وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 طريقه سهله وروعه ومضمونه لعمل البيتزا مجربة و على ضمانتي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
03122011
مُساهمةطريقه سهله وروعه ومضمونه لعمل البيتزا مجربة و على ضمانتي


يا بنات الموضوع ده منقوول بس انا شخصيا جرببتها و عجبت كل النااس و خصوصا خطيبي اللي خد فيا مقلب و فاكرني بعرف اطبخ بقى و كده
Very Happy
المهم الطريقه اهى


النهارده جيبالكم طريقه سهله وروعه ومضمونه لعمل البيتزا

والطعم ولا اروع
بابا جونز ولا بيتزا هت


اولا العجينه
حضرتك هاتروحي للفرن بتاع العيش الفينو اللي عندك فى الحته وتقوليلوا عاوزه كيلو عجين فينو
تمنه هايتراوح بين 6 - 10 جنيه حسب المنطقه اللي ساكنه فيها
والكيلو بيعمل من 3 - 4 وحدات من الحجم دا (اللارج) حسب سمك البيتزايا
وبكده حلينا اول نقطه فى المشكله بتاعت جوده البيتزا لان العجينه بتكون رائعه فى النتيجه النهائيه زي الجاهزه تمام

الصلصه
دي مقادير الصلصه اللي بندهن بيها وش البيتزا وهي راااائعه الطعم
3 حبة طماطم مضروبه بالخلاط
راس توم مدقوق
ربع كوب زيت زيتون
معلقتين معجون صلصه طماطم
ربع كوب كاتشب
3 معالق خل ابيض
معلقه كبيره سكر
ملح وفلفل
زعتر
ريحان

الطريقه
حطي زيت الزيتون فى الحله ويادوبك يدفى ومايسخنش اوي تضيفي التوم وقبل ما يصفر تضيفي معجون الطماطم وتقلبي وبعدين تضيفي باقي المكونات وتقلبي كويس وتسيبيها تتسبك شويه على النار وبعدين تقفلي

الحشو
اي شيء عندك تفضليه مع كميه وفيره من الموتزاريلا
انا استخدمت فى واحده
سلامي من حلواني (الربع كيلو بيعمل حوالي 5 - 7 بيتزات وتمنه زي اللانشون تقريبا او اعلى حاجه بسيطه)
زيتون اسود مخلي
فلفل اخضر حلقات
جبنه موتزاريلا

وفى التانيه
جمبري صغير (ربع كيلو من الحجم الصغير فى حدود 10 جنيه)
ماشروم
زيتون اسود
فلفل اخضر حلقات
جبنه موتزاريلا

الطريقه
قسمي العجين الى 3 او 4 اجزاء او حسب حجم البيتزا اللي بتفضليه
ادهني رخام المطبخ بزيت الزيتون (قليل) وافردي العجينه بسمك رفيع لانها بتنفش وبتتخمر
حطي العجينه المفروده فى صينيه البيتزا وادهني وشها بكميه وفيره من الصلصه اللي حضرناها
ضيفي كمان كميه مناسبه من الجبنه الموتزاريلا
وبعدين ضيفي الاضافات اللي بتفضليها
واخيرا غطي الوش بكميه كويسه من الجبنه الموتزايلا
فى الاثناء دي بيكون الفرن متولع على 200 درجه
بتدخلي الصينيه الفرن فى الرف المتوسط لمده من 5 - 7 دقايق وبعدين تفتحي الشوايه دقيقه ل 2 عشان تحمر والجبنه تسيح تماما
وبالهنا والشفا



طيب ندخل على السلطات
انا عملت نوعين انا بحبهم
الفاصوليا الخضرا
الروز ايلاند

الفاصوليا الخضرا
بتتحضر قبلها بساعه على الاقل ولو 4 ساعات يكون افضل
المكونات
ربع كيلو فاصوليا خضرا
بصله متوسطه
3 معالق كبار سكر
ملح وفلفل
ربع كوب خل
ليمونه

الطريقه
قطعي البصل جوانح
صبي عليه ماء مغلي وسيبيه نص دقيقه وبعدين صفيه
ضيفي ملح وفلفل ومعلقه سكر ومعلقتين خل وقلبي وسيبيه فى التلاجه
قطعي الفاصوليا الخضرا الواحده ل 3 اجزاء
ضفيهم للماء المغلي على النار لمده من 2 - 3 دقيقه حسب ماتفضلي سواها (انا بفضلها مقرمشه)
شيليها من الميه المغليه على الميه الساقعه على طول وبرديها
صفيها وضيفيلها معلقتين كبار سكر - 5 معالق خل - ملح وفلفل - عصير ليمونه وقلبيهم كويس وحطيهم فى التلاجه
وقت التقديم (بعد ساعه على الاقل) قلبيهم على بعض وطعمهم وااااااااااو

الروز ايلاند
ولا اسهل
معلقتين كاتشب
معلقتين مايونيز
اخلطيهم
وخلاص
رائعه مع البيتزا وسلطه الفاصوليا
جربوا وادعولي
ولو ماجربتوش برضه ادعولي


منقوووووووول
كاتب الموضوع : MoooLeee
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقه سهله وروعه ومضمونه لعمل البيتزا مجربة و على ضمانتي :: تعاليق

تسلم ايدك ياقمر اجربه انشالله جعانه ممممم انا مدمنة بيتزا
بارك الله فيكي
 

طريقه سهله وروعه ومضمونه لعمل البيتزا مجربة و على ضمانتي

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: طبخات واكلات من كل بلاد العالم :: قسم الطبخ :: المعجنات والبيتزا والساندوتشات-
انتقل الى: