منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه
10082010


اخواتى وحبيباتى
طبعا سامعين عن ملح اليوكو سابا اللى بيقولو عليه بيبيض
وينعم الجسم هو فعلا حلو بس ممكن نعمله فى البيت ويوفر اكتر -اقولكو التركيبه
----ماشى
الاول تجيبى كيس ملح
مش خشن بس مفرفر كده ومش عليه ميه يعنى تهزى كيس الملح قبل ما تشتريه لو لقيتيه
بيشخشخ بيقى حلو ولو معجن يبقى ما تجيبيهوش حتى للاكل -خلاص تانى حاجه تجيبى زيت
زيتون نضيف انا بجيب زيت اسبانى ده مالهوش ريحه وحلو اوى -ماشى هتقلبى الملح فى
كميه مناسبه من الزيت -وييجى دلوقتى وقت البرفيوم تختارى البرفيوم اللى تحبيه بس
لازم يكون خام يعنى زيت عشان الكحول بيضر البشره وطبعا هتحطى منه على الملح والزيت
لغايه لما تلاقى ريحته بقت فايحه كده وحلوة يبقى كده بقى الملح جاهز
للاستعمال-عارفين تستعملوه ازاى ولا اقول لكم -ماشى اقولكم
طبعا بعد الجميل ما ياخد دش والميه لسه على جسمك تاخدى
حبه من الملح وتدعكى بيها كل المناطق اللى عاوزه تنعميها بس برفق وتسيبيه على الجلد
مده تلات دقايق وبعدين تشطفيه وشوفى النعومه بقى والجمال -معلش طولت عليكم

بس يا رب اكون
فيدتكم

روان

مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

في 13.08.10 16:07اميره العشق
اشكرك ياروان بس ليه سؤال يعنى اجيب اى نوع اسنس مش عطر معين
علشان العطر العادي اللي بنركبه بيبقي فيه كحل هاتي من العطر اللي بتحبيه بس انبوبه خام من الصغيره دي لو بتحبي هوجو مثلا قوليله يجبلك هوجو اسنس في انبوبه صغيره لان البرفان العادي بيبقي فيه كحول وبكدا نبقي معملناش حاجه خالص لان الكحول بيسمر البشره
في 13.08.10 23:48سارة ابوالعلا
شكرا ياقمر
avatar
في 14.08.10 4:20فريسكااا
تسلم اديكى يا روان على الموضوع الجميل دا
بس أكديلى على الملح خشن ولا مش خشن
لانك فى ردك على مشاركة اميره العشق قولتلها وتجيبي كيس ملح خشن
وفى الموضوع الاساسى قايله ملح مش خشن
كمان فى حاجه انا بستعمل نفس النوع اللى قايله عليه بس هو على الباكيت مكتوب ان من مكوناته اللبن الحليب وفى وصفتك مكانش فى لبن هيبقى كفايه مكونات الوصفه ولا ممكن نزود لبن بودره هو حلو فى ماسكات التفتيح
معلش انا حاسه انى تقلت عليكى بأسألتى بس عشان اكيد هيبقى احلى لو عملنا كل احتياجاتنا فى البيت عشان نضمن انها فعلا طبيعيه
ميرسى مره تانيه

@فريسكااا كتب:تسلم اديكى يا روان على الموضوع الجميل دا
بس أكديلى على الملح خشن ولا مش خشن
لانك فى ردك على مشاركة اميره العشق قولتلها وتجيبي كيس ملح خشن
وفى الموضوع الاساسى قايله ملح مش خشن
كمان فى حاجه انا بستعمل نفس النوع اللى قايله عليه بس هو على الباكيت مكتوب ان من مكوناته اللبن الحليب وفى وصفتك مكانش فى لبن هيبقى كفايه مكونات الوصفه ولا ممكن نزود لبن بودره هو حلو فى ماسكات التفتيح
معلش انا حاسه انى تقلت عليكى بأسألتى بس عشان اكيد هيبقى احلى لو عملنا كل احتياجاتنا فى البيت عشان نضمن انها فعلا طبيعيه
ميرسى مره تانيه



تسلم اديكى يا روان على الموضوع الجميل دا
تسلمي يا قمر علي ايه بس احنا اخوات
لانك فى ردك على مشاركة اميره العشق قولتلها وتجيبي كيس ملح خشن
اها بصي يا ستي انا مش قصدي الملح بتاع الطبخ والتخليل اللي بيعور دا دا ممكن يجرح البشره ولا قصدي ملح السفره الناعم اوي دا مش هينفع في ملح حبيباته بتكون عاديه كدا بيبقي ملح سفره بس مش الناعم اوي وعلشان مش تحتاري في ملح خشن بيبقي مش حبيباته كبيره هاتيه افضل انا بستعمل دا
كمان فى حاجه انا بستعمل نفس
النوع اللى قايله عليه بس هو على الباكيت مكتوب ان من مكوناته اللبن الحليب
وفى وصفتك مكانش فى لبن هيبقى كفايه مكونات الوصفه ولا ممكن نزود لبن
بودره هو حلو فى ماسكات التفتيح
بصي هو الحليب دا علشان الريحه اعتقد وبعدين لازم تحطي الوصفه في علبه زجاج وفي الثلاجه علشان مش تفسد والدليل علي ان الحليب دا رائحه من وجهه نظري يعني ان فيه انواع تانيه نازله بالخيار والمشمش والزبادي معرفش الصراحه لو حطيتي ملح امع زيت الزيتون وكمان اللبن البودره اتحط ممكن يعمل فطريات لو اتكون ولا لا الصراحه معرفش ايه اللي هيحصل لو عاوزه تجيبي عينه وتجربيها مفيش مشكله
معلش انا حاسه انى تقلت عليكى بأسألتى بس عشان اكيد هيبقى احلى لو عملنا كل احتياجاتنا فى البيت عشان نضمن انها
فعلا طبيعيه
بس الصراحه انا بشتري ملح الحليب دا وخلاص مش بعمل الخلطه علشان هو متوفر عندي والصراحه مش لاقيه له اي ضرر علي جسمي لحد الان حتي تاثيره احلي من المصنوع دا بغير ريحته كمان واخيرا انا اديتك الاتنين وجربي اللي تستريحي عليه وانتي مش تهعبتيني ابدا منوره التوبيك يا فريسكا يا قمر
ميرسى مره تانيه
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى