وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 كيفيه عمل الحمام المغربى للعروسه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
07052012
مُساهمةكيفيه عمل الحمام المغربى للعروسه


كيفيه عمل الحمام المغربى للعروسه

[ندعوك للتسجيل في المنتدى أو التعريف بنفسك لمعاينة هذه الصورة]


بصراحه لقيت كلام كتيير عن الحمام المغربى وطرق متنوعه لعمله والحقيقه بعض الطرق صحيحه والبعض الاخر غير صحيح بالمررررررررره وممكن ان يؤدى بعكس النتيجه المنتظره فحبيت النهارده اعملكم الملف ده يكون ان شاء الله مفيد وتتبعوا الخطوات وكمان النصائحلذلك قررت ان افيدكم اخواتى بكل مالدى من بعض المعلومات والاسرار وطريقتى فى الشغل والتى علمتنى صديقه عزيزه مغربيه الاصل بارك الله لها فى عمرها

الحمام المغربى معروف منذ زمن فهو يرجع الشبابوالحيويه للبشره بعد ازاله الجلد الميت الذى يتكون يوميا على البشرهفالبشرهكائن حى يتنفس وحتى يتنفس لازم نزيل الطبقه الميته من الجلد الذى تطرحه البشرهاثناء اليومانتى بقى بقالك اد ايه مشيلتيش الجلد الميت من على جسمك مع العلم اناستعمال الليفه والصابون يوميا لا يعطى نفس النتيجه اطلاقالذلك ستحسين بالفرقبعد عمل الحمام المغربى او الدلكه السودانيه انا اهتم بشغلى جدا واحبه وليس مجردعمل بالنسبه لى انى اتعامل مع البشره باسلوب حساس وبدرجه وعى وفهم وخبرهكبيره

اولا بالنسبه لطريقه الحمام المغربى
اظن معروفه جدا جدا ومنتشره وفى المنتدى طرق كثيره اختارى مايريحك مع اتباع نصائحى فلذلك لن اعيد خطوات العمل
لكن عندى ما هو اكثر من الطريقه وهو النصائح والتفاصيل المجديه

علشان ينجح الحمام المغربى او حمام العروسه او الدلكه السودانى اللبنانى 000000 الخ

من واقع خبرتى واجهت بعض الاسئله مع ستات فشلوا فى عمل الحمام المغربى مع ان طريقته معروفه جدا ومتداوله فجمعت بعض الاسئله اللى دايما بتسأل عليها ومعها بعض اسرار الحمام المغربى الخاصه واتمنى تستفادوا على قدر الامكان
سؤال /
انا عمرى ماعملت الحمام المغربى ده هو بجد زى ما بيحكوا ولا كلام ؟؟؟؟
الاجابه/ الحمام المغربى من احسن وسائل تقشير البشرةوتنعيمها وتخليصها من الدهون والخلايا الميتة وهذا بدوره يؤدى الى التخلص من الحبوبوالبثور الموجودة على الجلد وتصبح البشرة فى غاية النعومة كذلك الحمام المغربى يعملعلى تفتيح لون البشرة ومن هذا نستطيع ان نقول ان الحمام المغربى ليس رفاهية ولكنهمنشط للدورة الدموية فيسبب الاحساس بالراحة وخاصة لو كان المساج بعد الحمام بالزيوتالطبيعية حيث يحتاج كل جسم الى نوع خاص من الزيوت العطرية الطبيعية

سؤال /
ليه بشتغل بالليفه المغربى وبتبع الخطوات المعروفه ولا تخرج الخلايا الميته وبالتالى لا احس بالفرق

الاجابه /
لانك بتبدأى بالشامبو فى غسيل شعرك وهذه الخطوه ممنوع نهائيا لنجاح الحمام المغربى
سؤال /
بستعمل الصابون على جسمى وبشتغل بالليفه بالخطوات المعروفه ولا تخرج الخلايا الميته
الاجابه /
عند استعمالك للصابون تأكدى انه الاصلى وموجود به زيت الزيتون ووجود الزيت مع الصابون مهم جدا لنجاح الحمام المغربى والتى تساعد بالتالى على خروج الخلايا الميته بسهوله

سؤال /
انا محستش بالفرق بعد ما عملت الحمام المغربى بنفسى (سؤااااااال وارد دايما )
الاجابه /
وانتى بتستعملى الليفه اضغطى على جسمك (يعنى متحسسيش على جسمك ) واشتغلى بحركات دائريه صغيره على كل منطقه وادى الفرصه لنفسك لمده من نص ساعه الى ساعه الا ربع فرك بالليفه حتى تحصلى على نعومه رائعه ووقتها تحسى بالفرق

سؤال /
عندى خشونه فى منطقه المؤخره واسمرار والكوعين والركبتين اعمل ايه
الاجابه /
عند انتهائك من الفرك بالليفه ضعى الصابون البلدى مضاف اليه عصير ليمونتين ومعلقتين من زيت اللوز او الزيتون على المناطق الغامقه واتركيه 10 دقائق واشطفيه كويس جدا وابدأى تانى بالليفه واطلبى المساعده من مامتك علشان تقدر تفرك بالليفه كويس واشطفى جسمك مره تانيه ان شاء الله هتلاقى فرق
سؤال /
اعمل الحمام المغربى كام مره وهل كل مره هاتبع نفس الخطوات ؟

الاجابه /
لو عملتى الحمام المغربى مره بضمير مش هتحتاجى الليفه العاديه لمده شهر وبالتالى يبقى اعمليه كل شهر (طبعا علشان عندنا الستات كسلانه ويارب يعملوه كل شهر حتى )
ولو انتى بقى شاطره وهاتعمليه عالطول علشان انتى عايزه تظبطى شكل جسمك ولونه وتعملى حركات كده
يبقى تعمليه كل اسبوعين وتقدرى فى الوقت ده تعملى خطوه واحده بس الصابون والفرك الخفيف والترطيب
ومش لازم باقى الخطوات لانك اسستى جسمك كويس من اسبوعين بس فكده انتى شطوره وزى الفل

مهم جدا جدا جدا فى الحمام المغربى

ممنوع نهائيا يا بنات تعملى الحمام المغربى وانتىصائمة أو جعانة
ليه لان الجسم يفقد كثيرا من السوائل بسبب البخار والحرارةالعالية.

مطوليش فى الحمام زياده عن اللزوم لان التنفس بعد ساعتين سيصبح صعب بسبب وجود البخار

الدش الساقع فى اخر الحمام من اهم الخطوات يعنى اوعى تطلعى من فضلك من غير ما تاخدى الدش الساقع فى الاخر لو طلعتى كده سخنه هاتبردى وهايجيلك صداااااااااع جامد فلازم نقفل مسامات جسمنا بالدش الساقع
ممنوع دخول الصابون البلدى بالمناطق الحساسه الاستعمال يكون خارجى
شطف الجسم جيدا من الصابون من عوامل نجاح الحمام المغربى
اضافه الحنه الى الصابون والليمون اضافه رائعه ولكنها اختياريه والحنه لاتترك لون

اذا كنتى تستعملى عشبه الداد حذارى من لمس العين او الفم لانها سامه بالرغم انها تفتح بس دى عيوبها

اما النصيحه دى فبجد من اسرار اسرارى علشان تعيش معاكى الليفه المغربى حطيها فى الفريزر ساعتين قبل الاستعمال

وبكده يبقى لمينا بعض المعلومات الجامده جدا لنجاح الحمام المغربى

طيب بعد الحمام المغربىوالنظافه الجامده هانعمل ايه

عندك اختيارات كتيررررررره وهحاول ابسطلك الامور

زيت الاطفال المعروف جونسون

انك تدهنى جسمك بزيت اللوز طبعا هايطريه ويخلى بشرتك ناعمه
لوشن مرطب للجسم اى نوع بتحبيه وياريت لو كان ليه ريحه مميزه قويه
زيوت عطريه للجسم مخصوص مش اى زيوت لان فى زيوت قويه على الجسم وغلط انه يمتصها
علشان كده لما تطلبى زيوت عطريه اطلبيها للجسم

اناعلى قد ما قدرت لميت المعلومات اللى تخصنى واعرفهاعلشان تستفيدوا ان شاء الله

اتمنى بجد انه الموضوع يكون عجبكم وانى اكون اضفت اليكم وافدتكم
كاتب الموضوع : بنت النوبه
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

كيفيه عمل الحمام المغربى للعروسه :: تعاليق

موضوعك هاااايل يا سارة ربنا يباركلك ويسعدك يارب ونصائح غاليه جزاكى الله خيرا تسلم ايديكي
رد: كيفيه عمل الحمام المغربى للعروسه
مُساهمة في 08.05.12 0:13 من طرف كليوباترا
هي ساره ديما بتفاجئنا باحلي المواضيع يا جامده يا ساره موضوع جاااااااااااااااااااامد جدا تسلم ايديكي موضوع ومجهوووووووووووووووود رائع يا ساره
رد: كيفيه عمل الحمام المغربى للعروسه
مُساهمة في 08.05.12 2:20 من طرف دين اسلام
جزاكى الله خيرا
موضوع كثير حلو تسلمي حبيبتي
انا مغربية ااكد كل الكلام الي كتبتيه صح
و احنا في المغرب بنستعمل الحمام ده كل اسبوع
و اكثر النساء تستعمل الصابون البلدي مع الحناء
و زي مقلته اهم شي انك متستعمليش الشامبو على شعرك في البداية
مشاركه قيمه
رد: كيفيه عمل الحمام المغربى للعروسه
مُساهمة في 08.05.12 9:44 من طرف soma yousif
بارك الله فيك وجزاكى الله خيرا
رد: كيفيه عمل الحمام المغربى للعروسه
مُساهمة في 08.05.12 10:04 من طرف بنت النوبه
mervat ebrahim mohamed كتب:
موضوعك هاااايل يا سارة ربنا يباركلك ويسعدك يارب ونصائح غاليه جزاكى الله خيرا تسلم ايديكي


شكرا ليكى يا مرفت على رودوك الحلوه الى زيك وسلملى مرورك

[ندعوك للتسجيل في المنتدى أو التعريف بنفسك لمعاينة هذه الصورة]
 

كيفيه عمل الحمام المغربى للعروسه

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم العروسه-
انتقل الى: