وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 من مطبخى تطبيق من عجينه ال 10 دقائق

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
14082010
مُساهمةمن مطبخى تطبيق من عجينه ال 10 دقائق


السلام عليكم ورحمة الله وبركاته
وكل سنه وانتك طيبين

هقدملكم انهارده صنفين من عجينه العشر دقائق ولو فى حد مش عارفها هقولكم بسرعه على طريقتها
هى بتتعمل على مرحلتين
المرحله الاولى
2 كوب دقيق - 2 كوب ماء دافئ - 3 ملاعق كبيره سكر (ممكن نقللهم لو كنا هنعمل صنف مالح ) - ملعقه كبيره خميره فوريه - 2 ملعقه كبيره لبن بودره - ذره ملح

هنخلط المقادير دى كلها مع بعض فى طبق ونسيبها عشر دقائق عشان تتخمر ودا هيكون شكلها بعد ما تخمر (هى هتكون اكتر من كده لانى عامله نص المقدار بس )



تانى مرحله بسيطه
3 كوب دقيق - نص كوب زيت ذره
لما المرحله الاولى تتخمر هنضيف عليها مكونات المرحله التانيه ونعجنها كويس ولو حسيتى انها بتلزق فى اديكى رشى شويه دقيق عليها واعجنى تانى ولو لسه بتلزق رشى شويه كمان بس متكتريش لحد ما تلاقيها مش بتلزق فى اديكى بس والرشه تبقى حبه صغيرين مش كتير

ودا هيكون شكلها لما تتعجن


نسيبها تتخمر عشر دقائق كمان ودا هيكون شكلها بعدها


كده هتكون جاهزه نستخدمها
نحضر الحشوات اللى احنا عايزينها
انا عامله الحشوات دى




لحم عصاج بالصلصه و جبنه فلاديلفيا وعجوه بعين الجمل

طبعا كل واحده حسب ذوقها واللى بتحبه

هنفرد العجينه على رخامة المطبخ المرشوشه بالدقيق ونفردها لحد ما تبقى سمكها رفيع حولى 3 ملم او زى العيش الشامى الابيض كده
نجيب قطاعه مدوره فى حجم البرجر مثلا ونقطع منها دواير ونعجن اللى هيتبقى من الدواير تانى ونقطع منه تانى وبعدين ناخد دايره دايره ونفردها كويس ونحشيها ونقفلها زى القطايف

بعد ما نخلص نرصها كلها فى الصوانى المدهونه بالزيت كل صنف لوحده
وهيكون شكلها كده



نجيب صفار بيضه مع معلقين لبن ونخلطهم كويس وندهن بيها الوش

هنشغل الفرن ربع ساعه قبل ما ندخل الصوانى

هندخل الصوانى فرن متوسط الحراره ومده خبزها من 20 دقيقه ل 30 دقيقه

طبعا بعد 20 نبتدى نشوفها وشها اخد اللون الذهبى ولا لسه


تانى صنف عملته من نفس العجينه هو البيتزا المحشيه ودى طريقتها

عملت بردو نص المقادير عشان اعمل اتنين بيتزا محشيه

هنجهز مكونات البيتزا اللى انتى عايزاها

انا هنا عاملاها بالتونه والفلفل والزيتون والطماطم والجبنه الرومى و الموتزاريلا

هنفرد جزء من العجينه فى صينيه تيفال مدهونه زيت وتكون مدوره
هندهنها بالصلصه او الكاتشب ونحط الطماطم والزيتون والتونه والجبنه الرومى المبشوره والموتزاريلا
ونفرد جزء تانى من العجينه على رخامه المطبخ المرشوشه بالدقيق طبعا وتكون قد الصينيه وناخدها براحه على الصينيه ونغطى بيها مكونات البيتزا ونضغط على الحواف عشان القاعده اللى فوق تلزق كويس فى القاعده اللى تحت
طبعا هندهن وشها بالصفار باللبن ونرش عليه جبه رومى مبشوره او موتزاريلا

هندخلها فرن متوسط بردو حوالى 30 دقيقه بس نبتدى نتابعها بعد 20 دقيقه


ودا شكل الاصناف عند التقديم

البيتزا المحشيه





دى بقا المعجنات بكل تشكيلاتها اللى عملتها






وبالهنا والشفااااااااااااااا
كاتب الموضوع : فريسكااا


عدل سابقا من قبل فريسكااا في 15.08.10 3:54 عدل 1 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

من مطبخى تطبيق من عجينه ال 10 دقائق :: تعاليق

رد: من مطبخى تطبيق من عجينه ال 10 دقائق
مُساهمة في 15.08.10 4:18 من طرف كليوباترا
خلاص ضيفته في المواضيع المميزه في لوحه الشرف بجد يستاهل جدا رااااااائع
رد: من مطبخى تطبيق من عجينه ال 10 دقائق
مُساهمة في 15.08.10 6:29 من طرف فريسكااا
@كليوباترا كتب:
خلاص ضيفته في المواضيع المميزه في لوحه الشرف بجد يستاهل جدا رااااااائع

ميرسى يا قمر والله على اهتمامك والله فرحتينى جدا
رد: من مطبخى تطبيق من عجينه ال 10 دقائق
مُساهمة في 09.01.11 23:40 من طرف ola abo samra
حلوة اوي ما شاء الله تسلم ايدك انت جوعتيني
بالف هنا و شفا I love you
رد: من مطبخى تطبيق من عجينه ال 10 دقائق
مُساهمة في 10.01.11 0:32 من طرف زوزو دودو
تسلم ايدك ياقمر على الطريقه والصور
رد: من مطبخى تطبيق من عجينه ال 10 دقائق
مُساهمة في 18.01.11 14:54 من طرف ام يوسف
هي فعلا حلوة اوي وبعمل منها البيتزا والمعجنات اللي شبه القطايف دأنا كنت مخترعاها وبعملها علطول طلعت موجودة هيقولوا علي كذابة هههههه بس عملت النهاردة الدونت ممكن اصوره بس الشكل النهائي بس
 

من مطبخى تطبيق من عجينه ال 10 دقائق

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: طبخات واكلات من كل بلاد العالم :: قسم الطبخ :: طبخات واطباق رئيسيه بكل اللغات-
انتقل الى: