منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 45 عُضو متصل حالياً :: 0 عضو مُسجل, 0 عُضو مُختفي و 45 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

خطوات تشطيب شقتك من الالف للياء

صفحة 3 من اصل 3 الصفحة السابقة  1, 2, 3

استعرض الموضوع السابق استعرض الموضوع التالي اذهب الى الأسفل

13032012

مُساهمة 

default خطوات تشطيب شقتك من الالف للياء




خطوات تشطيب شقتك من الالف للياء
المووضوع هيتم تجميعه باذن الله ويكون بالصور يارب يفيد كل اللي بياسسوا بيت جديد


في ناس بتعمل ديكورات 3d الاول عند مهندس ديكور بتفيد جدا وبتشوفي الشكل النهائي وبتعدلي فيه حسب امكانياتك طبعا وهيغنى عن التكرار والهد

اولا ندعي لصاحب الموضوع اللي هقتبس منه بان يجعله في ميزان حسناته يارب وهوه من منتدي اسمه نايل موتورز مع اضافاتى باذن الله وللعلم ممكن الاسعار تختلف عن الموجود بالموضوع


أولا ....ترتيب مراحل التشطيب....

بعد إستلام الشقه فى حالتها المبدئيه....طوب أحمر ..

1.. التقسيمات الداخليه.
2.. تمديدات السباكه والصحى.
3.. تمديدات الكهرباء.
4.. النجاره
5.. المحاره والبياض.
6..المصيص للأسقف والكرانيش..
7.. الإعداد للنقاشه والتبطين..
8.. تركيب السيراميك أو البلاط وتشطيب السباكه..
9..ظبط الابواب والشبابيك وتركيب الالوميتال إن وجد..
10..تقفيل علب الكهرباء والتقسيمات..
11..تشطيب النقاشه..والديكورات..
12 التشطيب النهائى للكهرباء..


نبدأ بسم الله ...

المرحله الاولى ..

التقسيمات الداخليه...

فى حاله استلام الشقه حوائط حارجيه بدون تقسيم يجب تقسيم الشقه داخليا
بإنشاء حوائط من الطوب بالشكل الذى يتيح الاستخدام الامثل لمساحه الشقه مع
الاخد فى الاعتبار بعض الملحوظات كإمكانيه إضافه غرفه بتقفيل جزء من
الريسبشن او ان أبواب الحمام والمطبخ غير مجروحين من قبل باب الشقه او
المعيشه او الريسبشن كما يمكن الاخذ فى الاعتبار إمكانيه إضافه حمام صغير
بغرفه النوم الرئيسيه...

يستخدم فى هذه المرحله المكونات التاليه...

الطوب

وينقسم الى عده انواع اشهرها وأكثرها استخداما الطوب الأحمر...ومنه نوعان
المقفول أو المصمت وهو أصغر حجما وارخص ثمنا كما انه يمكن إعاده استخدامه
مره ثانيه الا انه من الافضل استخدام الطوب ذو الفراغات..(المخرم او
المفتوح) نظرا لتغلغل المونه بداخله مما يمنح الجدار قوه وتماسك أكبر..

المونه

تتكون من تخمير الاسمنت الاسمر والرمل بنسبه معينه بعد إضافه الماء النظيف وتستخدم فى تثبيت الطوب بالطريقه المعروفه..

يقوم بالبناء العامل المعروف بالبناء ويستخدم فى البناء عده أدوات مثل المصطرين والقصعه والميزان ويعتبر الميزان هو أهم أداه فى هذه العمليه...

لا تكتفى بتوكيل مهمه البناء لعامل محترف ولكن تأكد من إستخدامه الميزان
والخيط فى البناء...فعند ترك العامل وكما جرت العاده ...يقوم ببناء الصف
الاول بالميزان ويقوم بعد ذلك برص الطوب معتمدا على مهارته وحكمه
الشخطى...لكن فى حاله الميزان والخيط يكون الحائط موزونا ومستقيما مما يوفر
عليك فيما بعد فى خامات المحاره والبياض..وكذلك يحافظ على الشكل الجمالى
للحائط بأقل مشقه...

التكلفه..

بالنسبه للخامات..

شيكاره الاسمنت تتراوح بين 28 الى 30 جنيه بوزن 50 كيلو..

متر الرمل حوالى 35 جنيه

الطوب الالف طوبه فى حدود 400 جنيه

يتم محاسبه البناء بإحدى طريقتين...

المقاوله وهى مبلغ شامل كل ما سيتم عمله من بناء فى اى مده طالت او قصرت

اليوميه وهى عباره عن الاتفاق على ان يوم العمل من الساعه ال 7 او8 صباحا
الى الساعه ال4 او 5 مساء عمل متضمنا راحه فى نصف اليوم بمبلغ معين...وكذا
يتم محاسبه المناول وهو العامل المساعد للبناء وهو من يقوم بتخمير المونه
ومناولته الطوب والاسمنت..

يوميه البناء 100 جنيه
ويوميه المناول 70 جنيه


المرحله الثانيه:-

تمديدات السباكه والصحى.


]فى
هذه المرحله نقوم بمد المواسير اللازمه لتوصيل المياه الى المطبخ والحمام
وإعداد الصرف الخاص بغساله الملابس الاتوماتيكيه وغساله الاطباق.....

يستعان فى هذه المرحله بالعامل المعروف بالسباك....

ولا يكتفى بان العامل يعمل بهذه المهنه ولكن يفضل ان يكون موثوق فى أمانته
ودقته فى عمله من خلال تجربتك السابقه معه او من خلال ترشيح صديق تعامل معه
من فتره..

تتوافر الان مواسير من مده البولى بروبلين وهى عمليه جدا وغير قابله للصدأ
كلمواسير الزهر او الحديد...ويوجد عده ماركات مختلفه ولكن من أشهرها
الباننجر الالمانى...والمواسير لونها أخضر والكتابه عليها بالسيلك اسكرين
الاسود...ويفضل شراء أدوات ومستلزمات السباكه من مكان موثوق فيه لوجود
منتجات مغشوشه يصعب تمييزها عن الاصلى..

يقوم السباك بزياره المكان ورفع المقاسات وعمل مقايسه بمتطلبات السباكه وتدون بورقه ...

يفضل أن تشترى أدوات السباكه بنفسك وأن تقوم بجوله على عده أماكن لمعرفه الاسعار والماركات...

ويمكن بعد أن تعرف الاسعار والماركات وفى حاله إمتلاك السباك لمحل كما هيا
العاده فى معظم الوقت تقوم بالاتفاق معه على الماركات والاسعار التى توصلت
اليها ولكن راجع الاصناف قطعه قطعه لانه غالبا سيقوم بوضع قطع بديله أرخص
او ماركات مختلفه ليستفيد بالفرق..

تدفن المواسير بالحائط او تترك بالخارج الا ان المواسير المدفونه بالحائط
تعطى اتساع وشكل جمالى أكثر ويعلل البعض ترك المواسير بالخارج لانه لو حصل
انسداد او تسريب فى المواسير سيقوم بتكسير السيراميك للصيانه..

يراعى تحديد أماكن غساله الملابس والاطباق والحوض سواء فى المطبخ او اماكن
الخلاطات والحوض والبانيو فى الحمام وذلك للإعداد لها بتوصيل الصرف اللازم
لها بمواسير بلاستيك مقوى بوصه ونصف او اتنين بوصه.

يراعى عزل أرضيه الحمام بماده عازله للسطح مثل البوتامين او البلك والخيش
والقطران وذلك لتفادى وصول الماء فى حاله وجود تسريب ( لا قدر الله ) الى
اساسات المنزل....

يراعى عمل صنبور مستقل لكل من فلتر المياه للشرب بالمطبخ وغساله الاطباق وغساله الملابس...

لا يفضل عمل فتحه للبلاعه او للتصريف تحت حوض المطبخ لانها تبعث بروائح غير مستحبه فى المطبخ كما تسهل دخول الحشارات الزاحفه..

يجب تقسيم المطبخ حسب المساحه المتوفره على انه يفضل وضع الموقد
(البوتاجاز) بجوار منفذ التهويه وتوافر مساحه للعمل بجواره كرخامه الحوض
مثلا وذلك لتقليل المسافه التى سيتم حمل المقلاه الساخنه او الحله الساخنه
فيها الى اقل مسافه تجنبا للحوادث..

بعض اسعار مستلزمات السباكه..

البولى بروبلين..

ماسوره نص بوصه المتر ب6 جنيه
كوع بسن 12 جنيه
جلبه بسن 12 جنيه
كوع لحام 2 جنيه
جلبه لحام 2 جنيه
كرنك(ماسوره بها دوران عشان تمشى فوق ماسوره عمودى عليها ) 5 جنيه
ماسوره بلاستيك للصرف 1.5 بوصه المتر ب 10 جنيه (الشريف للبلاستيك)
طبه 1 جنيه
كوع 1.5بوصه بلاستيك 4 جنيه


وبعد التركيب يكتفى بتركيب صنبور واحدهللإستخدام المؤقت وعمل طبات لباقى الاماكن ..


بعد تركيب البانيو وقبل تركيب السيراميك يجب وضع شيكاره او كيس بصرف
البانيو وملء البانيو بالرمل حتى لا يسقط بداخله مونه او اسمنت صعب الازاله
كذلك حتى لا يصبح مصيده فئران وزواحف طالما الشقه لم تسكن بعد...

يراعى ايضا فى مرحله التمديدات للسباكه أخد القرار بنيه تركيب عداد مياه
مستقل ووصله مستقله عن باقى العماره او الاكتفاء بالوصله الفرعيه من
الماسوره الأم...كذلك تركيب موتور مياه خاص او الاستعانه بموتور المياه
المستخدم للعماره ...ففى حاله الرغبه فى اتمام ها الاجراء يجب الاهتمام
بطريقه توصيل الماسوره للحمام او المطبخ ففى حاله كون الماسوره الام مدفونه
أسفل العماره (كما فى حالتى الشخصيه) ستضطر الى توصيل الماسورا من خلال
منور الاسانسير مثلا كما فى حالتى وبالتالى تمرير الماسوره اسفل السيراميك
فى الغرفه المقابله لهذا المنور وصولا الى الحمام او المطبخ مكان المحبس
الرئيسى مما يعنى وجوب التركيب قبل التشطيب....

من التجارب المكتوبه علي الانترنت
من تجربتي أفضل أنواع سلك كهرباء هي من إنتاج شركة السويدي
من تجربتي أفضل أنواع مواسير المياه هي أكواثيرم و مواسير الصرف ” الشريف أو GM ”
نظريتي أنا في التشطيب و البناء إن الأساسيات زي الكهرباء و السباكة و الأبواب و الشبابيك لازم تكون أفضل حاجة حتى لو أغلى لأن تغيرها هيكون صعب جدا جدا لو حبيت تغيرها مستقبلها .. فريح دماغك من الأول وحاول تجيب أفضل حاجة متاحة و بالمثل لازم يكون الصنايعي اللي هيشتغل حد كويس جداً جداً وما تستعجلش في إختيار الصنايعيه اللي هتشتغل عندك و إختار حد كويس حتى لو في حد أرخص منه بس على المدى البعيد هيكون الصنايعي الكويس أوفر ليك وفي الأول و الأخر فرقها مش هيكون كبير

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

خطوات تشطيب شقتك من الالف للياء :: تعاليق

مُساهمة في 14.03.12 22:59 من طرف roro25285

موضوع ممتاز جدااااااااااااااااااا
ربنا يباركلك ياكوكى
منتظرين الباقى ياحبيبتى

الرجوع الى أعلى الصفحة اذهب الى الأسفل

مُساهمة في 15.03.12 0:39 من طرف veta 5m



موضوع كامل متكامل قراته كله وفكرنى بمعاناتى مع الصنايعيه بارك الله فيك

الرجوع الى أعلى الصفحة اذهب الى الأسفل

مُساهمة في 15.03.12 0:51 من طرف كليوباترا

تسلموليي يا رب يا حبيبي ويسلملي مروركم يارب من عنيه هجمع الباقي باذن الله

الرجوع الى أعلى الصفحة اذهب الى الأسفل

صفحة 3 من اصل 3 الصفحة السابقة  1, 2, 3

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى