منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
فريسكااا
اميره حيويه
اميره حيويه
رقم عضويتك : 2226
عدد المساهمات : 130
الاوسمه :
14082010
السلام عليكم ورحمة الله وبركاته
وكل سنه وانتك طيبين

هقدملكم انهارده صنفين من عجينه العشر دقائق ولو فى حد مش عارفها هقولكم بسرعه على طريقتها
هى بتتعمل على مرحلتين
المرحله الاولى
2 كوب دقيق - 2 كوب ماء دافئ - 3 ملاعق كبيره سكر (ممكن نقللهم لو كنا هنعمل صنف مالح ) - ملعقه كبيره خميره فوريه - 2 ملعقه كبيره لبن بودره - ذره ملح

هنخلط المقادير دى كلها مع بعض فى طبق ونسيبها عشر دقائق عشان تتخمر ودا هيكون شكلها بعد ما تخمر (هى هتكون اكتر من كده لانى عامله نص المقدار بس )



تانى مرحله بسيطه
3 كوب دقيق - نص كوب زيت ذره
لما المرحله الاولى تتخمر هنضيف عليها مكونات المرحله التانيه ونعجنها كويس ولو حسيتى انها بتلزق فى اديكى رشى شويه دقيق عليها واعجنى تانى ولو لسه بتلزق رشى شويه كمان بس متكتريش لحد ما تلاقيها مش بتلزق فى اديكى بس والرشه تبقى حبه صغيرين مش كتير

ودا هيكون شكلها لما تتعجن


نسيبها تتخمر عشر دقائق كمان ودا هيكون شكلها بعدها


كده هتكون جاهزه نستخدمها
نحضر الحشوات اللى احنا عايزينها
انا عامله الحشوات دى




لحم عصاج بالصلصه و جبنه فلاديلفيا وعجوه بعين الجمل

طبعا كل واحده حسب ذوقها واللى بتحبه

هنفرد العجينه على رخامة المطبخ المرشوشه بالدقيق ونفردها لحد ما تبقى سمكها رفيع حولى 3 ملم او زى العيش الشامى الابيض كده
نجيب قطاعه مدوره فى حجم البرجر مثلا ونقطع منها دواير ونعجن اللى هيتبقى من الدواير تانى ونقطع منه تانى وبعدين ناخد دايره دايره ونفردها كويس ونحشيها ونقفلها زى القطايف

بعد ما نخلص نرصها كلها فى الصوانى المدهونه بالزيت كل صنف لوحده
وهيكون شكلها كده



نجيب صفار بيضه مع معلقين لبن ونخلطهم كويس وندهن بيها الوش

هنشغل الفرن ربع ساعه قبل ما ندخل الصوانى

هندخل الصوانى فرن متوسط الحراره ومده خبزها من 20 دقيقه ل 30 دقيقه

طبعا بعد 20 نبتدى نشوفها وشها اخد اللون الذهبى ولا لسه


تانى صنف عملته من نفس العجينه هو البيتزا المحشيه ودى طريقتها

عملت بردو نص المقادير عشان اعمل اتنين بيتزا محشيه

هنجهز مكونات البيتزا اللى انتى عايزاها

انا هنا عاملاها بالتونه والفلفل والزيتون والطماطم والجبنه الرومى و الموتزاريلا

هنفرد جزء من العجينه فى صينيه تيفال مدهونه زيت وتكون مدوره
هندهنها بالصلصه او الكاتشب ونحط الطماطم والزيتون والتونه والجبنه الرومى المبشوره والموتزاريلا
ونفرد جزء تانى من العجينه على رخامه المطبخ المرشوشه بالدقيق طبعا وتكون قد الصينيه وناخدها براحه على الصينيه ونغطى بيها مكونات البيتزا ونضغط على الحواف عشان القاعده اللى فوق تلزق كويس فى القاعده اللى تحت
طبعا هندهن وشها بالصفار باللبن ونرش عليه جبه رومى مبشوره او موتزاريلا

هندخلها فرن متوسط بردو حوالى 30 دقيقه بس نبتدى نتابعها بعد 20 دقيقه


ودا شكل الاصناف عند التقديم

البيتزا المحشيه





دى بقا المعجنات بكل تشكيلاتها اللى عملتها






وبالهنا والشفااااااااااااااا


عدل سابقا من قبل فريسكااا في 15.08.10 3:54 عدل 1 مرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
بجد تحفه جدا فريسكا انتى اللي عملاهه ومصوراهه ولا نقلاهه بجد تسلم ايديكى بجد
avatar
@كليوباترا كتب:بجد تحفه جدا فريسكا انتى اللي عملاهه ومصوراهه ولا نقلاهه بجد تسلم ايديكى بجد

ميرسى يا حبيبتى بس والله دا مطبخى ودا شغلى وبصراحه اول مره اعمل الطريقه دى كل رفقاتى اتجننو منها وما صدقو انى انا اللى عملت كل دا وفكرونى مشترياتهم ولما جربوها صدقو وابتدو يفننو بيها اشكال وانواع وقولت لازم تانى مره اصور عشان اعملها موضوع للاميرات فى المنتدى عشان يجربو ويدعولى
جربيها على فكره هتعجبك جداااااااااااااااا فى البيتزا وفى البيتزا المحشيه وفى حاجات كتير
avatar
بجد ملهااااااااش حل هنحطها في الموضوع المميز لان بحب اوى الحاجات التحفه ديه تسلم ايديكى يارب
avatar
@كليوباترا كتب:بجد ملهااااااااش حل هنحطها في الموضوع المميز لان بحب اوى الحاجات التحفه ديه تسلم ايديكى يارب
تسلمين كليوباترا يا ملكه الملكات
بس لو جربتيها صورى وقوليلى رأيك ايه فيها
وانا هرفعلك شويه اشكال منها بس دول مش انا اللى عاملتهم المره دى
فاتنى اصور اول مره لانها كانت نفس الاصناف تقريبا
يلا بتتعوض وبرفعلكم تطبيقات منها عن قريب انشالله







عدل سابقا من قبل فريسكااا في 15.08.10 4:39 عدل 2 مرات
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى