ترتيب نيش السفرة للعروسة

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
Ranoshaa mohamed
الاميرات المتميزات
الاميرات المتميزات
رقم عضويتك : 4652
عدد المساهمات : 2685
الاوسمه :

مُساهمةRanoshaa mohamed

اهلا بيكم ياعرايس المنتدي
طبعا كل عروسة بتفرش النيش بتاعها بتبقى محتارة تفرشه ازاي؟
ازاي مايبقاش تقليدي؟
انا هديلكم شوية نصايح يارب تفيدكم
بس الاول اعرف النيش لان اكيد في كتير من الاخوات مايعرفوش يعني ايه نيش
لان الاسامي بتختلف من بلد لبلد
النيش ده عبارة عن دولاب ب2 ضلفه او 4 ضلفه حسب حجمه
بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا
ودي صورته





نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل
بالشكل ده





ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين
وكمان هتلاقي صعوبه في تنسيقة خصوصا لو المفرش لونه مش لايق مع الطقم
يعني حاولي يبقى الاطقم على قد ماتقدري لون واحد او لونين بالكتير
يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا
زي النيش ده عبارة عن لونين فضي وابيض ومعاه الاحمر




طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القهوة اللي تبع طقم الصيني طبعا عشان يبقو شكل واحد


واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل
وطبعا بيكون عندك طقم صواني للتقديم بتكون غير اللي بتستخدميها في المطبخ
ودي بتحطيها في الخلف زي السيرفيس كده اللي اتكلمت عنه من شويه


اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج البوفيه
طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري
طبعا لان ماينفعش ان الاطباق تبان في النيش





ولو عندك اي اطقم زياده من الكاسات او الشربات او قهوة والنيش اتملا خلاص
فممكن ترصيه جوة البوفيه زي مانتي عايزة
وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
ترتيب نيش السفرة للعروسة :: تعاليق
avatar
sarsora shabaan
مشرفه
مشرفه
رقم عضويتك : 16372
عدد المساهمات : 5172
الاوسمه :

مُساهمة في 05.03.12 22:20 من طرف sarsora shabaan

قمر ياخوااااااااااااااااااااتي
ابقي ياختي ورينا صورة النيش بتاعك بقي
avatar
Ranoshaa mohamed
الاميرات المتميزات
الاميرات المتميزات
رقم عضويتك : 4652
عدد المساهمات : 2685
الاوسمه :

مُساهمة في 05.03.12 22:24 من طرف Ranoshaa mohamed

انشالله يااوختي لما الهدة اللي احنا فيها تخلص ونبدأ نفرش Question
avatar
sarsora shabaan
مشرفه
مشرفه
رقم عضويتك : 16372
عدد المساهمات : 5172
الاوسمه :

مُساهمة في 05.03.12 22:54 من طرف sarsora shabaan

ربنا يقوييييييييييييييكي يا قلبي
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71632
الاوسمه :
العمل/الترفيه : طبيبه اسنان

مُساهمة في 12.03.12 2:54 من طرف كليوباترا

تسلم ايديكي يا حبيبتى بات كتير بتحتار فعلا

صفحة 1 من اصل 2 1, 2  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى