وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 لكل من تريد التجاوز مع خطيبها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
14122011
مُساهمةلكل من تريد التجاوز مع خطيبها




روت لي صديقتي الصدوقة (انا و صديقتي الصدوقة دايما بندور علي العجيب فالدنيا و نحكيه) ان مامتها حاكتلها انها
في الفترة الاخيرة كانت بتدور على عروسة لصاحب باباها واستغربت جدا ان كل واحدة تكلمها على عروسة تقولها

فلانة كانت مخطوبة بس عريسها كان مسافر ومقعدش معاها ولا مرة

والتانية تقولي فلانة كانت مخطوبة وهما يادوب اسبوع وفسخت الخطوبة والعريس ملحقش يعمل حاجة
انا بصراحة استغربت وسألت هو كان المفروض يعمل ايه ؟؟؟؟

طبعا حكيتلي حاجات ما شاء الله ولا قوة الا بالله مكنش فاضل غير النونو علشان الحكاية تكمل

شوفوا بقى انا هاقولكم على شروط التجاوز علشان بعد كده اللى تحب تعمل حاجة تعملها بقلب جامد

اول حاجة اهلك
تعملي حسابك كويس انك لما بتتجاوزي مع خطيبك انتي بتكسري اهلك ...

يعني ايه تكسري اهلك يعني الناس اللى بيكون ليهم قيمة في نظر عريسك وبيخاف
يكلمك علشانهم هيكونوا ملهمش قيمة علشان انتي معلمتيش ليهم قيمة

وهما دول الناس اللى لو جه العريس يستعبط وياكل حقك في حاجة هما اللى هيقفوا قدامه

وهما بردوا اللى انتي لما تروحي بيته ويزعلك او يطردك بعد لما ايام العسل تخلص هما اللى هيجيبولك حقك

فلو انتي كسرتيهم في نظره اصبحتي انتي نفسك ملكيش قيمة عنده .... اعرفي كده كويس


تاني حاجة خطيبك نفسه

لو كنتي مخطوبة قبل منه حطي في بطنك بطيخة صيفى انه هيكون عارف ومتاكد انه مش اول واحد يعمل معاكي كده

ولو انتي مكنتيش مخطوبة قبل كده يبقى بعد لما تتجوزي هتكون عيشتك سوداء
بسبب الشك اللى كل شوية الشيطان هيرميه جواه من ناحيتك هو الشيطان بيلعب
مش لازم يشوف شغله بالاخص لو كنته عايشين مبسوطين بعد الجواز

وهيقول طالما هان عليها ربها وهان عليها اهلها ووافقت انها تعمل حاجة
معايا قبل الجواز يبقى انا ممكن اهون عليها بعد الجواز وحتى لو بيموت فيكي
لازم يشك ده شغل شيطان يا امورة انتي وهي


تالت حاجة لو سابك المحروس

هتكوني خاينة قدام نفسك في نظر اللى هيجي بعد منه لانه طبعا لما يسألك
اللى انتي كنتي مخطوباله كنتي بتعملي معاه ايه هتقوليله اصلا انا مكنتش
بطيقه من اول يوم ودايما كان لما يجي يقعد ربع ساعة يتخانق فيها معايا ومع
ماما لحد لما يمشي

اصل كان بخيل ......... وبعدين انا اسفة اني بقولك انه كانت ريحته وحشة

طبعا المسكين هيصدقك وهيعرف انك شمعة منورة لسه محدش طفاها وممكن يكون
حابب انه يهيص هو كمان وممكن يكون محترم ويحترمك ويحترم اهلك وميعملش حاجة

يبقى كده بقى نروح لرابع حاجة

لو العريس التاني المحترم سابك هو كمان ورجعلك الاولاني اللى هو مش محترم
... خديها مني ثقة عمره لو حلفتيله على الماية تجمد ما هيصدقك وهيكون
متاكد انك لما اتخاطبتي بعد منه بعتي نفسك مع التاني حتى لو كان التاني
مبيعرفش يتكلم


خامس حاجة يا قمرة انتي وهي
الراجل بيحب وبيحترم في مراته حيائها يفضل يعاملها على انها كانه لسه اول
مرة يشوفها طول ما هي بتتكسف منه وطول ما هي بريئة ولو هو واد لبط هيقدر
يعرف اللى بتمثل من اللى فعلا بتخاف ربنا

فانتي اللى بتقصري فترة سعادتك في حياتك بعد الجواز بتدمير حيائك قبل الجواز حطي تحت الموضوع ده الف سطر


سادس حاجة واهم حاجة وهي قبل كل حاجة

مفيش واحدة وهي مخطوبة مش بتدعي ان ربنا يتمم الخطوبة بالجواز وبالذات لو كانت بتحب خطيبها

طيب هل التأمين على الدعاء يكون بالمعصية والا يكون بالاستغفار والتوبة
والحياء والوقار والحشمة وتعلم الدين وحسن الخلق والبحث في كيفية معاملة
الزوج بعد الجواز


طيب الحل ...... لو واحدة كانت غلطت

انها تندم وتقلل مكالماتها ليه وتفهمه انها قلبها بياكلها على اللى عملته
في حق ربها وفي حق اهلها وفي حقه وفي حق اللى ممكن يجي بعد منه لو هو
سابها وفي حقه هو من كتر شكه فيها بعد كده

وتعرفه انها ندمانة بجد وانها حاسة بخنقة وضيقة وحاسة ان الدنيا ضاقت بيها بسبب معصيتها لربها وانها مش هينفع تعمل كده تاني

وانه لو كان عايزها ميقصرش عليها وميقعدش معاها غير مع اهلها لحد معاد الجواز


علشان لو في قلبه شك من ناحيتها يضيع وربنا يرضى عن الجوازة دي ويباركها ..... واهلها يكون ليهم قيمة عند عريسها


انا عارفة اني كنت شديدة شوية عليكم بس انا يا حبايب شايفة ان ده عمل لوجه الله لو انتشر بالشكل ده ممكن كلنا ناخد عليه حسنات كتير

وصدقوني 99% من الخطوبات اللى بتتفسخ بتكون بسبب المواضيع دي علشان الجو لما بيتعكر بالذنوب بتخرب كل حاجة

انشروها لعل ربنا يكتبها في ميزان حسناتكم


كاتب الموضوع : sarsora shabaan
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

لكل من تريد التجاوز مع خطيبها :: تعاليق

رد: لكل من تريد التجاوز مع خطيبها
مُساهمة في 14.12.11 15:23 من طرف Ranoshaa mohamed
حلوة اوي ياسارة الكلام تسلم ايدك
رد: لكل من تريد التجاوز مع خطيبها
مُساهمة في 14.12.11 18:41 من طرف sarsora shabaan
تسلمي
رد: لكل من تريد التجاوز مع خطيبها
مُساهمة في 23.04.13 8:54 من طرف فتاة الاحزان
تسلم ايديكى
رد: لكل من تريد التجاوز مع خطيبها
مُساهمة في 23.04.13 8:55 من طرف فتاة الاحزان
تسلم ايديكى
 

لكل من تريد التجاوز مع خطيبها

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الحياه الزوجيه والعاطفيه اسرار :: اسرارالحياه الزوجيه وفهم طبيعه الرجال-
انتقل الى: