منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 21 عُضو متصل حالياً :: 0 عضو مُسجل, 0 عُضو مُختفي و 21 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

حاجات بتموت فيها البنات

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

14122011

مُساهمة 

default حاجات بتموت فيها البنات






عزيزى الراجل دقيقة من فضلك..ومتعملش نفسك عارف كل حاجة..هقولك على شوية حاجات كل البنات بتموووت فيها حتى لو معترفتش بكده.





فيه فى الأتيكيت قسم خاص بفن الهدايا و سواء كنت خاطب او غيره لازم تبقا
عارف ايه اللى بيفرح البنت حتى لو قالتلك “انا الحاجات دى مبتفرقش معايا”
او “اصل انا مش مادية ومش عايزة حاجة غالية .. كفاية تجيبلى ورده” الورد
حلو وكل حاجة وهدية رومانسية بتفرح بس ده ميمنعش ان الحاجات الغالية بتفرح
جداااا



.. قال رسول الله صلى الله عليه وسلم : (تهادوا فإن الهدية تسل السخيمة) ,
(تهادوا تحابوا)…ده غير ان البعض بيفسر عدم فهمك للإتيكيت فى الهدايا انه
بخل او غشومية عشان كده لازم تاخد باك.





بالنسبة للناس اللى مقبلة على الخطوبة او المخطوبين: (ياريت فى كل نقطة
نعرف ونقدر ان كل واحد ليه ظروفه المادية اللى بتختلف عن غيره وانه ممكن
يعمل النقط دى على أد امكانياته بشكل شيك وبسيط وبرده مبيبقاش فوت حاجة)





أولا: هدية قراية الفاتحة ودى مهمة جدا لانها تعتبر اول حاجة يشوفوها منك
فبلاش يكون الانطباع الاول سئ وياسلام لو جبتلها حاجة دهب حتى لو كانت
بسيطة ممكن خاتم او اكتر على حسب امكانياتك وطبعا مش مستحب ان البنت من
أول قراية فاتحتها تلاقيك بتفاجئها بالدبلة لانها اولا قراية فاتحة ثانيا
لان الدبلة دى جزء من الشبكة فممكن تخاف انك بكده مش ناوى تجيب شبكة كويسة
.





ثانيا: مش عايزة انسى ان داخلة بيت العروسة فى الأول مهمة جدا ومهما كانت
الناس طيبة ومتواضعة بيستنوا يشوفوا انت هتجيب ايه اختبارا لزوقياتك
فبلييييز متخزلهمش..مستحب فى الموقف ده يتجاب شيكولاته نوع محترم تتحط فى
صنيه او طبق كريستال او لا على حسب امكانيات كل واحد .. او ممكن ترته من
عند حلاونى اسمه كويس.





ثالثا: موضوع المواسم بقا.. عندك شوية مواسم اساسية لازم متطنش فيهم وهما
(العيد الصغير و العيد الكبير وعيد الأم ومولد النبى و عيد ميلادها و
رمضان) فى المواسم دى بتتفاوت الهدايا من عدية لكحك وبيتيفور من عند
حلوانى كويس وياميش رمضان و حلاوة المولد وطبعا هدية عيد ميلادها وهدية
مامتها فى عيد الأم .. الاجمل من كل ده هو التفاهم اللى المفروض يكون
بينكم وانك ممكن تستشيرها فى هدية عيد الأم او فى اى هدية من اللى فاتت بس
على شرط تسيب حاجة تفاجئها بيها مش كل ورقك يبقا مكشوف.





رابعا: فى بنات بتزودها وبتبقا منتظرة هدايا فى الفالنتين ولحمة العيد
الكبير وهدية السنة الجديده “هابى نيوير فين بابا نويل بقا يا بيبى؟” و
هدية ناجحها فى الترم الاول والترم التانى وهدية لأخوها فى عيد ميلاده وكل
الهدايا دى مش منك انت بس منك انت وباباك ومامتك وكلام كتيركده دى بقا
الله يعينك عليها!!!





وصفة سحرية:

ممكن تعمل كل اللى فات ده كله بس متتحسش ومفرحش البنت وومكن تعمل اقل من
اللى انا كاتباه ده بكتيييير وتخليها طايرة من الفرحة .. والسر فى
الألبنده والحركات .

-من غير مناسبة تلاقيك جايبلها صحبة ورد صغننة مع كلمتين حلوين هتجننها.

-وأنت جايبلها ياميش رمضان مش لازم تجيب كل حاجة غالية وكتير بس فانوس معاهم بيهبلها ويفرحها.





-وانت جايب حلاوة المولد برده مش لازم تتغالى وتجيب كله غالى بس ممكن
تغلفهم او تحطهم فى بوكس شيك وشوية حاجات بتلمع ومعاهم عروسة مولد
وهتلاقيها بتموووت فيك وطايرة.

-راعى ان هدية عيد ميلادها تبقا حاجة شخصية ليها تفرح بيها زى

برفيم..ساعة..مجوهرات..لكن متلاقيش انك جايبلها طقم كوبايات سدأنى هتعرف ان ده رأى الست الوالده والهدية مش هتفرحها.





كل دى حاجات بسيطة بتيجى من السنة للسنة مرة واحده اعملها كويس وفرح
حبيبتك ومتديش فرصة لحد يحكم عليك بالغلط انك بخيل وياريت لكل أم او اخت
ليها اخ اكيد بتبقا فاهمة الكلام ده كويس تنصح اخوها او ابنها وبلاش فلوسه
تصعب عليها وتقوله “كفاااية ما كده كويس” لانها كلها حاجات بسيطة بس
مبتتنسيش وزى ما قلوت ممكن تتعمل ببساطة وعلى أد امكانياتك بس فنك وحركاتك
يبهروا ويفرحوا اكتر من حاجة غالية مفهاش مشاعر.


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

حاجات بتموت فيها البنات :: تعاليق

مُساهمة في 14.12.11 15:11 من طرف Ranoshaa mohamed

موضوع جمييييل واهم حاجة الهدايا

الرجوع الى أعلى الصفحة اذهب الى الأسفل

مُساهمة في 14.12.11 15:35 من طرف princess saso

موضوع راااااااااااااااااااااااااااااااااااااااااائع يا ساره بجد كل مواضيعك تجنن شكرا

الرجوع الى أعلى الصفحة اذهب الى الأسفل

مُساهمة في 14.12.11 18:38 من طرف sarsora shabaan

just4you كتب:موضوع جمييييل واهم حاجة الهدايا

طببببببببببببببببببببببببببببببببببعا ماتبقيش رنا لو ماقولتيش كده
ههههههههههههههههههههههههههههه طالعالي

الرجوع الى أعلى الصفحة اذهب الى الأسفل

مُساهمة في 14.12.11 18:40 من طرف sarsora shabaan

@princess saso كتب:موضوع راااااااااااااااااااااااااااااااااااااااااائع يا ساره بجد كل مواضيعك تجنن
ميرسيييييييييييييييييييييييييييييييي يا ساسو ربنا يخليكي

الرجوع الى أعلى الصفحة اذهب الى الأسفل

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى