وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 التخطيط السليم لاختيار الديكور الصحيح

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
27012012
مُساهمةالتخطيط السليم لاختيار الديكور الصحيح


hi
مرحبا يااحلي اميرات في الدنيا (اميرات كليوباترا )

انا بحاول اعملكم علي اد مااقدر شوية مواضيع مميزة واجمعلكم من كل حتة جزء
النهاردة هنتكلم علي فن اختيار الديكور وطبعا كل واحدة ليها زوق وليها فن في اختيار ديكورات منزلها
بس في قواعد واساسيات لازم كل واحدة تاخد بيها عشان النتيجة تكون سليمة

اول حاجة هنبدأ بيها التخطيط السليم
اولا اختيار اطراز العام للمنزل يعني عند تصميم غرفة ما في المنزل يجب مراعاة ان تكون متماشية مع باقي المنزل يعني لايجوز اختيار طراز الغرفة كلاسيكي وباقي المنزل طراز مودرن سوف تصبح هذه الغرفة خارجة عن نطاق باقي المنزل والعكس صحيح وبالتالي يفقد المنزل الكثير من الشخصية .
بالنسبةللفرق بين الديكور المودرن والديكور الكلاسيكي
(الديكور المودرن هو الذي يتميز بالبساطة اما الكلاسيك هو اثاث فخم وموضته لاتنتهي )
اذا عندك غرف او صالونات مفتوحة على بعض من المخير تعملي ستايل واحد مودرن او كلاسيك
.............. نبدأ من الغرف
ــــــــــــــــــــــــــــــــــــــــــــــــــــــــــــــــــــــــــــــــــــــ
*اهم حاجة الاضاءة هي اللي (الغرف التي تحتوي علي اكتر من مصدر واحد للاضاءة هي الغرف الناجحة لان الاضاءة تبرز جمال كل منطقة )
لذلك يجب مراعاة هذه النقظة عند فرش الغرفة نحدد الاماكن المراد اضائتها في الغرفة

* الارضيات يجب ان تكون اغمق من لون السقف، لذا من الافضل البدء باختيار ارضية منزلك ثم تدريجيا اختيار الوان الجدران والسقف.

*كما يمكن تصميم غرفتك قبل البدأ بها برسمها علي ورقة قياسات وتوزيع الكراسي والارائئك والطاولات والضاءة لتتوضح الرؤيا لديك ولتتعرفي على القياسات المثالية للاريكة في حال اردت شراء اريكة جديدة، فعلى سبيل المثال، الاريكة التي تجدينها في المتجر صغيرة الحجم نسبيا تكون احيانا كبيرة وضخمة وغير مناسبة لمساحة الغرفة المراد تأثيثها.

* بعد الدهان وعلى اساس لون الطلاء
ستقررين أي قطعة اثاث يمكنك استعمالها واي منها يمكنك الاستغناء عنها. لذلك يفضل ان تشتري الاثاث بعد دهان الغرفة حتي لا تشتري اثاث لا يوجد مكان له او لم يتماشي مع لون الدهان

* اختاري الالوان المستخدمة في المنزل لتتكامل مع بعضها البعض
بحيث يمكنك الانتقال من غرفة الى غرفة من دون ادنى احساس بنفور لوني ظاهر، إما من طلاء الجدران
او الوان الاثاث وخاماتها.

*ضعي على لوحة خشبية عينات من
الاقمشة المراد استخدامها وقارنيها مع عينات من الوان طلاء الجدران المراد
استخدامها، لاختيار الألوان والخامات المتماشية المناسبة.

وللموضوع بقية بس اسمع رايكم في الموضوع


كاتب الموضوع : Ranoshaa mohamed
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

التخطيط السليم لاختيار الديكور الصحيح :: تعاليق

هتكلم ان شاء الله عن ديكور غرفة نومك .... كلاسيك او مودرن ...


كتير منا بيحتار ويلف ويدور ... عن الوان الدهانات مع الستاير مع السجاد ...
كتير منا عنده الجرأه فى اختيار الالوان ... ومنا مش عنده الجرأه وبيلجأ فى النهايه للاوف وايت ويريح دماغه ...


ياجمال اللون البنى فى الخشب ....
وياجماله اكتر واكتر فى المودرن ....
هو سيد المودرن ...
ولكن
ليه بتظلمى اللون البنى ومش بتكملى ديكوره وتختارى له الالوان المناسبه لتظهرى جماله ... ده الى هنتكلم عنه بالتفصيل ... ان شاء الله

ولكن .


ان كنتى مثلى ومن محبي الالوان الفاتحه .. مثل الاوف وايت و التطعيم بالدهبي ... وانا بتكلم عن الخشب ... لكى ما تتمنين وان شاء الله نتكلم عن الديكور الى يخص عرف النوم الفاتحه ...


اذا كنتى محتاره .. او مش عارفه ... ازاى تنظمى ديكور غرفة نوم هاديه شيك ... مريحه ... على الموضه ... خليكى معايا ..



ولكن فى البدايه ... احب اذكر ... كما تعودنا ... انا نراعى مساحة الغرفه خاصتنا ...
ونراعى عيوبها ومميزاتها ... وندارى العيب ونظهر الميزه .....
ونعمل من الفسيخ شربات ....


نبدأ بالشائع ... والغالب وهو اللون البنى فى خشب غرف النوم .. " الموبليا ... او الاثاث "

الاول نذكر مكونات غرفة النوم الميثاليه ... او الشائعه عند كل الناس ...
اهم قطعه وهى السرير .... المتوسط فى العرض 160 والادنى 150 والاقصى 200 على ما اعتقد ... وكل شىء جايز ...
والطول ادنى مقاس 200 ... وانتى وزوقك فى فورمة الخشب لانها بتاخد مساحه كل ما بتكون اضخم ...

ثانى اهم قطعه ... الدولاب ... والمتوسط 240 ... والادنى 200 والاقصى 300 على ما اعتقد ....

ثالث قطعه مهمه .. السراحه ... ويختلف مساحتها على زوقك ... ويختلف الاستايل على زوقك بردو ... مع وجود البوف او الكرسي الخاص بيها ..

اما رابع قطعه مهمه هو الكمود ... يمكنك وضع واحد بس ... على حسب المساحه المتاحه جمب السرير ... وطبعا ممكن اتنين .... وممكن متحطيش كمود خالص وتكتفى بترابيزه صغيره انيقه .... وكله على حسب زوقك والى تفضليه ...

اما خامس قطعه وليست بمهمه ... هى الكمود الطويل .... او الى بيسموه " عسكرى " او الى وعينا عليه باسم "شيفونيره "

وسادس قطعه مهمه وجود كرسي فوتيه ... او كنبه فوتيه اتين ... او شيزلونج ... او بانكيت ... وده طبعا على حسب الزوق والميزانيه .... وانا اعتبرها قطعه مهمه تبقا موجوده فى غرفتك ... ويا حنبذا لو جمبيها ابجوره على ترابيزه صغنونه ... والصبحيه تقعدى تاخدى عليا الشاى بتاعك .... وتقري الجرنال ... يارب اوعدنا ههههههه

كده القطع الى يجب ان تكون فى غرفة النوم خلصناها ...
نيجى بقا للفرش ...

ومن اهم المفروشات التى لا ينبغى الاستغناء عنها ...
الا وهى ... الستائر ... والسجاد ....
الستائر ... واه من الستائر ... وحيرة الستائر ... والحل بسيط ...
اختى لو كنتى انسانه بسيطه ... تفضلين الاناقه ... وتهتمين بالنضافه .... وتهتمين بصحتك وصحة عائلتك ... اسمحى لي ان اعترضك على وجود ستاره من الاستايل الكلاسيك المعقد .... الدرابيه الثابته بمسامير فى البلتكانه الخشب ... والى بتكلف بالالف والالفين ....
وتقعد بالسنين وصعب اننا نشيلها ونغسلها وبعدين نجيب الراجل تانى يركبها ... ده بعد مايفكها كمان ..... ومصاريف وحكايات ... ويا حنبذا بقا لو الغرفه ضيقه ومش مستحمله وجود ستاره معقده تكتم المكان اكتر ....

اليكى نصايح بسيطه منى ليكى قرأتها عن اختيار ستائر ميثاليه لغرفة نومك ....
وده الملخص ...
اولا لو غرفة نومك مساحتها ضيقه استعملى الالوان الفاتحه ... والاقمشه الاقرب للساده او نقشتها بسيطه ...
وتكون الستاره على قد النافذه ان كانت شباك او بلكونه ... بس سيبي من كل جانب عشره سم زياده ...
وبخصوص الارتفاع ... متلزقيش الستاره فوق فى السقف خالص ... سيبى مساحه بين السقف والستاره فى حدود اقل حاجه تلاتين سم ...
ثانيا ... الاقمشه الطريه ... الناعمه والشفافه زى الاورجانزا او الشيفون او الفوالا ... مناسبه لغرف النوم ... وتبعث الهدوء فى النفس بنعومتها ... وبتدى وسع عن الاقمشه التقيله الغامقه ... وخصوصا فى الصيف .... ولكن لتتجنبي شفافية الستائر الخفيفه ...
اليكى تجربتى ... وهى البطانه ...
وعلى سبيل الميثال ... اذا اعجبتى بقماش الاورجانزا ولكنه شفاف وهيكشفك ومش هتتمتعى بالخصوصيه ... اعملى زى مانا عملت وجيبي قماش اسمه " تفتاه " قماش جميل الوانه كتير وساده ... ويشبه الستان قليلا ...



وندخل بقا على السجاد ...
اذا كانت موبليا غرفتك باللون البنى ودرجاته غامقه او فاتحه .... عليكى اختيار السجاد باللون الفاتح .... عشان تعملى توازن .... وراعى ان السجاده تكون لونها محايد ... عشان تليق مع كل الفرش الى عندك من ملايات واغطيه .... وهكذا الستائر ...
وان كانت ارضية غرفتك سيراميك او بورسلين ... او رخام او باركيه ... او اى ارضيه انيقه ... افضل ان لا تغطى الارضيه كامله بالسجاد ... واكتفى بوضع قطع سجاد صغيره ... بتنثيق بسيط وانيق ... وليكن مثلا قطعه امام السرير ... وقطعه اخرى جانب السرير ... بالطول ...
واتركى مساحات من الارضيه مكشوفه فهى تعطى جمال ... وتظهر اناقة الفرش باكمله ...


اختيارك للمفروشات بألوان فاتحه سواء كانت سجاد او ستائر او ملايات او اغطيه ... تعطى الاحساس بالراحه والهدوء ... وتجبرك على النضافه والشعور بمدى اتساخها ...
لان لابد من نضافة غرف النوم ... وعدم الاستهتار بنضافتها ... فبالتأكيد سيأثر على صحتك وصحة عائلتك ...



نأتى الى الوان الدهانات ... المناسبه مع البنيات كأثاث ...
البنى لون من الوان الارض ...
لون من الوان الطبيعه التى تبعث فى النفس الراحه ...
لون الاناقه والشياكه ... ولون مرتبط بالكلاسيكيه ... وايضا بالمودرن الحديث العصري ..
ان كنتى كلاسيكيه .... عليكى التمسك بدرجات الكافيه ... والبيجات ... والاوف وايت ...
والتطعيم بالنحاس ... او الدهبي ...



وان كنتى من عشاق المودرن المبهج بألوانته الجريئه العصريه ...
افضل لون مع البنى هو الاورانج بدرجاته ...
الاورانج لون نارى مبهج ... يعطى حيويه واناره ... وينتج عنه بوجوده مع البنى معادله فى غاية الجمال .....


والاخضر لون اخر من الالوان الرائعه المفضله مع البنى ...
وخصوصا الدرجه التفاحى ... او البستاج ... او الفستقى ... او ما تسمونه ...


الاصفر.. الكنارى .... الحمصى ..
لكل عشاق الاصفر ... تأملوا مدى جماله ..... مع البنى ..


الروز ..... درجاته كتير ...
وكل ما احسنتى اختيار درجه مائله للموف او البصلى .... زادت جمالها مع البنى وبالاخص الشيكولت ... او المحمر ...



الفوشيا ... ولكن لحظه ...
الفوشيا لون جريء بمعنى الكلمه ... فليكن لمسات ... وتضعى معه لون البيج ... او الاوف وايت ... مع الالتزام بوجود مكملات واكسسورس تربط اللون الفوشيا على الحوائط الفاتحه .....
ويا حنبذا لو كمان اتحط كلمسات فى الستائر ومفارش السرير ...


البنفسج ... الموف ... كلنا بنعشق اللون ده .... وكتير مننا بيسيء استخدامه ...
افضل درجة البنفسج الغالب فيه نسبة الاحمر ... وكما تعلمون اللون يتكون من الازرق والاحمر ... واذا انقصنا الاحمر صار البنفسج مائل للزرقه ... واذا انقصنا الازرق صار البنفسج مائل للحمره ... ونعطيه اسم بتنجانى ... او ارجوانى ...
وكل درجه من البنفسج له قوانيها .. ومش اى درجة بنى تليق مع البنفسج ....
الى عاوزه اقوله ... لو اختارنا يعنى البنى الشيكولت ... نختار درجة البنفسج مائله للاحمرار ...
واذا كان البنى من درجات الكافيه او البيج ... يفضل البنفسج المائل للزرقه ...
ويفضل اختيار الدرجات المتوسطه .... لا فاتحه ولا غامقه ... عشان البنفسج لو اتفتح اوى هيبقى بهتان ... ولو اتغمق اوى هيقفل مع البنى ....


الازرق .... وقليل منا بيستخدم اللون الرائع ده .... لون الهدوء والراحه ... لون التأمل ...
ودرجات الازرق ... تصل الى السماوى ...
ويفضل اللون السماوى مع درجات البنى الغامق .... وايضا الكافيه ..
والازرق يفضل فقط مع الكافيه ... لان الازرق لون تقيل وواضح ... والكافيه من الدرجات الفاتحه ... هنا عملنا معادله بين الفاتح والغامق ......
والفيروزى درجه تقع بين الزرقان والاخضرار ..... ويمشي اوى مع البنى الشيكولت ... وايضا الكافيه ...
ولكنه لونه مشفتهوش عند حد ابدا .... ولكن اذا فكرتى فيه شويه هتلاقيه جميل وجديد ... بس استخدمى درجه مناسبه ... ويمكنك استخدام لون فاتح مثل الاوف وايت معاه ... لانه يعتبر من الالوان الجريئه ... الصريحه ...

وايضا التريكواز ... كذالك ...



الرصاصى ....
لون محايد هو والاسود والابيض والاوف وايت ... والبنى ...
لو ارادتى استخدام الرصاصى ... انتى كده بتستخدمى درجتين محايدين .. رصاصى وبنى ..ز ولكن اى درجه من البنى تليق ... وانا شخصيا ارى انها تليق مع البنى الدارك ... المايل للسواد ...
ولكن هنا .... احب اضيف لون .... لون كلنا بنحبه ولسه مش ذكرته لحد دلوقتى ...
الاحمر ....
وكم اعشق الاحمر لما بيكون استخدامه لمسات بسيطه تضيىء المكان ... زى الورد البلدى وسط الجنينه الخضرا ...
تخيلى ... وجود الاحمر كـ ستاره شيفون ... على حائط رصاصى ... واثاث بنى دارك .. وتخيلى ايضا وجود تابلوه رائع بزهره كبيره باللون الاحمر على ارضيه بيضاء اللون ... وتخيلى ايضا اباجوره باللون الاحمر مع اضاءه صفراء .....
مش قادره اوصف اكتر من كده ....
وياه لو اكتملت الصوره بقطعة سجاد بسيطه باللون الاحمر مع الرصاصى وقليلا من البنى ... المائل للاسود ... او الاسود نفسه ... ولكن اغلب السجاده احمر ..... ياه لو اقدر اصممها واوريهالكم ......
ويا حنبذا لو الارضيه هاديه ولونها اوف وايت فاتح جدا .... واشبه بالساده ... يكاد التعاريج الرخاميه الى فيها نشوفها ...


وبما ان الرصاصى لون محايد ... وايضا البنى ...
يمكنك استبدال الاحمر ... بالاصفر ... ويا جمال الاصفر مع الرصاصى ...
وايضا الاخضر ... والاورانج ... والبنفسج ... والازرق ...


الابيض ... لون الصفاء والنقاء
استخدميه اينما شئتى .... استخدميه وعليكى الامان ... مع اى درجة بنى اي تكون ...
شيكولت او كافيه ... او دارك ... او محمره ...
وحطى الفرش الى تحبيه بالالوان الى تحبيها ....
لانى كما ذكرت ليكى .... الابيض والرصاصى من الالوان المحايده الى يمشي معاها كل الالوان ..... بكل الدرجات ....



وطبعا الاسود ..... مستحيل يكون فى دهانات ... ممكن يبقا ارضية ورق حائط ....
وان حتى وجود فى ارضية ورق حائط ... مستحيل يستخدم مع اثاث كامل باللون البنى ....

وبكده خلصنا الالوان الى تمشي فى الدهانات مع البنى كاثاث ... وكمان درجات البنى زى الكافيه ... والبنى المحروق " الدارك "

المره الجايه باذن الله نكمل ...................... بس اشوف لو عجبكم الكلام.

للامانة يااميرات الجزء ده منقول
وسامحوني علي عدم وجودي المستمر مشغولة اوي الايام دي والله بس بحاول ادخل كل شوية كده
اختيار نوعية حائط المطبخ

اختيار نوعية الحائط المناسب للمطبخ من الأمور التي لها الأولويه الكبرى في تأسيس المطبخ ...

وطبعا تتفاوت نوعية الحائط بالاسعار والتركيب وجمال الشكل الخارجي للحائط وسهولة العمل وسأوضح هذه النقطة لاحقا ..
الجدران المتعارف عليه اكثر في نوعيته هو ان يكون من السيراميك ولكن سنتناول في موضوعنا الجدران سواء السيراميك او العادية او المغطاة بورق الحائط المتعدد الأشكال ...

اولا: السيراميك
من ميزاته :
1- تعدد اشكاله والوانه ونوعياته ..
2- انه صحي اكثر وخاصه في المطبخ ..
3- انه سهل التنظيف فلو كانت هناك اي بقع دسمه او لونيه فيمكنك مسحها بمنتهى السهولة ..
4- انه يعيش طويلا ..


وقطع السيراميك متفاوتة الأحجام فمنها الكبير ومنها الصغير ...
وايضا هناك مايكون منها سادة او مزخرف ويحوي رسومات جميلة ..
وجميل الموج بين السادة والمشجر..
نرى هنا جمال السادة مع السيراميك ذا الرسومات اذا كان بشكل بوردر حول محيط المطبخ خاصةً اذا روعي فيها تناسق الألوان ..







ايضا هناك يمكننا استبدال موديل البوردر في الحائط بلوحات من السيراميك وذلك ان يكون هناك قطع سيراميك تحوي رسومات تجمع مع بعضها لتكون الصورة في اماكن معينة من الجدار كاحول الفرن او فوق الأدراج السفليه او حول المغسلة ...




بعض الأشكال المقترحه والمناسبه للمطبخ :



قبل ان ابدأ بالجدران المطلية اود ان استكمل باقي الحديث عن السيراميك ...
ان السيراميك بلمعته المعهودة يعطي المطبخ منظرا اكثر جاذبيه وجمال ..وايضا المحافظه عليه بتنظيفه على الأقل كل 3 اشهر بواسطة القليل من رغوة الصابون ومسحه يجعله يحافظ على رونقه مده اطول ..
ايضا السيراميك يعتبر من افضل الأنواع سهولة في التنظيف والاهتمام ..

في المطبخ :
يمكنك استخدام سيراميك ساده وليس شرطا ان يكون مؤلف من نقوش او غيرة ..




ايضا يمكن الدمج بين السيراميك والجدار المصبوغ بأن يكون مثلا الجزء السفلي من السيراميك والنصف الاخر العلوي جدار مصبوغ ..
ومن الأفضل ان يكون مابين الرفوف العليا والسفلى من السيراميك ..وذلك لكي يسهل عليك تنظيفه لأنه اكثر جزء سيتعرض للأوساخ اثناء عملك في المطبخ ,,



الجدران المطلية
العنصر الاخر وهو الجدران المطليه وطبعا هذا الخيار يأتي في المرتبة الثانية بعد السيراميك ..
مميزاتها :
1-تعطي اتساع اكثر للمطبخ ..
2- ظهر الوان عديده من الطلاء تعطيك جماليه اكثر للجدران المطلية ..
3- لاتحيرك كثيرا مثل اختيار نوعية السيراميك او الوانه ..
عيوبه :
1-لايتحمل اللطخات مثل السيراميك ..
2- انه يؤثر عليه اي تسربات للمياه وممكن ان تفسده ..
3- مُعرض للتشققات ..
4- انه مع الزمن يتأثر ويحتاج طلاء من جديد ..

ربما هناك مزايا او عيوب اخرى ولكن هذا ماتسعفني ذاكرتي من معلومات او تجارب عنه

الان ظهر الوان عديدة للطلاء مثل الفواتح فهي منتشره بشكل كبير وبالطبع اختيار الفواتح افضل وذلك ليعطيك اتساعا اكثر لمطبخك ولا يعطيه ظلمة او كابة ..

ان الجدران المطليه جميله خاصة مع الخشب الابيض


ولأن المطبخ هو المكان الأكثر تعددا للنشاطات في داخل مسكنك.فهو ليس مكانا مخصصا للطهي فقط.وإنما مكان لتناول الطعام ومركز للإجتماعات العائليه.

لذا ينبغي الإهتمام بجميع التفاصيل الصغيرة والكبيرة فيه.فأحببت ان أطرح بين يديكم إرشادات لتصميم المطبخ قد تنفع من أخذ بها بعين الإعتبار.


- اذا رسمتي خطا يصل اركان مطبخك الثلاثه (حوض الغسيل والثلاجه والفرن) ببعضها حصلت على مثلث يدعى مثلث العمل وهذا المثلث يجب ان يكون محيطه ما بين 3,7 و 6,7م
تأكدي من خطوط المرور الدخول والخروج من المطابخ لا تتداخل مع خطوط مثلث العمل.

تأكدي من أن إختيار موقع مطبخك بحيث تراعي فيه الأمور التاليه:

كميه ضوء الشمس والهواء الداخل له.
قريب من غرفة الطعام ومدخل الخدمات ومطلا على مساحة لعب الأطفال. وبعيداعن أي غرفة نوم ..

النافذة الموجودة في مطبخك سوف يكون حوض الغسيل أسفلها مباشرة .

الإضاءة الصناعيه يجب أن تكون ساطعه وموزعه توزيعا جيدا ( فوق حوض الغسيل ،الموقد ، تحت الخزائن العلويه )

التهويه الصناعيه في مطبخك وهي نوعان ،تهويه فوق موقد النار مباشرة وتهوية شامله للمطبخ تكون كافيه لإستبدال كميه الهواء فيه.

التاكد من وجود التمديدات الكهربائيه ومناسبتها لأجهزة المطبخ المختلفه سواء الأساسيه او المحتمل وجودها.

التأكد من الفصل ما بين الثلاجه من جهه والغاز والفرن من جهه أخرى بخزانه على الأقل.

التاكد من أبواب الخزانات والثلاجه والفرن وجميع التجهيزات الأخرى أنها ذات أبواب تفتح بعيدا عن مثلث العمل مابين حوض الغسيل والثلاجه والفرن.

عند إختيارك لألوان داكنه لمطبخك فأحرصي ان يكون تصميم مطبخك مفتوح على أركان مسكنك الأخرى وأن يكون لون لامع تنعكس عليه الصور.

كما انه ليس يا الضرورة ان يكون جداريا، ولكن يجب ان يؤخذ في الإعتبار التمديدات الصحيه بصورة مسبقه عند تنفيذ هذا النوع من المطابخ.

للموضوع بقية
رد: التخطيط السليم لاختيار الديكور الصحيح
مُساهمة في 29.02.12 18:30 من طرف كليوباترا
موضوع تحفه وانا بموت في الديكور تسلمي يا روته ويارب يا حبيبتى يتمم ليكي علي الف خير يارب وتبقي شقتك احلي شقه ان شاء الله
ربنا يخليكي ياكوكي امين يارب
ربنا يكرمك ياحبيبتي انتي وكل الاميرات ياااااااارب
جميل جدا وخصتن اني انا كمان محتاره في الشقه بتعتي وبجهز بس انا لخمه خالص يارب يكون ساعدني شويا
 

التخطيط السليم لاختيار الديكور الصحيح

استعرض الموضوع السابق استعرض الموضوع التالي الرجوع الى أعلى الصفحة 

صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الديكور والاثاث Decoration and Furnishing :: ديكورات واستغلال المساحات الضيقه-
انتقل الى: