دلعي جوزك واسحريه بنعومتك وأنوثتك ولمساتك الخاصة والمختلفة

صفحة 3 من اصل 78 الصفحة السابقة  1, 2, 3, 4 ... 40 ... 78  الصفحة التالية

استعرض الموضوع السابق استعرض الموضوع التالي اذهب الى الأسفل

نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :

مُساهمةنور محمد عبد السلام

بنات انا انهارده جايبه لكم موضوع تحفه من الاخر
وهتدعولي انتم وازواجكم انشاء الله لكن عاوزه تفاعل
كبير وكتير  وتشجيع عشان انا هتطلع عيني في الموضوع
ده وهو نصائح تكوني مختلفه بيها عن بنات عيلتك
وكل اللي تعرفيهم وتكوني ملكه
و كامله الأنوثه بجد والكل يسألك عن السر وانتي تدلعي وتعملي  نفسك خبيره وانا
اللي طالعه عيني بصوا انا هكتب نصيحتين
ولو لقيتكم متفاعلين هكمل اوك اكيد موافقين


انطلاق



نبــدأ بســـم الله

الفكرة دي للمخطوبات والمتزوجات:

طبعاً كلنا بنجهز شنطنا للسفر ان كنا عرايس او متجوزات ، ازاي تخلي شنطتك انتي وجوزك مميزة ، بصي معاية
الفكرة الاولى: انك تجيبي دي؟ ، وشكلها اية؟ ، وبتعملي بيها اية ؟ ، انا حقولك يا ستي
طبعاً كلنا لما بنيجي نسافر ،  اول حاجة بنحتار فيها الشوزات ، فمعظنا بيعمل اية ، يجيب كيس بلاستيك ويحط فيه الشوز[/url] بتاعة ، وشوفي بقى المنظر بيبقى عامل ازاي في الشنطة ، وخاصاً لو كنتي مسافرة في المطار والشنطة بتتفتش ، وغير كدة قدام جوزك ، خاصاً لو كنتي عروسة جديدة
الاكياس دي اشيك واحلى ، ]انتي قبل السفر تغسلي الجرابات بتاعتك وتعطريها وتحطي فيها الشوز النظيف المتلمع













بنات بالنسبه لموضوع الاكياس
انا لفيت وجيبت لكم الطريقه ممكن تعمليها في البيت
لكن لو واحد ترزي افضل

أول حاجة بتجيبي القماش اللي انتي عايزاه
و تكوني محددة المقاسات اللي انتي عايزاها

بصي يا ستي
الحاجات اللي هتحتاجيها :
قطعتين
قماش متساويتين ( وش و ضهر الكيس ) : دول بتبقي محدده المقاس اللي انتي
عايزاه ، من 3 جوانب ( جناب الكيس و الجزء السفلي منه ) بتزودي قولي 1 أو
2 سنتي متر للخياطة
أما الجزء اللي فوق فبتزودي قولي 6 سم تقريباً - و هنعرف ليه بعد شوية
خيط طويل ( طول مناسب ) : ممكن تجيبيه ساتان أو حاجة مبرومة شبة بتاع المكرمية و كده براحتك يعني

الطريقة
بصي بقى
بتجيبي قطعتين القماش على بعض و تخيطي جنب واحد من جوانب الكيس ( يمينه او شماله ) من أوله لآخره و تثبتي الخياطي كويس أوي
دلوقتي تفرد القطعتين دول كأنهم قطعة واحدة طويلة شوية
- فاكرين الـ 6سم اللي سيبناهم فوق ؟ -
تقومي تمسكيهم تتنيهم ، يعني مثلاً لو انتي عاملة الكيس عايزة طوله في الآخر 10سم هتبقي قاصة القماشة طولها 16 سم
تقومي الـ6 الزيادة تتنيم بحيث يكون طول الكيس 12 أو 13 سم ( و الكام سنتي الزيادة دول بتوع الخيط عشان تقفلي الكيس براحتك )
و تقومي مخيطة الجزء المتني
و تقومي مكملة خياطة الجزء السفلي و الجنب التاني من الكيس
( بس خدي بالك الجنب التاني متخيطيش الجزء المتني )
و بكده خلصتي خياطة الكيس
( انتي طبعا بتخيطي على الضهر ) تقومي تقلبي الكيس و تدككي الخيط اللي انتي عايزاه

و بس كده يا ستي
و بيتهيألي لو جيتي تطرزي القماس عند حد تقصي القماش و توديه يطرز أضمن و بعد كده تشتغليه

طب والاكسسورات: برضة فيه علب صغيرة وشيك ، بدل ما الاكسسوارت بتاعتك تتعقد وتتقطع ، وتأخدي وقت عقبال ما تفكيها








الفكرة التانية: الفكرة دي للست اللي جوزها هيبهدلها الدولاب وطبعا كلهم بيعملوا كده
واحنا يا عيني بتطلع عينا ربنا علي الظالم والمفتري مش مهم ربنا يخليهم لنا ويبهدلوا

تعملي جرابات للغيارات يعني اكياس قماش زي الشوز لكن اشكال مختلفه يعني تعملي جرابات  اكياس يعني او تشتريهاعلى شكل  مستطيل وتجيبي الغيار كامل + البيجاما بتاعته ،وتحطيها في الجراب ، وتعطريها وتخليها في الدولاب، ووقت لما ما تكونيش فاضية هو يأخد الغيار بتاعة ويدخل يأخد الشاور بتاعه



والحركة دي تعمليها وقت السفر ، لما يكون جوزك مسافر سفرية شغل ، تحطيلة الغيار بتاعة في أكياس من دي ، عشان ما يتعبش ويدور علي غيرك يخدمه ودماغه تسرح بعيد خليكي معاه في كل لحظه، كل ما يحب يأخد شاور يسحب كيس منهم ، والغيار اللي مش نضيف يحطة برضة في الكيس الفاضي التاني عشان انتي تغسلي وانتي لزمتك ايه تعملي كل ده وتطلع عينك وبرضه مش وصفات كليوباترا  عاجبين مش مهم ربنا يكرمنا احنا الأحسن برضه ، ( وانتي طبعاً ممكن تكتبيله رسالة حلوة صغيرة في كل كيس، الحركة دي بتبقى حلوة) وهو يتغر ويفتكر نفسه روميو مش مهم عشان ما يفكرش في غيرك واوعي الستات المتجوزين من زمان يقولوا احنا كبرنا خلاص لأ انتي لسه صغيره وزمان ما كنتيش تعرفي الحاجات دي ودلوقتي تعرفيها وربنا هيحاسبك لأنك عارفه الحاجات دي ومش اسعدتي بيها جوزك ودلعتيه
ولما تكوني فاضية تعملي اية ؟،
تشتري بوكس ، وتحطيله فيه الغيار بتاعة + البيجاما+ البودي سبراي+ ديودرانت(مزيل العرق) ، وترش عليهم شوية ورد مجفف ، وبعدين تقفلي البوكس وتحطيهوله في الحمام ، وطبعاً الحاجة متعطرة ،
وياريت تكتبي رساله حلوه علي دبدوب صغير او اي حاجه من اختراعاتك
يا قمر وده اي بوكس بنجيبه وصفات كليوباترا للهدايا ممكن تعملي فيه كده
عشان يكون سهل عليكي وعليه وهو يحس انك بتحبيه وربنا يسعدك ويكرمك وعشان لما يجي يخونك انتي عملتي اللي عليكي قدام ربنا اه يا حبيبتي  كلهم صنف واحد


ودي صوره كامله للفكره
  
عاوزه التقييم والدعوه
عشان اكمل لو مش عاوزين براحتكم

صفحة 3 من اصل 78 الصفحة السابقة  1, 2, 3, 4 ... 40 ... 78  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

دلعي جوزك واسحريه بنعومتك وأنوثتك ولمساتك الخاصة والمختلفة :: تعاليق

smmmh
اميره نشيطه
اميره نشيطه
رقم عضويتك : 4845
عدد المساهمات : 185
الاوسمه :

مُساهمة في 20.08.10 23:32 من طرف smmmh

رووعه فين باقي الموضوع متشوقين نعرفه
gasym
اميره جديده
اميره جديده
عدد المساهمات : 62
الاوسمه :

مُساهمة في 20.08.10 23:39 من طرف gasym

روعةةةةةةةةةةةةةةةةةة تسلم ايدك
zahret aswan
اميره جديده
اميره جديده
رقم عضويتك : 4235
عدد المساهمات : 62
الاوسمه :

مُساهمة في 20.08.10 23:49 من طرف zahret aswan

موضوع روعة تسلمى علية بجد ممتاز جدا
nohaaa22
اميره جديده
اميره جديده
عدد المساهمات : 4
الاوسمه :

مُساهمة في 21.08.10 17:16 من طرف nohaaa22

tslamyyyyyyy to7fa kamly ya 2mar
نور محمد عبد السلام
اميره برونزيه
اميره برونزيه
رقم عضويتك : 1203
عدد المساهمات : 1290
الاوسمه :

مُساهمة في 21.08.10 18:12 من طرف نور محمد عبد السلام

نكمل الموضوع
بســــــم الله

طبعاً كلنا عارفين ان اول حاجة بنعملها لما بنبدأ حياتنا الزوجية هى الصلاة ركعتين لله ، ونشكره على انه جمعنا على خير وندعي ان ربنا يقدرنا اننا نسعد بعض ويرزقنا بالذرية الصالحة

اذا كانت عندك مساحة في البيت ، يبقى اعملي ركن للصلاة ، يعني تعملي ركن للصلاة ليكي ولجوزك، ما فيش حد يعدي منها بالشوز، لان يعتبر مكان مقدس، وتفرشي سجادة سادة من غير رسوماااات ، وتعملي اية تاااني

تجيبي بوكس صغير ، وتحطي فيه الاسدال بتاعك المتعطر + مصحف+ سبحة+ كتيب اذكار الصباح والمساء، مسواااك

جوووزك هينبهر جداً بالحركة دي ، وهيفرح جداً ، وطبعاً الركنية دي بتحاولي تعمليلها اهتمام خاص ، وحاولي تجيبلها بخور معينة ، تبخري بيها الركينة دي ، والسجادة كمان حاولي تعلميها بالمسك عشان تحسوا فعلاً انكم في مصلية

افكار خاصه بيا وكنت عاوزه انفذها واخد
ثوابها لكن انتوا اخواتي ومش هتغلا عليكم
لأني بحبكم جدا جدا
وفكره حلوه كمان انك تجيبي في جهازك او بيتك
حصاله
وكل يوم تحطي مبلغ بسيط انتي وجوزك
وياريت اولادك عشان تعوديهم علي الصدقه
واخر الاسبوع او الشهر
تطلعي المبلغ لله اللي انتي تصدقتي بيه
وحاجه كمان ممكن تجيبي مصحف اجزاء
وتعملي مسابقه انتي وجوزك وتجيبي نوته
صغيره وتدويني
كل واحد كل يوم قرأ
ايه
وتحددوا يوم انتوا الاتنين تصلوا مع
بعض وتقرأوا قرأن
لأن
اجتماعك مع بعض لعباده ربنا
هيخليكوا تحبوا بعض اكتر وبنا هيحميك ويكون معاكم انشاء الله

ندخل على الفكرة اللي بعدها
طبعاً كلنا معانا اكسسورات ، وطبعاً بنحطها في علب ، او بنرميها في الدرج ، فتتعقد ونقعد كل شوية نفك فيها ، وفي الاخر لما نزهق نسيبها ، ودة طبعاً غير الحلقان ، اللي نقعد ندور عليها ويا اما نلاقي فردة يا اما ما نلاقهاش اصلاً
بصوا بقى تعملي اية
دة منظم الاكسسورات





وبصووا الحاجات دي ، ممكن تخليها في الدرج ، عشان لو علقتيها هتحسي انك في محل اكسسورات وبراحتك لو عاوزه تعلقيها شكلها شيك





ودي حوامل للشنط ممكن تحطي فيها شنطك
في الدولاب وتحافظي عليها ويكون شكلها
تحفه وتوفر في المساحه والشكل رائع

ودة منظم الساعات ، ممكن تحطي فيها ساعاتك انتي وجوزك




نصيحة : كتري من الاكسسورات والساعات ، الراجل بيحب الحاجات دي قوووي ، اياكي ثم اياكي تلبسي فستان ولا اي طقم من غير اكسسورات ، الحاجات دي بتدل على انوثتك ودلعك .

وعايزة اقولكم ان الساعات برضة مهمة جداً بتثير الراجل ، بس مش اي ساعة ، لا هاتي الساعت الرقيقة مش الضخمة ، والانسيالات والخلخال اووووووووووووووووووووووو، صدقوني الحاجات دي فظيعة

صفحة 3 من اصل 78 الصفحة السابقة  1, 2, 3, 4 ... 40 ... 78  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

Create an account or log in to leave a reply

You need to be a member in order to leave a reply.

Create an account

Join our community by creating a new account. It's easy!


Create a new account

Log in

Already have an account? No problem, log in here.


Log in

 
صلاحيات هذا المنتدى:
لاتستطيع الرد على المواضيع في هذا المنتدى