وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ملف كامل نصائح هامه لتنظيم مطبخك لتشعري براحه اكبر بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
04122011
مُساهمةملف كامل نصائح هامه لتنظيم مطبخك لتشعري براحه اكبر بالصور


نصائح هامه لتشعري براحه اكبر في مطبخك
مجموعة نصائح تفيدك في المطبخ وتفتح نفسك للعمل عند دخولك له وتكوني اكثر راحة
لابد ان يترتب المطبخ بحسب ما تري ربة المنزل انه يسهل عملها اكثر ويقلص من حركتها , حيث يتم وضع ضرورياتكل منطقة علي مقربة منها

*- لا تستخدمي المطبخ لتخزين امور اخري لا علاقة لها بالمطبخ واحتياجاته.
*- احفظي الادوات الثقيلة في الدواليب السفلية والادوات الخفيفة في الدواليب العلوية.
ثم قومي بترتيب حاجيات المطبخ علي النحو التالي:-
1- التوابل والزيوت وملاعق التحريك و القدور وادوات حمل الاواني الساخنةتكون بالقرب من الموقد.
2- تخصيص المسافة بين الفرن والثلاجة لعمل المعجنات , بحيث تحتفظين فيها بصواني الخبز وادوات الخلط والدقيق والسكر و غيرها .
3- مواد التنظيف والمناشف والاسفنج تكون بالقرب من حوض الغسيل وكذلك غسالة الاطباق الكهربائية.
4- الاكواب والاطباق تكون قرب الثلاجة او في المسافة بين الثلاجة وحوض الغسيل.
5- ادوات السفرة وتقديم الطعام تبعد عن مراكز العمل داخل المطبخ , ويفضل جعلها قريبة من المائدة , ان كانت داخل المطبخ او بالقرب من الباب ان كانت المائدة بالخارج.


........ ديه بعض النصائح لكيفية ترتيب المطبخ.........


أنت في حاجة إلى أكثر من مجرد المواد الغذائية لإتمام عملية الطبخ , فأنت في حاجة للأواني و الأدوات إلى جانب الخلاط الكهربائي و مجهز الأطعمة و السكاكين و بعض الأوعية و الأدوات التي تستعمل نادراً.
في الواقع و لقلة استخدامك لبعض هذه الأشياء فإنك لا تتذكر في أي مكان من المطبخ تحتفظ بها و مما لاشك فيه أن قدرتك على التصور الشامل لمحتويات مطبخك و الأماكن المتواجد بها تجعل من عملية إعداد الوجبات أمراً بغاية السهولة و بعيداً عن المنغصات .




إرشادات و نصائح :
- معظم الخزائن الأرضية و المرتفعة ذات عمق ثابت (60 سم ) مما يجعل رؤية محتوياتها ليس سهلاً .

- حلول التخزين القابلة للسحب تتيح التحكم الكامل في طريقة التخزين في مطبخك .

- خزانة مؤونة تسهل عملية الوصول إلى الأغراض واستخدام أمثل للعمق و الارتفاع عند تخزين الأغذية .

- السلال السلكية السحابة تتيح لك رؤية شاملة للمحتويات و تحمل أثقالاً أكثر من سواها .

- التراكيب الداخلية في خزائن الأركان تسهل من عملية الوصول إلى أواني المطبخ وقت الحاجة إليها .

- الأدراج السفلية يمكن استغلالها لتحزين الصواني و الألعاب حيث أن هذه الأدراج تمثل مساحات غير مستغلة في الغالب .

- التجهيزات الداخلية في الأدراج مثل الفواصل و أنظمة حفظ البهارات تتيح لك الاستخدام الأمثل للأدراج , تأكد من بقاء المحتويات كل في مكانها المحدد و عدم ترك أي مساحة دون استخدام .







هيئ مساحة على سطح الكاونتر :
هل هي الحقيقة أنه دوماً لا يوجد مكاناً خالياً على الكاونتر ؟ هل آلة تحضير القهوة و لوح التقطيع و السكاكين و المقصات و فرشاة غسل الأطباق تتنافس مع الخضراوات و السمك و القشدة و البطاطس لإيجاد موقع لكل منها على سطح الكاونتر أثناء إعداد الطعام ؟
في مثل هذه الأحوال تصبح عملية الطهي مملة و في غاية الصعوبة مما لا شك فيه أنه ما من أحد يرغب في ترتيب سطح الكاونتر عندما يحين الوقت لبدء عملية الطهي .

إرشادات و نصائح :
- نظام التعليق المثبت على الحائط بين الخزائن العلوية و سطح الكاونتر يتيح استخداماً أمثل للفراغ الغير مستغل أساسا و يسهل الوصول إلى أدوات المطبخ التي يكثر استخدامها . و هذا بدوره يحول دون اكتظاظ سطح الكاونتر و الإبقاء عليه مرتباً و نظيفاً .

- فكر في الاستفادة من الأنظمة التي تساعدك على التغلب على العديد من المشاكل مثل : حامل كتاب الطبخ , رف التوابل , حامل السكاكين, مجفف الأطباق .....و غيرها من الأنظمة .


نصائح مجربة لتنظيف المطبخ



المطبخ لتنظيف سيراميك [/font][/color] المطبخ 6A]اليكى الافكار الاتية
1ممكن تضعى كلور فى بخاخ وترشى السيراميك وتتنظرى فترة وبعد كدة تمسحية بفوطة وتكونى لابسة جوانتى
2 فكرة تانية ممكن بماء وصابون سايل وبعد كدة تنشفى بفوطة مبلولة بالخل علشان يلمع
3لويعنى المطبخ بقالو فترة ممكن تدعكية بالسلك وشوية مية وكلوروبعدين تنشفى برضو بفوطة وشوية خل اوديتول[/font][/color]
4لوبين السيراميك مسود شوية ممكن بفرشاة اسنان مغموسة فى الخل ودة (مجربة )وتدعكى اوكلور
5لو السيراميك حالتة سيى ممكن تستخدمى الجاز تبللى قماشة او سلك وتدعكى او بيرسول لكن احترسى احترسى لان الاشياء دة بتساعد على الاشتعال خلى بالك متكونش كتير يعنى يادوب تبلى السلك او القماش مش تغرقى الدنيا
لتظيف الشفاط اليكى الطرق الاتية
1ممكن تفكى الشفاط وتنقعية مدة فى مية دافية وصابون وبعد كدة تدعكية بالسلك
2انا بنضفة بالجاز بلبس كيس بلاتك وباخد شوية جاز على سلكة اوقماشة قطن وادعك بتشيل كل الدهون بسهولةو بعد كدة اغسلة بالمية والصابون
3فى ناس بترش علية شوية بيرسول اومبيد وتمسحة منة نظافة ومنة حماية من الحشرات
4ناس تانية بتنضفة بالتنر
انا بنضف كمان الهيكل المعدنى بعد ماافك المساميربالجاز ولاماكن الضيقة بفرشاة مغموسة بالجاز
5فكرة تانية انك تنضفة بمية وكلور وصابون وتدعكى بالسلك
لحماية المطبخ عامة من الدهون التى تتراكم علية
1ممكن تغلفى مواسير الغاز فى المطبخ بالفويل لسهولة تنظفها وحماتتها من انها تزيت وتتراكم عليها الهون والاتربة والزيوت
2ممكن تضعى فوق دواليب المطبخ ورفق الجرايد لحمايتها من الاتربة والزيوت
3ممكن لو ورق الجرايد مش مناسب ليكى تغليفها بالكنج فلم (بلاستك فل ) السندوتشات
4ممكن برضو تغطية بالفويل ولو ان الفكرة دة مكلفة شوية بس هتوفر عليكى تنظيف ومجهود وممكن وانت بتنضفى تمسحية مش تغيرة كل شوية ودة الهدف منة حماية خشب المطبخ
5لوعندك المطبخ متقفل تحت الحوض لازم تهتمى انك تنشفية اول ما يجى علية مية لان دة هيحمى الخشب من التشقق
6كمان لازم ترشى تحت الحوض باى مبيد لانة بيكونمكان رطب وعرضة للحشرات7لغسل وتنظيف خشب المطبخ فى نوعيات خشب مغسول او دهان مغسول يعنى المية مش بتاثر فية تغسلية بليفة ومية واى منظف ساءل وتنشفية
8ولو المطبخ الموتال مفيش مشكلة برضو من المية تغسلى وتنشفى ولتنظيف مجرى الالموتال ببالفرشاة الصغيرة وتنشفى كويس
9لومطبخك اوستر لا تستخدمى المية والصابون فى تنظيفة لان دة هياثر على الخشب لازم تهتمى اول ماحاجة تتوسخ تمسحية بفوطة مبلولة بسيط ومتدعكيش لان الدعك هيطلع الدهان ممكن تستخدمى البليدج اوفى مناديل منظفى للاثاث

لتنظيف الثلاجة اليكى اللافكار التالية

1لاتضعى فى الثلاجة طعام بدون غطاء لانة هيتتسب فى رايحة للثلاجة اوانة هيكتسب رايحة من طعام اخر
2لو فى الثلاجة رايحة ممكن تضعى لشوية لبن مكشوف سيمتص اليحة اوخل ابيض اوقطعة فحم
3اى اكل فاسد تخلى منة فورا ولو عندك باقى اكل ولو كمية بسيطة وعايزة تحتفظى بيها ضعيها فى الفريزر فى علبة
4لغسيل الثلاجة بالماء والصابون وتنشفى بفوطة جافة
5ممكن كمان تمسحى بماء وخل للتخلص من الروايح الغير مستحبة
6لا تضعى فى الفريزر على الرف السلك اكياس بها طعام اوخضار لانها لما تتلج هتاخد شكل السلك وتنزل بينة وبيكون صع اخرجها ضعيها اولا على صنية اوطبق فويل بعد ماتتلج ضعيها على الرف لسهولة اخرجها
7اى شى انت متبلة وهتضعية فى الفريزر ضعى بينة اكياس نيلون علشان ميلتصقش ببعضة
لتنظيف الفريز افصلى الثلاجة 15 دقيقة واخرخى كل الاطعمة اللى فية وامسحية باحدى الطرق السابقة
8خلى بالك من انك تضعى بصل اوتومفى كيس وفى الفريزرلان الريحة هتتنتشر (عملت كدة وكان الفريزر كلة رحتة بصل فظيييييع)ضعيها فى برطمان اوعلبة جيدة الغلق ومربوطة بكيس
9لو لاقيتى الفريزر رحتة مش كويسى عليكى بالخل
10لانتسى انك تنظفى الثلاجة من الخارج بفوطة ومية وصابون وتنشفى كويس
11 لتظيف اماكن وضع البيض والزجاجات بالمية والصابون للكن لا تضعى البيض والمكان رطب حتى لا يلتصق
بكدة نكون نظفنا الثلاجة

نبتدى ونكمل المطبخ درف المطبخ والادراج
1خرجى كل الاوانى والححلل وامسحى الدرف وافرواستنى لما تهوى وافرى مفرش بلاستك انا بستخدم بلاستك تقيل هو فى الاول بيكون مكلف لكن بعد كدة بيوفر وتغسلية وتنشرة وفرشية تانى بالاضافة انة مش هيتحرك من تحت الاوانى
2درفة التوابل والخزين فضى الدرفة وخرجى كل العلب والبرطمانت وتخلصى من اى حاجة صلاحيتها انتهت
3فضى البرطمانت وضعى التوابل واخزين فى اطباق واغسلى البرطمانت والعلب بالمية الصابون وسبيها تجف فى الهواء ورجعى كل حاجة مكانها
4الادراج اللى ملينة كراكيب تخلصى منها فورا
5ونضفى الادراج وافرشى مشمع بلاستك وضعى الاشياء نظيفة
6فى فى الادراج حاجات بتكون دقيقة ازى المسامير الدبابيس حطيهم فى علب زى علب الكريم اوعلب الحلاوة او الجبنة
7الاشياء اللى بعمل فوضى فى الدراج زى مثلا مقص اوقطاعة او الفتاحة اومقواير ممكن تضعيها فى طبق بلاستك اوكرتونة علشان الدرج ميبقاش فوضى والحاجة تجرى يمين وشمال
8فى ستات كتير بتحب تحتفظ بالعلب والبرطمنات الفضية هى صحيح بتنفع بس بتعمل فوضى لحل الفوضى ديى ممكن تدخل العلب جوة بعضها والبرطمانت تضعيها فى كرتونة داخل الدرفة او علبة تورتة ايس كريم انا عملت كدة علشان البرطمانت متتكسرش وتلمى زجاج
9الاطباق والحلل كلة يدخل فى بعض ويترتب علشان ما يخد مكان

حاجات تسهل عليكى الشغل فى المطبخ
1ضعى ساعة اومنبة صغير فى مطبخك علشان الوقت مياخدكيش ويضيع عليكى مثلا ميعاد الصلاة او ميعاد وصول زوجك
2ضعى صابونة فى المطبخ لغسل ايدك بدل ما تروحى وتيجى كل شوية للحمام
3لاتنسى ان تضعى على الثلاجة ورقة بالاذكار وتقوليها وانت بتشتغلى لاستفادة من الوقت وتاخدى ثواب
4ضعى كل الادوات والمنظفات عندك فى المطبخ واذا كنت مش عايز تشترى الحاجة مرتين للحمام والمطبخ ممكن تقسمى الصابون مثلا او الكلور زجاجتين واحدة فى المطبخ واحدة فى الحمام
5ضعى ورقة وقلم فى المطبخ لتكتبى كل ما ينقصك بسهولة اى حاجة انت محتاجها دونيها على طول علشان متنسيش
لتنظيف باسكت الزبالة اليكم الطرق الاتية
1اغسلى الباسكت بالمية والصابون واتركية يجف وضعى كيس مناسب فية
2ممكن تضعى كسين داخل بعض علشان ميسربش لو فى اى حاجة فيها مية
3ممكن كمان تضعى كرتون المسحوق الفاضى اوكرتون اوكرتونة البيض او ورق جرايد
4للحفاظ على الباسكت من غزو الحشرات ممكن رشة مبيد او رشة ديتول
5فكرة وهى فرز المخلفات قبل رميها يعنى لو اكل فى كيس صغير لوحدة لو كرنونة فى كيس لوحدها صغير وبعدين فى الباسكت الكبير لان ممكن حد يستفيد بيها
6نيجى للزجاج المكسور وسنون الحقن انا عن نفسى بلف الزجاج المكسور بورق جرايد وفى كيس بلاستك علشان عمال الفرز متسسبش ليهم فى الى مشكلة سنون الحقن فى غطاها البلاستك وتتلف بورق وكيس علشان متنقليش العدوى لحد فلا ضرر ولا ضرار كما قال الرسول صللى الله عليه وسلم او انكك ترميها فى التوليت
7ديما غطى باسكت الزبالة وممكن تضعى ورق جرايد بعد ماترمى اى حاجةفية
8لا تتركى اى بواقى اطعمة فى الباسكت ديما تخلصى منها بالليل حتى لا تكون سب فى وجود الحشرات
لتنظيف فوط المطبخ اليكى احدى الطرق الاتية
1استخدمى لكل ى فوطة خاصة فوط التنشيف الفوط اماصة مفيدة جدا فى الموضوع دة وفوطة ليكى ولازم تكون قطن والمساكات كمان لازم تكون قطن علشان متنقلش الحرارة ليكى لو الياف صناعية
2اغسلى الفوط بعد الاستخدام وانقعيها فى مية وصابون وبعد كدة ضعيها فى الغسالة
3ممكن تجمعى الفوط وتغسليها مع بعض وتحطى المنعم لتكون رحتها جميلة
4ممكن تغليها فى مية وصابون وشوية كلور الوان اوديتول وبعد كدة تشطفيها بالمية وتضعيها فى كيس الشربات وعلشان ما تختاطش بالغسيل وتغسليها فى الغسالة عادى
5لاتتركى اى فوطةمبلولة حتى وان كنت مش هتغسليها بسرعة علشان (متعفنش)اتركيها فى الهواء لتجف وبعدين ضعيها فى سبت الغسيل
6ممكن تعملى سبت اوطبق مخصص لجمع فوط المطبخ علشان م تختطلتش بالغسيل
7يمكنك استخدام الملابس القطنية القديمة بعد قصها الى قطع فى مسح الاشياء المتسخة زى الشفاط والبوتجاز وبعد كدة ترميها علشان فوط المطبخ متتبقعش وتتسخ بزيادة وتحافظى عليها وقت طويل



من خبراتى فى المطبخ
1لاتضعى الليمون على رخام المطبخ 6A]مباشرة لانى هييتسسب فى بقع بيضا على الرخامة كمان البرتقال والخل اى شى حمضى
2طبعا احنا بنقضى ساعات طويلة فى المطبخ مفيش مانع انك تزينى font]
l]المطبخ علشان يفتح نفسك حتى ولو كان صغيرة بفازة او اكسسوارات للمطبخ زى شوكة او فواكة (موجودة فى ا2 ونص)
[/color]
3لو عندك معالق كتير شليها فورا وضعى فى الصفاية على قدكم
ممكن تستخدمى كولمن للماء البارد بدل الفتح والقفل فى التلاجة وملى الزجاجات
6حاجة عايزة اقول لكم عليها ممكن ساعات المية تقطع فجاة ويكون حد فى الحمام او عايزة تعملى حاجة ضرورى لازم تحتفظى بجركن ماء وخصوصا لو عندك اطفال
لو تلاجتك فى المطبخ غطيها من فوق بمشمع اوفويل او حتى ورق جرايد علشان متزيتش ويصعب تنظفها
7من الحاجات اللى بتعمل فوضى فى المطبخ الاكياس البلاستك اى كيس غير نضيف تخلصى منة فورا لانة وجودة بيساعد على وجودة الحشرات
8لوفى اكياس نظيفة مفيش مانع تحتفظى بيها بعد مطبقيها كويس وتشليها فى كيس كبير اوعلبة اودرج
9 انا بحتفظ باطباق الفويل بتكون فيها الجبن لو نظيفة (يعنى ميكنش فيها لحوم وفيها دم)اطباق الجبن الحلاوة اغسلها وانفها واضعها فى داخل بعضها وكيس بلاستك علشان متعملش فوضى واستخدمها لما اتبل لحوم او بانية او كفتة
فى بعض الاشيا ءزى البقسماط او الردة او الفريك بتسوس لو اتخزنت حتى وان كان وقت قصير بضعها فى برطمان واحفظها فى الثلاجة
وفاصل ونواصل بعد شوية

نيجى لحاجة فى المطبخ خاصة بيكى انت مريلة المطبخ لازم المريلة طبعا علشان تحمى هدومك بنصحك انك تشترى مريلة شيك وجميلة لانك بتقضى بيها وقت طويل وممكن زوجك يشوفك بيها لا مش ممكن دة اكيد فلازم تكونى جذابة حتى فى مريلة المطبخ
1لازم لازم المريلة تتغسل كل ماتتوسخ وتكون رحتها حلوة
2خلى عندك اكتر من مريلة علشان لو غسلتيها اوجالك ضيف وحب يساعدك او زوجك (فى الاحلام طبعا)محدش يتتحجج ان هدومة هتتوسخ لو اشتغل معاكى
3احترسى فى مرايل بتتباع فى 2 ونص ملونة دة بتبهت على الهدوم وكمان بوظت عندى المطبخ [/url]لما سندت وانا بغسل الاطباق والمطبخ عندى لونة فاتح خلى بالك
4لا تستخدمى مريلة وشها بلاستك وانت واقفة امام النار لانها بتنفل الحرارة
5ممكن تغسلى المريلة على ايدك بماء وصابون او تضعيها فى الغسالة بعد ما تطبقيها وتضعيها فى كيس الشربات برضو علشان متختلطش بالغسيل

تنظيف الادوات الكهرباءة اللى فى المطبخ
اهم الادوات الكهرباية فى المطبخ هو الخلاط ولتنظيف الخلاط اليك الاتى

1غسل شفشق الخلاط بعد كل استحدام بالماء والصابون
2ممكن وضع ماء وصابون ونشغل الخلاط بعد ذلك هنلاحظ ان تنظيفة اصبح اسهل
3خصصى مطحنة للتوابل ومطحنة للمكسرات علشان رايحة التوابل ماتتنتقلش للمكسرات
4 لنظيف الجزء الخاص بالماتور بفوطة مبلولة بميى وصابون وامسحية مش تغسليى بالماء حتى لا يحترق الماتور
5لتنظيف بين الازرار بفرشاة اسنان مغموسة بماء وصابون اوكلور
6لتنظيف اى اداة امسحى جزء الماتور بفوطة مبلولة بالماء والصابون واى جزء ممكن يتغسل اغسلية بالماء الجارى وانشفة زى مثلا عصارة البرتقال محضرة الطعام وووو


نيجى لاكتر حاجة مزعجة فى المطبخ وهىالبوتجازولتنظيف البوتجاز اتبعى الاتى
1نظقى البوتجاز اول باول لا تتنتظرى لبعد انتهاء اليوم لان فى حاجات لو سقطت علية هتسودو وتعمل ريحة مش كويسة زى اللبن والشربة
2ممكن تنظفى بالليف والسلك والصابون
3لو محتاج تنظيف شوية يبقى بشوية كلور وسلك بس خلى بالك لان فى بوتجازات ضاجها بيقشر من السلك
4فى منظف بوتجازات اسمة سيف انا مجربتوش بس سمعت انة كويس
5لتنظيف مفاتيح البوتجاز ممكن خلعها ونقعها فى ماء وصابون وغسلها بعد ذلك او تنظفها بدون خلعها بفرشاة اسنن مغموسة فى ماء وصابون
لنظيف عيون البوتجاز اتبعى الطرق الاتية
1ممكن نقعها فى ماء وصابون وكلور وبعد ذلك تدعكها بالسلك
2ممكن تغليها مع عصير ليمونة وبعد ذلك تدعكيها
3ممكن كمان بعض الخل يودى الغرض
4اغسلية وجفييها جيدا وامسحى الشعلات
وركبيها تانى
لتنظيف الفرن عليكى الاتى

1امسحى الفرن لو فيها دهون بقطعة قماش وهى ساخنة لان ذلك سيكون سهل
2ممكن تسكبى بعض الخل فيها
3قرات فى مجلة ان ورق الجرايد يجعل الفرن لامعةاذا مسحتى بية بس لم اجربة
4جوانب البوتجاز ممكن تدعكيها بالليف الخشن او السلك ونتنشفى بعد ذلك بفوطة ناشفة

اهتمى بصحة اسرتك من داخل المطبخ [/url]بعض النصايح لصحة الاسرة
1استخدمى ليفة للاكواب وليفة للاطباق
2استخدمى قطاعة للخضروات وقظاعة للحوم حتى واغسلى قطاعة اللحوم بالكلور او الخل لقتل السلامونيلا الموجودة فى اللحوم والدواجن الى الخضروات
3استخدمى سكين لتقطيع الخضروات والبصل واخرى للفواكة
4امسحى رخام المطبخ برشةمية وديتول او خل او كلور اى حاجة مع الية لتعقيمها

5لاتتركى اى طعام بدون غطاء

لتنظيف اوانى المطبخ اولا الاكواب والمجات

1انقعها بماء وصابون وشوية كلور وبعد كدة اد عكيها بفرشاة الاسنان
2لتظيف الاطباق البلاستك نفس الفكرةالنقع والدعك
3لتنظيف الطاسات التيفال عندى فكرة( بس مجربتهاش يعنى محدش يعملها ويقول انا السبب لو حاجة باظت مليش دعوة ) للطاسة من برة بكرر تانى من برة ممكن تستخدمى منظف الافران والبوتجازات بس جربى فى جزء بسيييييييييط الاول انا بنبة عليكم اهو انا سمعتها وقلت اقولها لكم
4يفضل عدم استخدام العلب البلاستك لحفظ الطعام مثل الخضار لانى بيغير لونها استخدمة زجاجاو صاج لسهولة التنظيف
5لاعادة بريق المعالق انقعيها فى ماء وصابون وبعد كدة لو فيها حفر استخدمى الفرشاة الصغيرة


لوضع اللمسات الاخيرة
1لازم الحوض يدعك بالسلك والصابون وممكن شوية ديتول او كلور لقتل الميكروبات
2تخلصى من اى مشوة اومكسور فى المطبخ لانة ممكن يخرح ايدك مثلا طبق مكسور فى جزء صغيراوكوب ارمية على الفور اواتخدمية فى ضع فرش السنان بعد تزينة لكن لا تاكلى اوتشربى فية
3ممكن تزينى كرتونة المسحوق وتضعى فيها بعض الاشياء مثلا الجرايد او رول الفويل
4شبشب البيت يكون غيرشبشب المطبخ لان ساعات :المطبخ مش بيكون نظيف والشبشب يتوسخ(سورى)وتخرجى بية تلاقى السجاد اتسخ

5من وقت للتانى حاولى تجددى فى : المطبخ [يعنى مثلا اشترى فوط جديدة او اشياء توضع على الثلاجة ولو انت من هواة الاشغال اليدوية ممكن تعملى دة بنفسك ولو حاجات بسيطة هتغير وتجدد من شكلة ومن نفسيتك[/color]
مجمع ومنقول
كاتب الموضوع : كليوباترا
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ملف كامل نصائح هامه لتنظيم مطبخك لتشعري براحه اكبر بالصور :: تعاليق

jazaki allah kolla khayr habibati ... raw3a!
جزاكى الله خيرا
 

ملف كامل نصائح هامه لتنظيم مطبخك لتشعري براحه اكبر بالصور

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: الديكور والاثاث Decoration and Furnishing :: تدبير منزلى |تنظيم-تنظيف المنزل-تجارب -حلول-
انتقل الى: