وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 الطريقه الصحيحه لتنظيف اللاب توب بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
06032012
مُساهمةالطريقه الصحيحه لتنظيف اللاب توب بالصور


الطريقه الصحيحه لتنظيف اللاب توب بالصور
ماذا

أستخدم إذا جيت أنظف الكمبيوتر؟! ]
فيه أغراض معينة للتنظيف موجودة في محلات الكمبيوتر العادية ..





[ تنبيهات قبل البدء بالتنظيف ]
إيقاف تشغيل الجهاز
+ فصل الكابلات والأسلاك الموصولة بالجهاز
+ إخراج البطارية .



* قبل ما نبدا بتنظيف أجزاء اللاب توب .. نمسح كامل الجهاز
من الخارج بقماش قطني جاف .




[ تنظيف لوحة المفاتيح ]



* تنظيف الكيبورد يمر بثلاث خطوات :







الأولى
باستخدام أعواد الأسنان .. ننظف اللي تحت أزرار الكيبورد .. اللي مبطي ما نظف جهازه
بتطلع له بلاوي تخليه يصاب بالوسواس القهري ولا يستخدم الكيبورد مره ثانيه إلا وهو
لابس قفازات








الثانية
- نستخدم فيها البخاخ ( Compressed Air = الهواء المضغوط )
وطريقته هي رش خفيف من تحت لأنه إذا ضغطناه بقوه بيطلع لنا كمية كبيرة من
السائل .. ولأنها كبيره ما راح يمديها تتبخر كلها .. بعضها بس اللي يتبخر والباقي سائل .



- يكون الرش بشكل مائل من تحت الزر عشان تطلع الأشياء على سطح الكيبورد .



- يفضل إنه يصير معنا عود أسنان ومنديل خلال استخدام البخاخ من شان ننظف اللي يطلع
على سطح الكيبورد .



- عملية التنظيف تكون باتجاه واحد .. يعني نبدا من يمين الكيبورد ونمشي ليساره .



راح نلاحظ خلال التنظيف إن علبة البخاخ سوف تبرد من كثرة الاستخدام .. إذا صارت باردة
مره نتركها شوي تسخن وبعدين نكمل .. طبعا تفسير سبب برودتها هو تفسير فيزيائي بحت
لا يسعنا شرحه في هذا المقام << أقرب مخرج خخخ





الخطوة الثالثة
بواسطة أعواد القطن .. نغمسها بمحلول منزلي عبارة عن مويه وقليلاً من صابون
سائل .. عاد لا أحد يتحمس ويحط منظف كحولي قوي
بعد ما نغمس أعواد القطن بالمحلول .. نستخدمها في تنظيف جوانب الزر لأنها تصير
مغبره .. وإذا جينا ننظف زر معيّن نضغط الزر اللي جنبه عشان يعطينا نتايج أفضل .



ملاحظة : إذا طلّعنا أعواد القطن من المحلول .. نجففها بمنديل قبل ما نستخدمها بالكمبيوتر
من شان ما تصير مبللة ويدخل المحلول بين أزرار الكيبورد .







آخر شي
نمسح سطح الأزرار بمناديل التنظيف .. ولا ينفع مناديل مبلله بالماء
لأنها ما تزيل بقع الزيت وبصمات الأصابع .
المناديل هذي تنفع لمسح لكل شي .. وتنظيفها ممتاز .. لو بغيتوا بعد
تمسحون فيها الوجه عقب المكياج << عاد لا أحد يصدق الأخيرة ونبلش بكم خخخ








مكنسة الهواء .. ينفع نستخدمها أثناء استخدام البخاخ ..
عشان إذا طلع شي على سطح الكيبورد نشفطه
تشتغل عن طريق توصليها بمنفذ USB .. و مسوين
إيقاف تشغيل للكمبيوتر اللي ننظفه نجيب كمبيوتر ثاني عندنا
ونشبكها فيه .



[ تنظيف الشاشة ]







أول خطوة نقوم بـ رش محلول تنظيف الشاشة على قطعة قماش ومن ثم نمسح الشاشة
بهذه القطعة .. ولا ينفع نرش المحلول على الشاشة مباشرة لأنها شاشة كريستال وليست
حوض زرع



فيه طريقة ثانيه أسهل وهي مناديل الشاشة الجاهزة .. نمسح بها مباشره بدون محاليل
أو غيره .. وطريقة التنظيف تكون بحركة منتظمة من الأعلى للأسفل .







ثانياً نمسح الشاشة بقطعة قطنية وناعمه ، قطنية عشان مايكون فيها شحنات كهربائية ..
و ناعمه لأن الخشنة تخدش سطح الشاشة ( مهيب سهله شاشة الكريستال .. طلعت كيوت)


فيه شغلة مهمه لازم ننتبه لها أثناء التنظيف : وهي إننا نضغط برفق ولطف على الشاشة
لأنها حساسة وتتأثر .


ثالثاً بالنسبة للزوايا .. نلف منديل مبلل على عود أسنان وننظف به .



[ تنبيهات أثناء تنظيف الشاشة ]



- إذا جينا ننظف الشاشة نخليها على جنب عشان توضح لنا البصمات واللطخات .
- نتجنب استخدام المناديل الورقية / الجرايد /
منديل المائدة .
- لازم ننتبه لشغلة مهمة في محلول الشاشة .. وهي إن المحلول لازم يكون خالي من
مادة الأمونيا " نشادر " لأنها تقلب ألوان الشاشة وتشوّه عرض الصورة .
- يمنع استخدام الماء العادي لأنه يترك آثار شبيهة بالخطوط البيضاء على الشاشة .




وعشان ما نقع في الأخطاء السابقة .. من الأفضل إننا نستخدم مناديل الشاشة الجاهزة .
( نفسها مناديل الكيبورد ) .






[ تنظيف الـ TouchPad ]











أحيانا تنظيفه يطوّر من سرعة استجابته .. ننظفه بالمناديل المبللة ..

وعشان نكون أكثر دقة ناخذ عود أسنان ونلف عليه المنديل المبلل

وننظف الزوايا .







[ تنظيف المنافذ ]











نلف منديل مبلل على عود أسنان وننظف به .. وبرضه نستخدم

البخاخ عشان الغبار .. بس المنافذ اللي فيها مراوح ما ينصح

باستخدام البخاخ لأنه أحيانا يخلي المراوح تدور بسرعه وتندمر
أو تتلف وعشان مانقع في هالمشكلة نستبدل الهواء المضغوط
بأعواد أسنان .







[ تنظيف المراوح الداخلية ]





يفضل إنها تكون عند الوكيل لسببين : عشان ما يروح عليك الضمان

إذا فتحت الكمبيوتر + صعوبة تركيب الجهاز بعد فتحه .







[ تنظيف محرك الأقراص ]











فيه سي دي جاهز يجي معه سائل تنظيف .. طريقته إنك ترش السائل على السي دي

وتحطه في محرك الأقراص .. وفكرته هي وجود فرشة صغيرة .. إذا حطينا السي دي

في محرك الأقراص راح تدور الفرشة وتنظف الغبار .







[ تنظيف الـ CD ]





فيه طريقة يدوية معروفة لتنظيف السي دي وهي إنك تنظفه بقطعة قماش ناعمه وبطريقة

منتظمة من الداخل للخارج وعلى شكل عقارب الساعة الخ

بس هالطريقة ممكن ما تتم بشكل صحيح مما يسبب تلف معلومات السي دي .. لذلك من
الأفضل استخدام أجهزة مخصصة لتنظيف السيديهات .. موجودة في جرير .













طريقتها هو رش سائل على سطح السي دي بعدين نحطه داخل الجهاز ومن ثم نغلق



الجهاز ونلفه بشكل دائري مثل الرحى لمدة 15 – 30 ثانية .







[ ما بعد التنظيف ]





- نترك الجهاز شوي عشان ينشف بعدين نفتحه

- نستخدم أغطية الحماية اللي بالشاشة والكيبورد ونضعهم على الجهاز من شان
تحفظه من الغبار والأشياء الأخرى .
- نحرص على ترك مجال للتهوية خلف جهاز الديسكتوب وخلف الشاشة وتحت اللاب توب .





[ كم مره أقوم بعملية التنظيف للجهاز ؟! ]





تنظيف خارجي مره كل أسبوع ( مسح الجهاز من الخارج بقطعة قماش)

تنظيف شامل مره كل شهر أو شهرين ( مثل اللي بالموضوع)

تنظيف داخلي للمراوح (مره كل عام ).
منقول للفائده
كاتب الموضوع : نفرتيتي
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الطريقه الصحيحه لتنظيف اللاب توب بالصور :: تعاليق

;)
 

الطريقه الصحيحه لتنظيف اللاب توب بالصور

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الديكور والاثاث Decoration and Furnishing :: تدبير منزلى |تنظيم-تنظيف المنزل-تجارب -حلول-
انتقل الى: