع الرحم بيتقلص و ضربات القلب بتهبط سريعا من 15 - 25 % اعلي من الطبيعي و بعد كده يهبط تدريجيا حتي يصل للمستوي الطبيعي غالبا حتي الاسبوع ال 3 او ال 4 بعد الولادة
فالاسبوع السادس بعد الولادة بتكون الام رجعت لوضعها الفسيولوجي لقبل الحمل

 

الطفل من اول الجماع الي لحظة الولادة

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الأم والطفل :: الحمل والتربيه السليمه Pregnancy and children care-
انتقل الى: