وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 يانهار ابيض هو فى كده؟ اتفضلو شوفو ايه حصل فى مطبخى- يلااااا مستنياكم بفطيره التفاح

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
21082010
مُساهمةيانهار ابيض هو فى كده؟ اتفضلو شوفو ايه حصل فى مطبخى- يلااااا مستنياكم بفطيره التفاح


بليل حسيت عايزه اروح ماكدونالدز عشان اجيب فطيره تفاح وللأسف هنا مفيش الهنا اللى بشوفه فى مصر
يعنى ولا مطاعم ولا كلام من ده بليل
دا غير انى مش هينفع اخرج لحالى
ايه ده؟؟؟؟؟؟
رغايه رغايه يعنى !!!!!

يلا مش مشكله

هدخل فى الموضوع

دخلت المطبخ وجهزت عجينه فطيره التفااااااااااااح والفجر أذذذذذذذذذذذذذذذذذذذذذذذذذن

الحمد لله جت بفايده

يلا هقولوكو المقادير ونعملها سواااااااااااااااا


المقادير :

4 تفاحات - 2 كوب دقيق - 110 جم زبده - 8 معالق سكر كبيره - ذره ملح - معلقه قرفه - بيضه واحده - كيس فانيليا - رشه بسيطه من الخميره الفوريه


طريقه العجينه :

نضع الدقيق فى طبق عليه الزبده و 3 معالق سكر وذره الملح وكيس فانليا ورشه صغيره من الخميره الفوريه

بالشكل ده




افركى الزبده والدقيق لغاية ما تصير مثل فتات الخبز والخطوه دى مهمه اوى انها تكون فرك مش عجن
ودا هيكون شكله



ضعى 3 ملاعق مياه دافيه واعجنى بقا يا قمر انتى وهى لحد ما تصير عجينه مش بتلزق فى اديكى ولو كانت بتلزق رشى عليها شويه دقيق صغيرييييييييييييييييييييييييين اوى

هتبقى كده


طبعا المفروض بنسيبها ترتاح ساعه فى الثلاجه انما عشان الفجر اذن خليتها يوم بحاله فى الثلاجه

ودا عادى على فكره احنا ممكن نسيبها لحد 3 ايام فى الثلاجه

خرجتها تانى يوم وبعدين ابتديت اعمل الحشوه

يلا نقول من جديد منغير رغى اهو :


الحشوه : اللى هى طبعا ايه ؟؟؟؟؟؟





هنقشرها التفاحات دى وهنقطعها ونضع عليهم 2 معلقه كبيره مياه و 5 معالق سكر ومعلقه قرفه



كده شكلها قبل ما نحطها على نار هاديه عشان تستوى



ودا شكلها بعد ما استوت واوعى حد يفتكر انها اتحرقت لا هو شكلها كده عشان لون القرفه مع الكراميل اللى صار من السكر وعصير التفاح اللى نزل منه



كده خلصنا الحشوه وطبعا لازم ندخلها الثلاجه عشان تبرد

هناخد ثلثى العجينه ونفردها على الرخامه المرشوشه دقيق لحد ما تبقى رقيقه

وتكون بمقاس اكبر من الصينيه اللى هتتعمل فيها عشان نبطن الجوانب بالعجينه

هنجهز صينيه تيفال صغيره وندهنها بالسمن ونبطنها بالدقيق

هناخد طبقه العجينه المفروده براحه عشان مش تتقطع مننا ونفردها فى الصينيه ونرفعها على الجوانب بالشكل ده



صبى الحشوه فى الصينيه وافرديها على طبقه العجين كلها بالشكل ده



يلا بقا هاتى باقى العجينه وافرديها على الرخامه المرشوشه دقيق وخلى بالك وانتى بتشيليها عشان هتبقى رقيقه اوى وممكن تتقطع منك

حطيها على الحشوه وقفلى جوانبها مع الطبقه اللى تحت بلفها للداخل وبعدين اضغطى عليها بظهر معلقه صغيره لحد ما يبقى شكلها كده


اعملى شقوق بسيطه بطرف سكينه على الوش ادهنى الوش بصفار بيضه مخفوق مع معلقه صغيره لبن (طبعا مش كل صفار البيضه شويه بس على قد دهن الوش والباقى ممكن تتبليه مع بيضه تانيه وتعمليه اومليت ولا اى استخدام تانى)


طبعا واحنا بنقفل الفطيره تشغل الفرن تقريبا ربع ساعه قبل ما ندخل الصينيه وطبعا الشبكه فى النص

هندخل الصينيه خمس دقايق على درجه الفرن الحاره وبعدها نهدى الفرن لحد ما الوش ياخد اللون الذهبى يعنى حوالى نص ساعه تقريبا

وهتخرج بالسلامه ان شاء الله بالشكل دااااااااااااااااا




هنسيبها تهدى شويه اوعى تفكرى تخرجيها ولا تقطعيها وهى سخنه ولما تبقى دافيه نحط على وشها طبق صغير ونقلب الصينيه وبعدين نقلبها تانى بطبق التقديم عشان محدش يفكر يطلعها من الصينيه بأى معلقه عشان مش تتكسر ونقطعها براحه بطرف السكين
ودا هيبقى شكلها فى التقديم




بجد لو كنت اعرف اوصلهالكم كنت عملت كده بجد عشان بجد تستاهل كل اميره هنا
كاتب الموضوع : فريسكااا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

يانهار ابيض هو فى كده؟ اتفضلو شوفو ايه حصل فى مطبخى- يلااااا مستنياكم بفطيره التفاح :: تعاليق

ربنا يكرمك
مُساهمة في 21.08.10 5:41 من طرف نور محمد عبد السلام
تسلم ايدك فكره جديده وشكلها حلو كمان
اللهم اني صائمه تسلم ايدك وربنا يكرمك
@نور محمد عبد السلام كتب:
تسلم ايدك فكره جديده وشكلها حلو كمان
اللهم اني صائمه تسلم ايدك وربنا يكرمك


تسلمين نور على ذوقك وربنا يتقبل صيامك وصلاتك واعاملك الصالحه ان شاء الله
ميرسى اوى على مرورك الكريم يا احلى نور
تسلم الايادى يارب ويحفظهم....العجينة دى ممكن نعمل منها اى تارت او كيش...انا عن نفسى للتسهيل باعمل العحينة دى بس بزيادة بيضة لكل كوب دقيق..واعمل منها الحلو والحادق...مثلا...سبانخ مع جبنة شيدر مع بصلة ناعمة مع شوية فلفل اسود...او خضار مشكل سوتيةمع بصلة وفلفل اسود وملح...او بسطرمة مع جبنة رومى...وممكن تتفننوا فى الحشوات..بعد مانجهز اى حشوة نعمل التوبنج اقصد الطبقة العلوية وهى كوب حليب كبير مع 2 بيضة مع رشة فلفل اسود..وطبعا تزودى الكمية حسب الصينية..وفى الاخر رشة اىنوع جبنة تحبيها
تسلم ايديكى انا بحب فطيرة التفاح اوووى بس عايزة اسالك سؤال انا مابحبش الزبدة ولا بحب السمن فالو ممكن احط بدل الزبدة زيت
تسلم ايديكم وافكاركم
 

يانهار ابيض هو فى كده؟ اتفضلو شوفو ايه حصل فى مطبخى- يلااااا مستنياكم بفطيره التفاح

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: طبخات واكلات من كل بلاد العالم :: قسم الطبخ :: الحلويات الشرقيه والغربيه-
انتقل الى: