استعرض الموضوع السابقاستعرض الموضوع التالي
26022012
قرّبت أتجوّز و خايفة جسمي يتغيّر بعد الجواز


بعد ما اتجوّزت بسنة بقى عندي كرش وأرداف مع إني مش باكل كتير.. أعمل إيه؟!!
أنا شاب مقبل على الزواج وعايز أعرف أعمل إيه علشان أحافظ على وزني؟!!

الجواز وتأثيره على شكل الجسم والوزن، موضوع بيحيّر كل شاب وبنت مقبلين على الجواز؛ علشان كده هيكون كلامنا النهارده مع د. محمد أبو الغيط -الأستاذ بكلية طب جامعة القاهرة وسكرتير عام الجمعية الطبية المصرية لدراسة السمنة- عن أسباب زيادة الوزن بعد الزواج، وإزاي نقدر نتعامل مع المشكلة دي...

ليه شكل الجسم بيتغيّر بعد الزواج؛ سواء للرجل أو المرأة؟
دي مشكلة بنقابلها في المنطقة العربية كلها، وكتير بيقنع نفسه إن مالوش يد في الموضوع، وإن زيادة الوزن أو ظهور الكرش له أسباب عضوية أو تغيّر في الهرمونات.

لكن في الحقيقة المشكلة دي لها أبعاد وأسباب مختلفة؛ ومنها:

- زيادة الأعباء والمسئوليات في الفترة دي، وده بيسبب إن الزوج أو الزوجة يتوقّفوا عن ممارسة الرياضة لو كانوا بيمارسوها، أو إن مجهودهم البدني والعضلي بشكل عام بيقلّ؛ فمثلا السيدات بيعتمدوا على الأعمال المنزلية كبديل للرياضة؛ وده غلط لأنها أثناء التنظيف بتتوقف كتير إما للرد على التليفون أو لمتابعة شيء في المطبخ أو على التليفزيون، وبالتالي الحركة هنا بتكون مش كافية للاحتفاظ بتناسق شكل الجسم؛ لأن ممارسة التمارين الرياضية بشكل مستمر لفترة مش أقل من 40 دقيقة هي اللي بتجيب نتيجة.

- الحاجة التانية إنه مع زيادة أعباء الحياة، بيزيد نسبة هرمون الكورتيزون في الدم، وده سبب من الأسباب اللي بتؤدّي لظهور الكرش، ودي حاجة عامة مش مرتبطة بالزواج.

- من الأسباب اللي فعلا بتؤدي لزيادة الوزن بعد الزواج تحديدا هي إن الزوجين في بداية الزواج بيعتمدوا أكتر على الوجبات الجاهزة والسريعة واللي بتحتوي على دهون كتيرة، بالإضافة للعزومات العائلية، واللي بيكون الأكل فيها كتير ودسم، وده غير الأكل الكتير قبل النوم مباشرة.

عايزين نصائح عامة نتّبعها في نوعية الأكل اللي بنتناوله علشان نقدر نحافظ على وزننا قبل أو بعد الجواز؟
- نحاول دايما إننا ناكل العيش البلدي ونبعد عن الفينو.

- نقلل من كمية الدهون في الوجبة؛ يعني البطاطس مثلا ناكلها مسلوقة أو مشوية في الفرن، ونبعد عن البطاطس المحمرة.

- ناكل سلطة وخضار وفاكهة طازجة بكميات كبيرة خلال اليوم.

هل استخدام حقن الميزوثيرابي للتخلّص من مشكلات السمنة الموضعية في منطقة البطن ممكن يؤثر على الحمل؟
لا طبعا.. لأن الحقن دي آمنة جدا للاستخدام ولا تؤثّر على الحمل، لكن لازم نوضّح إن بقى فيه حاجات أكثر فاعلية في موضوع السمنة الموضعية؛ زي حقن الدهون (lipo injection).

مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

نفس مشكلتي انا اتجوزت وحملت علطول وخلفت وطبعا بقي عندي سمنه ونفسي ارجع زي الاول اتمني لاني عندي احباط لاني زدت كتتتتتتير اوي بقالي سنه برده متجوزه
avatar
انا سبق وقريت عن دراسة علمية بتقول انو المرأة على قد ماترضع ابنها على قد ماتنحف ووزنها يبقى زي ماكان قبل الحمل

والمدة الطبيعية الي يرجع فيها الجسم زي طبيعته هي 9 اشهر من بعد الولادة يعني زي مدة الحمل بالضبط

اهم شيء هو اتفاق الزوجين على عدم اهمال صحتهم ورشاقتهم يعني يتفقه يعمله رياضة مع بعض

مثلا من بعد صلاة الفجر يعملو حركات رياضية ولو نص ساعه مثلا او ربع ساعه بس لما تكون يومية رح يستفيدوا

طبعا مع الحركة الكثيرة والتقليل من الدهون

عدم الاكل بين الوجبات

عدم الاكل بعد العشاء

خصصصصصصصصصوصا قبل النوووووووم لانه هو ده الكارثة
فعلا يا قمر
النوم قبل الاكل ده الكارثه الكبيرة
و اهلا بيكي معانا
نورتيني
avatar
النور نورك غاليتي ربنا يكرمك
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى