منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
دمعة غرام
اميره برونزيه
اميره برونزيه
رقم عضويتك : 25943
عدد المساهمات : 1966
الاوسمه :
العمل/الترفيه : طالبة
19012012
النكد الزوجى....مسلسل من مليووون حلقة

هى : انا زهقت من قعدة البيت نفسي اخرج اشم هوا خرجنى
هو: اخرجك ايه هو انا فاضى انتى مبتحسيش
هى: طب النهارده الجمعه يلا نخرج
هو: لا مليش نفس انا تعبان طول الاسبوع وعايز ارتاح
هى: يعنى ايه هفضل محبوسة بين اربع حيطان علطول حتى يوم اجازتك
هو : يوووووه انتى مبتزهقيش من النكد انا سايبلك البيت وخارج اقعد مع اصحابى خنقتينى



هى : انا عايزة اشتغل
هو: لاء
هى: بس انا عايزة اشتغل زهقت عايزة احس انى ليا فايدة
هو: فايدتك فى بيتك يا هانم مع اولادك
هى: ما فى ستات كتير بيشتغلوا ومتجوزين
هو: قولت مفيش شغل يعنى مفيش شغل مش عايز زن كتير
هى: هو كده وخلاص طب نتناقش
هو: يووووه انتى مبتزهقيش من النكد دى كانت جوازة منيلة

هى : كل حاجة على دماغى ساعدنى شوية
هو: عايزانى اعملك ايه ان شاء الله اغسلك المواعين ولا اخد الغسيل فمين
هى: مفيهاش حاجة لما تساعدنى
هو: لا ياهااااانم مش انا الراجل ده
هى: طب ذاكر للاولاد على ما اخلص اللى ورايا
هو: مبحبش المذاكرة ذاكريلهم انتى
هو: دى مش طريقة حياة بقى
هى: انتى متبزهقيش من النكد انا سايبلك البيت ورايح عند ماما

والامثلة كتير جدا مش عايزة اعقدكم




حواء تلك الكائن الرقيق العذب الذى تمثل له المشاعر كل شئ..
متهمة هى بانها محرك النكد الاول فى المنزل وانه هوايتها التى تجيدها بشكل فطرى وطبيعى
الرجل دائما ما يكرر بان زوجته نكدية وانها مخلية عيشته هباب ونكد فى نكد

قضية النكد الزوجى قضية يستخف بها الكثير ويعتادها الكثير ولا يعلمون بان تفاقمها دون علاج يؤدى آجلا الى انهيار حياتهم وتباعد المسافات بينهما هذا بالاضافة الى اثرها البالغ فى نفسية الاطفال

والسؤال ببساطة
هى حواء فعلا تعشق النكد ام انها تهمة الصقت بها كذبا وافتراء
لماذا تكون حواء قبل الزواج تلك الفراشة الوديعه وبعده تلك النكدية أليس لكل نتيجة سبب ولكل فعل رد فعل
ولماذا هى نكدية مع زوجها فقط هل لذلك معنى ؟
هى هى صفة انثوية ام ان هناك رجال نكديين ايضا وماهو الاختلاف بينهما
ماهو مفهوم النكد لدى الزوج وهل النكد انواع يختلف باختلاف شخصية
هل هناك علاج للنكد الزوجى ام انه داء عضال لا شفاء له
هل تلك الصفه خاصة ب العربية ام انها صفة لصيقة بحواء عموما
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
avatar
كلامك مليون ف المية صح انا معاكى ف كل اللى قولتيه
avatar
@oshi410 كتب:عمرنا ما كنا نكدين

هههههههههههههه

يعنى ممكن حساسين

عندك حق يارشا
avatar
النكد ده سببه
انقلاب الموازين
الزوجة بتقوم بمهام الزوج و الزوجة و الاب و الام في وقت واحد
الزوج بيستحلي التنصل من المسئوليات
لازم من اول يوم فالجواز
و ممكن من قبله كمان
يتحدد كل واحد له ايه و عليه ايه
و ده
هيوصلنا لان الزوج هيعرف مسئولياته و يأديها
الزوجة تلاقي وقت للزوج
الاتنين يبطلوا نكد
عشان جزء كبير من مناقرة الزوجة للزوج
طلبها لانتباهه
عاوزاه يشوفها
يبصلها
والحاجة الوحيدة اللي بتلاقيها بتنفع معاه هي الخناق
فبتتخانق
لذا
الحل هو
تقسيم المسئوليات صح
avatar
اول مرة تقولى كلام صح ياسارة
avatar
نعم ياختي
انا كلامي كله صح
ده انا بقول درر ياما

ولا عندك حضرتك راي تاني
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى