منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
zoozoo
اميره جديده
اميره جديده
رقم عضويتك : 437
عدد المساهمات : 45
الاوسمه :
20082010

طبعا انا عايزة اقول ان اول خطوة عشان نستعيد جمالنا وانوثتنا هي جسمنا هو ده مصدر الثقة
عند كل انثي وقلنا قبل كدا انه لازم يكون الوزن مظبوط والجسم مشدود وتبقي احلي كدا من المانيكان
ومش عشان انتي اتجوزتي ولا حملتي يبقي تهملي نفسك وتدي لنفسك العذر انك تهملي
جسمك دا نعمة ربنا عليكي
وانتو كمان ياعرايس ياحلوين ازاي في وزن زايد امال بعد الجواز هانعمل ايه
وازاي بقي عايزين نبقي برنسيسات في فستان الفرح وننقي احلي فستان
من غير مانخاف من المقاس

وعشان كدا يااحلي بنات في الدنيا احنا باذن الله هانبتدي سوا ،حتي ياحبي لو انتي معندكيش وزن زايد
الرياضة مش محتاجة تخن الرياضة دي اسلوب حياة لازم كلنا نمشي عليه
ولا ايه

طيب بقي ايه المطلوب:
-بصي ياقمراية انا مش هاكتب نظام غذائي ولا دايت كل واحدة طبعا تختار النظام اللي يريحها
مع مراعاة انا مش عايزة حرمان جامد وهبوط وتعب وارهاق
لا انا عايزة نخس بصحة وعافية يبقي تختاري نظام غذائي صحي ويكون فيه كل العناصر

-هانمشي سوا علي الفيديوهات دي كلنا بلا استثناء دي رياضة تحفة ورائعة وانا ماشية عليها من فترة تجنن ماشاء الله



دي نص ساعة مشي في البيت عشان انا عارفة مفيش وقت للمشي برة البيت عشان كدا
مش عايزة حجج خالص ياحلوين

ودول بقي تمارين بطن عشان دي طبعا مشكلتنا الازلية
بس خلاص مفيش بطن تاني ابدا ايدينا في ايدين بعض عشان نقضي علي البطن
وانا اخترت دول بالاخص لان المدربة بتشرح كويس وعايزاكم تركزوا كويس اوي عشان تعملوا التمارين صح
ماشي ياقمرات



طيب كدا احنا خلصنا الكلام علي الدايت والرياضة طيب فاضل ايه

فاضل بقي حاجات تساعدنا اننا نحرق اكتر وكمان نشد جسمنا
طبعا اكيد الموضوع محتاج تعود بس باذن الله لما تشوفي النتايج التحفة هاتدعيلي باذن الله

-شرب علي الاقل 2 كوب شاي اخضر بدون بسكر (حطي معاه نعناع عشان يخلي طعمه احلي شوية وكمان اشربيه وهو دافي بيكون طعمه مقبول اكتر من السخن)
-شرب علي الاقل 2 كوب بردقوش وياريت قبل الاكل(طعمه ظريف جدا شبه النعناع ومضاد للاكسدة وبيساعد علي زيادة الحرق ومفيش
منه اضرار باذن الله)
بليل بقي وسامحوني بس لازم هانشرب كوباية لبان دكر (تغلي المية وتحطيها علي اللبان وتسيبيه ينقع شوية
او تغليه خفيف علي النار)ده بقي روعة روعة لشد الجسم وبيعطر النفس وكله فوائد الحقيقة جربي كدا بس اسبوعين وانتي
مش هاتقدري تستغني عنه ابدا

-مع الرياضة هاندهن(زيت جنزبيل+زيت قرفة+زيت حبهان)
روعة في شد الجسم وبيخسس البطن جدا دا غير انه بيقلل الترهل والخطوط البيضا
مش قلتلكم مع دلوعة بعون الله هانقضي علي البطن نهائي

يلا ياقمرات ابداوا مفيش وقت واصبروا اللي بيصبر ينول والله
ولازم نحارب عشان جمالنا امال ايه
ياتري انتي شايفة انه يستاهل تحاربي عشانه ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مستنية الاجابة بسرعة

وليكم مني احلي بوسة يااحلي قمرات



مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
avatar
ايوه كده يا بنات بجد الرياضه الله اهم حاجه عايزين نعمل كلنا رياضه بجد ميرسي يا زوزو موضوع جامد مووووووووووووووت
avatar
فعلا انا كمان همشى عليها يا دودو ان شاء الله وعايزين نشجع بعض
bounce bounce bounce
ميرسى كتييييييير بجد روعة
avatar
كنت عايزه اقول حاجه للبنات ان النوم ع البطن بيكبر البطن والصدر وطبعا دى حاجه مش حلوه لان العضلات بتترخى جامد
انا قولت اقولكوا عشان لو واحده بتعمل كده تبطل وتمشى ع وصفات احسن
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى