منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :
21082010
اولا انا اسفه علي الموضوع ده وربنا عالم انا
مكسوفه ازاي لكن في ستات ما تعرفشي الحاجات دي
وبعدين الرسول صلي الله عليه وسلم قال رحم
الله نساء الأنصار لولاهم ما كان عرف كثيرمن النساء
فقه النساء لأنهم كانوا بيسألوا في كل حاجه
طبعا ده مش نص الحديث لكن ده مفهومه
المهم عاوزه دعوه ولو الموضوع عجبكم قولولي
وانا اكمل

اول حاجة انا قريت عنها هى
منطقة الاذن
ايوة يا شاطرة ودانه اللى انتى ماسكاها طول النهار هات كذا واعمل كذا واول مايرجع ولادك عملوا فيا كذا وكذا لحد ما ودانه طفحت ياعينى
الاذن دى علميا تعتبر اهم منطقة عصبية للانسان ومهمة جدا
طيب نستغلها ازاى اقولك يا فالحة
ممكن تثيرى منطقة الاذن عن طريق لحسها بطرف اللسان وكمان قبلات خفيفة جدا يعنى كانها عالهوى او ممكن بطرف ناعم فى صوابعك ( انا عارفة انهم باقوا مقشفين من غسيل الصحون بس دورى على حتة ناعمة فيهم كده يعنى تقضى الغرض)
المهم والعبيله ورا ودانه بس بشويييييييش وحاولى تهمسيله فى ودانه بهدوء وحرارة زى مثلا
وحشتنى .... اشتقت لك .... حبيبى اى كلام من ده يعنى
اصلا نفس المراة وتاوهاتها لما بتوصل ودن الراجل بتثيره لابعد حد
دى كانت اول حاجة قريتها
وياريت ودانه الشمال افضل


تاني حاجه





تانى منطقة هى العنق وهى منطقة مثيرة جدا للرجل
واثارتها تكمن فى القبلات الخفيفة عليها وخصوصا الرقبة من ورا اللى بالبلدى اسمها القفا
ولمسها باليد بحركات خفيفة وهادية
كمان ممكن تعملى مساج خفيف للرقبة من ورا مرورا بالعمود الفقرى خصوصا لو جاى من شغله وبعد مايقعد كده ويرتاح العبيله فى رقبته من ورا واعمليله مساج خفيف هيخفف الم رقبته من ناحية ويحسسه باهتمامك من ناحية وكمان مثير جدا ليه خصوصا لو فى المساج قبلتيه بهدوء


اه اكمل الموضوع ولا مش عجبكم
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
يا جامد يا نور متقلقوش بجد اى ولد بيحاول يشترك بيطرد نهائى هههههههههههههههههه انا عامله حسابي ومراقبه الجو كملى يا قمرتنا واحلى بنوته تسلم ايديكى بجد
انا قفله القسم ده نهائي يا بنات للعضوات بس يعنى اى حد من بري مش هيشوفه نهائي يعنى بناااااااااااااااااااات بس
اه يانور كملي والله موضوعك رائع وانا شخصيا دايما بستني الجديد فيه
avatar
gameeeeeed ya noor go on ana bsgl kol dah 3lshan lma atgwez adl3ooo w had3elk tb3n
ممكن تثيرى جوزك ازاى
مثلا قبل ما يدخل ينام بخمس دقائق اسبقيه والبسى مثلا مايو ( طبعا المايو بنلبسه فى البيت احسن حد يفهمنى غلط) وبعدين نامى عالسرير بشكل مثير بس مش اوى علشان ما يفقسكيش هتلاقيه اول ما يدخل اما هيصحيكى و... او هيخدك فى حضنه ماهو طبعا مش ممكن هيسيب القمر ينام لوحده كده يعنى
كمان علشان تثيريه اهتمى بيه اكتر حتى من اولادك لان الراجل ممكن يغير من ولاده لانك بتهدى نفسك معاهم طول اليوم وهو مش بياخد نفس المقدار
عارفة عامليه انه ابنك الصغير ممكن كمان (حركة رجالة كتير بيحبوها)انك تحميه ايوة من غير كسوف ده جوزك حميه كويس ليفة كده وشاور جل وظبطيه هتلاقيه فاق وروق ورضى عنك وهو اللى هيطلبك دايما لما يستحمى والله دول عاملين زى الطفل الصغير بالظبط كل ما تدلعيه تكسبيه
وكمان فكره تاني
الخلطة السرية علشان جوزك مايتجوزش عليكى
ربنا سبحانه وتعالى احل للراجل انه يتجوز 4 طيب اشمعنى 4؟
لانه فعلا محتاج اربعة علشان يستقر نفسيا وعاطفيا
طيب مانحاول نبقى 4 فى واحد علشان نكفيهم
بصراحة انا لما قريت المقالة دى عجبتنى اوى وحبيت انقلهلكم لانها فعلا جميلة يمكن كتير ستات شاطرين بيطبقوا اللى فيها بس نقولها برضه علشان كلنا نستفيد
نبدا بسم الله


ان الرجل يحب اربع انواع من النساء

¤§© الأولى : الأم ¤§© ::
انه يحب الام . الام فى حنانها, فى عطائها اللامحدود,
عطائها الصامت الذى لا يتبعه من و لا اذى
يريد اما فى سعة صدرها معه وفى تسامحها و عفوها ان هو اخطا
و فى قبلتها و تشجيعها ان هو اصاب
فى تسليتها له و الاخذ بيديه فى الضراء والفرحة و البهجة فى السراء
فى سهرها بجواره عند مرضه او اثناء عمله و فى بشاشتها
و سعادتها عند حضوره و قلقها و لهفتها عند غيابه
انه يريد امه التى فقدها بعد زواجه و يظل يحن اليها كلما احس بحاجته لها

¤§© الثانية : الحبيبة ¤§© ::
ثم هو يريد الحبيبة العاشقة التى تتفنن فى سرقة قلبة وفى اثارة رجولته
يريد امراة لعوب تبهره بقوامها و عطرها كما تبهره بانوثتها و سحرها
يريد على فراشه انثى تثيره و تمتعه بمنظرها و عطرها و لين جسمها و كلماتها
يريدها ان تذوب بين يديه عشقا و شوقا و هياما

¤§© الثالثة : الصديقة ¤§© ::
ثم هو يريد الصديقة التى يبث اليها همومه و يستشيرها فى اموره
يريد صديقة تحفظ سره و تستر عيبه لا زوجة تفشى سره و تفضح عيبه بين جاراتها و صديقاتها و اهلها
يريد عقلك و حكمتك و مشورتك لا لسانك و ثرثرتك فيما لا يهمه
يريد ان يتكلم فتحسنى الاستماع لا ان تتكلمى فتكثرى الشكوى من اعباء المنزل
و مشاكل الاولاد فيلجا الى الصمت المنزلى او الى ترك البيت و قضاء معظم الوقت مع اصدقائه الذين يفهموه و يسمعوه

¤§© الرابعة : الخادمة ¤§© ::
ثم هو يريد الخادمة- نعم خادمة - يريدك ان تعدى له الطعام بيديك حتى و ان كان لديك خادمة
يريدك ان ترتبى اغراضه بنفسك
يريد ان يرى لمساتك انت فى اركان البيت
يريدك ان تعتنى بملابسه و مظهره و مظهرك و مظهر اولاده

وفي حاجات تاني يا بنات
فيه حاجات مدمرة للفراش وبتنهى العلاقة بين الزوجين بمعنى اصح بتكره الزوج فى المعاشرة
1- فيه ستات مثلا بيكون جسمهم بدين او مش متناسق او فيه اى عيب فبلاش تتكلم عليه قدام جوزها لان فيه ستات بتقول لجوزها مثلا شوفت بطنى بقى فيها ترهلات بص ايدى بقيت خشنة من غسل الصحون بص بص ياستى ياحبيبتى انتى كده بتخليه يركز عالعيوب دى ممكن هو يكون شايفها بس مش حاططها فى دماغه وانتى عاجباه كده بكلامك ده هتخليه ياخد باله منها ويفتكرها دايما
2- ان الست ماتكونش واثقة من نفسها جنسيا او جسديا وده الراجل بيحس بيه من اسئلة الست انا عاجباك ايه بيعجبك فيا انتى اللى لازم تعرفى من خلال حياتك معاه هو بيحب فيكى ايه وبيكره ايه مش لازم تساليه لو هو قالك منه لنفسه ماشى انما انتى ماتساليش
3- الملابس الداخلية
انك تلبسى لبس مش مناسب لطبيعة جسمك او جوزك مش بيحبه
كمان لو حمالة صدر مبهدلة او اندر وير مبهدل او ممزق لازم تاخدى بالك
وبلاش تلبسى الملابس الداخلية قدامه يعنى علشان يكون دايما متشوق ليكى ولانه يشوف جسمك
4- انه يطلبك وانتى تقولى لا لاى سبب زعلانة تعبانة ماتقوليش لا بس لو تعبانة تعب بجد هو مش هيطلب بالعكس انما تكونى مرهقة مثلا معلش حاولى تروشى نفسك كده علشان تسعديه وعلشان الملايكة بتلعن اللى بتمنع نفسها من جوزها
5- تكلف المراة فى العلاقة يعنى
جوزك طلبك دلوقتى تقوليله استنى البس او استنى اخد دش او استنى
بلاش كده يعنى لو واحد جعان اوى وطلب الاكل لو حطيتيله طبق فول هياكله وهو مبسوط انما لو قولتيله استنى ده انا هاعملك ديك رومى بس هاطلعه من التلاجة وهيفك واسلقه وبعدين احمره هتلاقيه نفسه اتسدت او نام وسابك
فخدى بالك يا حبيبتى
كفايه كده انهارده
avatar
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى