منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى

دلعي جوزك واسحريه بنعومتك وأنوثتك ولمساتك الخاصة والمختلفة

صفحة 2 من اصل 78 الصفحة السابقة  1, 2, 3 ... 40 ... 78  الصفحة التالية

استعرض الموضوع السابق استعرض الموضوع التالي اذهب الى الأسفل

نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :

مُساهمةنور محمد عبد السلام

بنات انا انهارده جايبه لكم موضوع تحفه من الاخر
وهتدعولي انتم وازواجكم انشاء الله لكن عاوزه تفاعل
كبير وكتير  وتشجيع عشان انا هتطلع عيني في الموضوع
ده وهو نصائح تكوني مختلفه بيها عن بنات عيلتك
وكل اللي تعرفيهم وتكوني ملكه
و كامله الأنوثه بجد والكل يسألك عن السر وانتي تدلعي وتعملي  نفسك خبيره وانا
اللي طالعه عيني بصوا انا هكتب نصيحتين
ولو لقيتكم متفاعلين هكمل اوك اكيد موافقين


انطلاق



نبــدأ بســـم الله

الفكرة دي للمخطوبات والمتزوجات:

طبعاً كلنا بنجهز شنطنا للسفر ان كنا عرايس او متجوزات ، ازاي تخلي شنطتك انتي وجوزك مميزة ، بصي معاية
الفكرة الاولى: انك تجيبي دي؟ ، وشكلها اية؟ ، وبتعملي بيها اية ؟ ، انا حقولك يا ستي
طبعاً كلنا لما بنيجي نسافر ،  اول حاجة بنحتار فيها الشوزات ، فمعظنا بيعمل اية ، يجيب كيس بلاستيك ويحط فيه الشوز[/url] بتاعة ، وشوفي بقى المنظر بيبقى عامل ازاي في الشنطة ، وخاصاً لو كنتي مسافرة في المطار والشنطة بتتفتش ، وغير كدة قدام جوزك ، خاصاً لو كنتي عروسة جديدة
الاكياس دي اشيك واحلى ، ]انتي قبل السفر تغسلي الجرابات بتاعتك وتعطريها وتحطي فيها الشوز النظيف المتلمع













بنات بالنسبه لموضوع الاكياس
انا لفيت وجيبت لكم الطريقه ممكن تعمليها في البيت
لكن لو واحد ترزي افضل

أول حاجة بتجيبي القماش اللي انتي عايزاه
و تكوني محددة المقاسات اللي انتي عايزاها

بصي يا ستي
الحاجات اللي هتحتاجيها :
قطعتين
قماش متساويتين ( وش و ضهر الكيس ) : دول بتبقي محدده المقاس اللي انتي
عايزاه ، من 3 جوانب ( جناب الكيس و الجزء السفلي منه ) بتزودي قولي 1 أو
2 سنتي متر للخياطة
أما الجزء اللي فوق فبتزودي قولي 6 سم تقريباً - و هنعرف ليه بعد شوية
خيط طويل ( طول مناسب ) : ممكن تجيبيه ساتان أو حاجة مبرومة شبة بتاع المكرمية و كده براحتك يعني

الطريقة
بصي بقى
بتجيبي قطعتين القماش على بعض و تخيطي جنب واحد من جوانب الكيس ( يمينه او شماله ) من أوله لآخره و تثبتي الخياطي كويس أوي
دلوقتي تفرد القطعتين دول كأنهم قطعة واحدة طويلة شوية
- فاكرين الـ 6سم اللي سيبناهم فوق ؟ -
تقومي تمسكيهم تتنيهم ، يعني مثلاً لو انتي عاملة الكيس عايزة طوله في الآخر 10سم هتبقي قاصة القماشة طولها 16 سم
تقومي الـ6 الزيادة تتنيم بحيث يكون طول الكيس 12 أو 13 سم ( و الكام سنتي الزيادة دول بتوع الخيط عشان تقفلي الكيس براحتك )
و تقومي مخيطة الجزء المتني
و تقومي مكملة خياطة الجزء السفلي و الجنب التاني من الكيس
( بس خدي بالك الجنب التاني متخيطيش الجزء المتني )
و بكده خلصتي خياطة الكيس
( انتي طبعا بتخيطي على الضهر ) تقومي تقلبي الكيس و تدككي الخيط اللي انتي عايزاه

و بس كده يا ستي
و بيتهيألي لو جيتي تطرزي القماس عند حد تقصي القماش و توديه يطرز أضمن و بعد كده تشتغليه

طب والاكسسورات: برضة فيه علب صغيرة وشيك ، بدل ما الاكسسوارت بتاعتك تتعقد وتتقطع ، وتأخدي وقت عقبال ما تفكيها








الفكرة التانية: الفكرة دي للست اللي جوزها هيبهدلها الدولاب وطبعا كلهم بيعملوا كده
واحنا يا عيني بتطلع عينا ربنا علي الظالم والمفتري مش مهم ربنا يخليهم لنا ويبهدلوا

تعملي جرابات للغيارات يعني اكياس قماش زي الشوز لكن اشكال مختلفه يعني تعملي جرابات  اكياس يعني او تشتريهاعلى شكل  مستطيل وتجيبي الغيار كامل + البيجاما بتاعته ،وتحطيها في الجراب ، وتعطريها وتخليها في الدولاب، ووقت لما ما تكونيش فاضية هو يأخد الغيار بتاعة ويدخل يأخد الشاور بتاعه



والحركة دي تعمليها وقت السفر ، لما يكون جوزك مسافر سفرية شغل ، تحطيلة الغيار بتاعة في أكياس من دي ، عشان ما يتعبش ويدور علي غيرك يخدمه ودماغه تسرح بعيد خليكي معاه في كل لحظه، كل ما يحب يأخد شاور يسحب كيس منهم ، والغيار اللي مش نضيف يحطة برضة في الكيس الفاضي التاني عشان انتي تغسلي وانتي لزمتك ايه تعملي كل ده وتطلع عينك وبرضه مش وصفات كليوباترا  عاجبين مش مهم ربنا يكرمنا احنا الأحسن برضه ، ( وانتي طبعاً ممكن تكتبيله رسالة حلوة صغيرة في كل كيس، الحركة دي بتبقى حلوة) وهو يتغر ويفتكر نفسه روميو مش مهم عشان ما يفكرش في غيرك واوعي الستات المتجوزين من زمان يقولوا احنا كبرنا خلاص لأ انتي لسه صغيره وزمان ما كنتيش تعرفي الحاجات دي ودلوقتي تعرفيها وربنا هيحاسبك لأنك عارفه الحاجات دي ومش اسعدتي بيها جوزك ودلعتيه
ولما تكوني فاضية تعملي اية ؟،
تشتري بوكس ، وتحطيله فيه الغيار بتاعة + البيجاما+ البودي سبراي+ ديودرانت(مزيل العرق) ، وترش عليهم شوية ورد مجفف ، وبعدين تقفلي البوكس وتحطيهوله في الحمام ، وطبعاً الحاجة متعطرة ،
وياريت تكتبي رساله حلوه علي دبدوب صغير او اي حاجه من اختراعاتك
يا قمر وده اي بوكس بنجيبه وصفات كليوباترا للهدايا ممكن تعملي فيه كده
عشان يكون سهل عليكي وعليه وهو يحس انك بتحبيه وربنا يسعدك ويكرمك وعشان لما يجي يخونك انتي عملتي اللي عليكي قدام ربنا اه يا حبيبتي  كلهم صنف واحد


ودي صوره كامله للفكره
  
عاوزه التقييم والدعوه
عشان اكمل لو مش عاوزين براحتكم

صفحة 2 من اصل 78 الصفحة السابقة  1, 2, 3 ... 40 ... 78  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

دلعي جوزك واسحريه بنعومتك وأنوثتك ولمساتك الخاصة والمختلفة :: تعاليق

نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :

مُساهمة في 20.08.10 19:39 من طرف نور محمد عبد السلام

صور علب للاكسسوارات


  



avatar
ام تحتمس
اميره برونزيه
اميره برونزيه
رقم عضويتك : 2200
عدد المساهمات : 1326
الاوسمه :
العمل/الترفيه : طالبه جامعيه

مُساهمة في 20.08.10 21:31 من طرف ام تحتمس

مشكورة حبيبتى لموضوعك بجد عحبنى انا عندى مكانه وهجرب الشنطة للاحذيه
شكرا
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71024
الاوسمه :
العمل/الترفيه : طبيبه اسنان

مُساهمة في 20.08.10 22:15 من طرف كليوباترا

بجد رااااااااااااائع تم التقييم

نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :

مُساهمة في 20.08.10 23:10 من طرف نور محمد عبد السلام

بالنسبة للاندر ،  تغسليها على ايدك وتغسليها بشاور جل وبعد ما تنشف ترشي عليها برفيوم وتطبقيها وتحطيها في كيس شبيكة وتحطيهم في الدرج ، بصراحة بتبقى ريحتهم روووعة .او تنظميهم بشكل جميل





 دي شنطه مقسمه جاهزه تحطي فيه الاندرات
 


  
ودي مقسمات عشان تقدري تقسمي ادراجك




 

بالنسبة للشاور:  بعد ما تاخدي الشاور بتاعك ، يوم تحطي بودر جونسون ويكون جسمك رطب شوية، ويوم تحطي جليسوليد بالليمون ومية الورد، بصراحة الحركة  رووووووووعة، وبتخلي جسمك حلو وناعم وما فيهوش اي حبوب ولا بقع ، والبودرة بتخلي ريحتك حلوة وعاملة زي البيبي.

بالنسبة لكعاب رجلك:
تعملي فوطتين ، فوطة لوشك وفوطة لرجلك، عشان لازم تنشفي رجلك ، وكمان تحطي على حوض الحمام جليسوليد بالييمون ومية الورد ، وبعد كل وضوء تدهني رجلك واكواعك وركبك ، وكل اسبوع تعملي سنفرة لرجلك بالحجر وتدهنيها فازلين وجلسرين سائل ومية ورد وتلفيها بكيس نايلون اللي هو الشفاف اللي بنلف بية الاكل عشان ناعم شوية ومش بيعمل صوت وانتي نايمة وشراب صوف ، الشربات برضة تعملي واحد تمشي بية في الشقة عادي، وواحد للنوم ، عشان غلط انك تنامي بشراب بتمشي بيه ، بيبقى مش نظيف ، وفي الصيف تجيبي  الشربات اللي هي بصوابع عشان صعب تنامي بشراب صوف في الحر، وبيبقى شكلك حلو وانتي نايمة، وفي اليوم دة تنامي ببنطلون ترنج طويل ، مش تنامي بقيمص نوووم ، عشان شكلك ما يبقاش وحش وانتي نايمة

بالنسبة للمنطقة الحساسة:برضة تستعملي جلسيوليد بعد كل حمام ، وتغيري الاندر ثلاث مرات يومياً ، وبصوا تعملوا اندرات للبيت واندرات لجوزك ، يعني الوقت اللي بتشتغلي فية والوقت اللي مش بيبقى موجود في البيت ، تكوني لابسة اندرات قديمة ، عشان تكوني حاطة كريمات وماسكات ، فتتبهدل، وبعد ما تاخدي الشاور بتاعك البسي الاندرات المعطرة وتكون عاملة زي الجديدة ، ومش متبهدلة ولا ماطة ، لدرجة ان جوزك هيقولك انتي بتحافظي ازاي على الاندرات دي ، دي كانها ملبوسة لبسة واحدة بس، بس اهم حاجة اغسليها على ايدك مش في الغسالة ، انقعيها في شوية اريال وكلور فانيش الوان ومية ، وسبيها يجي نص ساعة ، وبعدين ادعكيهم وبعدين اغسليهم بالشاور جل واشطفيهم.وعطريهم

وبالنسبة لجسمك: تعملي سنفرة ملح الحليب رووووعة، بيخلي الجسم زي الحرير ، نااااااااعم، تعملية مرتين في الاسبوع ، والاماكن الغامقة يوم ويوم

الانـــــدرات ، تحطيها في أكياس خاصة بيها ، وتشيليهم في الدرج زي فوق بالظبط ركزوا ، وبرضة تستخدميها وقت السفر ، بتبقى شكلها اشيك واحلى، والاكياس دي بتدل على دلعك وانوثتك
عاوزه دعوه حلوه
avatar
ام تحتمس
اميره برونزيه
اميره برونزيه
رقم عضويتك : 2200
عدد المساهمات : 1326
الاوسمه :
العمل/الترفيه : طالبه جامعيه

مُساهمة في 20.08.10 23:23 من طرف ام تحتمس

بصراحه الله يباركلك موضوعك رائع جدا ومفيد جزاك الله الف خير فعلا موضوع متميز


صفحة 2 من اصل 78 الصفحة السابقة  1, 2, 3 ... 40 ... 78  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى