مشكلتي مع خطيبي محتاجة بجد لخبيرة علاقات

صفحة 2 من اصل 3 الصفحة السابقة  1, 2, 3  الصفحة التالية

avatar
dodomatrix
اميره جديده
رقم عضويتك : 25732
عدد المساهمات : 67
الاوسمه :

مُساهمةdodomatrix

انا مخطوبة من 4 شهور بس عارفة خطيبي من اول السنة وحبينا بعض وبعدين اتخطبنا
اكيد كان عندنا مشاكل كتير قبل الخطوبة بس انا قولت الدنيا هتتظبط اكتر بعدها ...
اول مشكلة ليا معاه ان انا بنت تلقائية مش بعرف ازوق في الكلام وهو عصبي مش بيتحمل اي كلمة او اي غلطة حتى مش مقصودة هعطي مثال: يعني مثلا اقوله يا حبيبي المفروض او الطبيعي كذا مثلا يرد عليا ويقولي انا مفيش حاجة تتفرض عليا او انا مش طبيعي انا متخلف انا غريب الاطوار وحاجات كتيرة بنفس الطريقة.....دي حاجة
هو بيكره جوز اختي وبصراحة عنده حق هو جوز اختي اوفر حبتين بس انا مضطرة اتعامل معاه عشان اختي وبرضه حددت تعاملي معاه عشان ما يزعلش ....هحكي موقف : مرة كان عندي وجوز اختي اتصل على موبايلي الساعة 10 بالليل بيسأل على حاجة خليت مامتي ترد عليه وهو فعلا وقتها كان بيسأل على حاجة وما اتصلش على موبايل ماما عشان فاكرها نايمة....اللي حصل: خطيبي اتخانق معايا وخاصمني عشان الموقف ده وانا مليووون في المية مليش ذنب فيه.
كل المشاكل الصغيرة دي مش مهمة قدام مشكلتي الكبيرة وهي فعلا مشكلة كبيرة:
هو بيشتغل من 9-9 في الغردقة وبيروح البيت مرهق ونفسه يتكلم مع خطيبته بس الواقع مفيش كلام هي دي مشكلتي مش عارفة اتكلم في ايه هو عاوز كل يوم موضوع جديد وحاجة تفرحه وانا اصلا مفيش في حياتي جديد اللي بصحى فيه هو اللي بنام فيه، اقوله مثلا طيب اقترح حاجة نتكلم فيها يقوله انا بشتغل 12 ساعة وطالع عيني وعاوزاني كمان ادور على حاجة نتكلم فيها....بصراحة ما اعرفش اتكلم في ايه كنت الاول اجيب كلمة من الشرق على كلمة من الغرب عشان اعمل موضوع نتكلم فيه وتحصل كلمة تتقال تنرفزه ونبات زعلانين لدرجة ما عودتش بفكر في حاجة......لو قولت اخويا عمل وامي عملت يقولي وانا مالي بيهم عاوزه اتكلم في حاجة تخصنا.....لدرجة يوم قولتله هو ايه اللي يخصنا اتكلم فيه (احنا هنأجر شقة قبل الفرح بشهر وبيحوش عشان يشتري العزال قبل الفرح بشهر وبيزورني كل شهر ونص حسب اجازته)
هو بصراحة مل مني وهددني اكتر من مرة بإنه هيسيبني لو مش هتغير وانا بعشقه ومعنديش في حياتي غيره وهو عارف كده وقولتله الكلام ده كتير
بجد ما عودتش عارفة اعمل ايه ...حياتنا باردة جدا كل كلامنا ازيك اخبارك ايه اكلت والا لا شغلك عامل ايه وحشتني.............كل يوم نفس الكلام هو فعلا ليه حق يمل ومعاه عذره بس انا مش عارفة اعمل ايه.......وبقول هسيبها لربنا وبدعيله يجمعنا على خير


هي دي مشكلتي..
ياريت لو فيه اي حل

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
مشكلتي مع خطيبي محتاجة بجد لخبيرة علاقات :: تعاليق
avatar
دمعة غرام
اميره برونزيه
اميره برونزيه
رقم عضويتك : 25943
عدد المساهمات : 1966
الاوسمه :
العمل/الترفيه : طالبة

مُساهمة في 10.12.11 22:10 من طرف دمعة غرام

بصى غيرى ما نفسك ومن طريقة كلامك معاه اتصل بيه مرة وقوليله متكترش انى بتصل عشان اقولك وحشتنى ولا الكلام ده خالص كده مش لازم تقوليله بحبك بنفس الطريقة ابعتيله مسج قوليله بحبك ف وسط النهار كده احكيله ع نفسك قبل ماتعرفوا بعض ع موقف مضحك ع رايه ف مشكلة حصلت مع اصحابك وعايزة رايه اسال يه عن الالوان اللى بيحبها اساليه ع موضوع قراتيه مثلا ع المنتدى ورايه فيه اتكلمى بس خليه يشاركك ومتتكلميش جد ع طول ولا هزار ع طول يعنى اتكلمى الجد مش لدرجة التكشيروالافر والهزار مش لدرجة الاستهزاء معتقدش هو خلاص عرف كل حاحة عنك قبل ما تعرفيه ع نفسك وانتى صغيرة ايام المدرسة اقولك ساعات انا وحبيبى بنلعب لغبة حلوة اوى كل واحد يسال التانى سوال بنقتل الملل وحاجات كتير وكلام حلو بيطلع احساسه اول مرة شفته وكده وبالنسبة لمشكلة التلقائية قوليله انك عشان بتحبيه اوى بتقوليله كل حاجة جواك وهتحاولى تخدى بالك عشان متزعلهوش
avatar
دمعة غرام
اميره برونزيه
اميره برونزيه
رقم عضويتك : 25943
عدد المساهمات : 1966
الاوسمه :
العمل/الترفيه : طالبة

مُساهمة في 10.12.11 22:14 من طرف دمعة غرام

اقفلى معاه ف مرة واتصلى بعدها ع طول قوليله ع فكرة وحشتنى ومش عيب انك تسعديه ولا تفكرى ازاى يبقى راضى عنك وبالنسبة لجوز اخواتك انتى المفروض تكونى مبسوطه عشان بيغير عليك والغيرة احساس والاحساس مش بيتحسب بالعقل انه كان فعلا بيتصل عشان حاجة بس كان ممكن وقتها تقوليله انا بحب اشوفك كده ومبسوطة عشان حبيبى غيران عليا ممكن تلاقيه بيضحك والموقف اتظبط ربنا يوفقك ياروحى والدنيا تتظبط معاكى وطمنينى عليكى دايما
avatar
dodomatrix
اميره جديده
اميره جديده
رقم عضويتك : 25732
عدد المساهمات : 67
الاوسمه :

مُساهمة في 10.12.11 22:29 من طرف dodomatrix

متشكرة جدا على الرد
انا كمان نفسي اغير من حياتي لانها هي فعلا واقفة عليه بس الموضوع صعب لان حتى الخروج من البيت في الظروف اللي احنا فيه صعب بس هحاول ادور اكتر
انا كنت بشتغل قبل ما اعرفه انا خلصت هندسة اتصالات وهو كمان مهندس اتصالات بس شغلي مكانش مجزي يدوب بيكفي مصاريف الروحة والرجعة مش اكتر بس بالنسبة لاهلي مكانوش بيتكلمه عشان عارفين اني مش بحب القعاد في البيت بغير جو وبعرف ناس وبكتسب خبرات
بس هو مكانش حابب شغلي وعملنا مشاكل كتير لحد ما سبت الشغل عشان اقفل الباب ده لاني مكونتش بهتم بيه كفاية ودلوقتي لما اهتمامي اتركز عليه اتخنق مني وبيقولي يا ريتني ما قولتلك سيبيه...مرة بعد الشغل بفترة قولتله عاوزة اشتغل عشان لسه بدري على فرحنا زعل مني واتضايق....لان هو عارف اني لو اشتغلت مش هيفرق عندي اي حاجة في الدنيا وممكن اسيبه عشان فيه بديل وهي فعلا حقيقة الى حد كبير بالرغم من اني بحبه جدا
avatar
sweetmannga
اميره برونزيه
اميره برونزيه
رقم عضويتك : 5636
عدد المساهمات : 1291
الاوسمه :

مُساهمة في 10.12.11 23:55 من طرف sweetmannga

انا متهيائلي يادوللي الملل اللي بينكم دة حصل علشان هو حاسس بالملل اللي انت عايشة فية بس جربي كدا يوم تنزل من الصبح اعملي شوبنج متلا او روحي عند اي حد قضي اليوم وهتلاقي الكلام بقي كتير انزلي مع اصحابك فتحوا مواضيع وارجعي قوليلوا هلي اليوم كان عامل ازاي اتساهري في اي حاجة .انتي عارفة لما انا وخطيبي يحصل معانا كدا ومانلقيش حاجة نقولها بنلعب ههههههه زي برنامج انا والنجوم وهواك والكلام بيجيب بعضة وبيقلب بضحك وهزار اعملي اي حاجة علشان تشغلي يومك وساعتها هتلاقي كلام كتيييير تتساهروا فية وربنا معاكي
avatar
sarsora shabaan
مشرفه
مشرفه
رقم عضويتك : 16372
عدد المساهمات : 5172
الاوسمه :

مُساهمة في 11.12.11 9:01 من طرف sarsora shabaan

دوريليك علي حل يا بنتي
بس ابقي غششهولي
عشان عندي نفس المشكلة تمام
لدرجة اني مباقتش اكلمه

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى