منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
Ranoshaa mohamed
الاميرات المتميزات
الاميرات المتميزات
رقم عضويتك : 4652
عدد المساهمات : 2685
الاوسمه :
14032012
ازيكم يااحلي اميرات
انا من فترة كده شوفت الوصفة دي عالتلفزيون وبئالي كده اسبوعين بستخدمها واول ماحسيت انها بدأت تجيب نتيجة معايا قولت اقولكم عليها علي طول عشان كلنا نستفيد


نبدأ مع بعض كده واحدة واحد

اولا نبدأ بالصابونة
ــــــــــــــــــــــــــــــــــــــــــــــــــــــــــــــــــــــــــ
الصابونة دي بتفتح الجسم والمناطق الغامقة في كل الجسم وبتنعم الجسم وبتدي ريحة حلوة كمان للجسم
طريقة عمل الصابونة
هنجيب اي صابونة معطرة احنا بنستخدمها وهنبشرها ونحطها في طبق استانلس ونفضي عليها زجاجة ماية ورد كاملة ونبيتها ليلة كاملة
لما هنصحا الصبح هنلاقي الصابون والماية الورد زي الكريم كده هنيجي بئا نضيف الاضافات اللي بتفتح وتنعم وتدي ريحة حلوة
هنحط الطبق الاستانلس اللي فيه الصابون المبشور مع مايه الورد ونحطه في حمام مايه سخنة في وعاء اكبر يعني هنحط الطبق الاستانلس في وعاء اكبر منه ونفضل نقلب واحنا بنقلب هنحط 4 ملاعق كبار زيت زيتون و4 ملاعق كبار جلسرين ونفضل نقلب نقلب وقبل مانحس انه هيبرد كده هنعصر علي الخليط ليمونة كاملة وكبيرة

طريقة استخدام الصابونة
قبل الشاور بتاعك ب 4 ساعات تدهني جسمك كله ولو عندك مناطق غامقة جدا في جسمك ممكن تدهني جسمك كله وتسبيه طول الليل وتنامي بيه وتصحي تاخدي الشاور بتاعك عادي وبالليفة العادي او الليفة المغربية وتدعكي جسمك بشكل دائري وبمايه دافية علي اد ماتقدري

استخدمي الطريقة دي بئا 3 مرات في الاسبوع والوصفة دي للعرايس ممتازة قبل الفرح بشهريين هتلاقي جسمك علي ميعاد الفرح افتح ونعم وريحته حلوة
كمان في ميزة الوصفة دي مع الاستمرار بتخف من نمو الشعر في الجسم
خلصي وعيني الباقي في التلاجة في برطمان زجاج

نيجي بئا للسيون
بعد الحمام بئا لما تطلعي
كميات متساويةمن مايه الورد والجلسرين وملعقة كبيرة من زيت المسك الابيض خدي بااااااالك الابيض وحطي المكونات دي في زجاجة بعد كل شاور ادهني بيه علي كل جسمك وبس سبيه وممكن تضيفي عصير الليمون لو عندك الغمقان زيادة في الجسم او عندك بثور في الكتف او الدراع

وادعيلي بئا علي النعومة والريحة الحلوة

يارب تستفيدو منها لاني بجد حاسة بفرق بجسمي
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

نجرب الواحد عايز ينضف بس مش قبل الاجازه هههههههههه
علشان الامتحانات
avatar
يا بنات اللي يجرب الوصفه دي ويلاقيها حلوه تقول علطول
avatar
منا مجرباها بئالي اسبوعين وجميييييييييلة جدا وريحتها بتثبت فالجسم وبتنعم اوي
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى