وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 مهم لكل اللى متقدملها عريس

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
16012012
مُساهمةمهم لكل اللى متقدملها عريس


بسم الله الرحمن الرحيم
اخواتى حبيباتى حبيت اكتب الموضوع ده بعد تجربتى الاولى مع اول عريس يتقدمللى
مش هادعي انى عندي تجارب عديدة و خبرة السنين و حكمة التنين و لكن انا بكتب الموضوع ده تذكرة ليا و ليكم علشان نبقى دايما على بينة و منحتارش كتير ..

اولا : لازم نعرف ان الزواج ده سنة ربنا فى الكون و انه من أجمل الاشياء اللى ممكن تحصل لاي فتاه
علشان كدة لازم تختاري اللى هتقضي معاه بقية حياتك كويس جدا و يبقى عندك مبادئ لا تحيدي عنها لاي اسباب أخرى
يعنى خلى ربك و دينك رقم فى كل حاجة دايما و بجد ربنا هيكرمك و يديلك كل اللى كنتى بتتمنيه و أكتر

ثانيا : الرسول عليه الصلاة و السلام بيقول : انما الأعمال بالنيات و لكل امرئ ما نوى "
علشان كدة يا ريت دايما تصفي نيتك و ترتقى بتفكيرك فى كل المواقف اللى بتقابلك عامة
بالنسبة للعرسان اللى بيتقدمولك لما ترفضي واحد كدة دلع لان مناخيره كبيرة او لان عربيته مش قد كدة او انه اصله فلاحين و الاسباب الكتير دي .. اعرفى انك بتظلمى نفسك و بتظلمى الشاب ده معاكي .. لا المفروض يكون الرفض باسلوب كويس و لسبب منطقى لنقص فى دينه أو أخلاقه او عدم وجود توافق عام و عدم الكفاءة او انك ببساطة صليتي استخارة و ما ارتحتيش ..المهم يكون فى نيتك ربنا اولا و اخيرا

ثالثا : لما تختاري شريكك على اساس ماله او وظيفته او عيلته اعرفي انه : يا واخدة القرد على ماله بكرة يروح المال و يفضل القرد على حاله .. فاختاري شريكك كويس جدا و اعرفي عيوبه قبل مميزاته و حطى فى بالك ان الايام متقلبة و كل الماديات ممكن تروح فى لحظة فهل هتقدري تكملى معاه كدة ؟!

ده اللى في بالى دلوقتى و ان شاء الله هكمل باقى الكلام بعدين


محتاجة تشجيعكم و آرائكم و خبراتكم

رزقنى الله و اياكم الزوج الصالح اللى يسعدنا دنيا و آخرة
بحبكم فى الله ♥
هاجر فتحي
كاتب الموضوع : gogy-89
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

مهم لكل اللى متقدملها عريس :: تعاليق

رد: مهم لكل اللى متقدملها عريس
مُساهمة في 17.01.12 23:13 من طرف gogy-89
mervat ebrahim mohamed
just4you
roro25285
نفرتيتي

شكرا حبيباتى على مروركم الجميل
تسلم ايديكي
;)
رد: مهم لكل اللى متقدملها عريس
مُساهمة في 17.01.12 23:15 من طرف gogy-89
رابع نقطة احب اتكلم عنها يا حبيباتى : تيسير الزواج على الشباب .. يعنى لما يبقى الشاب طالع عينه في الشغل ليل نهار علشان نفسه يستقر و يكمل نصف دينه .. و فى الاخر بيلاقى شروط و طلبات من أهل العروسة كتيرة جدا وملهاش داعي اغلب الوقت و بايع اللى وراه و اللى قدامه و احتمال يتداين كمان .. طب كل ده ليه ؟؟ مين اللى قال ان الحاجات المادية دي هي اللى هتمنح الفتاه الاستقرار و الحياه السعيدة و الاسرة الصالحة ؟ و بالله عليكم من تجارب الناس اللى قريبين منكم و اصدقائكم .. هل فعلا الاستقرار و تامين الحياة السعيدة بالسفرة ام 10 الاف بدل ام 5 ولا بالشبكة ام 30 الف علشان متبقاش اقل من جارتها و الخ ..

بجد الموضوع ده نفسي تفكروا فيه صح و تقتنعوا بيه و تقنعوا اهلكم بيه و الله و الله لو كانت نيتكم لله ربنا اكرم الاكرمين و هيحققلك اللى نفسك فيه و زيادة و هيجيلك المتدين المحترم الخلوق اللى يعيشك فى سعادة و هنا نفسيا و ماديا .. و الجواز ده اولا و أخيرا رزق .. و بييجي برزقه .. يا ما ناس كانوا على قد حالهم و ربنا كرمهم بعد الجواز لانهم طيبين و بدأوها صح

مش بقول انكم تتنازلوا اوى .. بس يبقى فيه تسامح و صفاء النية و مراعاة لظروف الشاب خصوصا اذا كان على دين و خلق ..

طب سيبوكوا من كلامى مش هنلاقى افضل ولا احسن من نصح رسولنا الكريم :

قال رسول الله صلى الله عليه و سلم: " إذا خطب إليكم من ترضون دينه وخلقه فزوجوه "
كما قال: " أعظم النساء بركة أيسرهن مؤونة " ♥

من فضلكم خلوا الحديثين دول فى بالكم دايما


و بجد يا ما شفنا ناس سعداء جدا بشققهم البسيطة و حياتهم اجمل ما يكون و هما بيكبروا مع بعض واحدة واحدة و كل حاجة بيبقى لها طعم لما نتعب فيها مع اللى بنحبه و يحبنا

و ياما شفنا ناس عايشين فى شقق محصلتش و الناس بتحسدهم عليها و حياتهم فى منتهي الملل و الكآبة و المشاكل .. عندهم كل اللى بيحلموا بيه ومفيش جديد فى الحياه خلاص


طبعا محتاجة رأيكم فى الكلام ده و ووجهات نظركم
اسال الله لكم و لى السعادة والتوفيق فى الدنيا و الآخرة
 

مهم لكل اللى متقدملها عريس

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم العروسه-
انتقل الى: