منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 28 عُضو متصل حالياً :: 1 أعضاء, 0 عُضو مُختفي و 27 زائر :: 1 روبوت الفهرسة في محركات البحث

genaemad

شاطر
استعرض الموضوع السابقاستعرض الموضوع التالي
avatar
dodomatrix
اميره جديده
اميره جديده
رقم عضويتك : 25732
عدد المساهمات : 67
الاوسمه :
10122011
انا مخطوبة من 4 شهور بس عارفة خطيبي من اول السنة وحبينا بعض وبعدين اتخطبنا
اكيد كان عندنا مشاكل كتير قبل الخطوبة بس انا قولت الدنيا هتتظبط اكتر بعدها ...
اول مشكلة ليا معاه ان انا بنت تلقائية مش بعرف ازوق في الكلام وهو عصبي مش بيتحمل اي كلمة او اي غلطة حتى مش مقصودة هعطي مثال: يعني مثلا اقوله يا حبيبي المفروض او الطبيعي كذا مثلا يرد عليا ويقولي انا مفيش حاجة تتفرض عليا او انا مش طبيعي انا متخلف انا غريب الاطوار وحاجات كتيرة بنفس الطريقة.....دي حاجة
هو بيكره جوز اختي وبصراحة عنده حق هو جوز اختي اوفر حبتين بس انا مضطرة اتعامل معاه عشان اختي وبرضه حددت تعاملي معاه عشان ما يزعلش ....هحكي موقف : مرة كان عندي وجوز اختي اتصل على موبايلي الساعة 10 بالليل بيسأل على حاجة خليت مامتي ترد عليه وهو فعلا وقتها كان بيسأل على حاجة وما اتصلش على موبايل ماما عشان فاكرها نايمة....اللي حصل: خطيبي اتخانق معايا وخاصمني عشان الموقف ده وانا مليووون في المية مليش ذنب فيه.
كل المشاكل الصغيرة دي مش مهمة قدام مشكلتي الكبيرة وهي فعلا مشكلة كبيرة:
هو بيشتغل من 9-9 في الغردقة وبيروح البيت مرهق ونفسه يتكلم مع خطيبته بس الواقع مفيش كلام هي دي مشكلتي مش عارفة اتكلم في ايه هو عاوز كل يوم موضوع جديد وحاجة تفرحه وانا اصلا مفيش في حياتي جديد اللي بصحى فيه هو اللي بنام فيه، اقوله مثلا طيب اقترح حاجة نتكلم فيها يقوله انا بشتغل 12 ساعة وطالع عيني وعاوزاني كمان ادور على حاجة نتكلم فيها....بصراحة ما اعرفش اتكلم في ايه كنت الاول اجيب كلمة من الشرق على كلمة من الغرب عشان اعمل موضوع نتكلم فيه وتحصل كلمة تتقال تنرفزه ونبات زعلانين لدرجة ما عودتش بفكر في حاجة......لو قولت اخويا عمل وامي عملت يقولي وانا مالي بيهم عاوزه اتكلم في حاجة تخصنا.....لدرجة يوم قولتله هو ايه اللي يخصنا اتكلم فيه (احنا هنأجر شقة قبل الفرح بشهر وبيحوش عشان يشتري العزال قبل الفرح بشهر وبيزورني كل شهر ونص حسب اجازته)
هو بصراحة مل مني وهددني اكتر من مرة بإنه هيسيبني لو مش هتغير وانا بعشقه ومعنديش في حياتي غيره وهو عارف كده وقولتله الكلام ده كتير
بجد ما عودتش عارفة اعمل ايه ...حياتنا باردة جدا كل كلامنا ازيك اخبارك ايه اكلت والا لا شغلك عامل ايه وحشتني.............كل يوم نفس الكلام هو فعلا ليه حق يمل ومعاه عذره بس انا مش عارفة اعمل ايه.......وبقول هسيبها لربنا وبدعيله يجمعنا على خير


هي دي مشكلتي..
ياريت لو فيه اي حل
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
بصى ياحبيبة قلبى المشكلة بتاعتك دى حصلت معايا بس طبعا الحمد لله قدرت احلها وهقولك انا كنت بعمل ايه كنت دايما ابقى ساكتة ومبتكلمش واى راجل مبيحبش يتكلم كتير وخصوصا وقت الخطوبة بيبقى حابب انه يسمعك اكتر ميتكلم وانا عارفة ان مفيش جديد انك تحكيه لحد مهو مل منى وكان نفس كلام خطيبك انه بيهددنى انه يسبنى والكلام دا بس لما لقيت كدا غيرت فيا شوية بدات اتكلم عن نفسى انا بحب كذا وبعمل كذا واوقات وهو بيتكلم اقوله انا بحبك وبحبك كل يوم اكتر كدا يعنى وسعات كنت بتكلم عن بيتنا وهيبقى ازاى ونفسك اولادك يبقو ازاى وعن فراحكو اتكلمى عنه وانتى قد ايه فرحانة انك هتعيشى معاه فى بيت واحد وهيبقى ليكم حياه مستقرة ومحدش يدخل فيها قوليله انك بتبقى سعيدة ومبسوطة لما بيكلمك وانك بتستنى تلفونه كل يوم علشان تسمعى صوته وانه بيوحشك كل يوم عن الاول قولى اللى ييجى فى بالك ومتتكسفيش منه ولا تفضلى ساكتة هو طول اليوم تعبان ومحتاج حد يتكلم معاه ويخرج من هم الشغل واكيد مش هيلاقى غيرك يتكلم معاه انا عارفة ان مفيش جديد فى حياتك بس انتى خلى فى حياتك جديد خلى خطيبك دا اول حاجة اهتمى بيه شوية لانه هيبقى شريك حياتك وخليه يحبك اكتر ويحب الكلام معاكى قربى منه شوفى هو بيحب ايه واعمليه شوفى اللى يسعده ومتتكسفيش ولا تقولى لسة بدرى لما نبقى فى بيت واحد لالالالا اوعى تاجلى الكلام اللى يسعده لبعدين لان دا بيترك اثر وحش عنده قربى منه اكتر واتكلمى معاه فى اللى يخصك انتى وهو ولو فى وقت حسيتى انك نفسك تقولى حاجة ليه اكبعتهاله فى مسج وصدقينى هو لما يلاقيقى بداتى تتكلمى معاه فى كل وقت هيحبك اكتر ويقرب منك اكتر

ويااارب اكون قدرت اسعدك بحاجة وربنا يجمعكم على خير
avatar
لو قولتلك ما بعملش كده ابقى كدابة...ده انا من كتر ما بقوله بحبك عاد بيقولي ماشي وبطلب منه يقولهالي يقولي لما تبطلي تقوليها هتسمعيها...
واتكلمت كتير في حياتنا ومستقبلنا يقولي استني لوقتها ما تستعجليش وبيحس اني بضغط عليه لانه فعلا مضغوط بسبب ان هو اللي بيجهز نفسه واهله مش بيساعدوه في حاجة هما نظامهم كده وبصراحة فرحنا اتأجل بسبب الموضوع ده انه لسه ما خلصش عشان كده عدت بخاف اتكلم في اي حاجة بخصوص الدهاز والفرح........انا وهو اخدنا على بعض ومش بنتكسف من بعض كتير
بس الحاجة اللي انا عارفاها انه لما بيحب يتكلم بيتكلم في اي حاجة وكل حاجة وفي كل وقت ومشكلتي اني مستحيل اغير الموود اللي هو فيه
ربنا يهدينا لبعض
avatar
خلاص غيرى من كلمة بحبك قولى بمووت فيك مثلا او بعشقك اى كلمة ومدام انتو اخدتو على بعض ومبقتوش تتكسفو من بعض اتكلمى معاه فى اى حاجة ممكن تخطر على بالك ياحبيبتى اعتبريه زى صديقتك اللى مبتخبيش عنها حاجو احكيله اى حاجة نفسك تتكلمى معاه فيها اعتبريه صديقك وحبيبك اتعملى الفكاهة احكى موقف حصل معاكى مضحك الفى موقف من نفسك غيرى موده باى حاجة بس تخصك انتى اوثقى فى نفسك علشان هو يحس بحبك ليه اكتر جربى انك تخافى عليه اكتر جربى انك توحشيه لما يتكلم معاكى وتوحشيه لما يشوفك
avatar
بصي يا حبيبتى انا رايي انك لازم تمارسي اي هوايه كمان وتتعاملي اكتر مع العالم الخارجي ولازم تقري كتير في مجالات كتير اوي يعنى مش شرط في حياتكم بس لا خليه يشوف الدنيا بعينك يعنى لما يقولك مثلا ايه الاملكن الجديده تبقي عارفه لما يسالك علي اي موضوع تعرفي تحاوريه في اي مجال اقري علي اد ما تقري ولو ينفع تمارسي اي نشاط يخرجك ويخلي يوومك مختلف علشان هو كمان يبدا يسال عليكي ويتواصل ويهتم اكتر خليكي اعمق وتابعيه وشوفى اخبار شغله اتكلمى فى الجهاز هنجيبه مودرن ولا ستيل من باب تغيير المواضيع انا شفت علي النت كذا انا سمعت ككذا فاهمانى اخبار عامه وكل المجالات ولاززززززززم تشوفى اللي بيحبه تابعيه ضروري واقري فيه اكتر علشان تتكلمى معاه اقري في مجال شغله ده هيقربك من ه جداااااااااااااواحنا معاكي يا حبيبتى وحاول انزلك مواضيع عن الملل بين المخطوبين والمتجوزيين ازاي نغير من نفسنا
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى