وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 علي واحده ونص اتعلمي الرقص الشرقي مع وصفات كيلوباترا وبس وهس هس هس

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3 ... 7 ... 14  الصفحة التالية
كاتب الموضوعرسالة
22082010
مُساهمةعلي واحده ونص اتعلمي الرقص الشرقي مع وصفات كيلوباترا وبس وهس هس هس


بنات بما ان الرجاله
منكدين علينا واحنا برضه بنحبهم
وهنراعي ربنا فيهم انا هعمل حمله وابدأها حالا
هو تعليم الرقص الشرقي علي واحده ونص
واللي هتشترك معايا تبعت تقول وانا
هقول ونشتغل كلنا علي واحده ونص ونخلي
المنتدي هو كمان يرقص ويفرح معانا
يالا بسرعه شرفونا والمتفرجين لأ
كله هيرقص معايا يالا
هسخن الطبله وارجع اشوف مين قالت
معاكي واقولها ترقص ازاي ونبدأ مبادئ الرقص
علي أصوله وحزمني ياااااااااااااااجدع
كاتب الموضوع : نور محمد عبد السلام
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

علي واحده ونص اتعلمي الرقص الشرقي مع وصفات كيلوباترا وبس وهس هس هس :: تعاليق

بقولك ايه كملي بقي متحنسيناش كده هههههههههههههههههههههههه ماشي يا ستى يالا كلنا جاهزين حزمنى يااااا تخصص الدلع في المنتدي نور الدلوعه هههههههههههه يا مدلعانه ومروقانه هههههههههههه الله للرقص فوايد كتير وبيرسم الجسم حلو اوى وبعدين لازم كل واحده في جهازها متنساش بدله الرقص مش هزار حق الازواج يا بنات وبعد كده لو طلبتى حاجه ومعملهاش هههههههههههه جهزى الخناق والعصايه لانك عملتى اللي عليكى
فرفشينا يا نور الله محتاجين كلنا نخرج من دايره النكد ولما نخرج اكيد اجوازنا هتخرج هههههههههههه مستنييينك
ماهى مقومات الرقص؟
الاغراء كيف؟؟حينما تتحرك المراه حتى فى طريقة سيرها العادى نجد ان هناك تمايل ما يحدث
للتوضيح لاحظوا الفرق بين مشية الرجل ومشية المراة وسترون الاختلاف واااضحههههههه
يعني انا عاوزه اقول الستات ربنا رزقها بمفاتن كثيرة وضعت فيها لكى تجذب الرجل لها وكل خلق لما هو له فالمراة انثى فعليك ايتها الانثى ان تستخرجى انوثتك من مكمنها لزوجك او لنفسك عشان تخففي من الضغط عليكي
الرقص احدى واهم اسلحة الانثى فى الاغراء هوبااااا
فى الفترة الاخيرة اشتهر وجود عدد كبير من مدربى الرقص الرجال ويقومون بتدريب رااائع ولكن انظروا لرجل يرقص رقصة شرقية وامراة لا تجيد حتى الرقص ولكنها تتحرك ايهما اكثر اثارة؟؟؟
منطقيا المراة لذلك احببت ان ابدا معاكم دورة تدريبة فى الرقص الشرقى وكذلك نضيف دورة اخرى للرقص الاغرائى للزوج طبعا وهذه الدورة متوقفة بالتاكيد على رغبتكم فمن تحب ان تتعلم عليها ان تشترك معى فى هذه الدورة ان شاء الله اتمنى الموضوع يعجبكم


نبدأ



انطلاق



ازاي هننطلق وانا شايفه
بنات بتغش ومش متحزمه
مش مسمحاكي انتي وهيا
شيفاكم اهو
امسك حرررررررامي



بسم الله الرحمن الرحيم
يارب وفقني ووفق البنات
الغلابه اللي هترقص معايا واديهم الصحه والنفس
ساكته ليه يافيفي عبده انتي وهي قولي
أأأأأأأأأأأأأأأأأأأأأمين



حبيباتى نستعد باذن الله نبدا بالنية
نقسم اننا نتعلم من أجل ازواجنا احبباب قلبنا
حتى لايبصوا بره ولا نحرمهم مننا ولا من جمالنا ورقصنا

دي احلوت قوي تعالى الالى اللالى ياحبيبى تعالالى
اما ارقصلك تعالى

كلنا نرفع شعار انا انثى وقعدتى ونسة ومعايا هترمى همومك وتنسى
كل حاجة الا انت طبعا


اول حاجة ياحلوين الثقة بالنفس
يعنى ايه يعنى انا واحدة واثقة فى نفسى انى حلوة مش حلوة بس ده انا اجنن واعجب الباشا ""طبعا الباشا ده جوز حضرتنا""
ليه بقول ثقة هقولكم عشان احيانا ومش احيانا نقول كتير منا بعد الجواز المقاسات بتضرب حبتين تقولى لنفسك الله طب ارقص له ازاى وانا جسمى مش متضبط كده اقولك ولا يهمك ثقتك بنفسك هتحل الازمة بس خلى بالك لازم تعملى كنترول على الوزن اه انا بقول كده عشان ميبقاش لحد حجة انه يدلع جوزه تقولك لما اخس لا ارقصى انت بس وهتخسى وتبقى 100 100
الدلع والرقة
يعنى هو الرقص ايه غير دلع هزة يمين وهزة شمال بس
كتف يمين كده وكتف شمال اه عينى
الاحساس بالموسيقى
ودنك معاها على طول والموسيقى لها عامل كبير برده فى الانطلاق واستخراج المواهب المكبوتة يعنى متجيش تجيبلى موسيقى عسكرية وترقصى لا طبعا
ده فن وتكتكة وهنعرف ده من الابره للصاروخ
الملابس بقى
مش شرط تلبسى بدلة رقص صريحة دى حتى الراقصات دلوقتى مبيلبسوهاش اى ميكرو جيب على قميص من اللى القصيرين او شورت معاه واشتغلى لى له روبى
وقولى له ليه بتدارى كده وانا عمرى مستنيت حد

وأشطه والكلام الخليع ده المهم



حبايبى الحلوين
مفيش واحدة بنوتة مبتعرفش ترقص يعنى ايه الكلام ده
يعنى بما اننا بنوتات حلوات عسلات سكرات نمتلك من المؤهلات ماتجعلنا بارعات
اديكى الحلوين دول بيعرفوا يرقصوا
رجليلكى بتعرف ترقص
ولا منطقة وسط البلد ياعينى على وسط البلد اتفرجوا عليه مع الطبلة دوم تك دوم تك
ولا لما تطلعوا فوق شوية كده من وانتى نازلة بعد رقبتك
منطقة استراتيجية بحته وفيها العب والفن كله والاغراااااااء طبعا فاهمينى بس الرقابة تمنع

بصوا بقى هنتعلم حركات واحدة واحدة وبعدين نركبهم على بعض ويبقوا رقصة واحدة ياشاطرين حلو الكلام
وان شاء الله هحاول انزل لكم اغانى او لو ممنوع ده بصراحة مش عارفة ممكن اقولكم اسم الاغنية وتصميم الرقصة بتاعتها قصدى حركاتها ايه رأيكوا بقى يعنى مش هسيبكوا اكده واقول انا قولت وهما يجربوا فى اى حاجة ادينى معاكوا واحدة واحدة تمام ياحلوين
نبدا
دلوقتى مش احنا دايما بنقول لما بنسمع خبر حلو انا قلبى بيرقص من الفرحة
صح وتسمعوا ناس تقول ده انا اول مااسمع الطبلة من هنا وسطى بيسيب لوحده
الرقص حركة كل حاجة فيكى بتتحرك وفى نفس الوقت تعبيبر
يعنى لو الاغنية مفرحة وهيصة هيه هيه هيه الوش والحالة النفسية بتكون مبهجة
ولو الاغنية حزينة وانتوا عارفين فيه اغانى برده بيترقص عليها كده وبتيجى على الجرح بتكون العكس
يعنى متجيش واحدة مثلا ترقص على اغنية حزينة وهى ملامح وشها مبسوط متركبش ولا العكس
يعنى مترقصيش على اغنية هشتكة وبشتكة وانت ضاربة ضابط
سيبى نفسك وفكيها على الاخر الابتسامة الناعمة الحلوة "اغراء"
العين برده هترقص معانا"ملهاش نفس ولا ايه" بغمزة حلوة بتسبيلة للرموش "اه ياواد ياتقيل"
وكانك بتقولى له هخليك تاكلنى بعنيك
فاهمين اللغة دى ولا لا "اشارات الحب والاغراء"
الشفايف برده زى ما بتبتسم بتقدر برده تضميها شوية وتلقى بقبلة على الهوا للعاشق الولهان
او تعضى على شفايفك عضة خفيفة كده قمة الاغراء وانت بتتمايلى باه ايييييييه ياعينى عليه
كل حاجة فى الجسم لازم تكون معبرة وليها وظيفة فى الرقصة بحسب الموسيقى
يلا قفوا معتدلين الجسم ممشوقى القامة
واحد
اتنين
تلاتة
حركات الكتف ارفعى كتفك بدلع ورجعيه على ورا كانك بتعملى دايره صغيرة بيه على الهوا طبعا
الكتف اليمين الاول
وبعدين الشمال نفس الحركة
وبعدين الاتنين مع بعض مرة على مرة هتتقنيها عاوزة اقولكم انكم ممكن تعملوا ده حتى وانتوا وافقين فى المطبخ دى حتى حركة تفك العضلات يلا كرورها
عاوزين مرونة اهم حاجة فى الرقص المروووووونة والليونة عشان حركاتك تكون طبيبعة ومش متكلفة تمام كده
كل الحركات دى وكانت اديك جمبك هى هتفضل جمبك ولا ايه لا يلا طلعيها واحدة واحدة
الايد اليمن الاول حركيها وبعدين طلعيها لفوق واديكى الشمال تحصلها هى هتستنى جمبك تعمل ايه يلا بنفس الحركة
الايد بتتحرك زى موج البحر وبعدين ايدك الاتنين فوق راسك وهما بيتحركوا طبعا مش هذنبكوا متخفوش
ثبتيهم بقى دقيقة وفى الدقيقة دى راسك تكون بتطلع لقدام سم وترجعة فى خفة وسرعه
هتقولوا لى ازاى هسهلهالكم شوية بتشوفوا طبعا الكوافيرة وهى بتعمل الوش بالفتلة اكيد مش راسها بتتحرك رايحة جاية معاها اهى زيها بس على صغنن وخطف تمام كده
الجزء اللى اتكلمت فيه ده يعتبر بداية فى الرقصة الشرقية
اول ما بتهل علينا الست الراقصة الزميلة الفاضلة والموسيقى بتعمل تيش تتش تتش تتش راااا
واحيانا بتكون داخلة بايشارب برده هنعرف ازاى ممكن نرقص بيه وهنحدفه برده على اللى عليه القصد والنية ونجيبه يرقص جمبنا برده هو اشمعنى يعنى احنا بس ولا ايه
القادم مذهل اكثر
اكمل يا كيلوباترا عجبك والبنات
الباقيه فين مافيش ولا صوت ولا
نفس
عاوز تشجيع اكتر عشان انزل لكم رقصات
خليجي وصلصا وكله
أشطه دي هتلعب وينهار ضحك ولعب ورقص
kolna m3aky ya m3alema,a7san el wa7ed 5alas,nfso y3mel ay 7aga t5arago mn el nakad w el 5an2a de,f entezar awamrak
نكمل ياحلوين
بداية الرقصة لو بالايشارب مثلاهييه هييه
يااما ابو الشباب بيكون قاعد مستنيكى وانتى بقى قايله له قبلها اقعد استنانانى انا جاية اقعد معاك وتدخلى عليه مع انغام الموسيقى طبعا وتشغليها قبل ما تطلعى له ده اكيد ويكون الايشارب فى ايدكى الاتنين وورا ظهرك
ورا ظهرك مش يعنى مخبياه لا ماسكاه وراه ظهرك اكيد مش هتمسكية قدامك مش هتروحى تنشرى على الحبل طبعا
تمسكى بطرف الايشارب الاخير من الجهيتين امسكى كويس احسن يقع وتبقى حوسة اصل لسة هنلف بيه شوية كده
تمام وهتدخلى بقى عليه برجلك اليمين ياشابةتويتي
وايدكى الاتنين مساكين الاشارب مع تحريك الذراعين حركة موج البحر تا تتا تا ترررا دخلتى بالسلامة
قدامه ياحلوة واقفى بس مش قدامه تلصقى فيه خلى مسافة مناسبة يعنى تبقى فى نص الاوضه مثلا وياسلام لو تطلعى ترقصى فوق السريرميه ميه
وتقولى له طلعى فار تحت السرير بيقرمش وبيخروش
جبت عصاية وضربت الفار...على فكرة دى اغنية ابتسام جميل) بس متقوليلوش دى مش وقتها خالص هيقولك جيبى له مصيدة
اوقفى كده لفى ذراعيك لحد مايجوا قدامك وهما فيهم الايشارب طبعا كده تبقى قفلتى على نفسك ياحلوة وحركى كتافك زى ماتفقنا نص دايرة وارجعى افتحى ذراعك بالايشارب وحشتيه يلا فرجيه على الجمال والدلال وبعدين ايدك للجمب مع الحركة بلايشارب وبعدين على فوق مع الحركة نزلي ايديكى وروحى على ابو الشباب قربيه ليكى بالايشارب
ومتفهمونيش غلط كملى رقص يلا...

او انك بتكونى قاعدة على ركبة ونص ومستخبية ورا الايشارب وقافلة اديكى الاتنين قدامك
وتبداى افتحى ايد وراها التانية وتقومى بدلع واحدة واحدة وتعملى نفس الحركات اللى قولنا عليها بالكتف والايدين


فكرة الرقص للزوج
بس عزيزتى الزوجة مكسوفة ترقصى لزوجك حلالك
الكسوف لا ينفع ولا يفيد تعالوا نسيبه على جمب ونتكلم كلام
عاوزة تحلوى فى عين جوزك اكتر واكتر
يبقى لازم تدلعيه حتى لو هو بيقول مبحبش الدلع
ارقصى له حتى لو بيقولك مبحبش الرقص
تفتكروا انهاردة زى من كام سنة كده
الحال بقى غير الحال بس الراجل هو الراجل
اديكوا دليل سى السيد اللى مشييييب امينة شوفتوا كان اسد ازاى فى بيته ومع الناس وكان فى نفس الوقت بيحب الدلع والسهر الجانب اللى مشفتهوش امينة منه وكان لابس لها الوش الجبس
من غير ما اطول عليكوا
الراجل ايا كان بيحب الدلع كافية اللى ممكن يشوفه فى الشارع
او فى شغله او على احدى القنوات التليفزيونية
نتفق
بحب جوزى ابقى بغير عليه انه يشوف ده من حد غيرى
اسعده لانه حلالى وربنا هيسالنى عليه
اللى متعرفش ترقص تتعلم
واللى تعرف ومكسوفة
تترك الخجل على جمب شوية
وتنسى انها قدام زوجها يمكن يمشى الخجل شوية
ولما هيتفاعل معاكى انتى هتنسى الخجل وهتندمجى هى بس اول خطوة
ااقدم لكم افكارى المتواضعة لليل راقص:
ممكن لو الزوج خارج البيت تجهزى وتوضبى موسيقى حلوة
تكونى بتحبيها وحلوة كده من اللى بترقص لوحدها دى
وتجهزيها فى الكاسيت يادوب على التشغيل
واهم حاجة فى الرقص حركات الدلع واللبس
والله قدرتى تجيبى بدلة رقص كان بها هتبقى فكرة مجنونة ليه قوى وممكن تجيبى له طبلة تكشفى مواهبة
اللى مش هتقدر تجيب بدلة رقص وتتكسف تختار من ملابسها ماهو ضيق او شفاف من الاخر شئ مناسب للرقص ويكون مغرى لان الاغراء من عوامل الرقص الناجح للزوج
وتجهزى نفسك تاخدى شور وتتعطرى وتحطى ميكب واول ما يجى
متخليهوش يشوفك استنى لما يقعد واطفى النور وخلى اضاءة حلوة وشغلى الكاست واطلعى له
وممكن برده لو كان زوجك مش بيخرج من البيت تجهزى انتى وتطلعى له تفجئية وكل واحدة وشطارتها
اهم شى حطى فى دماغك ان الزوج ده نعمة من ربنا يجب ان نشكره عليها ونتفنن فى اسعاده

بنااااااااااااااااااااااات
عاوزين نرفع شعار الاكتفاء الذااتى فى البيت مراتى يامراتى ياللى فيكي كل ملذاتى مفطرانى ومغديانى وعلى واحدة ونص مرقصانى

مش عاوزه كسوف وياريت لو كيلوباترا او اي اميره تعمل مداخله
وتجيب فيديوهات تعليم مبادئ الرقص من اليوتيوب هكون شاكره لها
عشان بجد انا مش فاضيه عشان بحاول اجيب لكم افضل حاجه
واتابع المواضيع بتاعتي عشان في اميرات بيطلوبوا مني حاجات
وانا تحت امركم واي واحده عاوزه تشارك ياااااااااااااااااااااريت


نكمل المفيد

"هزى ياوزة"
حبيباتى الحلوين ماتيجوا نرقص جاهزين يلا بينا ورانا تمارين وحركااااااااااااااااات بس شرط من الاول
اللى هتتعلم فى ترقص فى بيتها اوعوا تتعاقدوا على فيديو كليب من غيرى والنقطة بالنص
بسم الله نبدا::
ملحوظة هتسهل لنا كتير
انتى بنوتة امورة حلوة دلوعة يلا ادلعى ياحلوة
فكى جسمك ارخى عضلاتك متتصنعيش حركاتك
عاوزين مررررررررررونة وخفة فى الحركة
الموسيقى اللى يترقص عليها طبعا موسيقى روشة من اللى بترقص لوحدها هتلاقى نفسك
فى مود حلو بتتحركى مع الموسيقى ودنك معاها وحركاتك هتكون على اساسها تمام
الرقص حركاته كتتتتتتتتتتتير قوى قوى وممكن انك تبدعى كمان انتى ودلالك ياقمر
منهم::
الرعشة:
كلنا بنسقع فى الجو البرد بس الرعشة دى غير غييييييييير
دى رعشة دلع كل جسمك فيها بيتحرك
عارفين فيبريشن الموبيل اهو ده
اوقفى ظهرك مفرود وابتدى اتحركى فى مكانك كل حاجة فيكى بتتهز فى مكانك حاولى دى سهلة قوى
ااقولك قولى لنفسك سقعانة بس دى رعشة دلع كلك بيتفض بس واحدة واحدة ونعلى لحد ماتكون اقوى حاجة سهلة كده....؟
حركة تانية:
التقسيم
نخلينا حقانين ونقسم قسمة العدل ماشى...
ازاى الحركة دى نقول نقف فاردين ظهرنا رجلنا ثابته على الارض لفى بوسطك ياحلوة نص دايرة يمين
وقلنا نكون حقانين ونص شمال
نص دايرة يمين ونص دايرة شمال
يلا بقى لفة كاملة دايرة
تعرفوا الفة ازاى ولا لا
نوضح للى مش فاهم اللفة دى زى مااتفقنا واقفين مفرودين
بحرك وسطى وانا رجلى ثابته على الارض اعمل بيه نص داايرة وانا فى مكانى بلف بيه على محيطة هو نفسه
واللفة الكاملة بلف على وسطى كله من ورا لقدام
وممكن واحنا بنعمل اللفة دى نتحرك فى مكانا يعنى نشيل الرجل مفيش سنيمتر من على الارض واحطها تانى
فاهمين لحد كده ولا ايه النظام....
عموما اللى مش ينفهم حاجة يسال فيها ياشطار
الطبلة::
نعنوشة الرقص الشرقى وعلى واحدة ونص يلا نرقص
يترقص عليها ازاى
واحدة شمال وواحدة يمين يعنى وانا برده واقفة ثابته فى مكانى يدوب بحدف وسطى مرة شمال ومرة يمين كانك بتزقى حد واقف جمبك بس بدلع وبمنتهى المرونة يلا بينا واحدة شمال وواحدة يمين
واحيانا الموسيقى تتطلب واحدة يمين وواتنين شمال ورا بعض او العكس
حركة كمان
وانا بحرك وسطى يمين وشمال واحدة واحدة احاول انزل بوسطى وانا برده مستمرة واحدة واحدة لتحت وبنفس الطريقة اطلع
دى بقى الطالعة والنزلة بس على السلم الراقص قدرتى تنزلى للارض فى الاول فيه ناس بيكون صعب عليها بس بالتعود بيصير ماشى الحال
قدرتى اقعدى على ركبتك وجسمك من فوق ظهرك مرفوع واحدة يمين وواحدة شمال
وبنفس طريقة الطالعة والنازلة بطلع من قعدتى حلو الكلام...
حركة كمااااان
حركات الايد افردى ايدكى الاتنين قدامك وحركيهم دايرة طبعا كل ايد لوحدها سهلة دى مش كده
حركة تانية من حركات الايد
افردى ايديكى الاتنين جمبك واتحركى شوية يمين شوية شمال بيهم وهما مرفودين وظهرك مفرود ورجلك على الارض
حركة تالتة قربى ايدكى نحية صدرك شوية وانتى تانيهم وكف ايديك مفرود وحركى ايديكى واتحركى بصدرك وكتفك لقدام ولورا
تعبتوا كفاية لحد كده طيب احفظوا دول ولو فهمتوا الشرح طبقوا واللى فيه حاجة مش فاهمة ويحب تتوضح اكتر يقول....
اه اكمل ولا
 

علي واحده ونص اتعلمي الرقص الشرقي مع وصفات كيلوباترا وبس وهس هس هس

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 14انتقل الى الصفحة : 1, 2, 3 ... 7 ... 14  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: