وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 مسابقه وانتي الكسبانه بشره تحفه وعلي مسؤليتي

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6 ... 10 ... 16  الصفحة التالية
كاتب الموضوعرسالة
16082010
مُساهمةمسابقه وانتي الكسبانه بشره تحفه وعلي مسؤليتي


بنات انا عندي فكرة تحفة عشان انا بحبكم جدا جدا
كل بنوته قطقوطه امورة تدخل تقول مشكلة بشرتها
وانشاء الله الحل عندي وفورا ومن بيتك او من العطار
وكل يوم نقول بنعمل ايه ونشجع بعض ونعمل مع بعض
ونشوف مين اجمد بشرة صاحبتها اهتمت بيها واصبحت ملكة
وندخل الجامعه اوشغلنا بعد رمضان واحنا قمرات
يلا يا بنات مين قالت انا معاكي وسألت بسرعة
يالا نشجع بعض ومش هتندموا
كاتب الموضوع : نور محمد عبد السلام
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

مسابقه وانتي الكسبانه بشره تحفه وعلي مسؤليتي :: تعاليق

بشره تحفه وعلي مسؤليتي
مُساهمة في 18.08.10 0:28 من طرف نور محمد عبد السلام
بسم الله الرحمن الرحيم

حبيبتي princessshrouk انا اسفه علي التأخير
لكن والله مشغوله جدا جدا ادعيلي ربنا يفرج همي
بصي اهميه النيتوياج انه بينظف البشره من الاوساخ
والاتربه والدهون الزائده عشان بعد كده تقدري
تعملي اي ماسك وتاخدي نتيجته لان بشرتك هتكون
محتاجه غذاء بصي حبيبتي انا هكتب جواب اسئلتك
علي هيئة ارقام عشان انا توهت منك وانتي هاتي
ورقة وقلم وقولي استعنت علي الشقي بالله و
نبدأ بسم الله الرحمن الرحيم
1-

من اهم اسباب الحفاظ على البشرة التنظيف الجيد


خطوات النيتوياج ( التنظيف العميق للبشرة) لازالة الجلد الميت



1- ازالة الميكب جيدا : احلى منظف للوجه وازالة الميكب وازالة الماسكارا والايلينر المقاوم للماء هو جونسون ولكن للبشره الدهنيه غسول سينوبار ممتاز
والاجمل من كل ده غسول غارنيه اعجوبه وكريم الهالات منه تحفه
يعني مش خطر على العين
هو مش غسول هو لوشن ده جونسون يستخدم مباشرة على الوجه ويمسح بقطنه
منظف جونسون بحوالي 18 جنيه في السوبر ماركت وفي الصيدليات 20 جنيه وممكن اي غسول عندك حبيبتي يمشي



2- وضع مقدار من بودرة السدر في كف اليد وماء دافيء ونغسل الوجه جيدا
لو مش عندك وعاوزه تكنسلي الخطوه براحتك لكن هي مفيده جدا وحلوه
ورخيصه وكمان سهله



3- مسح الوجه بقطنه مبلله باللبن بطريقة دائريه من اسفل لاعلى باتجاه الجبهة


4- فوطة مبلله بماء دافيء ويمسح بها الوجه ويدلك برفق ويشطف بماء فاتر


5- نضع كميه مناسبة من الزبادي حتى لو منتهي الصلاحيه على الوجه وللرؤوس السوداء نضع فازلين على اماكن تواجدها وليس زبادي واثناء ذلك


6- نبدا بتسخين الماء في حله متوسطه وعند الغليان يضاف اليه النعناع او البقدونس او الاتنين و نضع فوطه على راسنا ونستمتع بالبخار عشر دقائق


7- يمسح الوجه من الزبادي بفوطة او اسفنجه او قطنه ( لا يشطف )


8- يدلك الوجه بالسكر برفق ولمدة 3 دقائق لكن برفق
للرؤوس السوداء يستعمل فتله لازالتها راح جاي بالفتله وممكن التعصير بقطنه


9- تزال اثار السكر ويوضع ماسك الترمس المطحون والخميرة ( يفضل من الفرن ) وقليل من اللبن للبشرة الجافه والعاديه او الماء الدافيء للبشرة الدهنيه والمختلطة يدلك 3 دقائق ويترك ليجف


10- يشطف جيدا بالماء الفاتر ويوضع ماسك العسل لمدة ربع ساعه او نصف ساعه


11- يشطف الوجه ويمسح بقطنه مبلله بماء الورد مضاف اليه قليل من الليمون


12- يمرر تلجه على الوجه لغلق المسام




وبكده هتلاقي بشرتك نقيه و نظيفه و منورة و مفيش قشور وتعاد الطريقه كل شهر او اكثر



2-بالنسبه لأثار الحبوب كريم أدابالين ب 10 جنيه
من الصيدليه وده كويس اوي اوي وانا قلت حل حلو
فوق عندك للحبوب في نفس الموضوع


3- بالنسبه لهيشان الشعر انا عامله موضوع
للمشكله دي في قسم الشعر باسمي ادخلي
وهو كويس جدا

4- بالنسبه للفراغ اللي من قدام بصي حبيبتي
انا اعرف ان التوم حلو يعني هاتي
ثوم واهرسيه وادعكي بيه المكان الفاضي
ولو مش عاوزه هاتي صبار وخدي الجل
بتاعه حلو او نخاع من الجزار

5- بالنسبه لرموشك زيت خروع رائع
جدا جدا لكن تشطفي علبه مسكرا قديمه
عندك كويس جدا جدا وتحطي فيها زيت خروع
وتحطي منه علي أد ما تقدري يعني صبح وليل
زي ما بتحطي الماسكرا لعيونك بالظبط واوعي
يدخل في عينك طبعا لازم تكوني في البيت وبعد
3 ايام بس انتي هتحسي بفرق وهتفرحي جدا


6- بالنسبه للهالات السوداء زيت جنين القمح
حلو اوي وكمان زيت الجوجوبا لكن لتجاعيد
العيون يبقي زيت لوز
وكمان في كريم تحفه ونتيجته حلوه
هو رومكس ب38 لكن ايه تحفه وكمان بيبيض
الوش وجميل جدا جدا وعندك كمان كريم
غارنيه للهالات حلو لكن الاصلي مش ابو 18 جنيه
لأ بيكون ب27 هاتيه من مكان مضمون وتحفه
وادعيلي



7- بصي كل يوم تصحي تغسلي وشك بغسول
ياريت ياريت غارنيه لانه فوق الممتاز
وتجيبي ماء ورد ايفا وبعد الغسول تمشي قطن
من ماء الورد عشان تنور وشك وتقفل المسام
وتحطي بعدها بربع ساعه كده كريم مرطب
وياريت تكرري العمليه دي بالليل وبدال المرطب
يبقي كريم ليل
لو هتكسلي يبقي حتي مره لكن اوعي تهملي
عشان خاطري واستني هكتب برنامج حلو
لعضوه اموره عروسه هدية فرحها ونعمل معاها
احنا كمان نكون عرايس اشمعنا الف مبروك ليها
وربنا يتمم لها بخير يارب اكون جاوبت اسئلتك
وسامحيني علي التقصير وطلب اخير عشان
خاطري اعملي الحاجات دي عشان ربنا عالم
انا اتعذبت ازاي عشان ارد عليكي مش تضيعي
مجهودي بليز عشان خاطري
ربنا معاكي ياااااااااااااااااارب و يوفقك و تكوني مبسوطة و سعيدة دااااااااااااااااااايما يارب
بجد انا مبسوطة اوووووي بردك و هاكتبه ان شاء الله و اجيب اللي ناقصني بجد ماشاء الله عليكي انتى بجد زوق اوووووي شكرا ليكي يا قمر
و اتمنى نكون صحاب Smile

و ان شاء هتابع معاكي البرنامج بتاع العروسة و ربنا يتمملها على خير يارب

و عقبالنا يااااااااااااااااااااارب Smile

معلش اخر سؤال كريم مرطب ده ممكن يكون اي كريم و لا كريم معين كنت جايبة كريم ايفا بالخيار و الزبادي و حتى محطتش منه الا يومين كده Very Happy
فده حلو و لا في حاجة احلى

و بجد شكرا على اهتمامك و ربنا يجعله في ميزان حسناتك ان شاء الله I love you
شكرا على الموضوع الجامد ده ربنا يخليكى لينا وكنت عايزة اسالك على كريمحلو للشعر الجاف هو انا شعرى مقصف وبيهيش وجربت فاتيكا وبديل الزيت بس عادى مفيش حل للموضوع ده وشكراليكى
هديه العروسه
مُساهمة في 18.08.10 17:43 من طرف نور محمد عبد السلام
حبيبتي simsma mossad hammad
انا اسفه وسامحيني علي التأخير
نبدأ مشاكل حضرتك وهي حبوب كتير اوي
وحضرتك بتقولي حاله نفسيه وحشه يعني
بزمتك واحده هتتجوز خلاص تزعل لأ طبعا
انتي لازم تفرحي وتكوني هاديه لأن كل حاجه
كتبها ربنا خلاص هتحصل ولما تزعلي اوي
روحي صلي او اتوضي واقرأي قرأن وانشاء
الله التوتر والخوف هيروح خالص لأن اللي
انتي فيه ده التطور الطبيعي للحاجه الساقعه
وكل البنات كانت زيك كده ومش عارفه تعمل ايه
ولا ايه وحاجات كتير مش خلصتها وخطيبها
موترها والدنيا متلخبطه المهم طولت عليكي
انا بس عاوزاكي تكوني مبسوطه يارب
وسعيدة دايما وتعزيمينا علي الفرح
بالنسبه للحبوب عشان تروح في فتره بسيطه
مش قدامك غير أدابالين ب10 جنيه وده ممتاز
وتجيبي صابونه ديتول وتغسلي الصبح
بالصبونه وتدهني أدابالين وبالظبط تعملي كده
باليل تغسلي وتدهني والشمس دي طبعا العدو
الاول للبشره وانتي عارفه السبب ابعدي عنها
او البسي نظاره شمس او شمسيه
ولازم لازم كريم واقي وتحطي منه كل ساعه ونص
يارت تجديديه وتنفذي البرنامج ده وانشاء الله
هتكوني قمر بالله عليكي اسمعي الكلام ونفذي
البرنامج عشان خطيبك يدعيلي وانتي كمان
واي استفسار او سؤال تحت امرك
وفيه كريم حلو اسمه بانثينول ده ب2ونص
في الصيدليه بينقي ويعيد حيويه البشره
وممتاز جدا جدا لانه من البانثينول المغذي للبشره


اتمنى لكي كل التوفيق في حياتك الجديدة

وكهدية بسيط مني

يا رب تقبليها

هقولك على نظام العناية ببشرتك لو الوقت ازف ومش لاحقه تعملي حاجه

النظام ده هتمشي عليه قبل الفرح بشهر او اقل



برنامج العروسة



طبعا في نصائح بسيطة مهمه جدا



اولا واهم شيء الاستعانة والتوكل على الله



واخلاص النيه لتكوني اجمل امام زوجك

و سم الله قبل كل خطوة



1- المفروض متجربيش اي حاجه جديده قبل فرحك بتلات شهور


2- اعملي جدول لنفسك فيه حل لكل مشاكلك وامشي عليه

3- هاتي كل الحاجات اللي ناقصاكي في يوم واحد اول ما تحددي البرنامج

4- كوني حريصة على التنفيذ بدون اي تكاسل

5 - حللي نسبة الهيموجلوبين في الدم للتاكد من عدم وجود انيميا

6- شرب 8 اكواب ماء يوميا

7- الاهتمام بغسل الاسنان بعد كل وجبة

8- الاهتمام بترطيب اليدين والقدمين خمس مرات يوميا يعني بعد كل وضوء

9- ترطيب القدمين مساءا ب CARBAMIDE كريم من الصيدليه ب 3 جنيه ولبس شراب قطنونصيحه احلي البسي كيس بلاستيك بتاع الرز والمكرونه
الابيض ده والبسي شراب النتيجه بتاع شهر اللي ممكن تحصلي عليها
لو لبستي الكيس هتحصلي عليها في3او4 ايام لان الكيس هيخلي
رجلك تعرق والمسام تتفتح وتتشرب الكريم

مع سنفرة خفيفة الصبح بحجر ناعم

اصحاب البشرة الحساسه ارجو الحرص وتجربة اي ماسك لفترة بسيطة عشر دقائق فقط

ولما نطمن له نزود المده

اما اصحاب حب الشباب

البرنامج شديد على بشرتهم جدا

واكيد ليهم نظام للعناية بالحبوب خاص جدا


الخطوة الاولى

قبل كل شيء لازم نعمل تنظيف عميق للوجه لازالة الجلد الميت

وبالتالي نستفيد من فائدة الماسكات

ازاي ؟؟؟

النيتوياج

انا قلته فوق ركزي واكتبيه

مع الإنتباه يا عروسة إن


النيتوياج يكون مرة في الشهر مش اكتر وفي يوم منفصل عن اي ماسكات او اي ازالة او تشقير لشعر الوجه


الخطوة الثانية


اهتمي بتنظيف بشرتك يوميا مرتين في اليوم صباحا ومساءا


بالصابون او الغسول المناسب


الماء يكون فاتر لا بارد ولا ساخن

ثم التونر بقطنه يمسح الوجه بقطنة مبلله بالتونر او نمرر تلجه وننشف كويس

وكريم مرطب مناسب لنوع بشرتك ويفضل ان يكون كريم نهار

ونفس الطريقه قبل النوم لكن كريم ليل او اي كريم مرطب


الخطوة التالتة

جدول العناية بالوجه

طالما عروسة لازم كل يوم ماسك

بس لازم بعد النيتوياج زي ما اتفقنا


ونحضر الماسك ده ( ماسك التفتيح العظيم )


بطاطسية مسلوقة بقشرها بعد غسلها كويس جدا طبعا +
قشر موزتين نضيفه بردو

+عصير نصف ليمونة او ليمونة حسب

حساسية البشرة + نصف كوب لبن


ونضربهم في الخلاط ونحفظهم في زجاجه في التلاجه ليها غطاء محكم


الجدول



الخميس : ماسك التفتيح العظيم

يدلك به الوجه لمدة 3 دقائق ويترك حتى يجف حوالي نصف ساعه

اما اصحاب البشرة الحساسه ربع ساعه فقط لا غير

ثم يشطف بماء فاتر

ونمرر تلجه وننشف الوجه جيدا

وترطيب بكريم خفيف

الجمعة : ماسك التفتيح العظيم

مثلا صباحا

ومساءا

ماسك بذرة قطونة (رااااائع)

ملعقة صغيرة مملوءة بذرة قطونة + ماء مغلي حوالي اتنين ملعقة

كبيرة

ويقلب كل شوية ولما يبرد هنلاقيه لزج كده عندك اختيارين

تستخدميه كده بحبوبه او تصفيه وتاخدي السائل اللزج

هتصفيه بشاشه او شراب فيليه او قماش خفيف اوي

وتفرديه على الوجه والرقبه ساعه او ساعتين حسب وقتك مع استرخاء تام تام

مهم جدا الاسترخاء لانه بيشد الجلد فلازم يكون الجلد مسترخي

وبعدين تشطفي وجهك بماء فاتر وتمرري تلجه وتنشفي وجهك كويس

وترطيب خفيف
الجدول

السبت : ماسك التفتيح العظيم

صباحا

ومساءا
ماسك الزبادي
زبادي بلدي حتى لو منتهي الصلاحيه
ويفرد على الوجه مع التدليك 3 دقائق
ويترك نصف ساعه ويشطف بماء فاتر
ونمرر تلجة
وترطيب خفيف


الاحد : ماسك الترمس المطحون والخميرة

ملعقة ترمس مطحون صغيرة مليانه + ملعقة صغيرة خميرة جاف
او طرية مذابة في قليل من الماء الدافئ
وتخلط مع الترمس المطحون
وتفرد على الوجه حتى تجف حوالي نصف ساعه
وتبلل اليد بالماء ونبدا في ازالته بالتدليك برفق
وده تعتبر سنفرة خفيفه
ويشطف جيدا بالماء الفاتر
ونمرر تلجه وننشف الوجه جيدا وترطيب خفيف
ومساءا كبسولة فيتامين E تدلك بها البشرة بعد حمام بخار خفيف
جدا


الاتنين :ماسك التفتيح العظيم صباحا
ومساءا ماسك بذرة قطونة



الثلاثاء : ماسك التفتيح العظيم


الاربعاء : ماسك التفتيح العظيم

ومساءا كبسولة فيتامينE بعد حمام بخار خفيف جدا

وطبعا قبل الفرح بيوم نعمل النيتوياج تاني

وان شاء الله تبقي قمر 14


لكن بالنسبه للجسم

يوميا شاور تحت الدش ربع ساعه او في البانيو وتكوني حاطة

مغلي اعشاب الكاموميل في البانيو او اسمها البابونج

او في شراب فيليه تحت الدش لو مفيش بانيو


ونفرد ماسك التفتيح العظيم على الجسم كله


وعندما يجف نزيله بطريقة السنفرة كما فعلنا في الوجه


وطبعا ندعك جسمنا كويس بالليفة والصابون قبل وبعد الماسك


وناخد دش بارد سريع ولو 30 ثانيه فقط


ونجفف الجسم جيدا


ثم ترطيب للجسم كله بكريم جليسوليدGLYSOLID


واليوم التالي ناخد نفس الشاور لكن بدل ماسك التفتيح العظيم نعمل سنفرة بزيت الزيتون والملح


وبعدها نشطف الجسم بالماء البارد 30 ثانيه


والتجفيف جيدا

والترطيب جيدا

وهكذا يوم ويوم


وده برنامج ممتاز هيحل مشاكل كتير وطبعا هو مكثف

يعني ممكن نعمله لمدة اسبوع او عشرة ايام فقط

لكن لو معانا وقت هنعمله لمدة شهر

ولو معانا وقت اكتر هنعمل نفس النظام في الاول لمدة اسبوع

وبعد كده

للجسم

هنعمل بس الشاور والترطيب يوميا

وسنفرة زيت الزيتون مرة في الاسبوع

وماسك التفتيح العظيم مرتين في الاسبوع

والوجه

ماسك بذرة قطونة مرتين في الاسبوع


وماسك الترمس المطحون مرتين في الاسبوع
هاي انا بشرتي جميعها جافه ماعدا منطقة الانف دهنيه وبتظهر لي حبوب قبل وقت الدوره الشهريه وبعدما بعمل وشي بالفتله لو سمحتي عاوزه اعرف طريقه للعنايه بيه
 

مسابقه وانتي الكسبانه بشره تحفه وعلي مسؤليتي

استعرض الموضوع السابق استعرض الموضوع التالي الرجوع الى أعلى الصفحة 

صفحة 5 من اصل 16انتقل الى الصفحة : الصفحة السابقة  1, 2, 3, 4, 5, 6 ... 10 ... 16  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: